Ateen 社企素食 (已結業)

這陣子吃了太多肉，想來一餐清淡的，就去了香工這間素食餐廳。外面吃素的，通常下很多油，也有很多炸物。以香口的味道來彌補對肉的渴望。但這間就不會特別油膩，所以當我想吃素的時候就會來這兒。餐廳形式似飯堂，在cashier點好餸菜就拿盤子到姐姐面前取。是次點了素鵝，全齋菜，另加炸雲吞。例湯照樣滿是薑味，減輕菜湯的寒涼。菜不油膩，正合我欲清淡之意。炸雲呑是貪香口另點的，餡料份量適中，香口得來不覺熱氣。飯後可到餐飲處自己倒茶或檸檬水。食完都覺得自己健康左😆…查看更多

今晚與家人一起慶祝生日🎂初次來到這家私房菜，上第一道菜時已按捺不住要相機食先！香甜芒果，恰到好處牛油果🥑再加上其他配料和芝麻醬的沙律，成功奪去味蕾和視覺上的享受素雞？不不不！是素乳豬，口感還原像真度高，心機貨😋接著不介紹太多，去相🙃😉😊大滿足最後以兩道甜點作結，完美地享受舌尖和味蕾上的躍動！之後不單會再介紹更多朋友來，更希望結伴更多的前來享受更多的美味佳餚😘再補充一點，這裡的服務態度非常好👍🏼…查看更多

今日同d同事去食lunch你食嘅時候呢, 你買完飛之後呢跟住每個餐都係$40嘅啫, 最多你可以加多一個一碟蘿蔔糕，或者芋頭糕，都係$10嘅啫，咁嗰個餐裏面呢，就有五款齋餸嘅，咁你可以揀兩款咁，佢本身另外有啲菜俾你㗎啦已經，有加埋菜嘅兩碗湯有齋湯另外，你可以選擇紅米飯亦都可以選擇炒米，咁佢嗰啲齋係超好味，啲米粉呢，就好爽口，啲飯的紅米飯呢就啱啱好，佢任你想要幾多，你可以要少啲，要多啲都冇問題咁你揀齋湯呢，就有排排毒嗰啲牛蒡同埋啲紅腰豆湯，好足料食完之後呢佢就要你自己擺返好啲餐具，整體真係非常好👍…查看更多

午餐諗唔到食咩好，老頂話不如去食下素清清腸胃，咁一於一大班人去清下咁。呢間素食餐廳係工廈上面，去到地下轉兩轉入電梯，上到2樓就出得，右轉行到盡左手邊就係間餐廳。入到內籠似佢個名，的確係canteen嘅擺款，上面有得叫素食，單拼35，雙拼40，算係大學can既中價食品咁。餐單係寫係收銀塊板上面，所以每日餐單都係跟當日食材。見佢個度有米粉，呢日唔係幾想食飯，就叫左40蚊既米粉連炸素吉列豬扒，姐姐人好，仲額外加XO醬添，米粉OK，唔會太油膩，配上素菜菇片，食落唔會寡口，味道唔錯。配上素扒，素扒入面嘅肉應該係豆製品，食落好似真肉嘅口感，但唔似真肉嘅肉味咁重，相對淡淡豆味，內裡仲配搭冬菇，素扒食落係肉餅既口味，外層炸得香口，認真好味！個餐會跟時菜，時菜係小唐菜，煮得唔錯，火候恰度好處，咬落唔會太淋而爛開，但又唔係未熟嘅菜。湯是跟餐嘅，呢日係紅菜頭湯，紅菜頭味道類似蘿蔔，湯有草青嘅香甜味，（唔係話佢洗唔乾淨！）唔膩口，飲落可以清左素扒嘅油膩。餐廳內可以自行添飲苦丁茶周檸檬水，檸檬水好受歡迎，所以去添嘅時候冇哂，試下苦丁茶。苦丁茶認真，真係苦，要修下仙嘅啱飲。另外推薦餐廳嘅蘿蔔糕，炸得香口唔黐牙，咬落可以feel到蘿蔔絲，一個字，正！素食嚟講呢間真係幾得！…查看更多

