ASOK THAI GARDEN

營業中

休息中

最近泰國菜餐廳Asok Thai Garden晚上舉行猛男Waiter夜，今次去咗尖沙咀分店，有猛男侍應大搞氣氛，吸引咗一班女客人去食泰菜，引起在場女士起哄，猛男Waiter之夜尖沙咀店逢星期一、三、五晚都有幾位爆肌猛男Waiter駐場，仲邀請到電視節目我推的野男LIVE嘅參賽選手，為客人帶嚟獨特嘅用餐體驗。豬肉生菜包猛男waiter主打推介，有即場肌榨檸檬汁喺豬肉生菜包上面，顯示爆肌力量，引起在場女士起哄同埋歡呼。豬肉肉碎嘅香料味層次豐富，味道酸酸辣辣，用新鮮生菜包起豬肉碎清爽開胃。黃咖喱雞黃咖哩醬汁濃稠，加上椰奶增添咗順滑口感，咖喱口味偏甜而且香氣濃厚，雞肉嫩滑，裏面仲有薯仔同埋蕃茄等配料，好豐富。泰式生蝦刺身生蝦刺身新鮮，口感爽口彈牙，沾上泰式酸辣醬汁，味道酸酸辣辣，好開胃，加上面頭嘅辣椒同埋蒜頭，味道層次豐富。南薑椰子雞湯雞湯香滑濃厚，味道咸中帶酸，充滿椰香味，濃郁嘅椰奶中和咗南薑同埋辣椒嘅刺激辣味，雞肉嫩滑，充滿南疆同埋椰子香氣。娘惹蕉葉烤魚烤魚用蕉葉包住，味道清香，烤魚份量好足，肉質鮮嫩，好juicy ，配菜有西蘭花、紅蘿蔔、雜菌、紅椒、荷蘭豆等，好豐富。馬拉盞通菜通菜新鮮

第一次約朋友到這家餐廳，環境感覺非常有氣氛，食物質素也不錯，味道非常好。不過可能天氣太熱，餐廳內冷氣已經開到最大，但依然覺得頗熱，一路吃一路流汗。餐廳食物的價錢定位吸引，但原來佢嘅份量稍為少一點，特別係那碟炒通菜，意大利飯，和芒果糯米，均比預期份量少。剛巧今日用餐的時候，這三樣菜式便是我最欣賞的，下次再來也會再叫這些食物。整體用餐感覺不錯，如想約朋友在尖沙咀區吃午飯的話，這兒是一個不錯的選擇。如果天氣冇咁熱更加好

喺網上已經知道依間猛男餐廳一段時間，終於搵到個老best陪我過嚟，你知啦，自己一個會好怕醜㗎嘛😳🤭 餐廳唔同分店有唔同日子嘅猛男Waiter夜， 所以真係好旺場👏一入餐廳就見到三個猛男💪，三個都係大隻仔😍，但係大隻得嚟又有啲小鮮肉feel😚其中一位猛男向我哋介紹叫做Strong Man Lift嘅cocktail，叫依種cocktail會有三個特別待遇，包括猛男調酒🍸猛男餵食🍽 猛男公主抱🥳💞 我哋就一人一杯啦🥂Delight $188White Wine, Lychee, Lime味道清新，易入口，好啱女仔飲！Power $188Vodka, Lime, Lychee, Cranberry味道層次豐富🤩泰式生蝦刺身 $88/6隻🦐蝦肉鮮甜彈牙，配埋蒜片辣椒，泰式醬汁，好酸辣醒胃👍鴨肉生菜包 $138除咗鴨肉，仲有免治豬肉碎，夾埋新鮮嘅生菜，口感清爽又飽肚。牛舌芯串燒 $58/2串🐮👅牛舌芯好軟嫩，都幾厚切入味，配埋醬汁好味道，仲有菠蘿可以中和返。班蘭青咖哩豬頸肉 $98 鍋巴 $28青咖哩充滿班蘭香，濃郁惹味，豬頸肉好爽嫩，配埋鍋巴食，點滿醬汁汁又脆又香，用嚟送飲品或當小食都一流！🤩

