430
8
8
港鐵尖沙咀/尖東站 A1 出口, 步行約5分鐘
繼續閱讀
電話號碼
60180244
開飯介紹
始創於2010年，由幾位對飲食業充滿熱誠的年青人攜手合辦。以私房菜形式經營，理念就是希望客人能以對等的價值享受到高質素的食材。為客人提供和諧舒適的私人空間，同時讓一眾良朋好友歡聚，正正呼應了餐廳名字的長寫“Authentic Meal Inspires Night Assembly”。
繼續閱讀
營業時間
今日營業
12:00 - 23:00
星期一至日
12:00 - 23:00
公眾假期
12:00 - 23:00
公眾假期前夕
12:00 - 23:00
以上資料只供參考, 請與餐廳確認詳情
有關餐廳
有關獎賞計劃
招牌菜
食家推介
相關文章
今次試呢間係因為有朋友推介，又真係唔錯喎，價錢相宜，食物又精緻，無論視覺同味覺都覺得好似藝術品咁！———————————————————————我哋揀咗呢個6 COURSE MENU -自家製三款餐包有香草蕃茄包、軟包、香薄脆片，牛油加入杏脯帶點果香，香草蕃茄包好香又軟熟，最鍾意香脆薄片，充滿牛油同芝士香味-白蕃茄mousse/紫蘇葉/魚子賣相精緻，入口清新，完全打開味蕾-蒸龍蝦燒賣/鱘魚子醬/小龍蝦龍蒿泡沫/ 墨魚汁賣相好靚，有金箔點綴，龍蝦肉整成燒賣，加上鱘魚子醬非常矜貴，特別得黎又好有誠意，而且重非常鮮甜又彈牙，另外要提一提，碟上面嘅花紋係廚師用墨魚汁畫架，好有心思-鵝肝凍/麝香啫喱/竹炭脆片 / 田園沙律好夢幻嘅煙霧襯托住鵝肝凍，不得了，視覺效果100分，擺盤配搭都好精緻，鵝肝入口非常幼滑，加上麝香啫喱同竹炭脆片，無論視覺或味覺都多重享受-切羅基蕃茄清湯/原種蕃茄忌廉濃湯/蕃茄燉蛋第一次覺得蕃茄原來都可以整得咁好食，蕃茄清湯非常清新，帶點微酸，蕃茄燉蛋加上濃湯令我一試難忘-慢煮牛肋條布里歐 / 香橙燴甘筍 /松露汁賣相一百分，餡料用咗花膠同牛肋肉，口感豐富，加上松露汁同松露泡泡，松露fans表示非常滿意，仲有橙香味嘅甘筍，完全表達到廚師嘅用心-熱情果雪葩/紅石榴泡沫熱情果同紅石榴都係我鍾意嘅，清空一下味蕾，而且泡沫好靚，仲可以打卡-慢煮BBQ豬柳/ 烤紅甜椒醬 /茴香苗 /牛油蠶豆 /陳年黑醋豬柳好嫩滑，用甜椒醬同陳醋幾特別，以簡單嘅食材黎強調食物嘅鮮味-香煎特級西冷 / 阿根廷青醬 / 芥未籽薯仔卷/柑橋甘筍蓉/ 波特酒肉汁 （+$200)切開後色澤粉嫩，肉質軟嫩又有少許煙靭，口感簡樸而又不單調，芥未籽薯仔卷好出色，入口好有層次感-法式焦糖豆腐燉蛋淡淡的豆腐香味，配合一層薄薄嘅焦糖，口感綿滑，而且兩者混合嘅甜度都啱啱好-燒香蕉配柚子雪糕外層薄皮非常香脆，帶有濃郁嘅香蕉味，柚子雪糕包住燒香嘅香蕉，口感冷熱交替，最後酒香令到成個味道再昇華-Petit four菠蘿味嘅甜品，口感好特別軟綿綿，好似棉花糖咁，仲有松露朱古力、咖啡黑朱古力、覆盤莓朱古力
