Add Some Thai Restaurant

營業中

休息中

係KT揾有咩食既時候，想食泰國野，跟住就搵到呢間身處工廈的泰國菜餐廳，食評都唔錯咁，就黎試下啦。openrice可以訂座不過上到去冇乜人，12:30，得兩枱客，仲以為會好多附近既人黎食lunch，點知係冇乜餐廳入面都非常大，好多位我地食午餐，會有個湯同埋飲品，凍飲要再加錢湯內有椰青肉甜甜地會有一舊雞肉炸蝦餅，跟餐加錢配個醬幾特別，唔係平時食開會比既泰式辣醬個醬有少少似千島醬加酸醋，都幾夾蝦肉彈牙，蝦餅香脆豬頸肉金邊粉金邊粉酸酸的，而且比較濕金邊粉份量都唔少如果好似我咁中意食乾身炒金邊炒就會覺得一般豬頸肉好大塊，亦厚身，有幾舊略硬，其他都OK大部分豬頸肉都係有咬口而唔肥，平時最怕大大塊既會好肥D蝦片好脆黃咖哩牛腩飯咖哩似印度咖哩，好勁香料味中意食香料既人就岩晒，唔係就可能會覺得太濃味牛腩好香牛味，亦都夠淋，無可避免有d會有比較多筋，但整體上都唔錯薯仔好淋好入味串燒，都係跟餐加錢配比想像中大舊好多，以為又係細細串，點知D肉都好大舊豬肉雞肉各一，個人覺得雞好食D串燒非常好，個醬好味，好濃花生醬味，好香肉唔多筋亦冇乜雪味餐飲整體食物不錯，價錢屬於中上，店內人手不足，只有一兩個，有時等好耐先有人

Add Some Thai 在觀塘好像幾熱門，所以跟朋友去試試一走進去有點異國風情，很有格調的裝飾和擺設令整個氣氛都很和諧香燒豬頸肉泰式餐廳必吃的豬頸肉果然沒叫錯，燒得好美，肉質彈牙🙈🙈🙈😘😘酥炸軟殼蟹配金邊粉這個酸酸甜甜的很開胃配了炸得很香口的軟殼蟹，加添了不少鮮味😋😋😋泰式燒豬肋骨超大一塊肉，肉上淋上香辣的醬汁🙈十分惹味黃咖哩香燒豬腩仔配手抓餅這個超豐富,有咖哩菜，肉跟餅豬腩仔十分肥美，咬下去油脂香四散🤗🤗朋友則說西蘭花配咖哩很好吃😳😳但蔬菜如果可以切小一點可以方便食用椰汁芒果糯米飯飯後甜品必然要試芒果糯米飯，但如果吃太飽就可以叫別的，因為份量多，應該是兩人份，有整個芒果跟兩球雪糕，是日雪糕是椰子雪糕，特別好吃，還有粒粒果肉🤗🤗🤗🙈🙈椰青泰國菜都偏重口味一點，叫同杯清甜的椰青中和一下就剛剛好💓💓荔枝冰朋友就叫了甜甜的荔枝梳打，還有配荔枝果肉😘😘這間Add Some Thai環境舒服，食物性價比也高，想吃泰國菜又希望可以坐得舒服點可以來這裏🙈🙈🙈

朋友今次揀咗一間係工廈嘅泰式餐廳😆環境相當唔錯 空間感十足 有泰式嘅風味 未稱得上係打卡嘅環境 但同朋友嚟一齊食嘢好chill同relaxLunch方面 食物有好多選擇 全部睇起上嚟都好似好好食 選擇困難症嘅我表示好難揀 除咗主食仲可以加配唔同嘅小食同甜品 跟餐仲有泰式奶茶揀 好正上菜啦 本身覺得佢價錢唔算太平 但見到超級大份嘅時候 即刻覺得好抵 佢嘅份量都真係好多下😂泰式奶茶幾好飲 比較甜嚟咗兩碗湯 冇估錯應該係椰子雞湯 好好飲 鍾意濃味嘅我表示正我就叫咗泰式炒金邊粉配泰式燒豬頸肉($82) 金邊粉正常發揮 唔會話炒得太濕或者太乾 豬頸肉真心俾咗好多 燒得好香 但有少少難咬 整體我好滿意朋友就叫咗招牌泰式無骨海南雞($80) 試咗一舊雞好滑好香由於我哋咩都想試吓就叫咗串燒(+$36) 個人覺得雞比較出色 佢啲雞好嫩口同埋滑 沙嗲醬都比得幾多 但係如果再濃啲會再正啲最後叫咗個自家製椰汁千層糕(+$42) 本來以為細細件 點知嚟咗四大條😂兩個女仔食真心超級飽 建議多人分享先叫 千層糕口感煙銀一流 椰汁好香 加埋一齊食好幸福☺️

