543
39
9
港鐵銅鑼灣站 C 出口, 步行約6分鐘 繼續閱讀
開飯介紹
主打手工薄餅的本地小店,同時供應鹹甜口味的窩夫、提拉米蘇、意粉。店內陳列不同的玩偶及趣味畫作,打卡一流! 繼續閱讀
營業時間
星期一至四
12:00 - 22:00
星期五至六
12:00 - 23:00
星期日
12:00 - 22:00
付款方式
Visa Master 現金 八達通 銀聯 Apple Pay Google Pay PayMe
座位數目
25
其他資料
酒精飲品
切餅費
電話訂座
外賣服務
加一服務費
以上資料只供參考, 請與餐廳確認詳情
食評 (611)
餐廳:Al Forno Cafe and Bar地點:銅鑼灣告士打道菜式:意大利菜式餐牌:主打正宗意大利手拉薄餅,主餐牌除左薄餅,都有鹹甜口味牛窩夫,前菜,意粉,甜品同多款飲品。飲品有咖啡,非咖啡類,特飲,酒類,cocktail,mocktail都有。食肉獸 $148 另加一比薩一底切開5大件不規則形狀,用意大利進口00麵粉製作批底,餅底係偏薄而脆口,批邊都好脆,咬落帶少少煙韌,仲係燶邊架,真係好出色,我地食到停唔到口。食肉獸配料有兩色厚厚車打芝士同mozarella,仲好拉絲添,每啖都食到煙韌芝士。肉類配料有鹹香意大利香腸片,Pepperoni,細煙肉片,多多火腿,加上香甜番茄醬,味道調得好,唔會太鹹,最緊要夠熱辣辣,要即刻食。呢度薄餅真係非常出色,保持一貫水準。自家製蟹餅配太陽蛋牛窩夫 $148 另加一呢度既牛窩夫以韓國大熱Croffle為靈感,有鹹有甜,非常吸引!牛窩夫其實係將牛角包擺落窩夫機,熱壓成外脆內酥嘅格仔窩夫狀。牛窩夫上面係蒜香蛋黃醬,之後就係大大塊自家製蟹餅,上面鋪上少少嫩菠菜,再有一隻橙色蛋黃既太陽蛋蓋面,最後灑上香草。招牌自家製蟹餅外脆内化又有蟹味,牛窩夫切落去都聽到酥脆酥皮聲,兩樣加埋係脆上加脆。太陽蛋切開仲有蛋汁,令口感更濕潤,而蛋白係煎到超薄脆,食落有三重脆脆口感。伴有加左甜甜黑醋嘅新鮮沙律雜菜,車厘茄同檸檬一塊,可以平衡油膩感。雞翼 $88 另加一雞翼一客6隻,可揀海鹽黑椒或水牛城口味,我哋揀左後者。雞翼好大隻,炸得皮脆肉嫩,個汁酸酸辣辣,好醒胃,面頭灑上香草。配有幾條西芹,可沾另上嘅鹹香藍芝士醬食。抹茶紅豆雪糕塔牛窩夫 $118 另加一呢款甜品真係造型突出,打卡一流。大大件酥脆牛窩夫上面有一大份抹茶雪糕,加上大量甜到漏紅豆蓉,香滑意大利忌廉,再加一個薄脆迷你窩夫脆筒,最後擠滿朱古力醬,果醬同灑上糖霜,伴有新鮮士多啤梨同藍莓。雪糕配窩夫當然係正,又酥脆又香滑。呢份牛窩夫口感味道複雜,有煙韌酥脆牛窩夫加冰凍抹茶雪糕,甜絲絲紅豆蓉加滑溜忌廉,仲有脆口窩夫脆筒。味道甜絲絲,甜魔之選!自家製朱古力雪糕配摩卡 $68 另加一自家製朱古力雪糕配摩卡賣相震撼,我見好多人都有叫。杯邊有一大球朱古力雪糕再加一個迷你雪糕脆筒,面頭加上朱古力醬。朱古力雪糕帶香濃朱古力味又滑,個脆筒好薄脆,可以自製朱古力雪糕窩夫餅食。咖啡就又香又滑,面頭再灑上朱古力粉,成杯dirty咁。橙汁 $48 另加一橙汁用玻璃杯裝,簡簡單單夠解渴。整體而言,食物飲品一貫高質。環境舒服,環境擺設適合打卡。可惜做到十月底就結業,可惜可惜。 繼續閱讀