繼續閱讀
邊個話單身唔可以去fine dining架？！.閨蜜介紹之下，去左尖沙咀嘅Amina Modern European～裝修幾有情調，真係幾適合情侶撐枱腳～～.可以選擇6 course或者9 course～全部都精緻到好似一件藝術品咁！.。鵝肝凍/麝香啫喱/竹炭脆片/田園沙律：有乾冰煙霧伴住鵝肝凍出場，好仙氣嘅感覺👍🏻👍🏻鵝肝味夠濃，麝香啫喱又清清地，加埋竹炭脆片，口感好豐富😉.。地中海紅蝦/黑魚子/椰菜花慕絲/陳年黑醋：紅蝦嘅色澤好鮮艷，夠晒鮮甜彈牙，配埋黑魚子，惹味又醒胃😎😎.。切羅基蕃茄淸湯/原種蕃茄忌廉濃湯/蕃茄燉蛋：蕃茄清湯竟然可以煮到咁清徹咁透明，究竟有咩秘密呢？ ！🤣清湯嘅蕃茄味好濃，酸酸地，夠晒開胃！然後再飲幾啖好rich嘅蕃茄忌廉濃湯，配埋好滑嘅蕃茄燉蛋，呢道蕃茄菜式，攞滿分💯.。蒸龍蝦燒賣/鱘魚子醬/小龍蝦龍蒿泡沫/墨魚汁：呢粒燒賣相當矜貴，除咗有龍蝦頭伴佢出場，仲有鱘魚子醬做調味，記住沾埋香濃惹味嘅龍蝦汁👏🏻👏🏻可唔可以encore多一粒燒賣🤣.。暖香草西班牙八爪魚/油浸蒜子酸忌廉/青檸油醋汁：八爪魚，鮮甜爽口，夠膽㗎 ！醬汁酸酸地，異常咁match👏🏻.。熱情果雪葩/紅石榴泡沫：熱情果雪葩好清新，可以舒緩一下味蕾，打卡重點係紅石榴泡沫，賣相即刻靚晒😍.。慢煮BBQ豬柳/烤紅甜椒醬/茴香苗 /牛油麗豆 /陳年黑醋：豬柳比想像中juicy嫩滑，可以沾香口嘅甜椒醬，或者刺激味蕾嘅黑醋，兩種食法都好味😋。香煎特級西冷/阿根廷青醬 / 芥未籽薯仔卷 /柑橘甘筍蓉/ 波特酒肉汁：特級西冷有香濃牛味，而且肉質滿分💯！薯仔卷係用薄切嘅薯仔卷成，考手工之餘，亦都好好味👏🏻👏🏻.。特色燒香蕉：薄薄嘅脆皮，包住柚子雪糕同埋燒香蕉～口感層次都好豐富！加埋紅卜卜嘅朱古力片做伴碟，打卡一流！.。法式豆腐焦糖燉蛋配薑汁：好滑嘅豆腐燉蛋，最驚喜嘅係配左薑汁，真係啖啖都幾夠姜！my cup of tea🍵.。一口甜品：餐廳秘製嘅一口甜品，好浪漫咁用乾冰煙霧伴住出場，其實係自家製嘅菠蘿汁棉花糖，口感、味道都非常特別！好似一陣風咁就食晒😍👏🏻👏🏻
繼續閱讀
今次又嚟到位於尖沙咀嘅Amina Modern European，亦係我近期二訪嘅第二間餐廳，轉咗新menu，有一個6 course menu和兩個9 course menu坐低無耐侍應就先奉上一份Cheese cracker和Focaccia，全部homemade，搽上apricot butter會更好味🍴餐前小吃 - 用美國薯仔製成薄薄一片嘅薯片，中間兩層就夾咗鵪鶉肉，頂層就鋪上魚子和黑魚子，盡顯氣派🍴蒸龍蝦燒賣 / 鱘魚子醬 / 小龍蝦龍蒿泡沫 / 墨魚汁 - 用龍蝦肉做餡製成燒賣，比平時食嘅港式燒賣口感更彈牙，以小龍蝦龍蒿泡沫墊底，金箔鱘魚子醬鋪面，幾有特色嘅一道菜🍴切羅基蕃茄清湯 / 原種蕃茄忌廉濃湯 / 蕃茄燉蛋 - 用上切羅基蕃茄煮成清湯，好濃蕃茄味，但略嫌酸咗少少。