今天來到Ateen吃午餐。到Revol Yoga & Functional上課前，先來到這裡看看是否有營業。所以，玻璃門上掛著「休息」的告示牌。看到有人在餐廳內準備食物。可以下課後來這裡用餐了。今天選擇這裡的原因有多個︰因為老師要告病假兩個星期，星期一沒有課，星期三由另一位老師代課。我都說我變胖了，所以，不能躲懶，一星期起碼要上兩課。於是，便選擇了星期六早上的Yoga Flow。另外，爸爸今天整天在外上課。媽媽與親友到內地旅遊兩天。下午我便可以一個人在家裡專心寫作。所以，要快速吃個午餐便回家。便選擇了附近的Ateen了。另一方面，踏入十二月，預計有不少開支。這個午餐不想消費太多…… Ateen（A田社企素食）是社會企業。由民政事務總署「伙伴倡自強」計劃撥款資助。主辦機構是大覺福行中心。是一個佛教團體。我所工作的部門有數位同事曾在這裡做義工。他們都是大覺福行中心的善信。所以，便知道這間餐廳了。這是門口位置，放置了素食商品。 曾經也在同一幢工廠大廈工作。可惜，當時並沒有這間餐廳。否則，午飯便可以多一個選擇了。之前只有道緣素食。後來便多了這一間和波羅密素食。在這一區工作的素食者有多個選擇。都是在我離職之後的事……在面對門口的收賬櫃台選擇套餐的內容和付款。然後到旁邊這個地方等候領取食物。之後，隨便找個座位坐下來。餐具放在蓋著黃色桌布的桌子上，要自行取用。用餐後要自己收拾餐具。那裡有熱水和冷檸檬水也可自行取用。 用餐區的座位有很多。地方整潔。屏風後有一張大圓桌。另有兩張大圓桌位於屏風前。這裡晚上提供私房菜，需預訂，所以有大圓桌可供多人聚餐。 午餐時段是11:30-15:00。星期六也有提供。星期日則是餐廳休息日。套餐是五選一或二的菜式。選一個菜式是$35，兩個菜式是$40。可配米飯或鴛鴦炒米，即米粉和粉絲。附送是日餐湯和時菜。另有一款$40的快餐可選。此外，輕食有三款選擇。點套餐附加的話，一款是$10。單點則是一款$15。在門口位置看到有甜品供應 — 芝麻糕，$5。我吃得太飽了，沒有再點。 今天五個菜式全都是純素。沒有標示在餐單上，需要向店員查詢。店員也很友善地回答。我選了麻婆豆腐和麵醬肉末蒸茄子。白米飯中添加了少許紅米。煮得不太硬，卻不夠軟綿。米飯可選擇小、中或大的份量。我這個是中份量。時菜是白菜。以薑蓉來炒煮。味道很好。白菜嫩滑。是日餐湯有蛋，所以我沒有要餐湯。 麻婆豆腐使用布包豆腐。口感軟滑。醬汁不會太辣。 麵醬肉末蒸茄子很惹味。茄子煮得軟腍。顏色不能保持鮮艷，應該是沒有添加太多油來炒煮。 看到輕食的餐單有炸蘿蔔糕（$10），我便忍不住要吃。吃了一件後便覺得飽了。都怪我太貪心……我當然吃完全部，沒有浪費。不過，這就是中央肥胖的原因了……炸蘿蔔糕似乎炸得太久了。不過並不燥熱，因為不是即炸的。我吃的時候是涼的。味道是偏向鹹。比較結實。白蘿蔔的味道不明顯。我喜歡吃到白蘿蔔的味道。旁邊的醬料應該是素XO醬。幸好不太辣。否則我便浪費了。…查看更多

義工組織ecobus 整左個十週年晚宴，答謝義工朋友們一直以來的努力。我只係跟住男友去食一餐飯，其實唔係幾好意思，因為我只係幫過一兩次手，唔算幫左好多忙。講返正題，個餐廳晚宴非常多，素食湯，甜品有齊，仲要整得好好食，由其佢個炸猴頭菇，成枱都讚，有住附近既朋友仔都話要去食下，影低左個猴頭菇，水果生菜都食得出非常新鮮，只係呢間野係住家菜，問佢地話最好book定位先黎食。而家附上炸猴頭菇圖啦，因為其他菜式唔好意思影，呢張係男友逼我影低話下次一定要再食…查看更多

第三次光顧了！食物水準保持良好！很體貼客人的需求，會按照多少客人而增加食物份量，雖然在工廈內地點比較難找，以及裝修設計只屬一般，但勝在環境夠寬闊，就算人多聊天也不會覺得很嘈吵焗促！食物控制得宜，兩款炸物毫不油膩！就是湯最精彩，棷子腰果合桃蓮子等的配料，已經值回票價，連喝的茶也加入了陳皮！有心思極！最欣賞猴頭菰拼芒果的菜式，色香味俱全，由於社企形式！這次是4人以上，每位$200大元而已，可吃的每一道菜也不馬虎！抵比👍🏻…查看更多

