280
80
31
電話號碼
28852030
開飯介紹
來自法國的過江龍餐廳，店內設巨型落地玻璃窗，可觀看維港海景。餐廳主打松露料理，由餐前麵包、餐湯、主菜及甜品，都加入了松露的元素。
繼續閱讀
營業時間
今日營業
12:00 - 15:00
18:00 - 22:30
星期一至五
12:00 - 15:00
18:00 - 22:30
星期六至日
12:00 - 16:00
18:00 - 22:30
公眾假期
12:00 - 16:00
18:00 - 22:30
以上資料只供參考, 請與餐廳確認詳情
有關獎賞計劃
優惠
食家推介
相關文章
🍷🍽️🥩情人節松露法式美味▫️以下為情人節套餐$1288/位，早鳥價$1088/位♥️戀上松露情人節限定晚餐♥️☑️餐包🥖餐包有三款，微暖軟熟，配搭松露鹽牛油🧈及黑松露忌廉，黑松露忌廉嘅黑松露味好濃，好好味🤤。頭盤STARTER：☑️魚子醬• 紅蝦韃靼•法式鴨凍批•松露魚子醬放在紅蝦韃靼上，2樣都好好味，紅蝦彈牙新鮮。鴨凍批口感好似芝士蛋糕，但好有鴨味，口腔會留有餘韻，旁邊仲有啲蘋果粒同士多啤梨粒增添口感及清新感。上面有吾少松露片，配咩食都別有一番風味。湯SOUP：☑️龍蝦湯•松露 🦞 - +$38唔使加錢嘅有法式洋蔥湯，但我地都選左龍蝦湯，的確好香龍蝦味，裏面仲有好多龍蝦肉粒，真材實料。上面有三片松露。義大利餛飩 RAVIOLI：☑️意大利芝士餛飩•蕃茄忌廉汁•松露🍅餛飩有兩大件，入面包全好大件香濃芝士🧀，食完即刻有飽肚感。個蕃茄忌廉汁酸酸甜甜好好味，可以中和芝士嘅膩感。主菜MAINS ☑️烤澳洲M9和牛柳•紅酒汁•松露🥩叫左5成熟，上到黎都剛好，職員會係客人面前即場刨松露片上去，牛柳嘅牛味濃，肉都易咬吾會韌，幾高質，伴碟嘅烤薯同番茄同樣美味☑️烤三黃雞•松露🐤個雞都烤得好出色，雞皮超脆，肉都好嫩滑同Juicy, 調味都好好，雞油香味出晒黎，係我食過最好味嘅烤雞😋☑️龍蝦尾 - +$88龍蝦尾係起肉煎香再放返落個殼度，所以好容易就可以食到，好厚肉，本身冇咩調味，但就可以食到龍蝦嘅鮮味。甜品DESSERT：🆗伯爵茶芝士蛋糕•啤梨醬伯爵茶同芝士嘅味都吾濃，口感比較鬆散，但好欣賞店家好細心甘寫左碟，仲主動幫我地影左好多張相，伴碟都好靚，水果好新鮮。
繼續閱讀
之前係香港餐廳周book左一間想食好耐既餐廳 - 松露館，果然餐廳既設計+完整既海景+食物既質素，超出左我既想像，呢間餐廳係一個約會好地方之一😍👍🏻👫。Dinner Set (Discount Price$498, Original$588)頭盤 + 湯 + 主菜 + 甜品Starter 頭盤- 松露凱撒沙律- 松露牛肉韃靼 (+$48)牛肉雖然生，但完全無腥味，而且牛味夠重又夠爽滑，再配埋松露片一齊食，味道更加近上一層樓。Soup 湯- 松露牛肝菌濃湯- 松露龍蝦濃湯 (+$38)兩個湯都十分濃郁，係表面聞都好吸引😍龍蝦湯鮮味十足，而且好滑身; 牛肝菌湯俾龍蝦湯更加濃味，而且當中有少少牛肝菌碎，唔止有口感，更加有少少木味。Main 主菜可以見到侍應即時係面前刨黑松露到主菜，完全有齊視覺同味覺既享受- 松露香烤三黃雞冇諗過係原隻雞髀上🙈唔單止好大隻，而且雞皮外脆內既肉質好嫩滑，食起嚟有淡淡的雞油香，而配合埋松露一齊食，可以中和返油膩既感覺。- 松露香烤澳洲M6和牛西冷 (+$98)目標要五成熟，餐廳唔止做到之外，亦可以見到和牛西冷外圍，完全有脂肪包住中間既肉，食起嚟幾嫩口，而且表面有炭燒味，有入口即溶既感覺。