49
1
0
港鐵香港站 E1 出口, 步行約3分鐘 繼續閱讀
所有分店 (5)
電話號碼
25814391
營業時間
今日營業
07:30 - 20:30
星期一至五
07:30 - 20:30
星期六
07:30 - 19:30
星期日
08:00 - 19:30
公眾假期
08:00 - 19:30
付款方式
Visa Master AlipayHK 現金 八達通
食評 (51)
等級4 2021-06-03
198 瀏覽
星期六下午嘅中環同平日好唔同,人流少咗好多,靜好多,悠悠閑閑食個週末午餐~Alfafa Cafe係半自助形式,先點餐丶俾錢,將個buzzer放喺枱面上嘅指定位置,店員就會送餐,特別要讚呢度嘅店員都好友善👍🏻二人餐 $199有湯丶自選2款主菜丶甜品丶飲品,呢個組合都幾抵!alfafa 超級沙律 加配 $13睇落細細碗,但內容好有益,有羽衣甘藍、蘋果片丶車厘茄、杏仁片丶藜麥大西洋鱈魚柳及有機鮮蘑菇照燒炒意粉 (原價 $92)鱈魚柳肉質細嫩,而照燒汁炒意粉較重味,呢個配搭幾好!未來漢堡配薯條 (原價 $128)好鍾意個包有脆邊!仲有牛油果,味道更多層次。之前已經試過Beyond Beef,肉質係做到好似,只係肉味爭少少,凍咗就會豆味偏重,所以一定要趁熱食!Iced Mocha + $9Iced Cappuccino + $9朱古力蛋糕配雪糕點餐時店員會主動提出甜品後上,食完主菜後,通知佢哋就ok~ 熱Brownie配雲尼拿雪糕,件Brownie朱古力味濃,又有合桃碎,好味!蜜桃撻 加配 $16放假嘅胃口特別好,仲俾件蜜桃撻吸引到,食埋就更滿足! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-30
48 瀏覽
位於 中環-華懋廣場第二期 的 "Alfafa Cafe" 因為抵食, 所以才介紹 ~Alfafa 超級沙律配煙三文魚配欖油多士 $78 : 沙律有多種蔬菜 , 包括有 牛油果、羽衣甘藍、西蘭花、蘋果、車厘茄、奇亞籽、三色藜麥 , 並配以檸檬奇亞籽汁 ; 加上肥美的煙三文魚 , 實在是充滿田園風的salad , 凊新健康 , 味道也不錯 ~餐湯 : 南瓜甘荀湯 , 味道濃郁清香 , 溫度適中 , 好飲 ~焗肉醬千層麵配薯蓉 $88 : 賣相OK, 肉醬的味道算是濃香 , 整體味道也是中規中矩 , 薯蓉都夠薯味 ~本篇完 ~ 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-28
745 瀏覽
住上環嘅朋友介紹 Alfafa Cafe,除了食物高質,價錢親民, 而且相當就腳極近地鐵站。 今日有機會來到,坐滿人要等一會, 原來餐廳優惠的 coupon今天到期, 所以比較多人, 餐廳店員都耐心地安排顧客入坐,服務唔錯!食物選擇好多, 單點主菜,二人套餐,下午茶。。 就選2人套餐。 頭盤,主菜,飲品,甜品都齊!雜菜湯, 清甜美味 , 極多蔬菜好健康!超級沙律, 超級食物羽衣甘藍, 還加入蘋果片, 果乾,杏仁片, 同樣豐富健康!👍卡邦尼流心蛋煙肉芝士三文魚炒意粉流心蛋蛋汁令意粉又香又滑, 煙三文魚份量很多, 配合洋蔥炒香嘅煙肉 , 香濃惹味~ 小朋友至愛~大西洋鱈魚柳有機蘑菇炒意粉中式嘅做法, 醬汁甜甜地,有機蘑菇好香, 鱈魚柳啖啖肉無骨,而且煎得香, 意粉煙韌彈牙, 只是稍嫌較多油份。跟餐加$9配特飲, 質素有驚喜。Iced mocha製作認真, 可可味偏重, 鮮奶和咖啡比例均衡, 唔會太甜, 越飲越滋味!另一款『凍法式朱古力』, 朱古力味濃郁, 配合忌廉,鮮奶,顯得幼滑豐厚, 味道唔錯!套餐還包括甜品: 朱古力蛋糕配雪糕也是值得等了十多分鐘, 蛋糕其實是Brownie? 啱啱出爐, 外皮少少鬆脆,入面質感鬆軟,朱古力味濃郁,  再配雲呢拿雪糕,好吃得令人融化!!每惠顧40元送一小瓶 made in France 的草莓果醬, 非常窩心 ~😊👍  繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-22
518 瀏覽
