Amaroni's New York Italian Restaurant & Café (MOKO新世紀廣場)

營業中

休息中

同老公行街見呢間餐廳裝修幾靚，就入去試下😆裡面裝修都幾有特色，見到有好多一家大細來食飯，小朋友會收到氣球💕佢個二人餐都唔錯，有兩款前菜，加主菜仲有甜品添！呢個價格都合理！一坐低店員就會送上蒜蓉包，好香蒜蓉味好好食！😋我同老公加錢叫左兩杯沙冰🍧好清新唔會好甜👍🏻我地另外叫左款巴馬臣火腿哈密瓜&梨，好味道😋呢個封門牛柳好嫩滑 配埋蜜糖芥末醬非常配搭😋薄餅是辣肉腸，以為會好鹹，又唔會喎！呢個薯條係跟封門牛柳，炸得好香脆。差不多我食曬😆另外又再點左一個甜品 三色雪糕配搭兩件熱熱地的朱古力布朗尼再配香蕉🍌同老公好快食曬🤣呢個提拉米蘇 好味唔算好甜，因為已經食曬雪糕 太飽 所以呢件蛋糕食唔曬🤣超飽的一餐

Amaroni's New York Italian restaurant & cafe推崇正宗意大利風味的絕佳之選。餐廳位於市中心繁華地段,餐廳裝飾充滿復古感,沿用古董式木質桌椅,具有濃厚的義式風情。作為主打意式料理的餐廳,Amaroni's的菜單以各式經典義式佳餚為主。開胃菜方面,我特別推薦他們的carpaccio,薄薄的生牛肉片搭配橄欖油、芝麻菜和帕爾馬干酪,酸甜鮮香,十分開胃惹味。主菜選擇也相當豐富,例如正宗的牛肉千層麵、香料爐烤羊腿,還有不同pasta任君選擇,從經典的意大利肉醬意面到海鮮烏龍麵等。其中我最欣賞的是他們的烤鴨意面,醬汁濃郁,配上軟嫩多汁的烤鴨肉,絕對令人難忘。完美的一餐必不可少的當然是餐酒以及甜品，餐廳提供各式意大利經典酒品,如Chianti、Montepulciano等,可謂是不同菜餚的最佳搭配。此外,餐後甜點也是不容錯過的亮點,tiramisu和cannoli都極其出色,層次豐富,口感滑順。總的來說,Amaroni's New York Italian restaurant & cafe毫無疑問是追求正宗意大利風味的不二之選。無論是經典的義式美食還是溫馨的

好耐冇嚟Moko行街,今日約咗朋友shopping 行到攰攰地去咗5樓Amaroni's食過Lunch。餐廳環境唔錯，坐底叫咗2個Lunch set 再加多個小食，味道唔錯。👍😋蒜蓉包再配香濃蘑菇湯蒜蓉包好好食，新鮮出爐，香軟！蕃茄芝士Pizza ,剛出爐熱辣辣薄脆底，仲可以拉到絲一個人午餐絕對夠！價錢係全lunch set 最平幾個之一，CP值高！燒迷迭香雞棒，美國封門牛柳，咬落去肉質鬆軟，好有牛味再叫咗杯朱古力奶昔😋😋好飽好滿足

幾年前係九龍塘分店食過一次，食物質數唔錯。今日母親節到花墟買花送俾媽媽，知道呢間餐廳係MOKO開左分店就去試下有無保持到質素。今日應該都好多人出街慶祝母親節，係門口已經見到餐廳入面7成滿，侍應好快帶左入餐廳坐，因為肚餓都好快揀左要食嘅野。特色烤雞沙律蔬菜新鮮，烤雞肉夠嫩配意大利忌廉醬好開胃烤雞黑松露醬炒飯第一次係西式餐廳食炒飯，侍應一放上枱熱辣辣聞到淡淡黑松露香，飯係炒得粒粒分明，食落都有黑松露味唔假，炒得唔錯烤雞墨西哥夾餅餅皮脆，雞肉唔鞋口，係重味左少少，再配個醬食就偏重味炭烤8安士美國封門牛柳食唔到太生嘅牛肉，所以叫左7成熟。炭燒味道好濃，肉質唔鞋口但牛肉味唔算濃招牌意大利芝士蛋糕好好食，唔會太甜，淡淡酒香，夠濕潤，唯一係咖啡香唔夠食物質素整體唔錯，最鍾意個甜品，可以再試。

