9
1
0
港鐵黃竹坑站B出口, 步行約6分鐘 繼續閱讀
電話號碼
21807536
特色
包場派對
附加資料
包場: VIP房 (12-14位) / 全場 (50-60位)
營業時間
今日營業
09:30 - 19:00
星期一至三
09:30 - 19:00
星期四至五
09:30 - 21:30
星期六至日
10:00 - 18:00
*Happy Hours: 星期一至三 17:00-19:00; 星期四至五: 17:00-20:00
付款方式
Visa Master 現金 八達通
其他資料
Wi-Fi
酒精飲品
自帶酒水
切餅費
VIP房
泊車
電話訂座
海景景觀
招牌菜
非洲精品咖啡和茶,非洲風味餐,埃塞俄比亚的獨特風味餐 Single origin coffee and Tea from Africa East African Pilau Rice with baked chicken thigh
食評 (16)
等級4 2019-06-07
2262 瀏覽
唸都冇諗過食非洲餐,昨天得知黃竹坑香葉道有間食非洲嘢嘅餐廳都吾錯,所以抱著一試又無防嘅心態去試下。餐廳名African Coffee and Tea, 位於一座新商廈十五樓,這商廈有免費穿梭巴去香港仔,方便打工一族揾食,lobby 已有這餐廳的廣告牌,原來這餐廳週六週日也營業,可訂座及外賣,也可book 嚟搞 event 添。未入餐廳已見走廊牆上掛了很多顏色鮮豔的畫,地上兩旁也放了幾個非洲鼓和和木桶擺設,幾有特色。餐廳內落地玻璃,甚為開揚,枱櫈以木為主,還有吧枱可望到南港島鐵路和珍寶海鮮舫,吧枱上放了些有關非洲的書供客人翻閲,另有一個可供多至十六人坐的房間,裝飾格調頗配合餐廳名稱,水吧和廚房則在入口那邊,有冷水機可自助取用,整個環境予人輕鬆自在的感覺。平日午市原來是自助式及無加一服務費,但週末就有侍應serve 及加一服務費。這裏有午市套餐供應,價錢百餘元,有沙律或餐湯、主菜和飲品一杯,比散叫略平一點點。Signature salad新鮮沙律菜,配以藜麥,清新又健康。Beef stew 賣相有啲似韓式飯,有三部份餸菜,有燉牛肉粒,有紅腰豆,還有紅蘿蔔絲和青豆,可謂營養均勻,汁雖然偏濃,但又吾過醎,飯好似有D椰子味。這款食品中文名是埃塞我比亞燉牛肉飯,仲以為埃塞俄比好窮冇乜嘢食,估吾到碟飯都好豐富喎。Truffle fusilli with mushrooms三色螺絲粉含不同營養素,軟硬度適中,蘑菇和黑松露味好出。Latte聽聞這𥚃的咖啡好飲,可惜我喉嚨不適選擇了茶,但朋友話好飲!咖啡畫花精緻,下次要試下。Kenya black tea好奇試吓肯亞黑茶,沒有一般紅茶的苦澀味,茶味香淳。 整體味道唔錯,環境舒適自在,難怪午飯時間坐無虛席! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-30
902 瀏覽
相信喺黃竹坑返過工嘅人都知道,要係呢個美食沙漠搵到好野食真係好難,閒閒地百幾蚊一個食唔飽既lunch好平常。呢一間係百幾蚊而食得飽,又非常有特色既非洲菜餐廳,所以好多時,特別係星期五,唔book枱既話,真係好易full左架。我次次黎親都係嗌呢款,beef stew配飯,頭同菜,要餐有湯同野飲。 beef stew煮得入味但又唔會過鹹,切到細細粒,易入口。以前可以揀飯或豆,而家兩樣都有,超中意佢地啲豆,煮得好林!菜就有少少調味,好fresh,健康! 繼續閱讀
(以上食評乃用戶個人意見 , 並不代表OpenRice之觀點。)
等級1 2019-06-02
673 瀏覽
去收銀處點餐,諸多不便。首先嗌個肉卷,收銀亦即係個老闆,會先同你講你唔夠食,要你嗌個main,即係嗰啲大份肉。當我加多個餃子,亦會同你講要好耐先整得起,不如嗌個main啦 (但點知係所有嘢入面最早到)。我再嗌個意粉餐,佢亦會再同你講,叫你不如嗌個主食啦。西餐廳嘅價錢,但要你快餐店咁點餐,遙控器震就自己出去拎。但坐位又要佢安排,要啲散客迫哂一邊,窗邊位就會有個Reserved牌。口味就各人不同,不予置評。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-05-29
565 瀏覽
香港少見既非洲菜,lunch就同同事過黎試下。餐廳lunch time都好full, 因為我地有五個人,所以就比咗呢度僅有既一間房我地!雖然坐房,但呢度都係self service,職員都係集中哂係廚房做野。裝備都幾外國風,仲擺咗好多非洲鼓做擺設。食物方面好多素食既選擇,我就揀咗個beef with rice,好多豆類topping, 其實好懷疑非洲菜係咪真係咁有牛肉又有飯。。。成件事好感覺亞洲。而且lunch黎計都唔平,要$120左右又唔算特別好食,試一次就夠了! 繼續閱讀
(以上食評乃用戶個人意見 , 並不代表OpenRice之觀點。)
喺香港講非洲第一時間可能會諗起動物大遷徙,永遠好似同香港都冇乜關係。但原來係黃竹坑一座甲級寫字樓入邊有一間隱世食非洲菜嘅餐廳。店內環境非常優美裝修漂亮仲有一個無敵海景。店內非洲為主題,沿用的擺設都同F非洲有關係例如木製品等。店內推行Self Service,點完餐後拎埋要用嘅餐具就可以一邊望住海景一邊等嘢食到。由於趕着開會嘅關係,今次點左一個處理上嚟比較快嘅一碟意粉Truffle Tri-Color Fusilli with Mushroom,簡單啲講即係一個松露意粉係一款素食類嘅意粉,加埋咖啡做一個pasta set。的確意粉於5分鐘內便送到枱上。份糧大碟,好香松露同埋蘑菇味道,再配上芝士味道十分濃郁,即使係冇任何肉嘅關係都非常飽肚。咖啡方面點左意大利泡沫咖啡,額外加咗$5轉Oatly燕麥奶。可能係用理智非洲嘅咖啡豆關係呢度嘅咖啡有一種好特別嘅感覺咖啡味道濃郁如果係鍾意飲咖啡嘅不妨呢度一試。另外佢都有其他嘅非洲菜式,見到隔離枱食嘅一碟碟嘅飯類,沙拉同wrap都好似好吸引。睇嚟下次都一定要試吓佢! 繼續閱讀
(以上食評乃用戶個人意見 , 並不代表OpenRice之觀點。)