上環區,想找間coffee shop 或者cafe 和朋友食下野,閒談一下。朋友不想去大集團咖啡店和人逼,於是她上網找到了這間「Alfafa cafe」。Alfafa就在上環與中環之間,非常方面。上到cafe ,週末人流依然不減,相信很多人都是一早已熟悉alfafa。我們看看餐牌,發覺原來點一份二人餐比起散叫set更加抵,所以就吃多一點,慢慢傾計。➹ 1. 餐湯、餐包餐牌寫着二人餐有兩客餐湯,但原來除餐湯外,還配多一個餐包。今日餐湯為蕃茄雜菜湯,將餐包放進湯內浸浸會更好味。➹ 2. 未來漢堡配薯條想不到這裡會有beyond meat 可以食,既然二人餐可以任選cafe set,那就當然要嚐嚐這裡出品的beyond burger吧。其實漢堡內除了beyond meat 「素漢堡扒」之外,還有牛油果作為配料,使得整個burger 營養值再提高。我有一個小建議,就是餐廳可以將其漢堡名字加上「牛油果」,會更加吸引。➹ 3. 烤薯蔬果吞拿魚沙律配欖油多士想來一個輕食,alfafa 迎合到小胃之人,有多款沙律供應。這個沙律非常清新,包含了一粒粒的烤薯、各式雜果如蘋果、小蕃茄、菠蘿等及大量的吞拿魚。含多種維他命和豐富的omega 3,健康十足,很推介給減肥中的上班一族!➹ 4. 朱古力蛋糕配雪糕如果你以為這份小甜點是無無聊聊,那就大錯特錯。事關朱古力蛋糕的質感與brownie 相約,內裡還有些nuts,再加上蛋糕本身是熱身的,配上雪糕後其凍熱感實在一流,這份心思絕對值得一讚。➹ 5. 熱鮮磨咖啡 | 伯爵茶餐飲就分別點了熱鮮磨咖啡及伯爵茶。cafe有肉桂粉和朱古力粉可以自由調加,這點亦做得很足,不比連鎖咖啡店輸蝕。➹ 6. 芝士卷既然餐廳的set meal 都不錯,相信這裡的bakery 質素亦有返咁上下。臨走前, 看到bakery 廚窗有芝士卷,我就買一個回家嚐嚐。回家烘熱後,咬一口芝士卷內裡的芝士熔入口中,非常重芝士味,一個芝士卷可以切開兩人share,作一個小點心或小早餐都不錯。在中、上環要找間咖啡店坐坐食下野,alfafa cafe 比起連鎖店確實更加吸引。 繼續閱讀
(以上食評乃用戶個人意見 , 並不代表OpenRice之觀點。)
朋友星期六都要返工咁慘,我就身體力行去支持佢,陪佢食晏🤣。佢落咗Order要食「alfafa Cafe」,我就去定攞位等佢嚟。好彩我早到一步,晏多十分鐘就要等位,估唔到星期六少啲人返工都咁多人嚟食。餐廳採用半自助模式,客人先行搵位,然後再到收銀處點餐。我哋可以慢慢喺位睇咗食乜先出去落單,收銀櫃位隔離仲放有麵包櫃同甜品櫃,套餐有唔少加配優惠,不妨留意一下😜。其實呢度都好似可以用手機自己落單,不過目測無人咁做🙈。喺櫃位落單後,你會獲發一個感應器,要放返喺枱面指定位置,店員先知你坐邊,再送餐比你。我哋叫咗一份二人餐($199),包前菜、主菜、甜品同飲品,食物內容有得自己揀選搭配👍,彈性幾高。是日餐湯係蕃茄雜菜湯,齋睇個樣已經睇得出佢好有誠意,因為有超多蔬菜粒,🍅蕃茄味道亦非常濃郁,但又不至於太酸,好飲。alfalfa超級沙律,叫得超級沙律🥗果然非一般,沙律菜底用上羽衣甘藍,另外仲加入咗蘋果粒同果仁等,食落甜甜哋,好易入口又健康。卡邦尼流心蛋煙三文魚煙肉芝士炒意粉(單點價$88),意粉味道相當唔錯🤤,卡邦尼汁調得好惹味,加入咗黑椒粒,整體達到中庸之道,唔會過膩。意粉煮得彈牙兼掛汁,配料有煙肉、雜菇粒、洋蔥絲同流心蛋,唯一挑剔嘅地方就係煙三文魚份量少咗啲,得一片仔。焗肉醬千層麵配薯蓉(單點價$88),呢個菜式可以一次過滿足兩個願望,因為同時食到Pasta🍝同薯蓉,飽肚感十足。千層麵面層放上大量芝士,烤焗後嘅拉絲效果不得了,肉醬層亦足料,食落有口感。除咗邊位有少少燶之外,麵皮本身好煙韌,🥔薯蓉就同肉醬好搭調。甜品方面,跟餐嘅有朱古力蛋糕配雪糕,蛋糕有少少似布朗尼,中間仲加咗花生粒。另外,我哋仲額外加咗件紐約芝士蛋糕🍰($26),味道幾濃郁,但整體同出面食到嘅有啲唔同。跟餐甜品本身係包兩件朱古力蛋糕,唔想兩件一樣咁單調,所以佢有一個升級嘅選項,加$22轉焗軟心朱古力蛋糕配雪糕。🍫心太軟好鬼正,流心效果一流之餘,朱古力濃度亦啱啱好,估唔到嘅係連球雲呢拿雪糕都好好味🍨。飲品方面,我哋要咗熱咖啡☕️同熱有機蘋果茶🍎,兩杯熱飲都唔使加錢。後者嘅蘋果香幾出,但飲落就較為清淡。總括嚟講,呢間商廈餐廳嘅食物出品一啲都唔馬虎,菜式係簡單嘢,但就整得好有水準,好味道😋。另一邊廂,餐廳環境亦都唔錯,裝修幾時尚,更有窗邊位可以望到大街。同時,枱同枱之間設有易拉架或者膠板以作分隔,食客食得安心嚕🙏🏻。 繼續閱讀
(以上食評乃用戶個人意見 , 並不代表OpenRice之觀點。)