依間餐廳我已經係第三次幫襯.之前兩次都覺得食物質素唔錯, 仲推介啲friend嚟試.不過今次體驗就有啲失望喇.椒鹽單骨炸雞翼 (HK$88)雞翼嘅炸粉唔算厚, 不過唔係好脆.椒鹽味偏淡, 差咗惹味嘅感覺.同埋雞肉係有啲乾.馬拉盞炒通菜 (HK$89)我覺得炒得幾好食, 亦都唔係好辣.香茅燒豬頸肉 (HK$92)肉質唔會好韌.不過香茅味唔係好突出, 食落平平無奇, 冇乜驚喜.冬陰功忌廉虎蝦意粉 (HK$158)個賣相都幾吸引.不過味道方面, 冬陰功嘅酸味太濃.無論係食緊個意粉定係虎蝦, 都係好酸嘅味道.我就唔係好鍾意喇.打拋豬肉煎蛋拌飯 (HK$108)呢個拌飯味道中規中矩.豬肉碎帶點甜味, 配飯都幾夾.完全唔辣, 適合唔食辣嘅朋友.Samet Nangshe (HK$68)呢杯飲品賣相唔錯.味道有少少酸, 甜度適中.Thai Milk Tea (HK$58)朋友話個味道都唔差.Khao Lak (Smoothie) (HK$68)賣相都幾靚.不過朋友話甜咗啲.最後都係飲唔晒.整體嚟講, 依間餐廳嘅食物質素冇以前咁好.我諗我都未必會再嚟食喇.

嘩嘩嘩🤩係猛男係肌肉呀💪🏻呢間泰菜餐廳夜晚搖身一變變左猛男餐廳猛男時不時會埋枱同客人互動下而且只要order佢地個猛男特飲🍹就會有猛男近距離同你一齊shake仲會餵你食蘋果同埋餵埋你飲Tim呀😆重點係可以享受公主抱😏我就貪心啲我要哂3個😌我要你地舉起我🤣好啦講完猛男講返食物🥘我地叫左冬陰功湯燒豬頸肉、黑松露薯條🍟蛋咖哩虎蝦+薄餅🍕芒果糯米飯冬陰功湯辣辣地幾開胃，入面有蝦、蜆、菇，細份岩岩好有2碗～燒豬頸肉好厚身好大片，咬落肉質鬆軟，燒完唔會柴哂仲keep到啲肉汁👍🏻蛋咖哩虎蝦，虎蝦已經開哂邊，輕鬆一拆就食到～咖哩汁好濃郁好杰，帶少少甜味，加埋薄餅沾啲汁黎食，超正😍芒果糯米飯整得好靚好岩打卡～個飯收埋左係雪糕筒入面，食落仲暖既😆仲有猛男餵食😏

慶祝朋友生日，一行九人於平日晚市到此店消費。 價錢定位與格局都屬於中高檔類型餐廳，但自從入門口至離座，都見唔到呢度嘅服務員的態度同禮貌具有任何中高檔餐廳應有特質。環境欠衛生、餐具清潔欠奉、冷氣風口滴水都係見到嘅特別問題。食物質素方面，嚴格嚟講呢間並非100%泰國餐廳，菜式近似fusion為主，用食物外觀影相呃like係可以的，但如果要追求純正泰國風味， 相對比較失望。 成餐飯最好味嘅只得生蝦刺身同肉碎生菜包，其他都係水準以下。

以猛男show作為招徠但要留意餐廳公告 猛男並不是每天都在份量與味道  性價比極低甲拋肉碎牛油果墨西哥夾餅$98 2塊  -肉碎與鮮綠的牛油果形成強烈對比頂層撒上 紫洋蔥絲和芫荽碎但玉米餅並沒有想像的炭烤焦香肉碎少得可憐 調味只靠中間的青醬甘蔗蝦配魚子蛋黃醬$108  -金黃酥脆甘蔗蝦肉表層的麵包糠比蝦膠都要多魚子蛋黃醬更是少得可憐生薑蟹肉芫荽青醬意大利飯$158米粒並非傳統的奶油色，而是帶著螺旋藻般的青綠光澤每顆都裹著一層青醬汁 三隻小蟹鉗米飯份量也是少得可憐 飛天通菜   -味道正常 份量極少兩人四菜的份量完全不夠飽

