Alva House

43
7
5
港鐵石門站B出口或第一城站 D 出口,步行8分鐘 繼續閱讀
電話號碼
36531118
開飯介紹
位於沙田的酒店餐廳,設270呎的自助餐桌,提供各式各樣的多國菜,如意式千層麵、天婦羅、即煎牛扒、片皮鴨等。自助餐亦設有下午茶、晚餐時段。 繼續閱讀
營業時間
今日營業
07:00 - 22:00
星期一至日
07:00 - 22:00
付款方式
現金
其他資料
網上訂座
酒精飲品
電話訂座
賞訂座積分
加一服務費
前往餐廳網站
http://www.alva.com.hk/dining/alva-house.html
有關餐廳
Alva House是一間充滿活力且適合家庭聚會的全天候餐廳,主打亞洲及西式美饌,在長達270呎的自助餐桌上展現多元化的美食選擇。賓客可在開放式廚房外欣賞廚師們大顯身手,又可與他們互動交流。此外,餐廳採用多款有機及水耕菜蔬、可持續海鮮和超級食物入饌,並提供素食及健營選擇,貫徹健康及環保概念。

招牌菜
水耕及有機蔬菜 即場烹調日式美饌: 鐵板燒、爐端燒、原條油甘魚刺身 戰斧牛扒 新鮮即開生蠔 龍躉粥 自家製意大利雪糕
食評 (74)
等級8 2021-06-02
3118 瀏覽
晌上一篇「November」嘅食評講過,透過早前旅發局搞嘅「賞你住」訂到沙田嘅「帝逸酒店」一晚住宿,標準客房加自助早餐,定價$599(已連稅),旅發局贊助$500,依家只需要補$99就掂喇。所以,嚟一趟本地小旅行,第一日先晌西貢影影近來新登場嘅壁畫,再行茅坪古道,睇睇竹林隧道同西貢藤皇,由西貢行到去大水坑,轉馬鐵落石門,再行過去酒店。第二日呢?就借用酒店嘅單車(免費),由酒店一直輕輕鬆鬆踩到去烏溪沙,然後折返。當然,出車前,就晌酒店一樓「Alva House」食返個豐富早餐先啦。先講講個環境,我都喺第一次嚟,咪睇個門口細細,入面其實好大,裝修時尚,樓底特高,加上一邊喺落地大玻璃,空間感十足,晌度用餐感覺非常悠閒舒服。再者,呢兩日天氣好,陽光普照,更令人精神奕奕。 早餐由7:00am供應到10:00am,事後睇返官網,原來早餐收費為$98,以星級酒店而言,收費算抵。老婆揀咗個窗邊靚位,坐低第一眼睇到,就喺餐具、紙巾……都以保鮮紙包好,客人用餐都會安心好多。年初及呢次Staycation嘅經驗,發覺酒店嘅防疫喺做得上心啲。講完環境,講吓有咩食先,其實,一入門口,就見到各個食物區,基本上,大部份食物都集中晒晌一齊。始終喺早餐,所以,都未開放晒所有食物枱,不過,選擇已非常豐富。 沙律及芝士晌近門口位,特別留意到有個凍櫃,擺放咗好多新鮮蔬菜,仲話喺由農場直送。本身都好鍾意食沙律,所以,一陣就更加食多啲沙律菜。而沙律菜共有4款,其中,竟然有羽衣甘藍,配料呢?有超過10款,如鷹嘴豆、車厘茄、煙肉碎、黑橄欖……等等,醬汁亦有4款,總對可拼湊出豐富嘅沙律盤。 就晌沙律旁放咗雜錦肉同芝士盤、乾果及水餅,本身都好鍾意食芝士架,不過,今次就無食到。 乳酪、生果、粟米片另一邊,放咗好多口味嘅乳酪,以及火龍果及新鮮菠蘿;乳酪旁嗰罌喺凍麥片,絕對唔喺我杯茶。如喜歡食粟米片嘅朋友就啱晒喇,因為大量供應,又有唔同口味。