23
2
5
營業時間
星期一
14:00 - 00:00
以上資料只供參考, 請與餐廳確認詳情
早收工梗係要happy hour飲返杯，呢間bar唔錯，幾好坐。先來個麒麟生啤，再來個小食，要咗咬炸洋蔥圈，個洋蔥圈幾好食，炸粉入面嘅洋蔥竟然唔係乾晒嗰啲。飲到一半先見到原來呢間bar有Murphy生啤，比棵桃花遮住，如果一早見到我就唔飲麒麟飲Murphy啦。
繼續閱讀
進咗呢間店，第一樣打入眼簾嘅就係佢哋嘅招牌菜 - 焗澳洲羊架配黑醋汁。光係睇個樣就已經流晒口水🤤。點咗個五成熟，一上桌我就聞到個香味四溢，羶色但唔膻。羊架嘅外皮烤得金黃焦香，掉入口即刻感受到嗰肉質鮮嫩，每啖都嘩嘩聲，配埋酸甜嘅黑醋汁，真係完美組合！再點埋個連骨安格斯肉眼扒配紅酒汁，三成熟喺我口中化做滿足嘅味道，肉汁吱吱作響，均勻嘅脂肪層帶出牛肉本身嘅香味，好有嚼勁🥩。不過，可能左手重右手輕咗，今次嘅紅酒汁啲鹹味覆蓋咗啲牛肉嘅原味，下次記得同師傅講手下留情。食完呢兩樣，你問我飽唔飽？唔止飽，仲要心滿意足咁走出店門，噢，下次再嚟！👍🍽️
繼續閱讀
今晚入大埔搵一搵朋友，經佢推薦下嚟到呢間酒吧，總共Order咗1杯白酒及2杯啤酒、該酒吧環境唔錯，起初服務都覺得ok、落單時會再三確認及推薦。但埋單時當晚唯一一位酒保叫我哋check下單，我見到3樣item就確認埋單、朋友去完洗手間出嚟後再睇，見到杯白酒咁貴先知落咗兩杯。因為我本身都唔清楚朋友叫嘅白酒幾多錢、所以我無確認清楚亦有問題，咁我亦好好聲氣埋去同佢講番聲：「唔好意思，你哋打多咗杯白酒所以張單錯咗。」結果該名酒保大大聲怒吼：「所以我岩岩咪叫你check單囉！你咁樣會害死我㗎！啲嘢改唔到呀！」然後再一輪嘴係咁鬧我點解唔睇清楚啲嘢之類，更加聲稱張單已經收晒錢係唔可以退錢。全間酒吧即時靜晒，請問係咩服務態度可以容許貴酒吧員工向客人怒吼？點解收錯錢唔可以退錢？然後我朋友埋嚟同佢再講一次，佢亦不停質疑我哋係咪叫咗四杯及到底邊杯先係叫多咗。第一：全晚由我哋到達及離開，總共只有3-5枱客人、點解仍然可以打錯單？第二：特別係當我哋嚟到已經係較夜嘅時間，大部份客人亦無乜再點落單、身為酒保唔記得自己出過啲咩？第三：而且當發生問題後，該名酒保情緒失控一輪嘴係咁鬧，我哋保持禮貌同佢溝通仍然未能改善其態度及情緒，咁樣解決到問題嗎？定佢覺得鬧完一輪後我哋可以當無咗件事離開？而該名酒保亦絲毫無任何解決問題嘅意思，鬧足一大輪先嚟確認到底張單有邊到錯。第四：一輪質疑後，該名酒保將退款掉落張枱到，請問該名酒保清唔清楚到底用錢掉落枱係幾無禮貌及教養嘅一件事？而且整個過程及係我同朋友離開前佢亦不停有難聽嘅說話。依判斷，該名酒保應該身兼當晚職位最大嘅負責人，因收錢及退款一樣經該名酒保手；如果最大職位嘅負責人完全控制唔到情緒、我本人唔會再去外亦唔建議任何人或朋友幫襯，點知下次有咩問題起上嚟會唔會發生咩意外？今次係我人生第一次當眾比人怒吼及無禮對待、亦係第一次需要留負評去投訴。本身真係好小事，唔明點解會變成一個咁唔愉快嘅經驗、上述職員處理客人問題時不但情緒失控，更加非常不合情理地無禮對待客人，希望該酒吧老闆或負責人會同該名酒保溝通，作出改善。最後私心想加一句：該名酒保年紀望落唔細，至小已經唔再年輕、勞煩諗清楚係咪一有問題就需要情緒失控地發晒脾氣？本人深信無論咩事都好，發脾氣並未能解決任何問題，望該職員自重。
繼續閱讀
💁♀️💁♂️4/8/2022(Thu), Dinner🍽今日黎到After 5🚶♀️🚶♂️~呢間bar係大埔都營業左都有1️⃣0️⃣幾年～記得當年同d中同/frds🧍♂️🧍♀️🧍🧍♀️~成日黎呢到吹水🥳飲野🍺🍻🥂🥃🍹🍸～玩到天昏地暗🤣🤣~又話說當年同A先生🧑🏻係到食過碟好好食既白汁煙三文魚意粉🐟🍝～諗住過黎睇下仲有無啦～ohh😲...睇睇餐牌～原來已經無左lu✖~咁唯有叫其他野食啦🧐～今晚order左🍽：Linguine Alle Vongole Clams in White Wine Sauce 🍝 $148白酒蜆肉扁意粉🍝，蜆肉食得出係新鮮彈牙，無煮得過熟。扁意粉🍝唔會煮得過淋，可惜調味偏鹹咗少少🤨，唔知會唔會因為餐廳本身係一間酒吧關係，所以預咗調味重少少等食客邊飲邊食就岩岩好。Pan Fried Angus Beef Striploin (5成熟) 🥩$188感覺上塊扒偏生咗少少，不過我地都食得生既，所以都覺得唔錯。呢塊安格斯西冷🥩食落有肉味，因為medium偏生少少既關係，所以都好易咬到😋。另外西冷扒跟既法包多士🍞，烘得金黃香脆，唔錯👍！Flamingo🍹$38 (Happy hr)有cranberry juice同菠蘿汁🍍，飲落酸酸甜甜咁，好開胃❤。House White Wine🍾 $56 (Happy hr)好耐都無過黎食野～飲野摸下酒杯底🍸嘞~今餐一路食～回憶一路即刻返晒黎🥰🥰🥰～
繼續閱讀
哩間酒吧其實都知係太和開左好耐，好多係附近住嘅人都會識去哩個地方飲下酒食啲小食今日膽粗粗約兩個中同去哩間酒吧吹下水聚一聚舊啦。咁哩間餐廳bar枱面積都幾大下，俾人一種好relax輕鬆嘅感覺，而仲有一張桌球枱，識得篤波嘅朋友可以黎玩下，幾過癮 咁我地都叫左黑松露意大利飯 如肉醬意粉黎食啦，肉醬好足，份量又大喎。 而個意大利飯味道幾特別，值得一試而最令我驚喜嘅係個芝士薯波，即整即炸，好香口，芝士控嘅朋友必定要叫，包你話 整體黎講，都算一個聚會嘅好地方，但餐廳有啲難搵，佢個招牌唔明顯，都搵左一段先搵到，但個質素係超班嘅，可以第日再一試，今次個個都要揸車返屋企，唔敢叫酒去喝，下次一定會黎試下其他酒類。
繼續閱讀