之前來過食 dinner 覺得不錯不如試試 lunch  不過以泰國菜 lunch set 來算，價錢都偏高lunch set 的固定餐湯是 椰青雞湯店員將雞湯放下時，聞到有陣好香的甜味飲湯都有陣淡淡的椰青味湯裏面的雞肉十分滑溜如果椰青雞湯煮出來是奶白色的，是有椰奶在裏面若是煮出來是清湯顏色，則就只有椰青而已招牌泰式無骨海南雞配黃油飯好大的一碟海南雞飯不過好睇，唔好食，十分失望海南雞完全無雞味，亦無調味黃油飯還好除了一舊仔菠蘿，還有堆沙律菜蝦片就出奇地份量意外比較多片片都很脆泰式炒金邊粉配泰式豬頸肉wow ... 原來連炒金邊粉都有蝦片這樣擺就可以看到成碟野有什麼豬頸肉份量很多！不過與海南雞一樣，漏了調味食落只有一陣豬肉味，而且沒有香口感金邊粉就十分彈牙估計上菜時間慢，因為金邊粉是即煮，過一個冷河，然後再炒lunch set 的餐飲必揀 泰式奶茶好夠甜，亦都好夠奶味

約老友14:30下午茶 其實午餐至啱 全單7折。我哋叫了兩主食又加了兩小食及 再加甜品 芒果糯米飯。不過可惜竟然未買到芒果 🥭侍應姐姐問話俾椰汁糯米飯加椰汁糕補返我哋 好冇？我哋當然OK⋯⋯但係點知又冇椰汁糕 😔😔😔😔😔最終變成三個椰汁糯米飯。飽到C 我哋主食吃湯金邊粉及豬手飯 都好OK ，反而小食的串燒就真麻麻地，不過蝦餅超正 好好味

呢間餐廳嘅午市餐牌，如果係下午茶時間食係會全單七折。我哋兩個人，叫咗以下食物～主食：泰式無骨海南雞，黃咖喱牛肋條飯配手抓餅小食：泰式鳳爪沙律，蝦餅飲品：凍檸檬茶，熱即磨咖啡跟餐有兩碗椰青雞湯，好飲，有椰青味，有雞味，有雞湯味海南雞配油飯，有啲沙律菜，仲有蝦片。雞係冇味嘅，不過份量唔少，有好多件雞，個like 主要係俾個油飯，好香，飯粒軟硬適中，好好味，而且有咁多配菜感覺好豐富。咖喱牛肋條，以為加咗$5係白飯轉手抓餅，原來加咗$5係有手抓餅又有白飯。抵！牛肋條比雞好食，有牛味，份量夠，多到食唔晒。另外加嘅小食，味道亦都表現正常，蝦餅如果比泰式醬會好過沙律醬。泰國檸檬茶，就真係唔係我杯茶，試咗一啖，怪怪的，個樣就同普通檸檬茶一樣，泰國茶底我不嬲都唔鍾意，我自己就飲即磨咖啡，奶係分開上，而且係熱嘅，泰國菜館來講，有誠意，通常只有西餐廳先至會整熱啲奶。兩個人食到飽飽，承惠$165，值得一來再來。

ฅ≧∀≦ฅ 沙瓦迪卡~ 喵~裝潢非常泰式，風情十足限聚令下都好full booking~Book左位早到都要等一陣⤐⤐⤐⤐⤐⤐⤐⤐⤐⤐鮮蝦冬蔭功湯第一淡酸辣味夠，之後有點偏鹹海鮮湯料足同新鮮，有蝦，青口，魷魚等⤐⤐⤐⤐⤐⤐⤐⤐⤐⤐小食拼盤，正滿足你N個願望，有齊各款泰式經典小食雞翼入味香口春卷蝦餅，豬頸肉不過不失⤐⤐⤐⤐⤐⤐⤐⤐⤐⤐軟殼蟹炒金邊粉炸到金黃酥香的軟殼蟹，惹味！有兩隻啱曬share 金邊粉炒得唔太濕同油。⤐⤐⤐⤐⤐⤐⤐⤐⤐⤐雞肉拼牛肉串燒雞肉較為鮮嫩牛肉燒得有少少偏乾兩者味道都不錯，夾雜翠肉瓜大大串