先嚟一大碟「前菜」開開胃,就喺一啲沙律菜、生果,配以油百,再加啲煙肉碎同芝士粉。啲沙律菜果然好新鮮,非常爽脆,而菠蘿超甜。麵包、丹麥酥、迷你班戟、甜點再回頭介紹吓啲西式包點,位置其實就正正晌入門口嘅兩個食物區,麵包嘅類別算喺超多選擇,喜歡食包嘅朋友不愁無得揀,小弟都試咗幾款喇。仲有啲班戟、蛋糕仔,甜點唔算多,過吓口癮都還可以嘅。和式風味迎合唔同人嘅口味,餐廳亦提供咗少少和食,例如日式燒玉子、日式嘅醃菜、麵豉湯……等等。 即製煎蛋、奄列全場有兩個即點即製檔口,一個喺湯粉麵,另一個就喺呢個嘞。奄列餡料點配法,同阿姐講聲就得喇,最重點喺成品新鮮熱辣。 中式湯粉麵、中式包點、粥品唔使多介紹大家都知咩,雖然我唔太好,但一大清早食碗湯粉麵喺大有人在,尤其魚蛋魚片河,喺好多人嘅至愛。此外,當然唔少得一啲中式食品,尤其一啲上年紀嘅顧客,有啲點心、粥品、炒麵、炒飯,會更合佢哋口味。小弟就無試喇,老婆就試咗啲,佢話都OK。 熱盤類主要喺西式美食較多,如烚蛋、炒滑蛋、薯餅、火腿、煙肉、烤蕃茄、茄汁豆、豬肉腸、漢堡扒……等等,非西式嘅就似乎得款炸餃子,總之,夾夾埋埋都有十多款。 故此,第二碟就砌咗份「全日早餐」,晌熱盤類樣樣執啲,又配幾款麵包,賣相非常豐富,老婆睇到都話吸引架。整體味道都唔錯,尤其啲炒滑蛋同啲麵包。 飲品最後就介紹埋嘅飲品,都喺擺晌近入門口位,基本嘅咖啡機一定會有,此外,熱茶、檸檬、牛奶,以及兩款果汁。 醒醒神,就斟咗杯西柚汁,邊食邊飲。平常,到最尾會加杯咖啡伴吓啲甜點或蛋糕仔,但食完後就出車,今回就稍稍忍口。 後話,踩完單車仲有大把時間可以返房沖沖身、抖一抖。轉眼兩日一夜嘅小旅行就此完結,其實都有啲未夠喉,酒店嘅健身室同泳池都未有機會享用,不過,考慮到防疫,都喺兩公婆走去踩單車安心啲。 短評番今次嘅住宿,感覺真喺幾唔錯,無論房間、公共地方、餐廳,酒店都做咗好多防疫嘅功夫,房內亦加設咗唔少智能設備。而這裡嘅自助早餐都好豐富,若非要踩轉單車,唔方便食太飽,以小弟嘅戰鬥力,喺可以食多兩轉,至少啲芝士、丹麥酥、即製奄列、乳酪,喺會一定捧場。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-30
6611 瀏覽
香港帝逸酒店🔸,是一間時尚年輕、融入現代和智能科技設計的五星級酒店。酒店在2019年12月開幕,找來日本著名設計Nikken Sekkei公司設計,加入大自然元素,打造城市中的恬靜綠洲💚。酒店環境新穎,設備齊全,價格相宜,我認為性價比超高呀~最近Royal Hotels帝系酒店與網站 🌟合作推出限時住宿優惠,最後幾天! 馬上把握機會啦! 既日起至5月16日預訂7月1日前入住的酒店房間低至6折😍,選擇指定房型更會送美容品牌fresh的玫瑰旅程套裝和$100門市購物禮券,價值$300㗎!這次我經網站 APP訂購2日1夜高級河景大床房❤️,落地大玻璃能觀賞到沙田城門河的優美景色😆,房間內設有ipad和Lily咖啡機,坐在窗旁,玩著ipad,嘆著咖啡☕️,感到舒適自在~其他帝系酒店,包括: 帝苑、帝都、帝景和帝京酒店,都設有這個限時優惠🥳,套票只在APP出售,大家也可以考慮看看哦!