隱身K11旁嘅叢林風泰菜館，霓虹燈牌下竟然有爆肌猛男侍應🤯！ 近期熱門話題一定係呢間泰國菜！朋友生日打算去慶祝，有朋友提議去呢間猛男泰國菜慶祝，貪佢氣氛幾好嘢食又OK！餐廳環境裝修充滿泰國風情，目測全場99%女客人，餐廳晚上分兩輪6:30同8:30 ，全場爆滿，猛男店員會蹲低溫柔講解菜式（心心眼），食物質素都不錯！如果嗌特別飲品會有特別服務，例如會喺你面前用強勁嘅臂彎Shake杯特飲。如果生日仲會有公主抱另外仲有一個全場公主橋，好誇張又好笑，不時聽到尖叫聲，成晚氣氛勁好！人均HKD300左右，睇住肌肉線條食泰菜飲special drink，味覺視覺雙重享受💪🏻✨ 好玩又好食，推薦呀！#睇仔食飯兩不誤

今次一班朋友黎食💯大滿足✨如果有埋傳說既大隻仔就更好lu~講番野食先🔥小食拼盤一次過滿足晒所有願望🍢 春卷脆卜卜 魚餅彈牙 串燒沙嗲味濃🍡 香茅燒豬頸肉係MVP🐷 外皮焦香 肉質爽嫩 香茅味滲透每啖肉🌿泰皇虎蝦炒金邊粉鑊氣十足🔥 虎蝦大隻到誇張🦐 金邊粉炒得乾身唔油膩 酸甜味平衡得啱啱好🍋 花生碎同辣椒粉自己加 夠晒貼心✨斑蘭青咖哩(雞肉)一上枱就聞到香氣撲鼻🌶️ 咖哩質地creamy得黎帶斑蘭獨特清香🍃 雞肉嫩滑入味🐔 仲有茄子同豆角吸飽咖哩汁 加埋個烤餅🔥  點咖哩汁食簡直無得頂🤤 一份餅完全唔夠喉呢個組合性價比超高💸環境有泰國風情🏝️ 座位闊落唔逼夾 💯下次都可以再encore~ 

同埋一班朋友黎猛男餐廳，人一世物一世，咩都試下🤭朋友好緊張 ，一早book 左枱現場好有氣氛，因為今晚有猛男駐場，而且因應復活節，佢地仲有兔男郎打扮。除左噱頭侍應生，食物都好好食。推介：冬陰公大頭蝦意粉個冬陰公source同意粉超夾，味道酸酸辣辣好好味。我地個晚encore左呢個意粉一次😋😋小食拼盤泰式生蝦刺生新鮮生蝦，爽口營火串燒醬汁味道有d 唔夠，d 肉都易離籤，方便share食香茅烤豬頸肉 份量好多🤩，燒到好香，表面脆脆地😋馬拉盞炒通菜 唔會太咸，味道適中魚子煙熏三文魚鵪鶉蛋餅賣相好精緻，以為係甜品，口感同味道好特別，食完一啖再想食😋生薑蟹肉芫茜青醬意大利飯味道清新唔會太膩芒果糯米飯甜筒焦糖榴槤撻配雪糕

睇咗猛男侍應，所以去呢一間泰式餐廳。不過同朋友兩個人冇嗌到猛男特別Menu，所以就冇乜特別服務。餐廳食物都高水平，嗌咗個冬陰功意粉，煮得勁Creamy好香冬陰功味，鍾意食泰國嘢必嗌，另外仲嗌咗軟殼蟹咖喱，味道都唔錯，不過對比起意粉就有啲遜色。