再以原種蕃茄煮成嘅忌廉濃湯，撈埋蕃茄燉蛋嚟食，蕃茄味濃之餘口感亦嫩滑🍴烤鵪鶉 / 風乾蕃茄及茄子 / 泰國青檸橄欖油 - 烤後嘅鵪鶉肉除咗香氣撲鼻外，肉質亦鮮美，食而不膩。大廚以風乾蕃茄及茄子鋪面，增加口感🍴熱情果雪葩 / 紅石榴泡沫 - 味道甜中帶酸，清一清味蕾，為之後嘅主菜揭開序幕🍴蘋果木煙燻香煎尖吻鱸魚 / 脆炸辣肉腸薯波 / 黑魚子 - 大廚以蘋果木將鱸魚煙燻，味道溫和之餘，亦帶有甜味和果味，再將鱸魚外皮煎香，食落外脆內嫩。伴碟就用上黑魚子鋪面嘅辣肉腸薯波 🍴甜品 (主廚推介) - 法式豆腐焦糖燉蛋，面層淋上薑汁，以為食緊薑汁豆腐花，實際係焦糖燉蛋，甜品師傅花盡心思嘅一道甜品！🍴一口甜點 - 甜品盤盛載著乾冰，製造出煙霧效果，好有意境！將菠蘿汁frozen，食落冰凍清爽，加上幾粒自家製嘅朱古力，為呢餐豐富晚餐畫上完美句號！
繼續閱讀
餐廳位於尖沙咀廣東道，裝潢偏簡約清新。由曾任酒店的資深大廚主理，使用意大利和法國高級食材，自家手工炮製，係賣相精緻既歐陸菜式fine dining，今日試咗6 course menu🌟餐廳自家製麵包及手工杏脯牛油今日有2款餐麵，芝士脆片同蕃茄香草包，可以搽埋手工杏脯牛油🌟自家製薯片自家製薯片+鵪鶉肉+三文魚籽/魚子醬使用美國薯仔製成既薯片，食落薄脆香口，表面鋪上三文魚子同魚子醬，中間夾住鵪鶉肉，鮮香美味🌟蒸龍蝦燒賣/鱘魚子醬/小龍蝦龍蒿泡沫/墨魚汁以燒賣皮包龍蝦整成既燒賣，放上鱘魚子醬同小龍蝦龍蒿泡沫，爽口彈牙，淡淡龍蝦汁香氣🌟鵝肝凍/香檳麝香啫喱/竹炭脆片/田園沙律好打卡既一道菜，底下會有乾冰煙出。黑色既係竹炭脆片，鵝肝凍口感軟滑，味道較濃郁，加上香檳麝香啫喱冇咁油膩，另配有沙律🌟切羅基番茄清湯/原種番茄忌廉濃湯/蕃茄燉蛋2種飲法既蕃茄湯，先飲既番茄清湯味道較清新酸甜。而番茄忌廉濃湯質感較杰身濃郁，黎到之後先會倒落蕃茄燉蛋到一齊食用，蕃茄燉蛋都好滑，好開胃既湯品🌟紅蝦/椰菜花mousse/黑醋汁/甘筍片呢款係餐廳新菜式，紅蝦口感甜糯，可以點黑醋汁甜甜地，白色既係椰菜花mousse同魚子醬🌟八爪魚八爪魚煮過後再調味，食落爽口，唔係特別軟腍，配咗個蒜醬🌟熱情果雪葩/紅石榴泡沫酸酸既熱情果雪葩，配紅石榴泡沫同果肉，味道酸甜開胃、清新，清清味蕾就開始食主菜🌟慢煮BBQ豬柳/烤紅甜椒醬/茴香苗/牛油蠶豆/陳年黑醋表面係黑松露泡沫、茴香苗同蠶豆，豬柳配BBQ醬同烤紅甜椒醬好夾，豬柳肉質仲幾嫩，都唔錯🌟慢煮龍蝦扇貝卷/黑魚子/鮮嫩蔬菜 /西洋菜忌廉清湯個人較鐘意既一款主菜，底下既龍蝦扇貝卷會食到粒粒龍蝦肉，肉質爽彈，西洋菜忌廉清湯有淡淡忌廉香味，又唔會搶咗龍蝦扇貝卷既鮮味🌟法式焦糖豆腐燉蛋最後係甜品，店員話口感會似薑汁豆腐花，表面係薄脆既焦糖，淡淡薑汁香味，燉蛋軟溜溜，加入豆腐元素。🌟燒香蕉外面有一塊薄脆既皮，中間包住柚子雪糕同香蕉，上面係濃厚creamy 醬汁🌟Petit four 一口甜點最後既一道菜式，有4幾款朱古力，配菠蘿汁綿花糖，酸甜清新
