Alchemy ORIGIN

營業中

休息中

Alchemy ORIGIN (鰂魚涌).如果要一間有格調帶有小浪漫，食物又好好食嘅餐廳，我會揀 Alchemy ORIGIN。.粉橙色調嘅裝修好有獨特性，加上綠色植物嘅柔和，置身其間舒適感滿滿。.除咗鐘意餐廳嘅設計，🤤我更沉醉於佢嘅美食。.Flat White 好細滑，揀左skim milk ，奶味輕一點，咖啡味很香，有3款咖啡豆可以選擇。拉花都精美，加上有自家logo，有質感嘅餐具，賞心悅目😍。.我係呢度揾到暫時覺得最正嘅卷餅同雞肉沙律🥗。.豬頸肉卷餅配芥末籽醬 $115卷餅烤烘過後微微麥香，豬頸肉烤過，特別香口、加埋清爽青瓜櫻桃蘿蔔沙律菜同微酸醬汁，配搭上偏油重嘅豬頸肉，恰到好處。.青醬雞胸沙律配檸檬醋醬 $92雞肉係慢煮，令到雞肉嘅質地嫩滑，柔軟😍，調味好簡單面頭上邊嘅青醬同黑胡椒，大部份食到係雞肉嘅原味，仲帶點肉汁🤤。沙律菜非常新鮮每一條都會食到清爽。嗦嗦聲。.最後叫埋個生酮花生醬黑朱古力蛋捲$61聽到生酮個名佢罪惡感就會減低咗一半，講真覺得生酮嘅甜品嘅美味程度會下降，但出乎意料之外蛋捲輕甜，內涵細滑柔軟，蛋捲鬆軟，濕潤有彈性，係一個有顏值又好好食嘅甜品.越簡單嘅味道越難拿捏

放假無意之中，發現左間好方便又坐得舒服既cafe，樓上就係甲級寫字樓，落樓下就可以享用到早餐/午餐，而且味道係好食😋落單仲要係用QR code落，唔洗專登走出去counter落單👍🏻✨ 香煎虎蝦配辣蕃茄汁意粉 $124虎蝦係用新鮮既虎蝦，唔係一般雪藏蝦，口感非常彈牙鮮甜，蕃茄汁好濃郁，上面仲撒滿了芝士粉，如果唔鐘意芝士，落單時有得揀走芝士，好貼心既落單app😉✨生酮花生醬黑巧克力忌廉卷 $61食完正餐嚟一件甜品，份量同甜度剛剛好，不會過甜，而且係生酮的，岩曬怕肥同健身人士，忌廉卷食落似食緊以前細個食的花生瑞士卷，好濃郁滑溜既花生味🤤✨Mocha $46專登揀左杯朱古力咖啡，可以同時飲到咖啡同朱古力🍫，咖啡豆有兩款選擇，我就揀左佢哋招牌既Alchemy Blend，好香濃咖啡味，朱古力味又唔會蓋過咖啡豆既香味🤤

呢間Cafe真係經過最少都三四次。假期嘅太古坊真係比較靜，所以特別鍾意假期嚟呢間Cafe。因為又好坐啲嘢又有水準，而且價錢亦都唔貴。裝修好精緻，落地大玻璃，好舒服！煙三文魚牛油果碎蛋沙律蕃茄三文治喺飛碟三文治，牛油果同碎蛋沙律MIX咗做醬，再加上厚厚嘅煙三文魚，美味又有益！檸檬汁烤雞煙肉意大利三文治意大利意大利三文治外脆內軟，帶點煙煙靭靭！烤雞軟滑多汁，仲有溶咗嘅芝士，煙肉帶有清新嘅檸檬汁！令人有驚喜！青醬忌廉雞肉長通粉青醬忌廉汁夠哂creamy ， 雞肉雖然厚身，但係咬落口又唔諧霎霎，似係慢煮。煙鴨胸配菠菜乾意粉食過幾次都係叫佢，因為佢個汁好濃，而且鴨胸亦都好厚實，菠菜又多，夠哂份量！伯爵茶鮮奶朱古力佢可以揀茶味淡啲嘅伯爵茶，但我就要濃味嘅伯爵茶加濃郁嘅朱古力。飲落去嘅感覺好特別，而且聞落去好香，本身自己好鍾意伯爵茶，所以特別偏愛呢個飲品！果香紅茶賣相好靚，好精緻。紅茶香果香又甜，飲落去，感覺好清新！澳白咖啡咖啡豆揀咗Alchemy bean🫘比較香濃，仲嚟個extra hot，暖入心。法式西多士配自家製雜莓醬嚟親呢度係必點嘅甜品！係厚切嘅西多士，西多士好軟熟，雜莓醬夠唒酸，我俾99

