Ad Astra (已結業)

咁啱黎哩度做完野食個下午茶，見到間日韓食店，見舖仔細細又係新開，梗系要試下新野叫左個炸雞薯條配紫菜飯，炸雞有兩隻味，蜜糖蒜香同忌廉洋蔥超好味，又唔咸，雞本身炸得外脆，裡面又多汁Juicy配埋個紫菜飯超正去開旺角或者奧海城都會過嚟食，價錢又唔貴

上星期經過呢間小店，見門口有炙燒牛板腱，加糖心炸蛋一隻，都係$67，仲送魚湯，上OpenRice睇全部都係好評，今星期途經入去試，牛份量都唔少，但飯份量不多，整體味道十分之好，之後見有芋頭牛奶，夠凍但不夠芋頭味，埋單只係$85，十分超值

依間野轉左手都好多次，間間我都食過。發覺都係日本野。所以我都成日留意依間舖，今次又轉左手。變左韓國加日本野。我個人比較鍾意小店多。因為覺得廚師穩定啲，因為通常間舖都係佢既。今次試左佢個炙燒牛板腱丼飯，都唔錯既。牛肉加蛋係最佳既配搭。對我黎講份量就小啲，我一個大男人黎講係唔係好夠，最後都加多左啲飯先得。佢跟黎個餐湯都幾好飲，好清甜。見佢有兩片唔知係咪腐皮同埋羅白。整體黎講我覺得Menu款式偏小，可以加多小小款式。

final exam期間唔知要食d咩 突然見到哩間小店點咗雞腿肉明太子蓋飯配魚糕湯 天氣有小小凍 飲魚糕湯好滿足😇之後又點咗兩個飯糰🍙同埋魚糕湯 一開始以為飯糰好細一個 拎到之後發現一個飯糰幾大下 吃完兩個完全夠飽 味噌燒飯糰味道唔錯😋店主超好人 下次會繼續幫襯👍🏻

發現依到開咗間新鋪便同朋友入嚟試一試呢間嘅午市 今次我就試咗佢牛市menu嘅灸燒牛板腱丼飯午市仲會附贈韓式魚糕湯比客人份量對於女仔嚟講飯量大碗最尾我一個人係食唔晒嘅除咗佢賣相唔錯外 牛肉食落都十分香口 並且有煎蛋同紫菜作為配菜 撈埋一齊食都十分之滿足咁嘅價錢加上咁嘅份量同質素 真係性價比唔錯嘅選擇如果有下次的話亦都會想試埋佢午市menu上嘅其他菜式 或者可以再追加其他小食嚟試下大家嚟到附近都不坊可以試下呢間鋪

飯糰+魚糕湯，仲可以追加小食，搵輕食嘅話不妨一試。魚糕湯係店長小姐自己煲，誠意滿分；飯糰拌入紫菜芝麻，中間的牛肉片煎過十分香口；小食揀咗蟹肉忌廉薯餅，外脆內滑。食飽準備起身時，原來店長已等候良久，「覺得點呀？可唔可以比啲意見？」典型開場白後，傾咗一陣，言談間知道佢之前响附近返工，想來點突破就一個女仔租咗呢度，自己煮自己賣，內心不禁欣賞呢個女仔嘅熱誠同勇氣。食物氣氛都是homemade 小店的人情味道。