80
3
2
港鐵尖沙咀/尖東站 L5 出口, 步行約2分鐘 繼續閱讀
所有分店 (3)
電話號碼
25597391
營業時間
今日營業
11:30 - 22:30
星期一至日
11:30 - 22:30
付款方式
Visa Master AlipayHK 現金 八達通 AE
其他資料
電話訂座 詳細介紹
加一服務費
食評 (96)
等級4 2022-05-17
544 瀏覽
大圍元朗嘅阿叔泰麵船麵非常出名,近期係尖沙嘴開左主打泰式fusion菜嘅分店,當然要嚟試試~ 餐廳新派嘅格局同有渡假feel,吸引左唔少人嚟打卡。平日差唔多三點到都仲serve緊lunch,lunch set都有成五款選擇,好幾款都好吸引,最後揀左娘惹蕉葉烤魚飯同冬蔭功帶子義大利飯。是日餐湯係冬蔭功湯,偏辣,我地加左烤魚飯嘅白飯變湯飯,酸酸辣辣超正~娘惹蕉葉烤魚飯嘅娘惹醬係重點,撈飯一流,魚肉不過不失。冬蔭功帶子義大利飯真係必試,個risotto味道超濃郁,冬蔭功味四散而且勁creamy,帶子帶牛油香,加埋靚靚嘅賣相,真係色香味俱全。特色飲品都係賣點之一,跟餐可享半價升級,試左Thai Green Tea。用近期流行嘅扁身玻璃樽裝住,泰式奶茶嘅雲呢拿味勁出,唔錯唔錯!個玻璃樽仲可以帶番屋企添~最後加$25食埋個是日甜品 – 芒果糯米飯,細細杯超的骰,糯米飯非常煙韌,大滿足~食左一個鐘差唔多到四點,餐廳就會轉theme變身night mode 出動埋蠟燭,勁有feel~唔怪見到有d左影影右影影永遠都影唔完😂Menu- 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-07
1458 瀏覽
朋友拉着我到來這泰國餐廳,說是近日人氣非常高的食肆。快到中午,已有不少人在門外等候入座。那麼多客人,定有其吸引之處。內裏裝潢簡潔清新,也很舒適。午市只提供套餐。套餐包括是日餐湯或是日沙律,主菜,飲品【菊花茶/即磨咖啡/泰式檸檬茶(泰式檸檬茶只有凍飲)】或以半價優惠升級無酒精飲品。另外附加$25就可要一份是日甜品。 是日餐湯:冬蔭功湯冬蔭功湯是典型的泰式湯。 我不喜歡那種帶嗆喉的酸辣味道,還會使人滿頭大汗的冬蔭功湯。這店的冬蔭功湯的酸辣層次剛好,不嗆喉,我很喜歡嚐到酸辣鮮味,開胃之選。 是日沙律:柚子沙律清新口感,柚子份量多,清甜不酸。剛好可清清味蕾去迎接期待的主菜。 冬蔭功大頭蝦意粉大頭蝦肉質厚而味濃,蝦頭還有非常香口的蝦膏。以冬蔭功醬汁煮成的意粉除了酸酸辣辣的味道外,更嚐到香甜大頭蝦的鮮味。冬蔭功醬汁均勻的掛到口感甚富彈性的意粉上,令人吃得津津有味。 軟殼蟹紅咖哩意大利飯經炸過的原隻軟殼蟹,口感酥香。炸軟殼蟹烹調得宜,還可嚐到質感滑滑的蟹肉。帶微辣的紅咖哩香濃惹味,鹹味適中。 配上口感彈牙的意大利飯,滋味無窮。 即磨咖啡香滑口感。 菠蘿梳打 (Pineapple Soda)甜甜的菠蘿汁加入梳打,口感清新。 還有新鮮菠蘿切片,感覺健康,是一杯樂透心的夏日特飲。 甜品:綠茶奶凍顏色翠綠,散發着淡淡的綠茶香氣。奶凍上有新鮮的芒果和士多啤梨,一層厚厚的綠茶奶覆蓋着雪白的奶凍。微甜的綠茶奶沒帶一點苦澀味,配幼滑細膩的奶凍一起吃,質感滑溜,口感清新滿足。 繼續閱讀
(以上食評乃用戶個人意見 , 並不代表OpenRice之觀點。)
午間時段見到係「ASOK Thai Garden」門口人來人往,於是好奇睇下呢間食肆有咩特別,發現其裝修滿有泰國風情,令人有怡然自得的感覺,而擺放在門外的午市餐牌,食物款式亦頗為吸引,於是便入內試下!😉# 餐湯係冬蔭功湯,酸酸甜甜又帶有點辣味,兼有香茅香氣, 刺激味蕾;另外沙律好清新,有石榴粒、柚子肉、茄厘子,兼有各款沙律菜,望落醒神,令人食慾大振!# 冬蔭功大蝦意粉 ~ 顏色奪目,整隻大頭蝦伴碟非常吸睛,蝦肉爽甜彈牙,意粉滿有冬蔭功香茅味道,如果多啲啲蝦肉就更加喇!# 香茅豬頸肉飯 ~ 蝦片脆卜卜,豬頸肉煎得香脆、兼有肉味,配合酸甜醬汁一齊食,更加野味,餸飯一流!# 細細杯 Tiramisu 賣相清新可愛,脆脆朱古力、配合甜甜哋又creamy嘅蛋糕,食完滿足晒!# Lychee Soda 充滿茘枝清香味,Mocha 濃郁咖啡加埋可可味,味道可口! 繼續閱讀