當日與媽媽在帝逸酒店Staycation,玩得非常開心🤗。為了令旅程更加盡興,我們倆人預先加購ALVA House🌟的自助早餐$98/位,食物款式繁多,好滿足呢~自助早餐,在星期一至五上午7時至10時供應☺️,不論你是不是酒店住客,也可以前來品嚐哦! 餐廳地方寬敞,能飽覽城門河的景色,温暖的陽光從玻璃窗透射進來,令人感到舒適自在。食物擺放整齊,分區域設計,有麵包區🥐、沙律區🥗、玉米片區、西式區、中式區、粉麵區🍜、水果區等等,大家可以大飽口福,吃飽喝足才離開啦!我非常喜歡吃麵包👅,這裡的款式多樣化,有牛角包、朱古力酥、菠蘿酥、軟包、煙肉麥穗、芝士包、班戟、椰撻、朱古力鬆餅、多士等,當中以牛角包和朱古力酥最得我歡心🥰。酥餅微暖,酥脆可口,很不錯呢~由細到大,我都很愛吃玉米片浸牛奶😆。這裡有提供超多款式的穀物早餐🥣,相信總有一款合你胃口。此外,煎香草腸、炒滑蛋、扒蕃茄和炸薯餅,質素都不俗。另外亦有中式炒麵、糯米雞和奄列等等,大家可以一齊設計一份適合自己胃口的精選早餐啦! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-12
8817 瀏覽
據聞這是一間新酒店(新過嚟),自助餐都相當出名,有次紀念日, book枱試一試。🎉美國生蠔其實都算幾大隻,蠔肉不算太大,但質地夠香滑不算太過肥膩的那種,看見師傅都在營營役役的開蠔以及洗蠔,每次限攞兩隻。壽司部算是最為傑出,那個師傅,是個白頭老翁👨🏻‍🦳雖然年紀老邁,但亦都盡顯專業姿勢,拿着刺身刀再慢慢切魚生,我點了三文魚及𩶘魚,他每樣給你兩片,處理精細,禮貌彬彬。除了四款刺身之外,其實旁邊的壽司也不錯,因為體積不算太大,還見到另一名師傅拿火槍火灸過壽司,米飯不算太多,因此吃壽司也不會顯得過飽。吃了一碟沙律菜,沙律菜葉都挺新鮮,有個款汁醬,加點提子粒。水果旁邊還有明治乳酪杯,有芒果味、原味、椰果味,午市自助餐都有乳酪杯都不是太常見。😍妻子就試阿姐即場煮的意粉,可以自行選長通粉、墨汁粉、或是扁意粉,然之後自己揀配料。點了一個墨汁意粉給她,新鮮即炒,溫度夠熱,味道也不會差。🤩其他熱食不算太多,至少不見有點心,即使有燒味,都只有燒鴨、雞、沒有什麼叉燒或是燒鵝之類的,比較可惜。我就試咖喱,咖喱雞,雞肉都不甚了了,不過烤餅都算是弄得不錯,夠香夠濃,另外還有比較偏門的青瓜醬可以點烤餅。切牛肉一向我都不算非常之中愛,而且,師傅切下切下,原來把旁邊的筋給了我,因此吃起來更加不好吃。旁邊的羊架,好像我大部份時間都只見到有舊骨,不見到有肉,反而在旁邊的薯格以及薯餅,都弄得不錯的。🤪雪糕也是Movenpick,為了不想吃太甜,我就吃過咖啡味算了,後來還拿到最後一塊Pencake,將雪糕配合來吃,多加飽肚,又可以多款式。其餘的甜品就吃了這個叫做菠蘿批,有一個放在出邊,令一個放在雪櫃,但後來吃了都覺得味道應該是一樣的,餡料好像鳳梨酥的餡料,微甜,不覺得菠蘿味道太過濃郁,它的邊皮以及撻底夠硬正,是我喜歡的那個質地。每名食客都獲發兩張小卡紙,可以換領的特別飲料竟然只是果汁或是香檳😨後來替妻子攞了橙汁,橙汁都只是細細杯?