等級4 2023-11-08
42 瀏覽
《墨魚汁意粉配帶子/蟹肉/蟹籽》🐙🦀 $168墨魚汁重,意粉軟硬度適中煮得啱啱好👌🏻,配大大粒嘅帶子🤩 撈埋蟹肉,蟹籽一齊食🤤 上面配埋沙律菜、芝士碎、杏仁片👍🏻 唔同 texture 口感再豐富啲!《始祖Pizza》🍕$158橢圓形Pizza 🙌🏻 份量唔少,成個Pizza都好足料,特別係每一塊都有厚厚嘅芝士🧀,食緊芝士多過 pizza😍 仲做到拉絲嘅效果🫶🏼 Cheesyyy《抹茶紅豆雪糕塔牛窩夫》🧇🍦$118賣相一流,啱晒打卡 📸 上面係雪糕 cone, 配埋厚 cream、紅豆🫘、抹茶雪糕、士多啤梨🍓片🎊 層次豐富。牛窩夫暖笠笠,配埋凍嘅雪糕,衝擊味蕾!《自家製朱古力雪糕 配摩卡》🍫☕️ $68賣相亦都好特別,獨角獸🦄️ 造型🫶🏼 香濃嘅朱古力雪糕,配埋 mocha同朱古力醬!滿足~《提拉米 拿鐵》$68 ☕️又係好值得打卡嘅飲品🫶🏼 latte 上面有條充滿cream嘅手指餅🤤 大滿足,口感豐富! 繼續閱讀
(以上食評乃用戶個人意見 , 並不代表OpenRice之觀點。)
銅鑼灣嘅𝔸𝕝 𝔽𝕠𝕣𝕟𝕠 𝕔𝕒𝕗𝕖 𝕒𝕟𝕕 𝔹𝕒𝕣即將喺月底結業,呢間餐廳好評如潮,我當然即刻衝去試下。呢間餐廳以各種意大利粉、薄餅等西餐為主打,其中牛角包窩夫係佢哋嘅一大亮點,無論係鹹食定甜食都有出色嘅表現。𝗕𝘂𝘂推介🔥👍 自家製蟹餅 配太陽蛋 牛窩夫獨特嘅牛角包窩夫,牛油味濃郁,搭配自家製嘅蟹餅,外脆內軟,滿滿蟹肉香氣。再加上流心太陽蛋,口感非常豐富。👍 白酒蒜香蝦意粉 配風乾火腿呢款意粉嘅蒜香味超濃,搭配彈牙嘅蝦肉,再配上風乾火腿,比人一種口感層次分明嘅享受。意粉嘅Q彈口感,同蝦肉同風乾火腿嘅香氣融合。👍 水牛城雞翼雞翼嘅肉質嫩滑,搭配特製嘅水牛城辣醬,酸辣適中,每一啖都香口又惹味。📍 Al Forno Cafe and Bar銅鑼灣告士打道218號地舖 繼續閱讀
(以上食評乃用戶個人意見 , 並不代表OpenRice之觀點。)
等級4 2023-10-25
13 瀏覽
第四次食Al Forno 食物質素仍然能保持高水準🙌🏼 有多款特色飲品、意粉、pizza、croffle、小食及甜品! 平日晚上有唔少捧場客!! 同朋友食過幾次 好推介Tiramisu Coffee、Peking Duck Pizza、croffle!! Crab Brunch $158: 自家製蟹餅好大件,啖啖蟹肉🦀 外脆內嫩😆 配流心太陽蛋🍳 牛窩夫香脆鬆軟❤️墨魚汁意粉 配帶子 蟹肉 蟹籽 $168: 墨魚汁好鮮 意粉爽彈 煮得剛剛好🍝 帶子兩大粒又鮮甜 仲有新鮮蟹肉同蟹籽😍水牛城雞翼 6隻 $88: 炸到外脆內嫩🍗 酸酸辣辣幾開胃 仲有西芹條同牧場醬 正宗美式食法🇺🇸 Al Forno Tiramisu $68: 依款tiramisu唔係以大量mascarpone cream覆蓋 而係加上手指餅上~ 手指餅略略浸咖啡 保持外脆口感🥰 感覺冇咁膩同埋外觀更吸引😍抹茶X泰奶 $52: 凍抹茶latte,可自行倒入泰奶 好有儀式感💚兩種茶味各有特色🧡意大利有機血橙梳打 $50 繼續閱讀
(以上食評乃用戶個人意見 , 並不代表OpenRice之觀點。)