影片
今日為慶祝好朋友生日，好朋友們揀選依間餐廳這間餐廳一直在我的bookmark,終於有機會嘗試預約餐廳的時候，我已經告訴店員有好朋友生日，留左個名牌。當天好朋友生日，我一早去到餐廳，我再確認一次，門口店員說已記低，當上afternoon tea 時會有生日牌我們去的時候，因為時間太早，所以朋友們先點選burger 和沙律，大概到12:00 門口店員問我們是否要order afternoon tea, 我還以為他為我們準備，當tea set 上的時候，nothing!! 我行過去告訴店員為何沒有名牌，他好像完全忘記了，幸好他另外上了一個甜點是有生日名的給我們，但什麼surprise已經無了！afternoon tea set, 食物味道都很一般，也沒有什麼驚喜！另外當我們食完burger和沙律，餐廳店員完全沒有幫我們更換碟子，我們是用同一隻碟，享受甜點，service 完全不能接受，這樣的價錢，相信有更好的選擇！
繼續閱讀
最近啱啱撞正個信用卡優惠於是嚟食個下午茶🌤️喺呢個商場嘅環境底下真係特別有藝術感既感覺🎨四周嘅環境都好有設計特色👜美中不足係商場有其他活動所以今日位置比較迫唔算Chill🥹食物方面味道水準都係合格中上😊但係以正價既同等價錢嚟講 酒店嘅下午茶水準更勝一籌🫶🏻⭐️ Baked Lobster and Caviar Tart 🦞⭐️ Hokkaido Scallop Ceviche with Cucumber and Tropical Fruit 🐚⭐️ French Foie Gras Terrine Tart sith Caramelized Onion, Smoked Pork Belly⭐️ Smoked Salmon and Cucumber Sandwich 🥪 ⭐️ Sea Urchin Toast 💛⭐️ Lobster Bisque 🥘食物方面都特別用咗唔少比較名貴嘅食材🤣光度嚟講龍蝦同帶子Ceviche嘅味道都新鮮🌊但係個配搭唔係好夾尤其是個撻底重複出現幾次有點偏硬同油膩感😅唯獨係鵝肝豬腩既配搭比較出色充滿油香🥓 龍蝦濃湯上碟嘅時候偏凍所以味道輕微扣分🥹⭐️ Extra Dark Chocolate Caramel Tart 🍫⭐️ Pistachio Panna Cotta 🍮⭐️ Strawberry Mille Feuille 🍓⭐️ Rum Raisin and Classic British Scone 🇬🇧⭐️ Masacarpone Cream and Homemade Raspberry Jam 🍇作為甜品控嘅我稍稍可惜甜點比較少😛但係朱古力味同埋開心果都係偏濃郁嘅幾加分💚 Panna Cotta十分幼滑而且開心果味好Rich😝 Scone既鬆化程度亦都做得恰到好處⭐️ Earl Grey ☕️⭐️ Chamomile 🌼茶嘅選擇同樣不過不失🍵店員都有適時加水
繼續閱讀
較早前為了慶祝《100%多啦A夢 & FRIENDS》巡迴特展全球首站正式開幕，位於K11 MUSEA 地下的Artisan Lounge by LUBUDS成為全港獨家「100%多啦A夢獨家限定主題 Cafe」，當中推出了很多多啦A夢限定主題菜單。雖然這個主題已經圓滿結束，但係為了紀錄一下，在此都簡述一下這間餐廳的食物質素和味道。🌟100%朋友召喚鈴龍蝦牛油果三文治拼薯條(蝦肉、牛油果、洋蔥、蒜、雞蛋、蛋黃醬，牛油麵包、馬鈴薯)將今次展覽的主題圖案融入在菜式之中，賣相吸引，但略嫌份量較少，價錢偏貴。🌟豆沙包紅豆班戟(雞蛋、糖、麵粉、蜜桃、紅豆沙 )多啦A夢最愛的甜點豆沙包，上面印有「100%朋友召喚鈴」圖案，仲以藍色馬卡龍砌成多啦A夢的屁股。外型非常可愛，絕對受小朋友愛戴。🌟多啦A夢荔枝梳打籃柑糖漿、荔枝果蓉，檸檬汁，七喜其實我覺得這個飲品顏色有點恐怖，不過切合主題，適合打卡，但味道真的有點奇怪🫢🌟100%朋友召喚鈴泡沫咖啡咖啡的表面有多啦A夢可愛的樣子和精緻的鈴鐺造型。總括而言，這間餐廳並不是所有菜式都味道非常滿意，只屬一般，但價錢就偏貴，只為打卡就有點不值。
繼續閱讀
行街時無意中發現這間Artisan Lounge有個鹹點以海鮮為主做食材的afternoon tea set幾特別，有別平時多以甜點做主的afternoon tea，搵個平日來試下😋環境：餐廳範圍本來就不大，加上有部分被包場，所以枱的數量較少，感覺有點擠逼，而且餐廳位於商場內，雖然配合埋商場裝修好靚，但真係有種在街邊食嘢的嘈雜壓迫感覺😅食物：基本上除了Scone令人失望，又乾又燶又無牛油香味，有食淨都無動力拎返屋企再回味🫣，所有鹹甜點雖不及高級酒店餐廳的味道細緻多層次，但整體都質素平均不俗！鹹點方面，小杯的龍蝦濃湯尤其驚喜！😍內有不少小龍蝦肉，另外餐廳服務也不錯，訂位時通知店員有一位顧客不能食生食物，餐廳願意配合將帶子刺身轉慢煮帶子、海膽轉小龍蝦～甜點方面，最喜歡的是開心果奶凍，開心果味濃郁而同奶味平衡。其次是特濃朱古力焦糖撻，甜而不膩，而且一口size更加不會感覺漏😋飲品方面，叫了decaf的cappuccino 同latte，味道香濃解甜膩，整體來說很滿足😌
繼續閱讀
週日同太太去附近名店購物之後，店員介紹我到呢間見過好多次，但冇入過去嘅餐廳試吓。名店店員大力推介焗豬扒飯，我太太一向都好鍾意食焗豬扒飯。我就預咗佢食唔晒，所以我唔敢叫太大份嘅嘢，結果叫咗個手工 bolognese 和牛闊條麵，預咗要幫老婆執手尾。結果兩樣都有驚喜：好多年冇食過好食嘅肉醬，之前喺The One 食過一間好食嘅，但係可惜已經執咗。我仲以為要去返意大利先食得返。至於老婆個焗豬扒飯，結果真係食唔晒，我食完個闊條麵居然都仲可以幫佢掃埋；最重要係，其實我不嬲都唔鍾意食焗豬扒飯，因為又鞋又乾，呢間餐廳個廚師，唔知佢用咗啲乜嘢魔法，可以令到塊豬扒外脆但裏面軟熟，唔肥，又好有豬味，死就死返到屋企預咗要返去跑步燒返食多咗嘅。每人加多一杯Cocktail，都係七百幾蚊落樓，七百幾蚊可能一般舖頭嚟講係貴，但係食肆價錢我覺得係可以同食物質素掛勾嘅，呢間餐廳嘅食物絕對對得起呢個價錢。遲啲一定要再嚟過幫襯支持下
繼續閱讀