香檳好像喝了都不覺得有什麼特別味道,連酒精成份都成疑🤔咖啡機來說算是弄都挺快,不過不論卡布奇樂定還是拿鐵,味道都只是普普通通,一味奶味以及泡沫夠多囉。自助餐的位置那麼熙來攘往,遊人如鯽,雖然我們安排比較偏僻位置,但至少比較清靜,即使遠一點也沒所謂吧,畢竟你也不想在人龍旁邊,或是進食期間旁邊經常有大量人流行過吧。🤘🏾😀 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-23
8063 瀏覽
甜睡一夜後我們大清早便到Alva House吃自助早餐,因為我們想趁有時間去埋健身室和去踩單車喔!甫入餐廳便見到自助飲品區分別有咖啡機、熱茶熱水、檸檬、另外還有數款果汁供應!再往前走會見到有多款口味的乳酪杯,我已經盯中了芒果口味的乳酪呢嘻嘻!!轉個角有日式玉子、納豆、日式八爪魚和韓式泡菜充滿了亞洲風味的前菜。如喜歡吃穀物早餐的朋友應該會十分開心,這兒足足有六款不同的選擇必定會滿足到愛吃的您。我就最看重生果這一環但看見有我最愛的菠蘿已經教我樂上了半天了!另外還有火龍果、西瓜和蜜瓜供應呃!當然還有我必吃的新鮮沙律菜,看見有我喜歡吃的羽衣甘藍已經滿意非常了!旁邊還有鷹嘴豆、車厘茄、紅腰豆、粟米和等配菜,另配多款醬汁大家可隨自己喜歡的口味而混出自成一格的沙律!旁邊還有凍火腿和車打芝士那便可以令沙律更加豐富了!走到麵包區選擇多到不行!首先有歐式麵包和方包供應,旁邊更有翻熱用的多士爐那便可以吃到熱騰騰的美味多士了。再往前走是這個麵包區也可算是甜品區的地方!必定令喜歡吃烘焙食物的您滿意非常。內裏有超過10款以上的烘焙美食,好像有鬆餅及多款不同口味的歐式麵包、酥餅,有鹹有甜必定有一款會合大家理心意的。然後走到熱食的區先來介紹西式早點吧!打頭陣的有炸春卷、薯餅、火腿、煙肉、茄汁豆、雞肉、豬肉腸、漢堡扒及蕃茄,選擇亦是超級豐富大家隨意選擇便可弄一份獨家的All Day Breakfast。接下來還有超正的即煮雞蛋檔位由一位服務態度超級好的靚姐主理,大家可以選擇太陽蛋、炒蛋、奄列等等不同的雞蛋菜式,靚姐便會為大家即場炮製然後熱辣辣的送到你手上,而且弄出來的水準是十分到家喔!繼續有健康的麥皮和烚蛋及一系列的中式早點,先有飽肚的皮蛋瘦肉粥、煎腸粉、炒麵及炒飯。如果喜歡吃粉麵你可以點選魚片米粉,早起床吃碗熱辣辣的米粉也是一個不錯的選擇喔!但我更想試的是這個看上去皮薄餡足的滑捋捋雲吞!另外還有兩款點心供應這天我們可以試到的是珍珠雞和燒賣,有個不折不扣中國胃的車爸爸看見這麼多中式早點確實已經歡喜若狂了!為大家介紹完這麼豐富的自助早餐美食,這一刻也是時候到我們開餐勁擦喇!跟車爸爸分工合作一個取中式一個取西式,之後就得到這一檯豐富的早餐畫面喇!我最愛吃韓式泡菜當然要拿一碟來自私吃吧哈哈!然後懷着戰戰兢兢的心情終於在我40多年的人生中首次吃納豆,一放入口未至於要吐出來但確實我不會是我喜歡的味道。還是吃我最喜歡的生果比較吸引,這兒的生果和沙律菜都非常新鮮,喜歡吃的朋友不妨放肆地去享受。每次吃自助早餐我都喜歡吃一杯乳酪這天更有我愛的芒果味,不理會有爆肚危機也獨自吃了一杯呢!