24
10
7
港鐵筲箕灣站 B2 出口, 步行約2分鐘 繼續閱讀
所有分店 (1)
電話號碼
28453781
附加資料
關於蛋糕訂購 同口味五條 or 不同口味十條 提前一至兩日訂購; 更多詳情請留意 https://andys-cake-shop.business.site/
營業時間
今日營業
10:00 - 20:00
星期一至日
10:00 - 20:00
付款方式
現金
其他資料
Wi-Fi
酒精飲品
自帶酒水
外賣服務
加一服務費
以上資料只供參考, 請與餐廳確認詳情
食評 (60)
等級8 2023-07-25
1354 瀏覽
前文提要,話說同老婆嚟到鰂魚涌參加友人嘅結業禮,晌附近打個轉之餘,仲食咗碗傳統中式糖水先走。而離開時,逛逛東大街,見到呢一家糕店「Andy's 烘焙坊」有款季節限定「日本柚子」口味,老婆就最啱,所以,買一盒返去同屋企人共享。初時第一眼嘅印象以為佢哋喺賣台式古早蛋糕,因為櫥窗內擺咗好多款長型嘅蛋糕,但再細心望望櫥窗之上,正寫著「北海道牛乳蛋糕」。個人感覺,台式古早蛋糕嘅熱潮已經過晒,依家啲人都只喺當一般嘅烘焙蛋糕店咁睇。唔知喺咪咁,所以你見仲有賣埋北海道牛乳卷蛋、日式芝士蛋糕。加埋另一邊櫥窗有個所出爐時間表,更令我覺得佢最初喺賣台式古早蛋糕,可是始終熱潮減退,買嘅人無以往咁多,所以,出爐時間都唔再寫出嚟,因為去貨慢咗,只好睇吓邊款無先嚟製作。從價目表所見,依家提供9款蛋糕,定價$55至$100。不過有一點仍讓小弟比較在意,價錢牌上明顯刻意寫住「北海道牛乳蛋糕」,當時未有察覺,所以無深究過去問問,喺咪所有蛋糕都用上北海道牛乳整,暫不得而知。有一點值得一讚就喺內部環境,即喺櫥窗之內,好乾淨企理,就算依家大熱天時,都唔會見到有 半隻蚊滋、烏蠅之類飛飛吓。日本柚子蛋糕 $75反正都喺要切一件件,所以,事先已經叫店家幫忙切埋。初時以為個蛋糕中間會有啲柚子果蓉或果醬之旅造成夾心,明顯跟預期有啲落差,只喺成個蛋糕裡面加入柚子味嘅元素,食落柚子味確喺幾清香,咬到微粒嘅柚子青;蛋糕嘅質感未如古早蛋糕般濕潤,又唔似海綿蛋糕般輕盈,介乎兩者之間似的,但頗有蛋香,只不過喺亮點未叫好突出,簡單嚟講,似喺一個純柚子味嘅蛋糕而已。今次都喺經過合眼緣幫襯下,所以,本身一早就唔會再有幫襯嘅打算,加上質素方面,更無太多理由專登過嚟再試其他款式喇。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-11-27
1031 瀏覽
之前喺台灣淡水食過一次,嗰種味道念念不忘🤣經過筲箕灣東大街見到就忍唔住試吓,開盒已聞倒好香蛋味😋🤌🏻流心芝士蛋糕打開都係好香濃既蛋香味,呢種古早味好吸引,感覺好有台灣味🤣不過芝士狀態唔夠半溶,切開無想像中咁流心,可能我太晏先買,如果岩岩出爐應該會好好多😎蛋糕面層口感唔算太甜,內層鬆軟無比😋🤌🏻日式芝士蛋糕由於流心芝士蛋糕賣剩半舊🤣所以決定叫多一個蛋糕,佢唔係古早味但一樣好食😋水份多有彈性🤣呢個水潤度真係好好味,放完雪櫃凍一凍好似仲好食🤣🚩 Andy's 烘焙坊 (筲箕灣)筲箕灣筲箕灣東大街59-99號東威大廈地下6A-2號舖#addifoodie #addifoodie筲箕灣#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫 #芝士蛋糕 #古早味 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-07
1432 瀏覽
趁1月頭的 2021 元旦 Staycation,我租住西環酒店好幾天,反正在星期六,我專程走到筲箕灣的筲箕灣東大街,幫襯人氣粉麵店 <安利>食 lunch!我獨自幫襯,卻是等上45分鐘!於是,在附近兜個圈,經過見到 <Andy's 烘焙坊>!剛剛見到有古早味蛋糕新鮮出爐,當中包括坊間不常見、當時的新口味日本焙茶蛋糕,況且,可以買半個!第二次再幫襯,就買了伯爵茶蛋糕,兩者作比較吧!日本焙茶蛋糕 $35 半個甜度剛好,質感鬆軟綿密! 焙茶口味不突出!伯爵茶蛋糕 $35 半個充滿清香,入口滲出清新的茶味,甜度剛好,質感鬆軟綿密!兩者色澤差不多,相對伯爵茶蛋糕口味較突出! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-08
2099 瀏覽
呢間古早味蛋糕店一直都要大牌長龍🏮 雖然用料係簡單🤣 但係鬆軟既口感同埋濃郁既蛋香🥚都算係值回票價既🌝原味未算好有驚喜😅 但係都值得一試 🥰 今日見無乜人龍 試一試新口味💕⭐️ 伯爵茶蛋糕 🧋同原味一樣 鬆軟度係十分出色既😚 真係好似枕頭咁💤 甚至有點過分軟到似假 伯爵茶味太濃 蓋過曬雞蛋香😦 同樣有點似香精既感覺🌸⭐️ 流心芝士蛋糕 🧀打開都係好香濃既蛋香味👍🏻 呢種古早味好吸引❤️ 但係塊芝士既狀態唔夠半溶🙃切開無想像中咁流心 稍為失色 繼續閱讀
(以上食評乃用戶個人意見 , 並不代表OpenRice之觀點。)
等級3 2020-04-18
3282 瀏覽
呢個蛋糕鋪一開始只有幾款口味,今日再去已增加咗好多口味今日放工行過去買只有2款口味選擇,綠茶同原味應該出咗爐一陣架啦, 有3款蛋糕都可以選擇一條定半條(原味、綠茶、伯爵茶)原味就$50一條$35半條。另外兩款個味都原同價錢,本人覺得買一條抵食d,其他口味的蛋糕只可以一條買。原味好香蛋味,攞上手蛋糕好彈壓落去蛋糕會回彈,就算凍咗食都一樣好味😋,好有彈性個蛋糕,而且蛋糕唔係乾的,食完唔會乾口喉令人要馬上飲水,下次再試其他味! 繼續閱讀
(以上食評乃用戶個人意見 , 並不代表OpenRice之觀點。)