61
39
14
港鐵香港站 C 出口, 步行約6分鐘 繼續閱讀
電話號碼
3188 0842
開飯介紹
成立於1903年的法國殿堂級甜品店,標誌著「法國人的生活方式」。供應最傳統的法式甜品糕點,還有必試的香濃熱朱古力。 繼續閱讀
付款方式
Visa Master 現金 AE 銀聯
座位數目
68
其他資料
Wi-Fi
酒精飲品
自帶酒水
電話訂座
外賣服務
加一服務費
室外座位
食評 (119)
等級4 2018-02-25
974 瀏覽
食完晚餐就去左附近IFC食甜品,LEE間老婆想試好耐,話晒都係法國過江龍嘛!點左個招牌熱朱古力 Hot Chocolate,真係超濃超甜,好似飲緊個朱古力甜醬咁,濃稠GE朱古力一路飲一路痴住個喉嚨,我就不太識得欣賞... 飲完好口渴因為去到餐廳都好夜,所以好多款甜品都賣晒,無得叫想試果D。最後點了蒙布朗 Mont Blanc,都係好甜哈哈哈,應該係愛甜一族先鐘意LEE到價錢都偏貴,而且服務麻麻,係得個景靚! 繼續閱讀
(以上食評乃用戶個人意見 , 並不代表OpenRice之觀點。)
<
等級4 2017-02-27
1620 瀏覽
唔係淨係甜品咁簡單原來呢度除咗朱古力仲有好多其他嘢食賣相唔錯~ 個蝦都新鮮彈牙 🦐擺盤好靚~ 無記錯好似係 tartare 🤔個鵪鶉蛋好 cutie(非重點 😂)朋友點嘅 signature hot chocolate 🍫 我唔知做乜當時話怕膩無點到而家抱憾終生 😂 要去 paris 先搞得掂靚但勁酸 繼續閱讀
(以上食評乃用戶個人意見 , 並不代表OpenRice之觀點。)
等級2 2016-07-05
3483 瀏覽
已經是幾個月前的事,不過唔想其他人再上當,所以都係要寫。當日與幾個舊同事叙舊,諗住可以食得豪啲,可以對住維港景傾吓計,點知中伏。餐廳侍應服務唔得,我地以為喺ifc, 又係百年老店,應該好專業,點知只係有數個東南亞姐姐同手震震嘅初級侍應。我地4個人分別叫兩款Set Dinner, 有湯,主菜是鴨胸或大蝦,飲品及甜品,每位大約係480蚊。餐湯ok, 但唔太熱,主菜卻少得驚人,鴨胸只得半個手掌咁大,又硬又老,衰過燒鴨脾,旁邊伴住小棠菜; 蝦仲差,只有兩隻中蝦,炸到好似吉烈咁,伴住少少沙律。甜品我地要了佢地最出名嗰個Mont Blanc, 啲栗子幾滑,不過甜到死,頂唔順。飲品叫了紅酒同熱朱古力,紅酒ok, 但係個熱朱古力太濃,一pat pat好似泥槳,口感似芝麻糊,跟本飲唔到。我地由7點鐘入座,食到8點鬆啲,侍應竟然話要關門,吓法式快餐? 雖然間餐廳喺蓮卡佛入面,但係蓮卡佛都未close, 食咗1個鐘就趕人走,成4百幾一個set dinner 喎!真係名過於實! 繼續閱讀
(以上食評乃用戶個人意見 , 並不代表OpenRice之觀點。)
等級2 2016-06-15
3294 瀏覽
主要黎朝聖試下個熱朱古力既,唔太肚餓,叫左個pasta同sandwich就算,朱古力真係好濃好香,值得推介食物講真就好般,肥美的鱈魚。鱈魚的口感滑溜,配搭清新的雙色意大利青瓜,味道okokpasta 就 so so la不過環境方面, 餐廳全部採用大吊燈, 壁畫。一面用了全落地玻璃, 可以欣賞無敵一流空曠的景色, 這裏還可以看到正在興建中的摩天輪。同服務都好好會再黎既 繼續閱讀
(以上食評乃用戶個人意見 , 並不代表OpenRice之觀點。)
等級4 2016-06-07
4594 瀏覽
迄今有過百年歷史的法式小茶室--Angelina曾經在港掀起旋風。以前在香港也火熱過一陣子的濃濃熱朱古力頓時再冒出頭來。還有那一直以來不算常見的蒙布朗亦同樣興起風潮。低調的藏身於中環IFC Lane Crawford內,然後就趁著人潮漸散的時間歎歎。  難得天氣不錯,不至萬里無雲,但正正就是晴天又不會有猛烈陽光。不少客人都選擇室外座位,享受一下近日少見的好天氣。可是跟親親大自然完全搭不上邊的我……還是感受一下室內的優雅環境好了。  餐牌在手,可是甜點方面還是想過一過目才下決定。馬上奔去甜品櫃,愛吃甜品到家人怕我會有糖尿病的地步(家族歷史)。要戒口……就一次咁多,反正我也沒有大量金錢可以花下去,就這麼一次?  Le Mont-Blanc $90是Angelina最著名的甜點,也是來者必吃的一款。外層是滿滿的栗蓉,色水比平時坊間所見的栗蓉更深。栗蓉十分紥實,食時會覺得足料,不是加了多多忌廉蛋黃之類去溝。甜度高,帶淡淡栗香,加上奶味重的忌廉內層,確實有點膩。幸好之後有鬆脆的蛋白餅層,非常甜,卻在一剎叫做醒醒味蕾。  改不了的愛酸,駐足考慮個十秒,還是多點一個Tarte Citron $72。不像平常的檸檬撻般加蛋白霜及灼烤一下添色水,Angelina的版本用上小棉花糖。想起小時候喝熱朱古力總愛加細細粒棉花糖,不禁想挑起來放入熱朱古力。言歸正傳,這兒的檸檬撻撻皮未算脆口,還是有點受潮了。酸酸甜甜的檸檬餡很夠味,雖然杰身而且頗甜,但我愛重口味。只是表面的棉花糖格格不入,老老實實唔覺加落去會好食左。  很久沒有喝過Old-fashioned hot chocolate "L'Africain" $88了。話說原來這個可以外賣帶走,$65,便宜得多。只是既來之,叫做幫手交下租交下燈油火蠟,中環地位,要扮下高級係要成本既。朱古力果然濃郁得很,從壺中倒出來的時候教人興奮得手舞足蹈。皆因以往喝到的,一開始就已經一杯上,倒朱古力(黎飲)的場面可是第一次。用上三種可可豆,產自Niger、Ghana及Côte d'Ivoire,香氣固然不俗。可惜味道太甜,還是要遷就主流口味,對於愛吃90%濃度的我……還是甜膩過頭。  儘管已是自知的事實,但是我還一直一直嘗試去喝甜的……結果是我只愛「吃」甜,而非「喝」甜。而且家人的勸告是對的,其實醫生也有說過,一直太瘋了,身體已經不斷響警號。這次一頓下來,糖分一定破標,只希望翌日身體狀況還是好好的。 繼續閱讀
(以上食評乃用戶個人意見 , 並不代表OpenRice之觀點。)