見到openrice d 食評好似麻麻地，但朋友約到，兼且喺火車站上蓋咁方便，就即管去試下啦...朋友book 左上星期五7pm，我哋一行三條女準時去到，坐低無耐就落單，d 嘢食好快就到喇。率先上左個前菜-意大利風乾火腿配蜜瓜及啤梨，自己真係未試過風乾火腿配啤梨🍐，感覺好fresh 丫風乾火腿亦唔咸，清碟之後上左我叫既麥蘆卡5+蜂蜜洛神花茶，因為有蜜糖既關係，洛神花茶一d 都唔酸，飲到尾都好濃同好潤添… 跟住到我平時都好鍾意食既肥嘢，自家製焗肉醬千層麵，好夠味丫，好多肉醬，一d 都唔孤寒食西餐當然唔少得牛啦，我哋叫左個美國封門牛柳，佢側邊配左d 酸洋蔥，食完再食牛，d 牛肉味再升級左，加上封門柳不嬲都濃味加淋，大家都好鍾意食我開頭以為個牛會係最好食，點知上左烤原條鱸魚之後，個第一位就比左佢...d 魚肉真係好鮮甜丫，就連d 配菜（瓜、薯仔粒、蕃薯粒）都好甜丫女仔聚餐，點可以唔叫甜品，我哋叫左個Tiramisu 做結尾，一d 都唔漏丫其實我哋成程個service 都好好丫，d 嘢食都唔似之前見到既comments 所講既唔熱喎，真心覺得唔錯丫，我哋直頭坐到人閂舖添呀下次聚會可以再嚟

補返母親節晚餐，媽媽話想食西餐；近近地就揀咗Amaronis食睇咗Set Menu覺得唔啱食，就各自單嗌咗啲前菜同main courseHam配蜜瓜係媽媽平時嘅最愛，佢話估唔到原來配啤梨度咁好食～啲火腿畀得唔吝嗇，一件生果一片火腿；份量啱啱好夠三個人做starter👍🏻啲啤梨確實幾甜下，沙律汁酸酸地，開胃一流呢個係全晚焦點之一青口唔算好大隻但唔乾，質地彈牙新鮮個白酒汁真係神來之筆，點青口又好西蘭花都好都好好味好鮮甜，媽媽同男朋友搶住食🤣Server好貼心畀咗隻碟裝住啲殼有加分～呢個係我揀嘅Carbonara啲汁十分濃郁絲滑好芝士～啲醬汁好足夠唔會乾憎憎！食落就略嫌淡味咗少少，意粉軟硬度啱啱好；自己加少少鹽就perfect了。全晚焦點登場🥹媽媽揀嘅Hanger Steak配薯條Hanger Steak我地揀咗Medium，出嚟嘅時候接近Medium rareServer好殷切問我地洗唔洗拎返入廚房整熟啲不過我地無所謂就冇麻煩Server，而且錯有錯着佢煎得好好食！牛扒表面有陣炭烤過嘅香味咬落去食得出冇乸過啲肉；唔鬆唔un仲要冇乜筋味道調配得啱啱好，最緊要係媽媽讚不絕口（喺香港實在中過太多

17/5約左朋友係呢間餐廳飯聚！我地叫左一個Parma ham 、 一個千層意粉、一個封門柳、一碟鱸魚、一個tiramisu同水果花茶❤️❤️年紀大唔係好記得menu上呢d菜式既名稱，睇相最實際😆Parma ham正常發揮，好味😋千層意粉蕃茄醬汁唔酸，味道岩岩好封門柳肉質夠林，好有牛味，冇血腥味👍仲有個堆洋蔥伴少少酸醋汁，慢慢咁嗒下又幾開胃喎！鱸魚魚肉夠滑，冇腥味Tiramisu好香咖啡味，唔算好好好好甜，份量岩岩夠三個女仔食，仲有剩😆水果茶同milk shake會encore呢間餐廳👍

相約好友難得聚會但是很失望的意大利餐廳，見環境不錯就walk in坐低坐，首先叫咗個意大利風乾火腿配蜜瓜啤梨、白酒汁燴青口、海鮮墨魚汁意粉、另外朋友叫咗一個鮮雜果水果茶完全話冇味好似滾水咁😞後來上菜一嚟到賣相已經唔OK心想可能會好食可惜食落口真係衰過茶餐廳咁嘅質素咁嘅價錢😤😤😤實在令各位朋友都食得不開心真係好想掉頭走，但是我們係有文化的人唔會就咁走咗去太失禮唯有食少少加調味料，但最後都係放低冇食1😢後來個侍應聽到我們的說話，禮貌地問我們什麼可以幫到手？話送甜品給我們，但我們禮貌地說聲多謝不用了🙏🙏希望間公司好好檢討改良，如果唔係真係戥你們擔心😩現今香港經濟已經很差怎麼辦？我們的要求不是太過高，我都係第一次寫食評，真是很想你們改良貴公司另hk經濟會好d，最後都多謝貴公司埋單給予我們折扣🙏平貴都冇所謂志在相聚開心