Alchemy Origin鰂魚涌店！環境好舒服😌最近去咗Alchemy Origin鰂魚涌店食飯，環境真係好舒服！簡約時尚嘅設計，好適合慢慢嘆吓嘢食同影相📸️。我哋叫咗幾樣嘢試吓，樣樣都好好味！首先係泡沫咖啡☕️，奶泡超綿密，咖啡味夠香濃，拉花仲好靚添❤️！之後叫咗個香烤蜜糖鴨胸沙律同煙三文魚沙律，鴨胸肉質好嫩滑三文魚好新鮮，沙律菜爽脆，好開胃！不得不提佢哋個生酮Tiramisu蛋糕卷🍰！呢個蛋糕真係驚喜！蛋糕好鬆軟，咖啡味好香濃，但唔會太甜，真係一個健康又美味的選擇！Alchemy Origin嘅食物質素高，環境又舒服，絕對值得一試！下次想試吓佢哋其他嘢食😋！

星期四中午，需要人齊才能入座。附近好多人返工，所以都唔少人排隊等位。以環境嚟講，似高級茶記，靚就靚啦，但係食物就真係比起啱啱開嗰陣差咗好多。雞包，同豬頸肉包，兩個都淡茂茂，調味一般般，似屋企嗰啲雪藏雞扒，師傅可能輸咗馬，唔記得落鹽🫣份量嚟講，都算大。唔好食嚟講呢，都唔使講咁多去形容。總之就唔好食。很無聊啊，點解一定要有200字先可以評分呢？係都要我講咁多廢話先可以俾我落負評。而家先189字咋，仲有三隻字。冇下次。

係太古坊地下一間西餐cafe型式<鴨胸肉薯仔沙律>鴨胸肉做得好嫰同軟腍配薯仔沙律係個幾飽肚嘅組合<豬頸肉泰式木瓜沙律>呢個沙律比較失色如果係普通沙律都還可以青木瓜好少而且唔夠味完全冇泰式味道除咗沙律 餐廳仲有其他嘅選擇係一個百零蚊嘅business lunch嘅質素

我想同你一齊食…我想同你一齊食…青醬雞胸沙律塊雞胸勁大塊 食過雞胸已經好飽仲有多多沙律菜，真係均衡飲食！雞肉肉質好滑亂仲好多汁！香煎虎蝦配蕃茄汁意粉虎蝦煎得香脆彈牙，蕃茄汁酸甜開胃，意粉煮得啱啱好，好味法式西多士，配雜莓醬外脆內軟，配雜莓醬清新唔膩，甜度適中朱古力伯爵茶latte 茶香同朱古力味平衡得好好，香滑順口喺邊間呢？佢係喺鰂魚涌分店😆Alchemy ORIGIN地址: 香港鰂魚涌英皇道979號太古坊太古坊二座地下A號舖#鰂魚涌美食 #太古美食 #太古Cafe #銅鑼灣Cafe #太古坊美食 #太古坊 #太古 #香港打卡Cafe

