Arena Kitchen

營業中

休息中

Young girl at the front desk, she was so friendly & welcoming. Rest of the staff, old & full of prejudice. I was happily eating my ordered Soup Of The Day with toasty warm bread when I was witness to a ruckus. A female customer speaking in Mandarin complaining that the staff were giving her dirty looks. I didn't really think I would experience just as bad service. I went to pay my bill, showed him my order number, the old man asked where I was sat. I pointed to the seat & he repeated my order. I

今日入左去Aisa world 做野，一行8人周圍行搵野食，本身想食kfc 不過好多人，所以上左黎食，8人枱坐得好舒服😌不過無set 只有散叫，叫左個烤三文魚($128)味道幾好，肉嫩皮膽🤤有朋友叫左千層麵，話份量細，味道一般又有朋友叫左春雞，睇落有啲乾，不過食落ok 但有少少辣🫢薯蓉份量都好夠👍🏻👍🏻不過啲豆賣相唔多好餐茶散叫50蚊一杯左右，所以無叫另外都可以加$88要甜品加餐飲不過不失指定信用卡有85折👍🏻

上星期去左睇演唱會～想入去前食D野。入到亞洲博覽館，都無咩得簡。係至搶眼見到間ARENA KITCHEN .1）和牛漢堡 $138 普普通通咁啦.2）芝士蘑菇千層麵 $128第一啖食落去，d 千層麵好硬。食多幾啖又覺得可以接受3）mocha $50 正常水準5🐷 滿分環境🐷🐷🐷🐷食物🐷🐷🐷價值🐷🐷🐷整體：如果去開機場/睇演唱會，又有d時間都會過嚟食下，叫做有個舒服落腳，食物嘅話有更多更好選擇。

博覽館既餐廳選擇唔多呢間餐廳價錢雖然唔平 但性價比算係ok跟餐加錢可以要湯/沙拉/飲品每次黎食佢啲餐湯都好有驚喜今次都一樣係揀咗餐湯第一次飲呢種顏色同質地既洋蔥湯 有少少似中菜既芡汁 不過味道係ok既佢面頭擺住一塊芝士麵包 本身非常脆 索曬d洋蔥湯之後 絕對係呢個湯最精華既部分主菜揀咗三文魚 睇落好似唔係好多 但其實好大舊 女仔絕對食得飽三文魚煎得好香 塊皮仲脆卜卜臨走個陣見到佢呢期既萬聖節甜品賣相超級可愛 忍唔住買咗幾款拎走

平日的亞洲博覽館，原有的連鎖餐廳原來都不會營業。這餐廳變相成了獨市的一間。機場員工有優惠，另有多張信用咭都有做優惠。大約是酒店咖啡室的那些食物種類。這天有”A culinary journey of Australia”，精選了幾道與澳洲有關的食物，價錢尚算合理。我點了低碳乳酪沙律，主打紅菜頭、甘薯、羽衣甘藍、枝豆等，加了berries， 賣相不錯，而且味美。在這個好像孤島似的地方，全靠這餐廳，為有工作需要的人服務。

當日參加展覽，附近都無乜餐廳，而且一啲快餐店都比市區的價格貴，見呢間餐廳裝修得幾靚，而且想試吓新野就入去試下呢間環境舒服可以坐幾耐都得，又係即叫即整俾你慢慢品嚐法國菜叫咗《鍋烤法國春雞》$128，另外加咗$20有埋蒜蓉包加餐湯餐湯係蘑菇忌廉湯，好creamy好香濃，個蒜蓉包亦都好香脆，配埋餐湯一齊食好夾！烤春雞一上枱擺碟已經好精緻，而且亦都有好多配菜，燒汁同春雞好夾！烤春雞烤得啱啱好，啲肉好嫩滑好juicy，配埋啲吼焗薯同埋雜菜一齊食，一人份量都算多，個人覺得法國菜來講算係好抵食

聖誕新年期間，夜晚七點幾walkin問佢有冇位食飯,門口個經理態度超級超級超級差咁同我講一早過咗Last order,叫我哋唔好入去。我問佢幾點有得食，佢話因應情況隨時會早收，咁我想問晚市咁應該幾多點去食呢。

AK 特色三文治一望落去就知好滿足，薯條熱辣辣，新鮮出爐，好有薯味三文治有滿滿嘅菜，麵包似多士，足足有三層，無可能一口食曬，料非常充足及多元化，但係全部都凍凍地，煙肉非常硬，咬唔到沙律無咩汁，清新嘅檬檸醋sauce食曬個三文治，其實都已經飽到食唔落薯條，太多碳水化合物整體一般

好耐無去旅行，特登坐車去亞博食好西環境優美，坐係室內歎冷氣望住個靚境食好西咖哩牛肋條配飯薄餅及馬鈴薯咖哩汁係有少少辣，牛肋條都多，半肥瘦咁有點筋，食落去都淋，有牛味食得出材料都算新鮮，咖哩裡仲有唔少菜，包括紫洋蔥，菠蘿，茄子食落都幾清新。馬鈴薯整得剛好，唔會太硬或太軟，有薯味但無泥味，個薄餅都ok,唔會太油

