影片
港鐵旺角站 E2 出口, 步行約5分鐘
繼續閱讀
電話號碼
64881890
開飯介紹
店名Amico在意大利文是「朋友」的意思，而Amico主打意粉、薄餅、扒類等美食。主廚經驗豐富，菜式均選用優質食材精心炮製。店內裝潢簡約時尚，座位寬敞舒適，富有情調，給顧客一個溫馨愜意的用餐空間。
繼續閱讀
營業時間
今日營業
12:00 - 00:00
星期一至日
12:00 - 00:00
以上資料只供參考, 請與餐廳確認詳情
有關獎賞計劃
開瓶費：$150人頭FREE一間旺角低調西餐廳，幾年前幫襯已經大排長龍，等到 8 點先可以食第二輪。今次星期二入座，人流未算多，我地四位飲酒食飯蕃茄意大利雲吞 $ 58約 4-5隻，蕃茄汁香濃酸甜，Ricotta芝士餡還好，雲吞烚得剛好口感凱撒沙律 $ 52價位真係平，雖然用現成沙律醬，但材料都齊全，唯包粒淋咗。。。田園沙律 $ 48用上芝麻沙律醬，香又好味，配料就簡單啲，青瓜、車厘茄同粟米煎鵝肝 $ 68略嫌黑醋汁過多，鵝肝算大塊厚身水牛城雞翼 $ 62雞肉乾身少少，水牛城嘅酸辣汁可接受，只到中辣左右，總數六隻美國安格斯肉眼扒 $ 198大份，都幾厚切，五成熟可能偏向熟多咗啲，但係扒嘅質素好，一路切一路流肉汁，筋少唔肥加拿大豬鞍 $ 128價位好抵，豬鞍都至少8oz，同樣肉與又淋又多汁，肥位都係少嘅，係全晚最好食主菜黑松露忌廉意粉 $ 98黑松露味適中，但係個汁好白，洋蔥條冇炒香就放，而且切得偏粗。。。忌廉準偏甜，感覺怪怪地，整體係好食嘅藍芝士大蝦忌廉意粉 $ 88蝦仁四隻左右，藍芝士忌廉汁係香，不過都係好白、偏甜，洋蔥同上都有一樣嘅問題
繼續閱讀
今日去咗旺角Shopping☺️行完想搵好嘢食、望見一間唔起眼店舖、遠遠望見一間門外大黄燈照著、這時《Amico1890》位於洗衣街、入到去剛剛轉晚市時間、所以拍到整間餐廳☺️、這間開業已經有十年嘅餐廳、整間分別有上下兩層不同格局都幾特別😯、入到去柔和色調坐著感覺舒適😚、上層感覺有D似酒吧🤔又次工業風格、五光十色以木系為主、同時都推出咗新款特式美食又有不同多款自調飲品！露絲瑪莉羊扒$198呢一份露絲瑪莉羊扒份量十足🤔、抵食羊扒平時羊扒只係得2塊、而加有咁多4大塊😯、送到散發香噴噴味😚、入口焦香肉質香口腍嫰又唔會有騷嘅味、整塊羊扒完全入哂味😋！鵝肝多士 $68呢一份鵝肝多士望見流哂口水🤤、鵝肝煎至微香入口完全唔覺得油腻、配埋金黄脆卜卜多士真係美味又好正😋芝士焗青口 $52呢一款芝士焗青口賣相睇得吓🤔、一份有4隻青口色香味都有、每一隻青口沾滿焦香芝士😚、啖啖口感濃濃又有青口鲜味😋！法式蒜蓉包 $38呢一款蒜蓉包金黄賣相、散發蒜香味兩面煎至香脆😚、上面放咗蒜蓉粒加埋牛油香滑、入口啖啖咸咸香香口感😚！.松露朱古力蛋糕 $88呢一款松露朱古力蛋糕好特別🤔整份蛋糕配有免費幫自己可愛公仔畫肖像🤭、不過要提早3小時預訂先有免費畫碟、冇預訂要加58蚊畫碟、真的唔錯食得又影得🥳呢一件朱古力蛋糕望著都好想食🤤、入口軟滑濃郁朱古力味道、帶點松露香味😚、配番杯特式飲品同咖啡相當之正☺️！草莓海鹽奶蓋可頌 $58呢一款甜品奶蓋可頌簡單配答、做出嚟都整份香脆咸甜🤔外脆內鬆軟口感、上面滿滿海鹽奶蓋、掛住打咭擺到凍咗一樣咁脆口又好食😋、食埋士多啤梨酸甜解膩恰恰好！熱薄荷朱古力 $33雪糕朱古力咖啡 $48呢兩杯飲品一熱一凍各有特色味道🤔、薄荷朱古力入口啖啖清涼口感、又帶點濃郁朱古力香甜味道、雪糕朱古力咖啡賣相吸引😋、有得飲又有得食、飲到入口濃厚咖啡味道😚、口感軟滑又唔會澀口多層口感味道！.可遇不可求 $38呢一杯可遇不可求好特別、整杯色澤幻影層次感😍、係以桃、石榴糖漿、青檸汁、薑汁汽水混合而成、入口啖啖桃香味😋、又帶點不同清香味道口感甜度適中！.
