影片
以上資料只供參考, 請與餐廳確認詳情
今日剛好來荃灣買東西，途經這間咖啡室，咖啡室感覺寧靜舒服，不會有趕急的感覺。比留在Pacific/Starbucks感覺還舒服，店員還會介紹咖啡的特別之處，熱咖啡亦會提供埋拉花，視覺味覺都照顧埋😍，不過這間咖啡室的咖啡味道較淡，適合剛飲咖啡的新手。餐牌也有主食沙律等等，不過因為中午已吃了飯，所以點了一個roll cake吃，味道不過不失。下次有機會要試試這裏的煮食，因為賣相漂亮。坐了差不多半小時，也快滿座了。年青人也喜歡下午休閒時間來品嘗咖啡。
繼續閱讀
呢間係plaza 88 既餐廳，成日行過，不過一直上嚟都冇機會，適逢星期日嘅早上，有時間就黎試吓呢度嘅嘢食啦！星期日係冇得加錢轉嘢飲既！叫左個bagel 同特濃朱古力，仲有一個意粉！蘑菇黑松露炒蛋貝果$58⭕️Bagel 好香脆，不過蛋就完全食唔到有黑松露味道，同埋唔係我想像中滑滑既炒蛋，係全熟既，蘑菇就得好少！我既評價係不過不失！特濃朱古力$42⭕️有拉花既朱古力令人好鍾意❤️，味道就一啲都唔可以叫做特濃，比pacific coffee 既chocolate 好飲，不過又比不上starbuck 既，我都係好掛住sensory zero 既crazy chocolate ，係澳洲之外最濃既朱古力！而呢杯係得甜味同奶味，朱古力味係唔夠濃，不過都叫做可以！可能我唔飲咖啡嘅關係，所以就飲唔到呢度出名嘅嘢！蕃茄羅勒虎蝦意粉$88❌💢💢呢個完全唔掂，一上菜就見唔隻唔吸引既蝦，一切開，就如想像中一樣，啲肉係梅嘅！至於意粉就完全冇味🙄最後食剩翻啲蝦今次無叫甜品，見啲人講甜食幾好，不過可能無下次！留返機會食附近其他cafe 好過
繼續閱讀
星期日，一家3口去左呢間新餐廳試下，因為在屋企附近，方便。叫左3樣嘢食：1. 黑松露帶子意粉，只有一些切碎嘅帶子，目測切碎的帶子不超過五碎塊，沒有之前喺其他食評見到嘅大大粒帶子，覺得有被騙的感覺。到底是之前的食評是打手，還是餐廳要慳食材？味道很淡，冇調味。2. 窩夫一般，是3樣野食入面較為正常的。3. All day breakfast 有沙律菜、炒菇、炒蛋、煙肉同香腸。覺得$88只有這樣的食物，性價比十分分低，比起茶餐廳，建議大家食返茶記。最後我叫左一杯Dirty, 野飲不錯，看得出這間餐廳提供的食物都十分一般，甚至可說是不合格。
繼續閱讀
喺荃灣呢頭返工，經過發現咗新開嘅Cafe，裝修望落都幾型格！叫咗個lunch set , flat white 加三文炒蛋bagel ,我嘅至愛組合😍set +$20就有埋咖啡☕️！性價比好高👍一定會再encore！咖啡香味同味道都唔錯，醇香☕️bagel 唔會硬梆梆,咬落給煙靭，唔錯！我見到佢仲有其他甜品、蛋糕🍰下次都想試埋☺️
繼續閱讀
朋友介紹下去左荃灣呢間咖啡店，食個早餐飲杯咖啡，蛋早餐個內容都幾豐富，有蛋有牛角包有哈蜜瓜等等......重有杯乳酪。另外叫左杯Latte ，咖啡味好夾隻奶，好好飲。食完個早餐有個靚女店員介紹個蛋卷甜品，咁我見D野都幾有質數又試下佢啦，點知又真係幾正喎，我食嗰隻係oreo味，記得重有綠茶味同唔記得咩味，下次試埋佢。另外我見隔離枱叫左個意粉，個賣相都好唔錯，下次有機會都試埋佢。總結今次消費都覺得好合理，始終食物有返咁上下質數，杯咖啡又好飲，可以再次光顧。
繼續閱讀