Dessert 甜品- 檸檬芝士撻唔只有焦糖醬汁，更加係檸檬芝士撻表面有燒左焦糖面，食起嚟好甜好香，完全唔酸。Drinks House Wine (+$98/2 glasses)回頭指數: ⭐️⭐️⭐️⭐️食物質素: 🌮🌮🌮🌮服務質素: ☺️☺️☺️☺️消費指數: 💰💰💰(TTL $1405.8，人均消費$702.9)環境質素: ☘️☘️☘️🍀* 松藝館 (尖沙咀)尖沙咀廣東道3-27號海港城海運大廈3樓OTE303號舖同類餐廳 #cocofood_french同區餐廳 #cocofood_尖沙咀如果你鍾意我既分享，按右上角🔔，就可以睇到我所有既update
繼續閱讀
難得星期六，一點半放到工，可相約同事去海港城午餐。選擇了海港城海運大廈3樓的松藝館。剛步入餐廳，就見到落地大玻璃外，風和日麗又平靜的維多利亞港。舒服的梳化座椅，預備好放鬆的心情開始星期六。選了基本的午市套餐，有一個前菜和一個主菜，再加一杯飲品。我選了牛肝菌濃湯作前菜，香氣四溢的菌湯配着松露，確實開胃。而主菜，我就選了龍蝦汁大蝦帶子意大利飯，當然一定有黑松露作伴碟。即席預備黑松露片作伴碟，滿足了視覺的享受。最後，選了是日甜品是熱情果慕絲，酸酸甜甜，確實是一個圓滿的午餐。
繼續閱讀
今次同好朋友慶祝生日🎁揀左係海港城既松藝館，望住海景進餐，環境氣氛都好好呀👍🏻今次叫既係Truffle Experience Dinner 仲可以親手試吓刨原粒嘅黑松露😍，係原粒呀🤩頭盤有慢煮大蝦配蘆筍 - 爽口大蝦配上蘆筍，味道清新，作為appetiser好適合 餐湯我哋升級咗做龍蝦湯，味道豐滿，帶有龍蝦鮮味，口感細滑然後就係自家製寬條麵、口感煙靭！配上白酒忌廉汁加巴馬臣芝士🧀，醬汁濃稠且豐富，充滿了濃郁的醇香味道，食到停唔到口香烤智利海鱸魚柳 - 香烤過後外層呈現金黃色香脆魚皮，但仍然保持著肉質鮮嫩，口感細膩，魚油味豐富燒美國頂級牛柳 🥩 - 牛柳肉質鮮嫩多汁，具有濃郁既肉香同柔軟既口感。自家製松露提拉米蘇•及松露意式雪糕Tiramisu 由層層既蛋糕、咖啡酒同幼滑既cream組成，口感細滑，上面加咗朱古力做點綴，令蛋糕增添一份朱古力嘅香甜味松露意式雪糕絲滑雪糕帶有濃郁既松露香氣，上面加上松露片，種奢華而美味而家松露體驗套餐仲有半價優惠，性價比絕對超高
繼續閱讀
一直都想試的松露法國餐廳🥂✨松露盒子中 自選原粒黑松露每道菜式 店員會在你面前手刨松露整頓晚餐都被松露圍繞住 舌尖好幸福🤤//5 courses truffle experience 🍽️ 頭盤+湯品+意大利麵+主菜+甜品頭盤湯品主菜甜品都很高質奢華.•頭盤•慢煮大蝦蘆筍擺盤精緻 散發淡淡黑松露味蝦質柔軟彈牙 蘆筍清脆口感 淡淡甜味.•湯品•牛肝菌濃湯 | 龍蝦濃湯(+$38) 兩款都好濃郁 會令人回味無窮！但牛肝菌湯更出色味道更搭.•意大利麵•自家製闊條麵 好煙韌 份量啱啱好白酒忌廉汁香濃 不太膩 但味道比較淡.•主菜•香烤三黃雞 | 燒美國頂級牛柳 (+$98)兩款都值得試 三黃雞外皮香脆 肉質軟嫩入味係兩大隻雞髀肉 油脂剛好且多汁🤤而牛柳選擇五成熟 每一口都充滿肉汁肉質釋放出濃郁牛肉香氣 肉質細嫩兩款主菜加上手刨黑松露片 極滋味.•甜品•黑松露Tiramisu配雪糕甜品自家製松露雪糕有夠特別也是第一次吃到這個味道🥰.視覺 嗅覺 味覺都好高享受 好特別的一餐🤍
繼續閱讀