係觀塘都可換搵到綠洲！香港生活緊張、有時候都想放鬆一下！但而家又冇得飛去泰國😫但比我搵到呢間泰國餐廳！以木紋為主、加上泰國特色裝飾、入到餐廳就感受到泰國氣氛💃🏽🌴今次試左lunch set!泰式豬頸肉炒金邊粉！午餐包括湯、主菜、飲品！湯係椰青燉雞湯非常清甜而且冇油唔會飲到成口油！泰式豬頸肉炒金邊粉、豬頸肉超大塊😍😍唔會太韌、爽口好好食！金邊粉睇佢好淺色以為冇咩味但原來唔係都算重味👍🏻👍🏻最特別佢配埋蝦餅！蝦餅好酥脆！飲品當然揀左泰式奶茶啦！唔太甜岩岩好！而家外賣仲有7折 非常抵食！！

觀塘工廈餐廳林立，工廈餐廳比普通地鋪多一份寬敞同悠閒，少一份車來車往嘅繁忙，Add Some Thai Restaurant就係其中一個例子。餐廳以木系裝修為主，擁有工廈餐廳一向嘅寛闊座位，相信就算坐滿食客亦唔覺擠擁。-是晚同男朋友叫左個二人套餐，好彩無另加小食，原來份量全部都好多。-沙律配上泰式特色汁夠醒胃，柚子酸中帶甜，開胃清新。-冬蔭功上枱時侍應會問要唔要幫手分湯，非常細心。海鮮有蝦、蜆、魷魚等等，份量至少有四碗，但略為偏鹹偏辣，唔太食得辣嘅朋友要注意。-屬於熱食既小食拼盤上菜速度非常快，果然食物唔太夠熱。蝦片脆身，牛肉粒略韌，蝦餅感覺麵粉過多，海鮮春卷過於油膩。拼盤整體水準一般。-軟殼蟹炸得酥脆香口，每隻size都頗大；黃咖哩唔會太辣，味道濃郁；手抓餅至少有7-8件。值得推介！-通菜炒得非常爽口，配上馬拉盞特別惹味，亦唔會過鹹。-飲品方面叫左一杯凍奶茶及椰青，兩杯均中規中矩。椰青偏大，甜味較淡；奶茶為泰式奶茶，但份量略小。Add some Thai係一個能夠舒服晚餐既好地方，枱同枱之間相隔頗遠，傾計都唔會點比隔離枱聽到，nice!

一早已經聽聞觀塘工廈有好多隱世好野食，早排去觀塘接大隻仔收工，點知咁就發掘左間質素唔錯既餐廳🥰🥰• 招牌泰式無骨海南雞 $80平均食唔少海南雞飯既大隻仔好罕有地大讚，顛覆左佢心目中海南雞No.1 — 金雞 既地位🤯。厚切雞件好滑嘟嘟白雪雪，去埋骨啖啖肉，雞味又濃郁，雖然唔及其他店舖一般提供三款醬料，不過淨係個泰式酸辣汁已經夠晒正夠哂開胃，就連配料炸蝦片都好香蝦味好好食😚，個沙律都唔馬虎，用既係新鮮菠蘿而唔係罐頭貨，好有誠意呀💛，美中不足係個油飯唔夠香，否則就真係好完美喇😳• 泰式香燒豬肋骨配薯菜 $108一見到依個泰西fusion菜咁特別，毫不猶豫咁嗌左🤩不過相比起海南雞，豬肋骨就比較遜色，肉質較鞋，有啲難切，食係上黎唔太方便，醬汁鹹鹹辣辣咁，算不上惹味亦唔入味，不過唔難食既，係冇乜驚喜，而配角薯條就炸得金黃香脆調味適中，加分位😚• 椰子雞湯 （隨餐附送）附送既湯好好飲！好清甜既椰子味飲落好舒服，仲有一小塊雞肉係入面😳• 泰式奶茶 （隨餐附送）注意返佢哋泰式奶茶唔係平時飲開嗰啲咁甜，接近無糖，接唔接受真係因人而異，小肥妹就覺得甜既先算得上係泰式奶茶😂