(以上食評乃用戶個人意見 , 並不代表OpenRice之觀點。)
等級4 2022-04-27
1653 瀏覽
🇹🇭近期大熱打卡泰菜餐廳呢間餐廳2月先新開,內裏有多個打卡位,吸引唔少人前來星期六晏晝嚟到好多人,都要等10幾分鐘晚市就適逢開返2日,瞬間報復式爆滿,想walk in都冇位啊,好彩我哋晏晝就嚟~🦞香茅龍蝦湯💰$68龍蝦湯飲唔少,但加埋香茅嘅又真係冇試過,開頭都諗唔知夾唔夾,但飲落有濃郁龍蝦味之外,香茅獨特香味都提升味道不少,整體好飲🥘黃咖哩雞飯/可配烤餅💰$98好好味嘅咖哩,無叫錯❗️唔食得辣嘅絕對唔駛擔心,呢個咖哩一啲都唔辣!咖哩汁濃稠,咖哩香又濃味,送飯一流❗️特別在原來飯係店員拿住一大兜飯出嚟再撥落我哋嗰碟到,想要幾多飯都得,仲話可以再添飯~開頭諗住食少啲飯冇咁肥啦,點知咖哩汁好味到我食哂成碟飯😛呢個咖哩飯必點🉐🍝泰國香葉清邁腸炒長通粉💰$158第一次見Thai style嘅炒長通粉,長通粉味道清淡少少,唔會好大味、唯獨係香葉清邁腸佈滿香葉,幾香泰式風味,口感特別🇹🇭Thai Tea💰$38🇹🇭Thai Lemongrass Hot Tea💰$38見人人都飲呢款signature,玻璃樽身裝住新鮮熱製嘅奶茶,顏色同賣相都夠晒靚啊平時Thai milk tea都會好甜,香港人未必飲得慣,佢呢款係特別調製過,冇一般Thai milk tea咁甜,所以易啲入口,Thai tea好香,綠色嗰樽加埋Lemongrass味道再特別啲可以熱飲,又或者倒落冰杯凍飲,我就2款都試咗,熱飲濃好多,凍飲有冰淡化咗嗰味但我就覺得好飲啲💰$440/2ppl🚩ASOK Thai Garden (尖沙咀) @asokthai_garden 📍尖沙咀亞士厘道37號地舖 繼續閱讀
(以上食評乃用戶個人意見 , 並不代表OpenRice之觀點。)
等級4 2022-04-23
1579 瀏覽
2022年4月12日 星期二今日難得可以同老婆二人世界,所以出左去尖沙咀行街,順便搵下有咩好野食行到去亞士厘道竟然發現到呢一間新餐廳,裡面嘅裝修好有泰式風情,有好多綠色植物,好似置身於泰國芭堤雅一樣,所以一於入去慢慢chill下有兩款餐牌,分別係寫上午市套餐同飲品,選擇唔算太多,不過價錢尖沙咀來講都算合理,而且包左餐湯同飲品添另外飲品餐牌裡面有好多特色飲品,全部都從來未見過,圖文並茂寫上左每款飲品有咩材料,所以我哋決定點其中一款嚟試吓點完餐大約等左5分鐘左右餐湯就送到,係南瓜湯,個湯一啲都唔稀,每一啖都食到濃郁嘅南瓜味,好甜之後就有餐飲,分別有青檸梳打同泰式檸檬茶,青檸梳打較多氣,青檸味幾出,飲落清新,而泰式檸檬茶同一般檸檬茶真係有唔同,較為酸同無乜茶澀味跟住有食物,先有香茅燒豬頸肉飯,仲有青瓜同蝦片做為伴菜添,豬勁肉燒得好香脆,點埋秘製醬汁更加滋味,加上唔會太韌,食完再食返青瓜就可以中和返油膩感,整體味道唔錯而另一個主菜就係香辣肉碎意粉,意粉煮得夠乾身,唔會太過腍,肉碎有好多,調味好足夠,唔會過辣,充滿泰式風情,食完之後真係已經飽晒特色飲品方面我點左Ko Jamui,外形好似一粒蘑菇咁,用嚟打卡岩晒,飲品裏面主要有椰子水、青檸汁、雜莓汁同冧酒,配合得幾好,唔會太重酒味,味道幾特別最後我哋仲加錢要左甜品Tiramisu,整得好好,食到停唔到口,威化餅同下面既cream好夾,味道唔會過甜,而且仲有藍莓同朱古力碎添,令到味道唔會太單一埋單每人大約百幾蚊左右,真係好似去左一轉泰國咁!! 繼續閱讀
(以上食評乃用戶個人意見 , 並不代表OpenRice之觀點。)