尋晚非常非常地幸運，同老婆經過荔枝角 ，我就諗起呢間素食店，提議不如今晚食素，因之前係呢區工作，呢間素食店都可以話係我我午餐飯堂，諗住帶老婆試吓，一上到去原來大覺福行中心法師私人聚會，法師可能見我有緣，同餐廳同事講我可以係度用餐，仲試了法師襯手下廚的新菜色，食了7個菜，每樣食完我同老婆都豎起手指公，讚不絕口，推介大家Ateen 社企素食。提提大家上去前一定要打去問清楚，晚上唔係日日開，加上係私房菜形式，要預約的，所以我尋晚其實係"白撞"。 …查看更多

間中食下素食料理，身心感覺良好☺︎公司附近其實都算係美食天堂，尢其係啲工廈餐廳，如果唔係朋友帶路，其實真係未必會知道。今日係十五，朋友逢初一、十五都食齋，所以我就跟隨著。Ateen格局似飯堂，係全自助形式，排隊買飛落Order, 三餸一湯，白飯或粥一律$40，拎完野食就要搵位，一張張大圓/長枱任你選擇同邊個搭枱，不過空間算寬闊，食個快Lunch無所謂啦。今日揀咗2，3，4， 整體味道適中，唔會過咸或好味精，唔好以為睇落好少餸，其實食食下都好飽，起碼食完唔會覺得好滯嘅感覺。佢哋主張不要浪費食物，所以俾飯你時會問你大定細，任均選擇，唔好做大嘥鬼。食完記得放好自己盤碗碟先走人吖！…查看更多

Always need to come here 2 times per week. Compared with other fast food options here is light, natural and healthy. Just imagine the dishes all taste like from home.…查看更多

公司對面的工廠大廈中，有一間社企，主要以經營素食為主。今日就去看下抵唔抵玩。40元可以選擇3個餸，另外加5元可以選擇多一種甜品。炸餃子味道香口,今天的甜品是薑汁糕，不太甜，但薑味足。抵玩指數:(3.5)味道樸素，少油，營養均衡，加上可以支持良心社企，價錢雖然不便，但仍然有一定的抵玩之處。…查看更多

難得工廠區可找到一家社企做齋菜，中午午飯時想清清地食一餐，這是一個很好選擇。每日約有五至六款齋菜提供選擇，定價$40可選3個餸，包一個湯，另可配大飯，小飯或粥，是紅米飯，另自己裝茶或水。每天都會最少有一款炸物，一點多後還會有些餸售完，唔想食炸物其實很多時沒太多選擇，份量時多時少，多人時阿姐會夾少一點，少人就會夾多d，一般都會夠食。湯是素菜湯，很足料又夠味，很健康，由於社企並沒有請太多人，要自己收拾餐具…查看更多

呢間社企素食，菜色全部是天然分明的素，不是人工添加的化學食品。味道很好，感覺新鮮，和朋友整餐食完都覺得好舒服! 特別喜歡四式頭盤和素鵝(腐皮多士)! 超正! 下次會帶家人朋友來幫襯!…查看更多

同事介紹，請我食這間由社企攪既素食店，唔係熟人都唔識路，係工廠大廈裡面，仲好乾淨企理，每日都有5款不同素菜，任選3款，配紅米飯或粥，仲有湯，茶水就任斟，而我選擇左菜，芋頭蚊麵筋，蓮藕片炒素魚片，雖然感覺上清清地，但味道很足夠，尤其芋頭果個，蚊到夠晒淋，好入味，夠晒香滑，湯亦好夠味，其實間唔中食一餐這樣的素菜也不錯…查看更多

荔枝角出名多工廈。竟然有次俾我發現，向香工入面有間食素嘅餐廳。今日想食清清地，就黎呢度試下？試過後發現真的不錯！👍🏻38元有三個餸，一個飯或白粥，一碗湯。。呢度係自助形式。俾錢買完後，就排隊叫餸攞餐。食飽後就把自己的餐具餐盤拎去放好。今日有以下5個餸1/ 南乳粗齋2/ 翠瓜雲耳炒牛蒡3/ 素鴨腎4/ 椒鹽秀珍菇5/ 時菜 (係菜心)我就揀咗1，2，3配飯南乳粗齋味道不錯，不過就唔係好夠南乳味。翠瓜雲耳炒牛蒡👍🏻呢個都好味。我起初以為係一大條牛蒡。原來佢係切碎左，再釀左向一d粉團入面。口感同味道好像飯梗魚旦似的👍🏻不錯素鴨腎好味👍🏻已索晒味。而且不會硬。因為之前試過食過一d好硬嘅素鴨腎。趙到口都攰。。。是日例湯係三蕃湯有蕃茄，南瓜，還有一樣飲唔出係咩野。不過個湯真係幾好飲，無肉煲，但都幾甜。不錯不錯。一定會再回來食👍🏻…查看更多