Angry Oppa Restaurant & Bar

324
22
10
港鐵尖沙咀/尖東站 B1 出口, 步行約7分鐘 繼續閱讀
電話號碼
28843266
開飯介紹
韓國煎餅料理專門店,由來自釜山的大廚親身煮理,主打創新口味韓國煎餅,如深盤薄餅和芝加哥薄餅。 繼續閱讀
營業時間
今日營業
12:00 - 23:30
星期一至四
12:00 - 23:30
星期五至六
12:00 - 00:00
星期日
12:00 - 23:00
付款方式
Visa Master 現金 銀聯
其他資料
Wi-Fi
酒精飲品
電視播放
有關餐廳
「Angry」登場:首間始祖韓國煎餅料理專門店
香港首間始祖韓國煎餅料理專門店「Angry Oppa Restaurant & Bar」「憤怒」登陸尖沙咀!店主親力親為搜羅全韓國至風味的薄餅美食,由厚得驚人的邪惡芝士薄餅開始,多角度讓你感受Angry Oppa的無比威力。嘗過先知,原來韓式薄餅豈止pizza咁簡單!
邪惡「芝」味湧現
究竟這個pizza係咩玩法?店內的薄餅多數是香港少見又或韓國傳統口味。由來自斧山的大廚精製多款招牌名物,推出獨有創新的韓國煎餅、芝加哥薄餅(Chicago Pizza)、深盤薄餅(Deep Dish Pizza)、窯烤pizza(Spoon Pizza)等。風格近乎斧山口味,味道同你至夾。

好物推介
韓式熔岩芝士原味比薩批:這款8吋大比薩批厚度十足,九成芝士餡料拼入麵粉粉團。「cheese全部都係cheese」,感覺飽滿豐腴!
韓式年糕比薩批:這個「年糕+pizza」的組合,內裡有多個韓國街頭小食的餡料,集滋味惹味風味於一身。
韓式海鮮薯泥比薩批:將薯仔打成蓉,薯泥混有芝士、海鮮加上韓國特色醬汁,襯熱「畢」來食,食到綿滑口感。
泡菜韓式醬牛肉煎餅:辣辣地的風味泡菜加上牛肉製成煎餅,吃的時候,蘸點旁邊的惹味醬汁,煙煙韌韌,好鬼過癮。
韓國傳統金便當:除了一眾軟硬不同的「薄餅」,在Angry Oppa中更有「溫暖的飯盒」-傳統金便當。這個就是「Korean home feel」吧!
燒酒配煎餅是韓國飲食文化的「常客」,店內的燒酒選擇多不勝數。大家快來跟「Angry Oppa」拼一拼,梗有一款啱你口味。
食評 (369)
等級4 2019-01-02
782 瀏覽
尖沙咀好多韓國菜式餐廳,而好多鋪頭都係韓國人親自主理,由樓面到廚房都係韓國人打理,先至係名正言順韓國料理。 其中有一間 Angry Oppa Restaurant 係由釜山嚟嘅新派fusion韓國菜, 食得多傳統嘅韓國料理當然要試下啲新鮮嘅fusion菜式。迷你微辣大蝦熔岩比薩 $90一份兩個迷你pizza,我哋兩個每人一個剛剛好,pizza裏面充滿韓國大醬,所以有啲微辣,而且加埋裏面嘅芝士新鮮熱辣流出嚟就好似溶岩一樣,面頭仲有一隻大蝦,口感非常好,大蝦彈牙,裏面芝士濃郁,再加上一啲微辣,必食之選。泡菜韓式醬牛肉煎餅 $158一個份量充足嘅煎餅,充滿泡菜同埋牛肉,煎餅厚薄適中,煎得底面香脆,裏面保持一定嘅軟度,而牛肉份量又多,充滿泡菜嘅微辣,開胃好味。泡菜芝士拉麵 $85泡菜味辣芝士濃郁,兩樣嘢加埋一齊,放入韓國拉麵,熱辣辣嘅一鍋拉麵令芝士半溶,沾上拉麵非常好味。牛肉湯鍋 $99湯底係牛骨湯底,配料主要係牛肉、雜菜、冬菇、韓式年糕等,配料豐富,加埋濃郁嘅湯底,連湯都飲埋,絕對推介。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-23
763 瀏覽
好耐無食過韓國菜,於是去左尖沙咀既韓國街揾食。見到呢間有好多飲食廣告介紹,就呢間啦。 凍凍地,食個韓式一人火煱 先,都係$99乍。有4款,揀左海鮮湯鍋(鮮蜆湯底)配料好豐富,有蝦、蜆肉、青口、冬菇、脆肉瓜、紅蘿白、白蘿白、雜菌、年糕……湯底好鮮甜,慢火滾著食,熱辣辣,好鬼正加多兩串魚糕串,好有拮魚蛋既感覺仲好飽肚韓式煎大餃子$58原本係兩隻大餃子,不過oppa話改左變4隻細餃子,無所謂啦。話時話,好似第一食韓式餃子,通常韓式食品都係食炸雞,燒肉和泡菜多。餃子煎到兩邊金黃色,皮薄,餡料多,主要係大白菜和豬肉混合而成。與我地傳統煎餃比較,味道一般,但感覺冇咁油膩。韓式微辣熔岩PiZzA $198薄底厚邊,面層塗滿薄薄一層韓式辣椒醬,好惹味。雖然配料不多,但芝士量十足。加埋超強芝士拉絲,睇見都好治癒。埋單仲有兩粒薄荷糖食呢到落單要講英文,因為職員真係韓國人黎呀,仲要係OppA 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-21
