6
3
0
以上資料只供參考, 請與餐廳確認詳情
相關文章
早排係 社交平台見到泰國好出名既甜品舖會黎香港開 但未公佈會係邊開同幾時會開 已經好期待好想去試 見到啲甜品好似好正咁 最出名好似係刨冰期待左咁耐 係12月頭一開 社交平台見到有消息喇 會係銅鑼灣開期間限定店 好似係12月中開始 至到1月頭 咁就拿拿林約fd去食 開始左冇幾耐 應該係頭幾日 上網睇到勁多人排隊 中午去大約要排1個鐘左右先入到去食 始終係新野 實勁多人去試 同埋佢係PoP Up Store 好驚錯過左就冇得食 所以都約fd早少少去 睇下會唔會唔洗排隊 我地大約晏晝1點鐘去到 地鐵站B出口轉右過幾條馬路就見到間舖 舖頭既裝修外圍係白色 好令好易認到 估唔到呢個時間會冇人排隊 當日仲要係公眾假期 真係冇諗過唔洗排隊 可以直接入去食 餐廳唔算大 得十幾張枱 出面仲有啲Pancake粉 小食同精品俾人買 我地黎之前已經睇左Menu揀好晒想食咩 所以一坐底就已經叫得 開頭諗住叫一份吐司兩個人share食 但見到人食 其實一份既份量都幾細份 所以最後決定叫兩份吐司 兩杯飲品 落單既時候店員提返我地呢度係一次性落單 冇得加單 所以要叫既要一次過落晒單喇 落完單要即時俾左錢先 之後店員就會拎餐具同紙巾我地冇幾耐兩杯飲品到左 叫左一杯凍既抹茶拿鐵同埋一杯熱既朱古力 抹茶拿鐵上面有Cream 影相幾令 熱既朱古力幾大杯下 開頭以為好細杯 個拉花仲要好令下 兩杯飲品味道正正常常 唔會話太甜甜品佢係有兩款吐司 我地每款叫左一個 佢另外仲有個甜品係曲奇餅 不過呢個我地真係冇乜興趣 同埋都唔見有人食 多數都係叫吐司食 我地叫左一個原味蜜糖吐司 另外一個係金莎朱古力蜜糖吐司 兩份吐司個蜜糖都係另外上 可以俾客人自己選擇甜度 自己中意落幾多都得 唔會話淋埋落去會太甜 兩份吐司都係細細份 已經切好左 兩份吐司其實差唔多 只不過金莎朱古力個份多左粒金莎同埋朱古力醬 每份吐司都會跟兩球雲呢拿雪糕同埋Cream 我同朋友都覺得吐司既味道岩岩好 唔會太甜 一個人食一份係岩岩好 有飽既感覺 整體黎講 味道係正正常常 不過就冇乜特別 普普通通既甜品同飲品 如果要特登黎排隊食就唔係咁值得 路過想食又唔洗排太耐隊既話都ok既 同埋呢度所有既飲品甜品同餐具都係用即棄既 宜家既疫情黎講係幾衛生既 食都食得安心啲 店員既服務態度都好好 好有禮貌 希望黎梗會出多啲唔同既甜品
繼續閱讀
上星期太多人排隊等候食不到，嘴饞的我隔了一個星期與好友再來，一大早來到外面沒人排隊，入面只有兩個人，可以與好朋友慢慢食慢慢食。過了聖誕節，擺設有少少改變，聖誕樹和裝修移走了，加多了兩張食枱。金莎朱古力蜜糖吐司 HKD78吐司即叫即做，外脆口內口感特別鬆軟，忌廉及杏仁雪糕好滑，再淋上金莎醬，朱古力味更香濃！今日天氣特別凍一口熱一口凍非常刺激，蜜糖甜度對於我來說太太甜，朋友說剛剛好。Flat White-Cappuccino HKD36喝起來，口感豐富香醇好渴。
繼續閱讀