今日又嚟到鰂魚涌太古坊內嘅Alchemy ORIGIN. 大大嘅落地玻璃，彩光度十足，而且坐得舒適。Fat white-lge ($45)，伯爵茶鮮奶巧克力（$42），手沖果香紅茶（$58）：三杯嘢飲都夠晒熱，果香紅茶茶味香濃，咖啡同鮮奶朱古力都又香又滑。煙三文魚牛油果碎雞蛋沙律蕃茄茄三文治（$89）：份量好多。煙三文魚鹹香好味。蕃茄同沙律菜新鮮。牛油果碎雞蛋醬夠晒Creamy。檸檬汁烤雞煙肉意大利三文治（$78）：煙肉有幾層，味道惹味。意大利三文治質感鬆軟，烘焗既坑紋好靚。青醬忌廉雞肉長通粉（$103），煙鴨胸配菠菜扁意粉（$106）：兩款意粉嘅軟硬度適中。雞肉同埋煙鴨胸都Juicy。同埋法式西多士配自家製雜莓醬（$58）：最後加埋個甜品就滑上圓滿句號。西多士係厚身嘅。麵包吸收咗蛋漿後好香蛋味。西多士同雜莓醬味道好夾。

🔥必點招牌！【松露雜菌脆豚堡】厚切豬頸肉先煎後烤出琥珀焦紋，咬下瞬間「咔滋」脆響伴隨肉汁噴發！🍖 野菌炒至鑊氣飄香，淋上自製松露芥末籽醬，疊加流心太陽蛋後——刀叉輕壓即見金黃岩漿漫過肉山🌋 附餐薯條撒滿帕瑪森起司粉，邪惡指數破表！☕️咖啡師私推【燕麥奶摩卡】選用巴西+衣索比亞日曬豆，中深焙引出黑巧克力尾韻，換燕麥奶後榛果香更立體🌰 拉花堅持天鵝頸手沖，綿密奶泡托起可可碎超好拍！📸🌟隱世亮點• 工業風水泥牆x原木吧台，午後光影自帶濾鏡• 週末限定「班尼迪克蛋早午餐盤」🍳• 寵物友善庭院座位🐾📍Alchemy ORIGIN➤ 鰂魚涌英皇道979號太古坊二座地下A舖（太古糖廠旁白帳篷）➤ 港鐵A口出，沿電車軌直行見7-11右轉➤ 11:30-18:00（週三店休）💡生存攻略① 12:00前抵達免排隊② 加$25升級套餐：湯品+冷泡茶③ 外帶杯減$10，環保控必收🌱

在側魚涌閒逛後，倦又肚餓就到了Alchemy ORIGIN，食d野同嘆番杯咖啡☕️。牛油果青瓜蕃茄芝士檸檬醋醬，牛油果🥑份量多，仲有芝士碎、蕃茄仔、青瓜、洋蔥同新鮮沙律菜，另有檸檬醋醬調味，更加清新好吃。煙鴨胸配菠菜扁意粉，煙燻味的鴨胸厚切，啖啖肉有咬口感，菠菜扁意粉，柔韌又掛汁，加入了菠菜更健康。合桃咖啡蛋糕，合桃香見有口感, 蛋糕則有香濃的咖啡味, 入口軟淋又唔會好甜，配合口感順滑的鮮奶咖啡&宇治抹茶鮮奶，感覺好正。

香煎虎蝦配辣蕃茄汁意粉$124呢個意粉整得相當之惹味😍少少辣更加帶出蝦嘅鮮香🙂巨量嘅芝士粉😇令到層次感更為豐富🙂大蝦食落去爽口😉新鮮🤣成個配搭都好開胃豬頸肉卷餅配芥末籽醬🐷$115份量都幾多😇巨量嘅豬頸肉配搭好開胃嘅芥末醬😛有菜可以中和豬既肥膩感😋卷餅偏乾身但可以接受鮮奶巧克力(Regular)$39朱古力味道好濃郁😋配搭鮮奶😌仲要咁靚嘅拉花🤣真係好正宇治抹茶鮮奶(Regular)🍵$39 +3 轉燕麥奶最貼心咪可以走甜😇更加飲到抹茶嘅茶香味😗仲可以轉燕麥奶🤪成個配搭都好滿足🙂值得推介