而麵包當中我選了一片白麵包、熱香餅和牛角酥跟車爸爸一同分享,白麵包配牛油吃總是吸引的,但那個牛角包真的令我倆十分驚喜啊!大家看牛角包那蓬鬆的蜂巢內膽應該也感覺到又多鬆脆吧!吃下不會有膩感還帶幽幽的牛油香氣,如果不是這麼滿足相信我會吃多兩件才肯收口!大家看我們還有一盤自砌的All Day Breakfast!靚姐姐弄的太陽蛋真心美令人有晨早起床清新開朗的感覺!吃過日韓和西式的早點後當然要吃一點中國的味道吧!我大力推介大家品嚐這個鮮蝦雲吞絕對可以用皮薄餡靚來形容,所以我們這天吃了四粒那麼多呢嘻嘻!車爸爸一看見有皮蛋瘦肉粥當然不會放過它吧!估不到粥底煲得很綿滑味道也很不錯耶!我們自砌了這一碟點心拼盤內裡包括有煎腸粉、燒賣及珍珠雞全部質素也很不錯,最後還有豉油王炒麵吃這個炒麵時發生了段小插曲,正正看到餐廳員工的貼心服務令我對他們大大的加了不少分數呢! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-21
16519 瀏覽
#double👧🏽👧🏻吃在沙田#double_酒店餐廳..【自助餐系列🍴| ᴀʟᴠᴀ ʜᴏᴛᴇʟ ʙʏ ʀᴏʏᴀʟ】..#🥭👧🏻 今次揀咗帝逸酒店嘅自助餐 分別試過lunch同dinner🤣依家就一次過講下啦~自助午餐嘅主題係香港情懷👀而晚餐就以蟹作為主題 呢度嘅食物種類算多 晚餐比午餐豐富👅 餐廳嘅環境都幾大 服務都好好~-▫️Lunch Buffet▫️生蠔同沙律都算新鮮 沙律菜有羽衣甘藍 幾特別~壽司嘅size好的骰😆(係平時食嗰啲嘅一半) 上面加咗啲蟹籽同魚籽 感覺高貴好多🤣🤣 不過洗蠔嘅速度就有待改善 而且負責嘅員工好似太大力 就快擦爛曬啲蠔😖中式區有燒味 即煮粉麵檔嗰啲 即燒串燒都幾好食 仲有即炸天婦羅🍤 唔怕放耐咗會凍👍🏼 甜品嚟講 款式幾多但唔係特別好食🙈 雪糕係Movenpick🍨有6款口味 不過👧🏻就冇食到▪️Dinner Buffet▪️海鮮:同午餐一樣有生蠔 另外有龍蝦🦞長腳蟹 麵包蟹 花蟹 凍蝦 螺同蜆 龍蝦一般 唔夠爽口☹️反而長腳蟹幾鮮幾好食 而且龍蝦同長腳蟹有啲鬼鼠 係用布遮住 要問職員攞先有🤔 凍盤:刺身有三文魚 吞拿魚 希靈魚 仲有個叫𩶘魚 壽司同樣地好迷你😆 沙律吧有羽衣甘藍 比較少見👀 另外有芝士拼盤🧀巴馬火腿 煙三文魚同莎樂美腸嗰啲熱盤:蟹膏蟹肉意粉🦀用左筒形通粉 幾creamy 仲有蟹肉意大利飯 蟹粉小籠包同埋明太子蟹肉炒飯 小籠包就一定唔夠出面好食㗎啦 志在過下口癮😌 花雕蟹蒸蛋都幾滑👍🏻 西式區嘅鴨肝多士幾脆幾好食😋 斧頭扒肉味香濃 羊仔脾就偏熟☹️ 亞洲菜就有日本端爐燒🔥(eg雞串 牛肋條 燒菠蘿同秋葵)仲有馬來西亞沙嗲 肉骨茶 印度薄餅同咖喱🍛 pizza都有幾款🍕中菜就係即煮麵檔 燒味 海南雞同片皮鴨 湯都有兩款(蟹肉南瓜湯/是日中湯) 甜品:有榴連主題🤩 👧🏻比較推薦榴連千層酥 榴連雪糕同榴連布甸 呢三款榴連味較重😋其他就無咩特別 另外有個牛奶燉桃膠 好重煉奶味🤧入面加咗好多雪耳 桃膠就幾乎見唔到...--------- 繼續閱讀
(以上食評乃用戶個人意見 , 並不代表OpenRice之觀點。)