來到新開張的第二個星期由於平日關係，3點左右來到排隊的人唔算太多人雖然唔多，但係都等左差不多20 分鐘左右大約10多張枱櫈,所以等得耐是必然的餐牌都比較簡單 土司也只有2款 飲品：咖啡，茶和其他飲品少量「金莎朱古力蜜糖吐司」$78 好彩食飽Lunch 當打卡雖然價錢同泰國差不多，但份量一半都無睇度呢個會失望🤪因爲個吐司好迷你「香濃朱古力特飲」$40 朱古力好濃郁，夠味，不算太甜「凍抹茶拿鐵」$40好滑身，綠茶味岩岩好，值得品嚐一下好靚，打卡一流2杯凍飲，冰又大粒又多，佔左成大半杯😰有一半場地用左售賣特色零食及精品食完，可以買返手信d 返屋企食，唔錯！一落完單，店員就拎埋張單來話要埋單先其實呢一part 會覺得有d 奇怪，第一次遇到咁，唔通係驚d客人走單👀👀？
繼續閱讀
吃完聖誕大餐，一直坐叮叮找找動的同時，不知不覺間已到了公海，決定按照原定計劃到after you dessert cafe感受一下泰國風情。素聞此店舖在泰國十分出名，於是急不及待在拆禮物日來朝聖。環境方面一踏進餐廳，便被餐廳的裝潢嚇窒，如果說這個是二星期限定店，我會說它一絲不苟，白雪雪加虛擬火爐，十分有聖誕氣氛，前方為聖誕市集，後方為食肆。食物方面點了1. Iced chocolate ($40) (8.5/10)2. Baby Ferrero Toast ($78) (9/10)先來了Baby Ferrero Toast，這是一個蜜糖吐司伴雪糕球的甜品，除了原粒金莎，朱古力漿也混入了金莎，十分可口。客人可自由選擇而決定下不下楓糖。賣相吸引，食物好吃，唯獨食物較的骰，而且不夠朱古力醬，不夠過癮。另外來了Iced chocolate，拿來打卡是最好不過了。吃完之後，女朋友還買了一盒正牌預伴粉回家，不知我有否機會做白老鼠呢🇹🇭突然有感而發：after you, there is always room for dessert with you, there is never room for others.日期：2020.12.26
繼續閱讀
早幾個月知道曼谷人氣甜品店After You會嚟香港已經好期待😍, 不過因為佢係pop up store所以只會由2020年12月19日開到2021年1月3日, 小妹緊係要去試下啦😋! 由於有聖誕市集所以分左兩條隊, 一邊入市集一邊堂食, 小妹下晝3點去到已經排哂長龍, 期間店員會派menu比你睇定想食咩, 大約等左1個鐘就入到去, 餐廳怖置左好多聖誕裝飾🎄, 非常有氣氛☺️, 可惜堂食位置真係唔算多, 要嚟試嘅朋友仔真係要早d排啦! 另一邊嘅聖誕市集擺有佢地自家嘅pancake mix🥞, 糖漿, 咖啡粉, 朱古力粉, 薯片, 朱古力🍫, 曲奇🍪, 蜜糖🍯, 咸蛋黃零食……除左食物仲有家品例如蠟燭🕯, 茶杯等等!餐廳提供4款甜品包括兩款吐司🍞, 聖誕老人曲奇餅🍪同雪糕🍦,仲有幾款飲品🥤,有熱又有凍! 價錢方面唔算貴, 落左單比左錢之後就可以等食, 值得一提嘅係佢地上餐速度都幾快😊! 香濃朱古力特飲朱古力味道好濃郁, 帶微微苦甜味, 口感幾滑, 即使飲到尾味道仍然無咩淡過, 上面仲有香滑忌廉, 極邪惡😈!金莎朱古力蜜糖吐司🍫🍯🍞一上枱已經聞到吐司好香甜嘅味道, 份量大約係一人份, 吐司外層酥脆入面軟熟, 沾埋雲呢拿雪糕同榛子醬已經好好味, 淋埋佢附上嘅糖漿, 又會食到另一份甜味, 令整體味道更豐富! 另外, 吐司即使浸住雪糕同醬一段時間都無減低香脆程度, 非常加分😊!朱古力雪糕🍫🍦雪糕嘅朱古力味非常非常濃厚, 甜度唔太高帶微苦, 雪糕入口順滑, 口感柔軟, 極度推介😋!
繼續閱讀