Assembly

營業中

休息中

星期一的晚上即興去食飯, 行過諾士佛臺見有promotion, 即刻入去試吓。餐廳環境好有氣氛, 音樂唔太嘈, 好適合傾計食飯👍🏻今次比呢個優惠吸引入來, 所以決定一人揀一款試吓。揀左個烤雞同澳洲肉眼牛扒, 前菜先來沙律同薯條各一碟。沙律同薯條仲可以120分鐘內任添!沙律用咗蜜糖芥末汁, 甜甜地好開胃! 薯條食得出係即炸, 一上枱仲好香蒜蓉味,食落好脆!等多一陣主菜都有啦!五成熟的肉眼牛扒, 比起平時食嘅牛冇咁肥, 而廚師煮到剛好, 唔會over done, 值得一讚👍🏻烤雞係好有驚喜, 估唔到超級大份, 食落仲好juicy同嫩滑,份量多到一個女仔都食唔哂!趁8點前有happy hour,我地仲叫咗啤酒好飲同抵食😋, 推介!!

⚜️諾士佛臺復古西餐酒廊🔱話說今日朋友話請食飯順便傾少少野，甘最好就係揾間飲到野又食到飯既地方坐低😌第一時間就係揾bar & restaurant了！不過唔係間間食物都有好既水準😞上網search左陣決定來諾士佛臺碰碰運氣，因為之前試過呢間既鮮小食都🆗今次就即管試下個dinner了！成個諾士佛臺來到中段，呢間都算係幾熱鬧既bar & restaurant，門面帶有少少復古，黑白色主調既裝潢風格都幾突出，waitress大多都係菲律賓人。門口出面就熱鬧d，傾計略顯嘈吵，所以直接入去裏面坐，拱形穹頂細心一睇原來係歐洲車站候車月臺，好靚！🔱鵝肝牛肉小漢堡⚜️呢個我個人好喜歡，鵝肝輕輕香煎，保留左個軟滑口感同薄脆外層，而牛肉就香嫩多汁，熟成度岩岩好！🔱煙三文魚牛油果沙律⚜️牛油果+煙三文魚呢個combination原本就好中意，呢度既做法係將牛油果打成醬狀融入沙律砌出一個圓柱，食法有少少似食cake甘慢慢挖，幾得意！🔱卡邦尼芝士意粉⚜️卡邦尼芝士意粉其實好多地方都試過，不過今次來呢度吃既出品有驚喜，芝士香濃但食到意粉上雞蛋蛋香，煙肉同火腿都絕非配菜，口味濃郁！🔱Lemon Margarita⚜️Marg

今晚同同事去咗食西餐，去到入面裝修氣氛唔錯，叫咗牛扒，pizza，牛肝菌汁長通粉同薯條。牛扒叫咗medium 都好好食，係個醬汁唔係好啱我胃口。牛扒配埋牛肝菌汁同薯條果汁就正另外pizza係餅底厚度適中，唔會太厚，不過夏威夷雞柳，pizza啲雞就乾咗少少。牛肝菌汁長通粉個汁好好食，通粉都唔錯最出色係個薯條，雖然唔係好脆，係有少少淋嗰款，但係薯炸到好熱，厚度岩岩好，連埋個醬好好食，薯條嗰張配埋牛扒就非常好！👍🏻👍🏻👍🏻

話說空姐朋友推介呢間餐廳🫶🏻𝐀𝐬𝐬𝐞𝐦𝐛𝐥𝐲。諗住食個扒 ，又飲杯嘢✌🏿係諾士佛臺咁多間之中，呢間都算係最多人，我地揀咗坐喺outdoor ,環境氣氛不錯 ,開左枝紅酒🍷chill chill ▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️食物推介意大利水牛芝士$128酥脆烤薄餅，新鮮出爐 ，濃郁嘅芝士味，餅底好脆，有淡淡的橄欖油香，食多幾件都唔油膩▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️澳洲肉眼牛扒$188賣相加分，份量十足，肉眼扒位於肋骨中心部份，食入口有溶化嘅感覺，肉質嫰滑，充滿肉汁，脂肪比例份量啱啱好，用來配紅酒一流💜📍尖沙咀諾士佛臺6號地下📞☎️27236588

收工諗住回家，正準備上巴士中途，朋友打電話來約行街食飯!大約8:00pm左右行完美麗華商場,唔想再行咁遠，加上有啲肚餓，就喺附近搵間餐廳！餐廳有分室內同室外，由於落雨關係，我哋選擇室內，這段時間不是太多人 ，所以聽下音樂食飯，都幾舒服，唔會太嘈！叫左兩位Cocktail，兩個主食飲品🥂🍹Sugar Daddy:酸酸甜甜，菠蘿為主打，賣相都幾靚，杯子外邊貼滿糖，攞上手要小心點kowloon Punch:味道像有酒精的 fruit punch食物🍕🍖豬肋骨拼薯條:豬肋骨都比較淋，唔會太黐牙，再配上醬汁，好食😋夏威夷pizza：一般味道比較淡，皮比較厚