精緻的法國餐廳*只有星期一至五開門的法國餐廳用恆生信用卡還有85 折。法國餐多數俾人感覺好貴哩間餐廳比較底食， 又不會失去法國餐的精緻和美味。我叫左一個烤法國春雞$108加 $20有湯和法包湯好creamy, 法包剛剛好，好脆烤法國春雞不會太會烤的太乾， 好juice.餐廳可能位置偏僻,沒咩人去想有一個休閒的假期你真可以享用真正的法國餐三小時。侍應嘅態度亦都好好佢地會睇你食完一道菜之後， 再收左餐具之後先上另一道菜。

係機場返工，除咗去東涌食飯都冇咩選擇，原來亞洲國際博覽館都有好味餐廳，以後lunch 又多一個聚腳點啦！餐廳好新淨，啱啱裝修完，以為新開無咩人知，點知星期五黎都幾full 下！坐低點完餐，哥哥就問要唔要加配餐湯，星期五當然要食豐富啲，南瓜蟹肉湯好creamy，但最出色都係個蒜蓉包，同一般西餐廳嘅法包好唔同，十分脆口之餘，蒜香味啱啱好，就咁食又得，用黎送湯亦得！主菜就叫咗一份和牛漢堡同春雞，哥哥好細心，知我地share 就問burger洗唔洗切半，原來平時係一隻半熟蛋，侍應哥哥問洗唔洗隻蛋熟少少唔怕切完流瀉哂，咁細心得唔得架春雞不過不失，有啲乾，送番個汁啱啱好其實已經好飽，但見枱枱都嗌梳乎厘，點可以唔嗌一份？！！！ 即叫即焗，好彩落單個陣嗌定，咁食完飯就啱啱好了！梳乎厘係平時食到嘅2-3倍，好抵食呀！！！ 2個人share 都得！梳乎厘最重要係個空氣感，但又要食到啲糕糕cream cream ，呢間餐廳算整得唔錯，朱古力味好香又唔怕太甜，仲可以自己落朱古力醬，100分食飽飽又要努力工作了，睇黎呢到好快成為機場員工嘅聚餐飯堂！

每次參與亞洲博覽館主辦的電子交易會，作為買手的我第一最期待的肯定是這個豐盛的早餐餐牌只有兩種餐包有方包、牛角包及提子酥餅，均是很新鮮，熱哄哄的美味然後還有鮮榨橙汁，以及咖啡或茶供應，很是貼心之後還有餐前水果，新鮮且有很多種類最後是主菜，選了肉類，即不是素菜，有一塊魚柳、炒滑蛋現方包，以及兩片煙肉魚柳非常香，配合他他醬完美牛乳滑蛋才是精髓，炒得滑及香，方包入味非常煙肉則略為過火，變了豬肉乾總括而言，這是一道完美早餐，為工作天提供額外動力

食物質素ok我去食嗰日係mama2017係尼度叫左兩件餅之後我同一個叫Mxxxx xxxx 既收銀講 我係度食但係佢照樣包左外賣俾我我再同佢講多次 我係度食然後佢話: 西餅唔可以堂食，只可以外賣我心諗，咁好啦，我拎出去食但係我買完之後，後面有兩個韓國人同樣買左兩件西餅但係佢地可以堂食，仲有碟裝後尾我走去問番Mxxxx Xxxx佢話: 嗰兩個人一早已經講左要堂食其實我都講左堂食，仲要講左唔只兩次但係依然包外賣俾我，仲唔俾我地坐係外面位置食。。。當我問多佢幾句，佢就話： 其實我估唔到你會因為我包左外賣俾你而咁嬲仲要唔道歉，我走左之後，佢仲好大聲咁笑超冇禮貌大家認住佢

放工經過望下d甜品，見到個樣咁吸引，忍唔住買番兩件，$35/件，價錢都合理，一開始以為應該淨係睇得，點知原來仲好好味，尤其係心心個件，好滑既cream再加埋cake底真係食完心情都靚d ><

今日交通實在太暢順喇太早到，搭的士無塞車話咁快就到步，大把時間嘆早餐，唔洗又食鬼佬冰凍三文治喇。食左泰國野幾次，發現樓上有其他選擇喎，就試您啦。理境清靜坐得舒服，地方大、密度低、又無咩食客。買飛、搵個靚位坐、等 call 機響。皮蛋瘦肉粥、糯米雞、叉燒包，成個早餐都係澱粉質，都幾特別！同妹妹查詢 lunch 有咩食，lunch 只做自助餐，即係無得食啦。皮蛋瘦肉粥，加少少薄脆增加口感，又可減幫助降溫，道理跟鬼佬熱湯加麵包一樣，但依家個粥只係微暖，唔洗降溫啦。質地好厚好杰既皮蛋瘦肉粥，皮蛋質量平平，免治瘦肉碎，整體味道滿意。叉燒包，獨立一隻一籠好精緻。凍冰冰，連暖都稱不上，一撕開包皮乾到散開，毫無彈性，味道差、料又少，劣！糯米雞，真的嗎？我見到前真係以為會比糯米雞，依隻 size 好明顯係珍珠雞囉。溫度比叉燒包暖，還好。拆開睇睇有咩料先，冬菇碎、肉碎跟雞肉碎，味道餡料同 7-11 一模一樣。$78 蚊中式早餐質量差唔抵食，唔啱香港人口味！火腿炒蛋、牛尾湯通粉、多士，$81 蚊太貴喇麻？牛尾湯通粉，罐頭湯底還算入得口，唔洗額外加調味，通粉係正常傳統小通粉，並不是即食通粉，唔難食。火腿炒蛋，