393
65
82
電話號碼
37051983
附加資料
Amelia Hong Kong坐擁世界級的維多利亞港醉人景色,擁有130個分布室內、外的舒適座位,致力在裝潢高雅寫意的環境下,為饗客製作饒富意大利風情的創意新派歐式料理
營業時間
今日營業
12:00 - 22:00
星期一至日
12:00 - 22:00
*截單時間 21:15
以上資料只供參考, 請與餐廳確認詳情
相關文章
今日去咗尖沙咀海港城嘅餐廳Amelia,睇住靚靚海景同朋友食晚餐,真係好開心🌊呢間餐廳係著名西班牙米芝蓮星級餐廳Amelia by Paulo Airaudo嘅首間海外分店,創辦人兼米芝蓮二星名廚Chef Paulo Airaudo喺香港嘅首間餐廳🤩佢哋有一個超豪華嘅套餐$788位,可以任食海鮮、鹿兒島A5和牛,仲有Chef Paulo Airaudo特別秘製嘅米芝蓮二星龍蝦湯,用咗超過10公斤嘅波士頓龍蝦頭同龍蝦精華製作,味道真係好正💫加$128仲可以升級品嚐鹿兒島A5和牛西冷及炭燒龍蝦尾額外兩款可追加主菜,並且可以在用餐完結後將Chef Paulo秘製二星龍蝦湯1支免費帶走😎✨秘製龍蝦湯味道濃郁,龍蝦嘅鮮味透出來,滑溜嘅口感🦞✨鹿兒島A5和牛西冷肉質滑嫩咬落去肉汁四溢,脂肪分佈均勻,咸香味道正🥩✨炭燒龍蝦尾肉質彈牙,搭配上少少醬汁,真係好味🦞✨ROUGIÉ牌法國油封鴨鴨肉油封得剛好,皮脆肉滑,脂肪味道濃郁🍖✨意式油甘魚生魚片配魚子醬魚片新鮮,魚子醬帶嚟一絲咸香。✨燒鱈魚鱈魚烤得恰到好處,肉質嫩滑。✨四頭野生鮑魚鮑魚口感彈牙,點埋鮑魚特製醬汁一齊食鮮味加倍。✨招牌巴斯克焦香芝士蛋糕焦香嘅外層加上濃郁嘅芝士味,口感滑順,甜而不膩🍰
繼續閱讀
本人連續兩年生日都食Amelia 第一年 落單快 無限制落單 服務好 野食普遍都好食 不停食牛扒同雪糕生蠔 食得好開心滿意由於第一年印象唔錯 第二年生日再去發現餐牌轉左 又貴左好多 但都堅持去食點知餐廳質素大幅下降 基本上main course都出曬事 牛肩肉 基本上係肥糕 無肉食 牛扒超硬 用刀都切好耐 貝殼同蝦overcook 焗蠔好惺 羊架超鹹 鰻魚超難食 漢堡扒好油 唯獨魚扒唔錯 另外小食甜品飲料都有10分鐘限制 超小家結果就係第二年 價錢貴左 野食難食2024: 8/102025: 2/10第一次嬲到要寫評價
繼續閱讀
Amelia Hong Kong為香港米芝蓮星級意大利菜餐廳、由二星名廚Paulo Airaudo 主理,開業以來一直非常人氣,晚市時段更推出無限時用餐時間由晚上5:30 -10:00食足4.5小時,而且更有3款套餐可供選擇,價錢超優惠低至 $498起,可以對住個無敵海景,一邊品嚐米芝蓮級數嘅晚餐,真係性價比超高,無論浪漫約會定係朋友聚會、慶祝生日都一樣合適👍👍🌟今日我哋就試咗全新「無限時用餐 Deluxe 六道菜套餐」$ 788 /位仲有限時優惠:✨免費升級無酒精飲品無限暢飲
✨每位加$128 可享兩款額外高級主菜:
鹿兒島A5和牛西冷、炭燒龍蝦尾✨用餐後免費帶走一瓶400ml Chef Paulo秘製米芝蓮二星龍蝦湯▪️自選六道菜:前菜、湯品、沙律、海鮮主菜、肉類主菜及甜品各一款,完成六道菜後,就可免費無限追加共37道自選高質菜式👍👍其中必食推介:✨ Soup : 米芝蓮二星秘製龍蝦湯,濃郁到極致,每一口都食到龍蝦肉,真係超級好味✨ Salad: 蟹肉沙律和煙三文魚沙律,食材新鮮高質美味✨ Appetizer : 香煎鵝肝配黑醋汁,超大件外脆內軟、意式油甘魚生魚片配魚子醬,入口充滿魚油香加埋魚子醬的鮮甜味道,極致美味✨Seafood : 炭燒龍蝦尾、炭烤四頭野生鮑魚配秘製鮑魚肝醬、芝士焗珍寶生蠔、炭烤白鱈魚、炭烤珍寶虎蝦,極度推介真係要食多啲呢度嘅海鮮,真係好優質,烹調方法不花巧,完全食到海鮮嘅鮮味,尤其龍蝦和大蝦肉質爽口又彈牙👍👍✨Meat : A5鹿兒島和牛小排、A4鹿兒島和牛肩扒、西班牙烤乳豬,兩款來自日本嘅和牛,肉質軟腍油花滿滿,入口油潤甘香,乳豬皮脆肉嫩,沾上特色乳豬醬,必食推介,本來仲想試埋法式油封鴨腿和法式烤羊架,奈何肚皮有限,下次一定再戰✨Dessert : 幾飽都好絕不能錯過三款甜品,提拉米蘇、米芝連星級大廚配方•招牌家鄉芝士蛋糕和開心果雪糕,喺咁飽嘅情況之下,我哋可以encore咗兩round,同行我家老闆平時唔係好食甜嘢,都大讃好食,真係不得了!