今日收工同朋友去尖沙咀飲番杯諾士佛台不嬲都係酒吧林立, 唔使特別去訂位都可以大食妹唔鍾意淨係飲酒, 點都要配啲嘢食, 於是揀咗呢間比較多嘢食嘅Assembly<炸雞軟骨>雞軟骨即叫即炸, 金黃脆口熱辣辣, 上高灑上椒鹽, 滴多兩滴檸檬汁已經非常好食雞軟骨香口脆卜卜, 係一份唔錯嘅下酒菜<炸魷魚條>朋友時候話想食炸魷魚條, 於是再嗌多份調味同雞軟骨有些少唔同, 裏面應該加入左蒜蓉牛油, 魷魚圈唔算好爽口, 味道比較淡, 但大食妹覺得還可以<Old Fashioned>最後嚟反杯大食妹最愛嘅Old Fashioned加冰粒, 同三五知己一齊飲番杯食啲嘢真係一個唔錯嘅星期五

一間室內幾懷舊嘅酒吧餐廳，啡色皮質梳化，一堆高枱高櫈再播住一堆英文舊歌手上有張美酒佳餚巡禮嘅cocktail劵，可以換食物，係度一於換份迷你鵝肝牛肉漢堡漢堡細細超好味，鵝肝比較細塊，牛肉非常juicy軟嫩，個醬酸酸甜甜好開胃另外我地order左兩個任食頭盤set，任食green salad同薯條，green salad配蜜糖芥末醬，非常好味健康主菜：Pan Seared Barramundi fillet $ 158.比起自家煮嘅盲曹魚，呢度嘅肉質又滑又彈，完全唔係平時買嘅急凍魚柳肉質一食已經「嘩」一聲主菜：Roasted Half Chicken $ 168上枱即時傳黎印度Tandoori Chicken嘅香料味，唔通大廚係印度人!? 半隻雞都唔細份，超多汁，一切就流晒出黎，旁邊嘅羅勒蒜油汁直頭畫龍點睛，除左自己嘅香，仲好吊到雞味，如同白切雞蔥油一樣主菜無跟薯菜，所以餐廳提供120分鐘任食沙律或薯條，亦唔包飲品甜品，同時openrice訂枱有「第二份主菜半價」優惠，所以自己可以再考慮如何點餐。食物高質，服務貼心，雖然只有我叫左杯酒，但係侍應都比左杯水女朋友，時下好多餐廳都係唔提供清

之前食過一次，都覺得抵食。今次再嚟佢仲有做呢個promotion🤩🤩🤩🤩一定要推介Meat Lover’s Menu 佢嘅肉眼牛扒水準非常高(鍾意食牛扒嘅朋友一定要試吓）仲可以兩個鍾內無限食配菜, 我食咗3碟沙律D沙律菜真係好新鮮，同埋佢嘅沙律醬好好味仲有食咗一碟薯條（即刻炸喎） 其實佢仲有甜品，不過已經好滿足了所以冇試😂同埋讚吓嗰度嘅職員態度幾好又有禮貌因為我哋成日叫佢加水比我哋，佢哋都笑笑口諾士佛台比兩舊水食肉眼扒，其實真係好底當日係星期六晚，佢嘅happy hour去到九點，咁就梗係飲返兩杯先

weekend行完街就搵地方坐吓同飲嘢呢度黎過幾次, 嘢食好味, 同埋感覺上比起同街其他bar乾淨叫咗個辣蕃茄長通粉同pizza個長通粉冇諗過咁好食! 夠辣同埋好夠香味(點解覺得仲好有鑊氣)真心推介大家去試Pizza 正常不過不失, 係薄批, 個人鍾意有咬口少少嘅不過上面都放得多芝士, 都抵食我叫咗杯Prosecco 幾好飲,出面有D太dry, 呢款剛好, 配2款食物都好味Waitress 都有過嚟問吓食物點樣, 同埋都有幫手加水比我地, 服務都ok

經去第二次，第一次去時食飯同飲嘢，去到尾段開始執嘢，唸住都幾好幫我地清左張枱舒服咁飲嘢吹水，點知之後每隔10幾分鐘就行埋嚟問仲叫唔叫嘢，我地話一陣先就黑面，全晚同朋友傾計不知比佢地打斷左幾多次。好啦，唸住可能一次係咁或者個別員工問題，就比多次機會佢再去多次，點知都係咁，限時唔緊要呀，入座時要講清楚囉，做埋呢啲動作趕客走，真係唔會有第3次。