無意中去左駱駝漆大廈1期嘅泰國菜，餐廳內裡出乎意料的濶落，空間感十分，坐得舒服，跟平時觀塘人貼人迫在一起趕食午餐嘅感覺完全不同。午餐有好多選擇，配搭亦有很多，我哋四個女仔，點了3份午餐，包括泰式無骨海南雞飯、泰式炒金邊粉、紅咖哩牛肋條飯及追加馬拉盞炒豆苗，套餐配椰子雞湯及飲品。再度出乎意料之外，泰式炒金邊粉配香椒炒蜆，又大隻又鮮美、金邊粉份量亦很足夠。紅咖喱牛肋條好入味，配菜紅蘿蔔非常吸引，只是牛肋條某些部位太韌，食唔到。無骨海南雞飯還可以，但雞油飯的味道有點淡，少了一份香氣。最喜歡是馬拉盞炒豆苗，豆苗沒有草青味，嫩口清甜，值得一讚。4個女仔都食唔晒3 份午餐，由12點坐到2點，無人趕我哋走，食得開心又滿足。

價格又唔係平 炸軟殼蟹 唔脆 林既 金邊粉 粹哂仲要痴實哂 叉根本叉唔起 串燒 牛肉乾既 唔知食緊乜叫杯三色冰 甜到乜咁 黃咖哩百零蚊黎講真係好普通 收得貴唯一叫擺得落口係碟通菜 點解可以有4粒星

本身冇打算留言 但我就係比啲好既讚評呃左入黎！ 埋單五百幾 但唔係五百幾嘅質素同老公一齊放假 我哋兩位都係鍾意食泰國嘢特登OpenRice睇吓有冇邊間係好食見到呢一間爆星咁滯😯 咁我哋就揀咗呢間點知都幾失望🙁 同埋係絕對唔會黎第二次其實個環境係好靚 入到去都覺得好舒服當時都好期待啲嘢食...我哋order左個二人套餐 同埋加多個豬頸肉 首先個豬頸肉硬同(un)到乜Q咁 仲差過我屋企樓下間茶記 未食過質素咁差嘅豬頸肉 un 就切薄少少等人易入口啲啦.... 廚房煮過頭定唔知返煮後咁 總之就難食我串燒喎啲肉唔夠熱 總之佢所有嘢都唔夠熱 好得意😅 正常去食泰國嘢攞出嚟啲嘢食都係熱辣辣 佢嗰啲只可以用溫嚟形容軟殼蝦面就正正常常 未去到都好食但又唔係難食 椰子雞湯其實味道唔差 雞都好滑 但可惜又係微溫個類似鍋嘅嘢 只係用來做裝飾完全唔係真係用嚟加熱先攞出嚟/保暖作用 用啲錢請人過嚟寫食評 不如俾心機D培養員工煮嘢食啦呢啲餐廳真係去一次冇下次 我甚少寫食評 真係睇唔過眼啲好評咁多而質素咁差嘅餐廳

首先講下個無骨海南雞飯，有碎骨而且起骨亦起唔清仲有大骨，蝦丸好好味好爽口，通菜就辣咗少少，如果唔食得辣就唔好叫，而奶茶就好有泰式風味，我叫咗少甜感覺啱啱好，座位舒適嘅，2人去坐4人座👍🏻

等位有啲混亂，如果定坐就會好好多，因為佢冇派飛仔，要坐喺度等，佢係憑記憶去叫位八點幾去到，已經係食第二輪，直情關係，人唔算多叫咗個$388.2人套餐，再加$48升級芒果糯米飯做甜品首先嚟咗哈柚子沙律，佢係四隻蝦，加柚子沙律，醬汁真係似泰國風味甜甜酸酸辣辣之後嚟咗個大顯椰汁海鮮冬陰功，呢個真係麻麻哋，啲大顯好大隻，好可惜唔夠新鮮，有啲玫，冇乜嘢青味冬陰功又唔夠酸，個湯真係麻麻地之後想軟殼蟹黃咖喱配薄餅，黃咖喱好好味，裏面有幾舊唔夠林嘅薯仔，有啲西蘭花，個軟殼蟹揸得好趣，可以encore之後嚟咗小食拼盤有牛肉翠玉瓜串，菠蘿蕃茄，兩條粵式春卷，兩個炸蝦餅，味道宗宗婷婷馬拉盞炒通菜，都係出色，熱辣辣，味道又夠龍芒果糯米飯就正正常常，糯米煙煙銀銀，椰汁雪糕裏面有少少椰肉，味道更加突出，好可惜個芒果比較酸大致上都食物都OK，只不過排隊真係有啲混亂，外賣自取依家仲有七折