繼續閱讀
今次同朋友去咗位於海港城嘅一間西餐廳食飯呢間西餐廳主打係米芝蓮任食佢有三個餐,我哋今次就叫咗中間價錢Premium$598+$188任食生蠔個餐包咗唔同嘢食 但係我同朋友比較細食食唔哂🤣🤣最深刻嘅係生蠔!生蠔真係好大隻,同我隻手差唔多大,好Creamy!不過因為太大隻,所以我哋每個人平均都係食咗四隻跟住西班牙乳豬外皮好脆,入面亦都好Juicy好腍。本身想encore再食,但係個肚已經冇位之後和牛都有分兩隻,一隻係A4宮崎和牛肩扒,另外一隻A4宮崎和牛上肩扒,兩隻其實都好好食,肉質飽滿,成個口都係和牛嘅油香味而甜品tiramisu 同開心果雪糕都好好食💜總括嚟講啲嘢都好食,不過要注意叫餐要食完一轉先至可以再叫下一轉🙆🏻♀️要有策略先抵食🤣🤣
繼續閱讀
本身睇OpenRice都已經知道呢間餐廳質素下降咗好多,但同朋友商量之後都決定過嚟「試伏」一下,最後估唔到米芝蓮餐廳都可以差成咁。第一樣嘢,就係佢嘅假任食玩法,既要扮自己係任食,但就限呢樣限嗰樣,前菜、湯、飲品同甜品都只可以scan QR code叫,而且每類別只可以叫跟人頭叫一份,叫完一轉要等10分鐘之後先可以叫。其實有啲食物,例如薯條同埋可樂仲有甜品,價錢都唔係好貴,你咁都要限,顯得非常之小家。主菜方面,每次只可以叫一份,食完先可以再叫,但當我叫完第一round後,主菜成半個鐘先嚟,如果你唔係叫最貴嗰個set,其實落order嘅時間只有90分鐘,變相你可以食嘢嘅時間根本有限。第二樣嘢,係最重要嘅食物質素,我order嘅係Premium set,所以叫咗個A4鹿兒島和牛肩扒配北寄貝,我第一次見到餐廳將舊和牛燒到全熟,真係硬到阿媽都唔認得,咬到牙都軟埋。🤮🤮🤮另外佢嚿北寄貝,唔知係咪燒完之後擺咗一陣先上碟,總之就係凍嘅,所以好腥,而且師傅燒嗰陣唔知係咪用夾過羊架嘅夾去掂佢,總之有浸好古怪嘅羊臊味🤢🤢🤢食完第一round,我同朋友都已經唔夠膽叫任何肉類,諗住叫芝士焗珍寶生蠔試吓,唔知啲蠔腥到癲,食咗兩輪主菜之後已經無意欲再叫任何嘢。總結全餐,最好食嘅係Tiramisu,主食嘅話係炸薯條同單骨雞翼會比較出色,但我相信無論幾出色都好,都冇乜人想俾七百幾蚊走嚟食薯條同雞翼。最後我哋夾硬坐左咗個半鐘已經敗走,無論你揀限時定係任食嘅set都好,呢種質素都唔會令你想留低,奉勸大家將呢個錢攞去食放題仲好。
繼續閱讀
您可能會有興趣的...