餐廳有室外及放置高枱，氣氛唔錯，始終位於諾士佛臺，飲野都仲可以，用餐就免了，人來人往，好污穢，枱又唔乾淨，個經理又黑口黑面，目無表情，企位門口真係趕客咁樣。食物方面，唔差喎，叫左個Australian Ribeye Steak (14oz)，炭燒半生熟，牛肉味濃，肉質好冧又無根，以180蚊黎講，真係好抵，性價比高。再叫左個牛肉鵝肝小漢堡(2pcs)，小小的漢堡出奇好味，鵝肝入口即融，有驚喜，但118蚊好似貴左啲，不過都值得一試。食完野，諗住坐底飲下野，每人叫左一杯啤酒，不過唔知係咪覺得我地坐太耐，佢地想要番枱，所有成日行黎執野，又不停問加唔加食物同飲品，15至20分鐘行埋黎一次，好鬼煩擾，啲伙記同個經理一樣，口黑面黑，好似欠左佢地咁，不過我地都唔理，照坐照吹水。如果有時限，應該入坐前要講清楚，唔好做埋哂啲小動作，好樣衰囉～

呢間喺諾士佛台嘅Bar最近有呢個Meat lover嘅推廣，咁就要同老公嚟試吓啦！佢哋而家可以任食兩小時嘅薯條同埋沙律另外有四款唔同嘅主菜揀。佢哋響八點前都有happy hour 㗎，一大杯1664啤酒只需$58 ，薯條一上枱就聞到好香嘅香草加蒜蓉嘅味道，熱辣辣加埋茄汁非常之好味😋主菜我哋都揀咗牛，兩個人叫咗兩份牛扒分別係西冷12oz （$178）同埋肉眼扒14oz（$198），我哋叫咗Medium生熟程度啱啱好，牛扒好有肉味真係唔錯！最後仲可以另加$10配甜品，佢哋嘅甜品今次係黑森林，我哋最後食咗三兜薯條一兜沙律已經好飽，所以甜品份量不大就已經啱啱好！

🥃係生活咁緊張嘅香港👩🏻‍💻特色酒吧絶對係一眾打工仔happy hour減壓消遣嘅好地方🍺而一間結合餐廳🍴同埋酒吧🍺元素🍷除咗🈶️唔同嘅酒精飲品🍺Cocktail🍹我個人就覺得主食main course都正就完美喇😋😋🍹今次我就係諾士佛台搵到一間🈶️曬以上條件嘅餐廳🍴佢哋依家逢星期六、星期日、星期一仲🈶️個「Meat Lover’s Menu」好正😋一定要推介比大家呀🥳🥳⏰120分鐘無限refill雜菜沙律🥗炸薯條🍟沙律超新鮮又脆口🥗一份沙律仲已經係大大份添🥳🥳🐠香煎盲曹配白酒汁 $158：若果你同我一樣都係好喜歡食魚嘅話😋我推介你一定要試吓呢個用白酒做嘅香煎盲曹配白酒汁🍾魚夠厚身🔥煎完之後仲係啖啖肉😋超香囗超正呀🥳🥳🥩澳洲肉眼牛扒 $198：呢塊肉眼扒我揀咗medium rare🔥我好滿意🥳肉眼肉質夠嫩滑👍煎完仲好juicy添🔥👍👍☕️Hot Mocha $52：呢間餐廳酒吧真係好出色🥃目測酒精種類繁多❤食物質素又非常之高🍴連咖啡都咁出色🥳呢杯Mocha口感夠厚❤所以啱曬我嘅口味😋真係值得一讚喔🥳🥳☕️Hot Cappuccino $52：朋友都大讚佢杯cappuccino夠香🔥佢都好滿意呢👍

與朋友慶祝生日，選了這家有restaurant week 優惠的餐廳 ($298 p.p.)，Menu 可以選湯或者沙律，主菜有三個選擇，分別是牛扒，蜆肉意粉，以及三文魚扒，甜品只有芝士蛋糕的選擇。我們兩人分別也選了是日餐湯 - 蘑菇湯，以及牛扒和蜆肉意粉，另外甜品可以免費寫字和嘉蠟燭。蘑菇湯 （Soup of the day)飲得出係用蘑菇打出來的，湯比較稠身同飲到入邊有蘑菇的碎粒，有驚喜。牛扒（Australian ribeye steak)叫咗Medium，不過煮左出嚟有啲過熟，大約係Medium Well，肉質有點太韌，有點失望。蜆肉意粉 （Linguine alle vongole)蜆肉嘅份量都算多，蜆肉用大蒜先炒香，意粉易吸收左蜆肉汁，蜆肉爽口，意粉軟硬度剛好。芝士蛋糕（cheesecake)芝士蛋糕係類似new york cheesecake 嗰種，食落去都有濃烈嘅芝士味，少少creamy，中規中矩。