繼續閱讀
好耐都冇食個fine dining😳通常都係特別節日先會食呢啲，因為一個人都要$1680！佢呢間位於尖沙咀海港城對面，食完去行街消化下都唔錯😌今次食呢一個餐係有九個course，環境氣氛舒適☺️服務態度亦都非常之好，每上一道菜都會介紹材料同埋食用方法，非常專業👍🏻🔱前菜🤍法式自家制麵包｜手工杏脯鱘魚子醬牛油🧈佢有三款麵包，有一個法式麵包🥯一個香草軟麵包同埋拿破崙酥，我最鍾意食香草🌿軟麵包，口感鬆軟之餘入邊總會有蕃茄乾，配埋我最愛嘅自家制牛油，不得了！準備變肥仔🤞🏻❤️自家製薯片｜法國牡丹蝦｜三文魚籽俾佢嘅擺盤震撼到，整到好似層層碟咁，薯片薄脆香口，喺薯片上面鋪上三文魚子，入面夾住牡丹蝦肉，配搭新穎，頓時令我胃口大開😋🧡鵝肝凍｜麝香啫喱｜竹炭脆片｜田園沙律成個碟都充滿神秘感，因為有啲煙隻碟度飄緊出嚟，鵝肝上面加咗啲鵝肝凍喺度，食落冇咁膩👄旁邊再加左竹炭脆片同田園沙律，中和返口感😀唔錯！💛切羅基蕃茄清湯｜原種蕃茄忌廉濃湯｜蕃茄燉蛋蕃茄清湯入口比想像中濃郁，望落個湯好似好清咁，但原來用咗好多蕃茄濃縮提煉而成✅ 配埋蕃茄濃湯布甸，濃稠的蕃茄湯， 酸酸甜甜，醒神開胃👅💚蒸龍蝦燒賣｜鱘魚子醬｜小龍蝦龍躉泡沫｜墨魚汁一上枱就見到個造型非常精緻，龍蝦肉🦞新鮮味彈牙，碟果度畫上墨汁花紋， 原來係用嚟點嘅醬汁， 我仲以為隻碟本身就係咁😂小女子再次學到新嘢😆燒賣上面仲有啲魚子醬，簡直錦上添花🌸💙熱情果雪葩｜紅石榴｜泡沫店員話係食主菜之前要食個安甜品清一清口腔先，咁食主菜嘅時候感覺就會強烈一啲🙈 個雪葩酸酸地，又真係幾刺激味蕾，加埋紅石榴籽同泡沫，好適合鍾意食雪葩嘅你😘💠主菜💜香煎珍寶帶子｜白兔糖紙｜白蕃茄慕絲｜墨魚子🦑帶子煎得金黃色，爽口彈牙🦷用咗一個好特別嘅做法，竟然係將我哋細細個食嘅白兔糖紙放咗喺旁邊，原來咁樣一齊食都幾特別，鹹鹹地甜甜地😉仲有少少蕃茄慕絲同墨魚子，增加返啲層次感😝💖慢煮BBQ豬柳｜烤紅甜椒醬｜回鄉苗｜牛油蠶豆｜陳年黑醋呢個豬柳煮得好淋，好有咬口！而且配埋啲配菜食落去都幾match😎我想講個主菜直頭冇得輸！🔮甜品🤎豆腐薑汁焦糖燉蛋平時最鍾意食燉蛋上面嘅焦糖，又脆又甜， 燉蛋香滑細緻， 加上豆腐及薑汁，甜度適中！🫢🖤Petit four 一口甜點一口甜點係法國餐最後一道甜品，底部放上乾冰， 營造出霧氣效果😶🌫️ 還有4粒朱古力🍫， 賣相吸睛👁而中間白色果個入口凍凍地，酸酸甜甜， 平衡返朱古力嘅甜香🤗總括而言 (5個🤎係最高)好味指數 : 🤎🤎🤎🤎🤎服務態度 : 🤎🤎🤎🤎🤎環境打卡 : 🤎🤎🤎🤎🤍回頭指數 : 🤎🤎🤎🤎🤎📍Amina Modern European 🏢尖沙咀廣東道82-84號流尚坊8樓🕗星期一至日 12:00 - 23:00 #尖沙咀美食 #尖沙咀必食 #喇沙 #食好西 #美食 #炸雞
繼續閱讀