平時都唔會特登係openrice寫review… 但係係香港真係冇食過咁難食嘅泰國菜… 重衰過普通茶餐廳嘅泰國菜🙃嗰金不換肉碎煎蛋飯… 1.冇金不換味… 2.啲肉碎乾爭爭… 3.一啲都唔辣🙃嗰炸豬扒青咖喱滑蛋飯… 本身諗住咁特別好似日式x泰式feel埋試下… 點知就出事🙃 嗰青咖喱唔係青咖喱味… 重要好甜🙄 嗰滑蛋配嗰好甜嘅青咖喱更加係非常難食🫠 只係嗰炸豬扒係ok嘅但係完全格格不入🫥再加左嗰$10餐湯… 椰子雞湯… 好難飲… 冇啦啦加啲香茅+青檸味入去搞到有苦澀味🤢 好似壞左咁… 洛神花茶甜到好似飲糖水咁… 香茅檸檬茶味度正常但係一啲甜味都冇… 好似走左甜咁… 兩杯野飲本身都冇特別要求… 因為嗰menu冇得揀少甜嗰啲🫥唔該嗰廚師去附近啲泰式餐廳試下泰國菜究竟係咩味😑好耐之前食過呢間野其實係正常/好味嘅… 但係依家真係唔得… 冇下次

Asok Thai Garden已淪陷🤩 超多人排隊一定要預約先可以去啊🥬豬肉生菜包 $108猛男Waiter親自「肌榨青檸汁」😂😂 想享受就必叫啦🍜冬蔭功大頭蝦湯 $138酸酸地好開胃唔會好辣，大頭蝦啖啖肉有菇🍄🫔甘庶蝦配魚子蛋黃醬$108脆卜卜，沾沾蛋黃醬嘅～🥗帶子比爾芝士紅菜頭沙律（$108）泰式汁沙律，開胃健康人之選！紅菜頭都幾多！🍤泰式大蝦炒金邊粉（$158）金邊粉炒得香噴噴，大蝦都多！加少少青檸汁辣椒粉，開胃惹味～🦐蛋炒咖喱虎蝦 $256咖喱加左蛋超惹味！一定要加配印度薄餅+$18 愈食愈想食，而且一啲都唔辣！🐟娘惹蕉葉烤魚 $278原條烤魚。份量夠晒足，表面配既雜蔬菜多。魚肉熟得岩岩好，食落幾嫩滑香🍖蒜香班蘭烤羊架 $2483件羊架唔啖啖肉，好易咬得開，無咩羶味，配菜有烤粟米，蕃茄仔，翠玉瓜，薯蓉，同朋友share食剛剛好！🍨芒果糯米飯甜筒 $68淋上煙煙韌韌嘅椰汁，入口好味道！芒果超鮮甜！可以搵猛男餵食甜品🤭Coconut $58Thai Green Milk Tea $46Hot Latte $44

一個多月前有多已在Openrice book 位，仲要俾埋訂（一定要俾），去到先話冇我哋BookingShow俾你睇佢嘅手寫板冇訂枱人姓名，我哋叫佢check OpenRice System（最後搵到其實係有）然後又話俾你聽打個電話俾訂枱人，不過冇人聽，所以未confirm （俾咗訂都唔confirm ？）問佢用咩電話打，有冇留言，其實佢冇留言，不單止，原來佢打錯電話！爭拗咗15分鐘，期間有兩組客人有相同問題（俾咗訂，但冇收到電話，去到先知冇枱）接待員工毫無表情，也沒有歉意，仲話我哋鬧都冇用，佢冇感覺（意思係日日都有呢個情況）佢話一係等兩個鐘俾枱我哋，一係將訂金退落下一次（當然不能夠接受）最後要求佢退現金可能啲肌肉男真係好吸引，但係完全唔理解點解有咁多人like，唔會再book

真係可一不可再，長頭髮女侍應嘅態度真係麻麻去公司開完會，同同事一齊去食個下午茶，於是嚟呢間食咗四次嘅泰國餐廳，因為之前食過幾次都唔錯，所以揀咗再嚟。結果本身喺OpenRice訂座位，全單係有9折，去到埋單沒有比到九折，冇留意，返到屋企睇返賬單先知道。講返用餐的時候，問個女侍應攞餐具，都滿臉的不耐煩，都唔明又唔係繁忙時間，成個場得兩張枱，長頭髮女侍應淨係掛住傾偈，服務態度真係好差，同埋嗰杯桂花檸檬茶真係超難飲，食完今次唔會再嚟。