影片
營業時間
今日營業
11:00 - 21:30
星期一至日
11:00 - 21:30
以上資料只供參考, 請與餐廳確認詳情
假日行過中環，經過呢間鋪頭，鋪外 顏色七彩繽紛，見到都好吸引，所以入去試一試。入到去，見到5花8門不同種類既pizza, 終於唔使再約3，5飯局，即時決定係度開餐。 呢度你可以叫的預先準備好既標準pizza,之後再選呎吋，最後就按重量黎計價錢。 甘就可以就算一個人都可以試多幾款名道。結果 叫左2件來試下，crostino, 濃香的芝士味，軟硬適中的餅底，充滿了意大利風味。 唯一欠缺既就是沒有啤酒，令到今餐有點點的 缺失。
繼續閱讀
去咗中環嘅 Alice Pizza試吓佢哋嘅手工薄餅，一入店已經聞到濃濃嘅麵粉香同烤爐香，開放式廚房仲可以望住師傅即搓餅底、放料，好有意大利街頭小店嘅風味！ 1️⃣火雞餡pizza：簡簡單單番茄、火雞肉片、水牛芝士、羅勒，但勝在食材新鮮。餅底薄脆帶煙韌，邊位烤到微焦脆口，茄醬酸甜自然，水牛芝士拉絲效果滿分，食得出係用靚料！ 環境方面，店面唔算大，但用木系裝修加暖黃燈光，幾有溫馨感。不過繁忙時間可能要搭枱，想靜靜哋食建議晏晝去。價錢中上（薄餅$80），但手工即焗嘅質素絕對值回票價，尤其餅底控必試！ Alice Pizza 嘅薄餅有驚喜，餅底功力深厚，用料亦對得住價錢。如果鍾意意式薄脆風格，呢度絕對係中環首選！下次想試埋佢哋嘅「魔鬼辣肉腸」，聽聞辣到噴火🔥！
繼續閱讀
之前都喺其他分店食過呢一間Pizza嘅外賣店，係傳統嘅意大利Pizza我同朋友都覺得幾好食，所以今日再去買！比較鍾意食佢嘅卡邦尼味道，非常好食，而且充滿蛋黃醬嘅香味，做得唔錯，味道上非常傳統係意大利嘅傳統風味，而且佢嘅餅底我哋都覺得幾好食，價錢嚟講都唔算太貴！另外揀咗有一隻有火腿喺上面嘅，火腿幾好食係餐廳推薦嘅，我同朋友都食得幾開心！整體嚟講呢一間外賣都其實幾好食，價錢亦都唔算太貴，鍾意嘅朋友都可以去試吓！
繼續閱讀
路過揾食，見到間幾多選擇嘅薄餅，見佢細細件，可以選多幾款味試～正！Salmon/Diavola/Onion and Tuna三款平均50零蚊一份。如果以食開一般嘅薄荷店做一個參考，呢度啲會「原始」味啲，即係無乜味，清淡啲，可能係無加任何「添加劑」，連煙三文魚都係啖口，無乜味，我哋都要落大量嘅辣椒去調味，口感方面，餅身似食脆餅，有別於一般香港「傳統品牌」嘅口感同味道，當然呢個可能係意大利傳統，但我唔識，食嘢味道真係好個人。坦白講，我個人覺得麻麻地，真係唔係「我杯茶」，但一試無妨。回頭度：4/10
繼續閱讀
成日見好多外國人行入呢間Pizza店，今次終於扚起心肝試吓🥳估唔到好有驚喜喎，比我想像中更加多款式，最特別嘅係佢哋用重量計算價錢，可以叫佢切細啲食多幾款！咬落去一啲都唔油，餅皮脆脆地而且唔會有嗰個pizza邊邊😂推介試吓Italiana味，有水牛芝士加成嘅蕃茄底pizza真係好正🥰另外都一定要食埋佢嘅Nutella!!! 兩層pizza底包住中間勁多榛子醬，好邪惡🔥成個朱古力味嘅漢堡包咁😂
繼續閱讀