記得好多年前去又一城食amaronis，雖然貴但個味道係不錯。帶咗老公去moko 呢間食晚餐，諗住食得番之前嘅味道，但好明顯我錯了。個千層肉醬闊麵五分鐘內上枱，心諗咁犀利快手到咁。但見個樣乾爭爭，尤其係啲邊位又乾又硬，似足用微波爐叮熱個樣咁… 最差俾咩？就係佢連叮，都叮得唔夠熱！中間仲係凍冰冰嘅…如果我食叮叮嘢，大可買個微波爐餐。畀幾百蚊食叮叮意粉，個人真係好失落。no next time 以後都唔會再嚟，失望。

I recently dined at Amaroni's in Moko and unfortunately, my experience was less than satisfactory. We ordered the "Truffled Portobello" pizza, a dish I've enjoyed multiple times at the Amaroni's in Festival Walk. However, this time around, the dining experience left much to be desired.First and foremost, the wait time for our food was excessive, extending beyond half an hour. While I've been a fan of the "Truffled Portobello" pizza at another location, my enthusiasm waned when the dish finally a

成餐飯完全可以話無服務可以，除咗勞煩個waiter幫我落order同送餐外，其他嘢都要自己搞掂，想要多隻碟都要自己去佢地嘅sideboard度攞！難得搵到個waiter講嘢，啲唔耐煩嘅樣出晒嚟！好似話你咁大個人唔識自己搞掂咩！其實係㗎，你話我知啲嘢擺邊，我自己食完飯，自己埋單就可以走，完全唔需要勞煩你老人家去招呼我地！食物其實唔差，正常水準，Pizza係好食，但個risotto就乾到好似炒飯咁！唔建議！食咗三分一頂唔住打包走！返屋企自己再加工吓！呢個價錢嘅西餐其實通街都係，但呢啲服務質素真係非常難得！

今日特別想食西式嘢，就Walk in揀咗呢間，體驗極差。我嗌咗個lunch meal，食完之後極度後悔，啲餸真係狗也不吃。千層麵上菜嗰陣我真係打咗個凸，咩嚟㗎？毫無層次感，似雜炒多啲喎師兄。食落口得個番茄醬酸味，食到一半已經無胃口再食。最勁揪係呢一碟雞槌，一上碟俾咗三嚿骨頭我。點解要特登挑起啲肉呢？仲要成$45，好無言😑成個Menu全部起價都要一百幾蚊點解可以整埋啲咁低質素嘅食物比客人？奉勸大家千祈唔好嚟呢間食。

Semi-Buffet Dinner ExperienceAllow me to share my experience from tonight. I had arranged to meet a friend and reminisce about my previous positive experience at Kwoloong Tong Amaroni's several years ago. I made a reservation for 7:00 PM and arrived around 6:50 PM. To kick off the evening, I took advantage of the happy hour offer and ordered a glass of red wine, which came with a buy one get one free promotion. I must admit that the quality of the two glasses of red wine was quite good for the p

食左一個lunch set 經典千層麵貌相還好， 一食超級酸食左幾啖 已經食唔到落去中間既雞肉好似糊仔 口感好差芝士味還好但蕃茄既酸 蓋左成個味食冇茄汁既位都好酸食食下 先上蘑菇湯好淡味 好細碗加上 上食物既順序錯左感覺好奇怪食完千層麵 酸到要搵淡味既蘑菇湯清清口腔俾環境呃左入黎叫到好多人等位 以為幾好食服務都一般見到入面好多空位但都唔帶人入座本身諗住西餐 差極有限都係買個教訓 下次睇左評語先入去食呢個價錢 完全唔值 唔會再入黎食

之前一直幫襯九龍塘嘅分店,今次試下喺Moko嘅店。結果強差人意! 我哋叫咗一個四人餐,侍應立即黑臉,晦氣問主菜選擇; 餐後柯打飲品,又唔多願意服務! 服務態度之差,真係嚇親我哋! 食物質素又一般,總體令人非常失望!