393 瀏覽
韓劇中經常有主角們很滋味的吃著用小鋁鍋盛載即食麵的鏡頭,原來香港亦可以品嚐到此風味。今晚於Angry Oppa用餐就見到兩位女生共享一鍋即食麵,各自將自己的湯匙往湯鍋中舀湯,然後直接送往口中。Angry Oppa除即食麵外,亦有傳統韓式湯、煎餅、金便當及韓式拉芝pizza,韓式米酒及梳打汽水當然少不了。檸檬梳打 柚子蜜本想叫真露蜜桃泡泡氣酒,侍應告知剛剛售罄,沒有多想下隨便叫了檸檬梳打及柚子蜜。檸檬梳打味道比想像好很多,味道很清新又不會太甜,卡路里亦很低,感覺上比較健康。柚子蜜罐面寫著百份百韓國製造,味道雖與一般的分別不大,但總覺得味道好一些。泡菜炒五花肉泡菜炒五花肉以為是小小的一碟,用以下酒,誰不知鋪滿整個石鍋。泡菜切得比較細碎,夾雜著五花腩片,泡菜的辣味減輕了五花腩片的肥膩感而五花腩片的油脂又滋潤了泡菜,變得更加可口。釜山魚糕湯 湯內插入兩大串魚糕,魚糕顏色形狀各不同,每人食上一串都有半飽。魚糕湯內尚有大量配菜如洋蔥絲紅蘿蔔絲及蒜蓉,湯味清甜中帶點蒜蓉胡椒辣味。吞拿魚金便當 金便當應該就是韓國手搖便當,蓋上蓋後用力搖均,好使材料能夠平均分佈。本人手力技術不佳,未能搖均,只好食時拌均。便當內吞拿魚份量不多,幸好還有脆蝦乾脆紫菜絲及大量生菜絲,再拌上泡菜五花肉味道不錯。整個樓面只有一位韓藉Oppa負責,人滿時好像有點食力,幸好Oppa待人親切,笑容很好,很有親和力! 繼續閱讀
(以上食評乃用戶個人意見 , 並不代表OpenRice之觀點。)
跟好友飯緊,她是典型的韓迷,oppa fans 😁😁,所以不難理解她會選擇 angry oppa 😊😊angry oppa 店內陳設間潔,沒有太多花巧佈置,大電視輪迴式推介重點菜式及不時播放韓歌,音樂是無間的,不懂韓文也沒大影響。牛肉湯窩(牛骨湯底)($99) 牛骨湯底做牛肉鍋,穩陣配搭。牛肉紅白分明,顏色鮮艷跟翠玉瓜的翠綠,相影成趣。什菌一扎的墊底,夠完美吧~韓式海鮮薯泥比薩批($168) 最初估計是薯蓉饀料的披薩,上枱才知道是披薩樣子的薯蓉……so funny 😍😍 夾雜了海鮮、芝士的薯蓉,味道還尚可。幾棵西蘭花除造就顏色效果外,也緩和了大量薯蓉及芝士的膩口感,聰明選材。韓式煎餃子($58) 跟熟悉的煎餃差不多,只是餃皮較薄身,菜肉均稱,還有像粗粉絲的饀料,味道也不錯。韓式牛肉拉麵($85)貫切韓國風格,材料都是碎切小粒,再砌回全貌。份量相當可觀,極飽肚。韓國檸檬梳打 $27,普通超市很少見,當然要點一個。跟果汁汽水分別不大 😎 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-20
1853 瀏覽
放工同好友興起想食韓國嘢先黎一個魚糕青口鍋,料好多,又唔貴,魚糕彈牙,個底又有菜同其他蔬菜,青口煮起好有鮮味,最後啲湯又濃又好味佢會俾你拌好嘅pancake 汁,話一兜大概可以煮 10-12 塊~ 哩度有個free style pancake 真係 “好好玩” 有蝦,蔥,韭菜,章魚,泡菜,牛肉俾你整煎餅,可以落咩就落咩。配菜可以落多落少,可以按5同人口味,真係幾好。可以按照自己喜好整薄整厚都得嗌左哩個韓式飯盒,記住唔好好整齊咁樣食呀,一定要閂埋個蓋喺廳搖到佢啲餸一齊的唔好睇佢個樣咁樣,撈埋晒真係好味,泡菜味夠濃,餐肉係韓式嘅,好特別芝士雞肉pizza 係好軟熟嘅厚批睇見佢熱辣辣上碟,未食都流晒口水拎起啲芝士真係好多,好豐富,亦都唔會太膩三個食左$700幾,食到飽一飽,正呀 繼續閱讀
(以上食評乃用戶個人意見 , 並不代表OpenRice之觀點。)