繼續閱讀
上網睇OpenRice食評覺得呢間餐廳同朋友聚會慶生好似唔錯，所以預早book定餐廳同朋友一行三人幫襯，但係總結嚟講係失望，分別有以下嘅真實經歷。1） 約咗時間去到嗰度，餐廳未滿人，但員工連枱都未執，要我哋一路望住佢執枱。2）頭盤沙律、小食雞翼及炸魚薯條到咗之後，等咗5分鐘左右要問人拎碟先有人俾碟我哋。3） 主菜係牛扒，已經同咗侍應講話食唔到血水，所以需要七至八成熟，但牛扒到咗嘅時候係血淋淋同埋有血水，叫侍應攞返去處理，結果一直去到食晒其他嘢之後，塊牛扒都未到，叫侍應跟下張單，結果見到廚師重新喺雪櫃拎過一塊再整過，嚟到嘅時候塊牛扒比之前上嗰塊細一半。4） 炸魚薯條，拎到嚟嘅時候炸魚外層淋咗，炸粉多過魚肉，質素真係比較差。5） 食完之後叫侍應上生日碟，等咗10幾廿分鐘叫咗幾次都話整緊，之後朋友趕時間再催先至嚟，嚟到生日甜品蠟燭要提先俾。6）食晒所有嘢加埋生日碟甜品，叫佢上雪糕都要叫幾次先上。7）職員態度，回應語氣一般冇特別無禮，但係表情眼神常常顯得唔耐煩，令人感覺佢覺得我哋好麻煩，唔想再打攪佢，明明有幾次見到職員喺度無所事事或坐低。8） 俾錢後臨走前去咗廁所，廁所冇抹手紙或者廁紙，垃圾桶滿哂冇人清潔，廁所唔太衛生。9） 離開餐廳，明明經過侍應，佢無所事事都唔會同你打招呼講聲再見，都係一臉唔耐煩。10） 餐廳入口比較殘舊，有塵埃及污漬都冇人清潔，本身事前睇相覺得可以打卡既位，最後都冇影到相直接走人。總括嚟講，真係唔太明白點解呢間餐廳咁多好評，因為本人平時同朋友都成日去唔同嘅樓上Cafe或coffee shop聚會食飯，都未試過同網評相差咁遠嘅感覺，唔會有下次，希望餐廳如果重視客人的體驗會改善一下。唯一有樣嘢讚好嘅，係因為朋友第一次收到生日碟，畫生日碟嘅同事有盡力去畫本人要求嘅卡通，令朋友覺得幾開心，但嘢食真係一般，食完之後朋友都有去咗幾次廁所肚痾。以上都係本人真實體驗及評價。
繼續閱讀
食品太差⋯⋯安格斯牛扒有三分一都係根，完全咀嚼不到，服務員態度太差，甜品四選一，選好了食完主菜，跟我說沒有我選的甜品，真的真的很差，食完去洗手間更加嘔心，廁所環境衛生真的很嘔心！
繼續閱讀
今日同朋友嚟食晚餐，叫咗一個豬鞍同帶子煙三文魚南瓜意大利飯，仲叫咗水牛城雞翼同嘢飲。豬鞍都幾厚身，邊邊位較為肥美中間略嫌有啲瘦，用嚟點薯條嘅蕃茄醬有淡淡的蜂蜜味，個意大利飯冇咩南瓜味，但係幾香忌廉味。水牛城雞翼炸得幾脆，調味適中。飲品方面叫咗個求其特飲，就係一杯普通嘅雜果汁。甜品係朱古力蛋糕，蛋糕都幾鬆軟。
繼續閱讀
您可能會有興趣的...