話説星期六下午茶時段諗住睇個珠寶展, 點知就好多人排隊, 於是就係附近搵間餐廳hea下, 最後就到呢間, 店舖絕對整潔, 又好多空間, 感覺都幾舒服。於是坐低就聽即唔講掃QR Code落單, 我點了個「煙三文魚牛油果肉碎蛋三文治」加杯朱古力咖啡, 係點餐內我全部都揀正常。點知碟三文治上枱了發現, 點解會變咗係烘底呢？明明個點餐系統裡面, 係無烘底選擇, 因為本人係唔喜歡食烘底, 點解要逼我食烘底呢？寫住係三文治, 點解最後上枱係變咗烘底？呢點我真係完全好不滿意。

經常來這裏吃午餐，沙律漢堡包都好，性價比高，意粉就不過不失,不夠al dental,但也不錯。今早來食早餐，真的太感動了！！！！😁我覺得頭頂有風,所以用絲巾包住個頭,一路吃早餐,點知原來服務員竟然有留意到,一個四眼曲髮哥哥過來說，對不起，我今早同事唔覺意按了冷氣掣，所以令你有點冷，不好意思，我們已經關掉了，通知返你！！！！那真的太窩心了，竟然有留意我一個坐在角落頭的顧客，而且態度好盛懇，真的很有heart，其實他完全不需要做這些服務，我也沒有投訴，這種主動的服務，還要如此細心，令我好感動！感恩他令我整天的工作也充滿energy,香港好多好人好事!!!!如果香港服務業都是這種態度的話,香港飲食業就有夠了!!衷心感謝哪位四眼男孩,不過同時也反映奄列略為老了，個皮稍為硬了一點，食過兩次都是同一感覺，但覺得性價比很高，感謝感恩

鰂魚涌太古坊靚靚chill chill cafe☕️1. 烤雞菠蘿漢堡配乳酪醬及焗薯 $128超級巨大嘅漢堡 勁多層 十分足料 有兩塊雞扒 好香香草味 仲有少少嘅辣香 仲有菠蘿蕃茄沙律菜 個包都鬆軟 非常飽肚2. 厚切意大利煙肉卡邦尼意粉 $103十分creamy 個汁好香 意粉軟硬適中 非常掛汁 煙肉都好好食 咸咸香香 份量都ok 呢個價錢呢個環境都值嘅3. 自家製藍莓核桃蛋糕 $34超大舊 十分足料 藍莓大大粒 核桃都焗到好香 食落口感都幾濕潤 唔會太乾太吸口水 重點又唔會太甜 呢個份量好啱做早餐 或者過黎一路做嘢 一路食tea 配咖啡飲一流4. 宇治抹茶鮮奶 $42賣相好靚 好打卡able 轉左oat milk 飲落好smooth 綠茶味香濃 唔會太甜 少少回甘 唔錯📍Alchemy ORIGIN 鰂魚涌英皇道979號太古坊太古坊二座地下A號舖

每次去太古坊返工都好鐘意去呢間咖啡店餐廳空間感十足，環境舒適，又多打卡位，非常適合放工後休閒慢活地用餐店內用上非洲夯土建築方式計設，讓大家置身係非洲紅土屋入便品嘗咖啡美食另外仲提供精緻西餐主食、全日早餐、多士、沙律、意大利三文治、甜品等等而且仲有生酮飲食既餐單，啱曬鐘意食得健康既朋友食品方面:青醬雞胸沙律配檸檬醋醬 : 雞胸份量超多，慢煮雞胸肉質軟淋，配上青醬後味道清新，再加上超大份既新鮮沙律，夠曬健康美味雜菌豬頸肉漢堡配芥末籽醬 : 漢堡飽份量十足，面層係滿滿嘅雜菌，中間係原塊厚身豬頸肉，再配埋生菜、洋蔥、蕃茄、芥末籽醬，相當豐富厚切意大利煙肉卡邦尼意粉 : 意粉煙韌非常 creamy ，每啖都有濃濃嘅芝士味，再配埋鹹香味嘅厚切煙肉粒，非常惹味，非常邪惡自家製藍莓核桃蛋糕 : 外邊焗到脆身，質感結實，蛋糕入便有藍莓粒及核桃粒，口感豐富鮮奶咖啡 : 奶味較重，咖啡味香濃，口感順滑，感受到牛奶既細膩