影片
以上資料只供參考, 請與餐廳確認詳情
Accro Coffee📍元朗元朗安寧路162號金城樓地下D號舖重返元朗，正式開工前，約到兩位愛食之人一齊聚下，真係特別高興。為咗坐得舒服啲、可以傾得耐啲，我哋一致同意揀間就腳嘅cafe，而講到元朗嘅高質coffee shop，排喺榜首嘅一定係Accro Coffee。個人覺得佢外在嘅水泥工業風，同內在嘅復古和洋風形成強烈對比，陰暗嘅燈光令人覺得異常地舒適。本來人太多，被安排坐喺吧枱位，及後有食客離開，趕得切喺落單前轉咗張更加舒適嘅大檯，lucky！ 💰$58鴨胸肉意式香草包 🥯因為Accro主打咖啡，所以佢基本上無提供主食，幸好有唯一嘅鹹食，等我哋可以醫下肚仔。呢度嘅Panini外微脆內軟熟，完全唔會烤到乾爭爭！配料可選擇雞胸肉、鴨胸肉或蕃茄，而且只需要加$24就可以食到清新無渣嘅水耕沙律菜，性價比算幾高。Panini內夾有數片厚身鴨胸肉、洋蔥、大量芝士同醬汁，啖啖都有鴨香同芝士香，一啖包一啖沙律，唔會太飽太膩，非常適合brunch或tea time食，大推！ 💰$98 (全份)窩夫 🧇最出名嘅Waffle有兩個plan供選擇，分別係Plan A - 時令生果配吉士醬同Plan B - 伯爵茶忌廉、楓糖漿配特濃朱古力雪糕。知我口味嘅都知我實係揀後者啦，朱古力喎，伯爵茶喎，點可以錯過啊！呢度嘅Waffle係好靚嘅心形，全份就有四件，半份則為兩件，賣相已經無得輸，而且佢嘅口感外脆內綿密帶少少煙靭，伯爵茶忌廉味道濃郁但輕盈，非常獨特。Accro嚴選New Zealand Natural出品嘅特濃朱古力雪糕，又用日本蛋製作甜品，咁靚料俾貴少少都值得。 💰$50開心果巴斯克蛋糕Regular menu上面唔係樣樣都每日供應嘅，今次我哋去到就撞正有Seasonal menu產品，朋友最鍾意食開心果，當然要叫一份一齊開心share啦！因為件蛋糕相對比較細，所以上枱嘅時候見到有少少失落，覺得有啲overpriced，殊不知原來係物超所值！首先佢嘅開心果味一啲都唔假，味道好出，比好多打住開心果旗號嘅甜品出色數倍。其次，佢嘅口感好軟滑，蛋糕質感夠濕潤，㗳真啲仲有濃郁嘅忌廉芝士味，世一！最後就係佢mix咗腰果同開心果，灑喺蛋糕面點綴，鹹甜組合，果然好夾，超級無敵推薦大家食！ 💰$48百香果沙冰 🍧因為我唔好咖啡，又想飲凍嘢，就揀咗最吸睛嘅Frappe試試，喺士多啤梨、Mocha同百香果中，揀選咗最特別嘅口味。百香果味非常濃郁，特別之處係味道毫不假甜，沙冰唔會稀冧冧，每一啖都飲到百香果嘅精華，即使用餐時間超過一個鐘，飲到最尾都仲係凍冰冰。一杯份量超足，值得再次encore。 💰$41烤杏仁朱古力 🍫朋友好欣賞朱古力都有拉花，聽佢講朱古力唔會太甜，飲落有淡淡杏仁香，應該同樣高質。 💰$80虹吸咖啡 ☕️新朋友係品咖啡嘅專家，所以佢當然揀咗specialty coffee，並選擇以虹吸而非手沖方式沖泡。實際上係咩豆同味道如何我不得而知，但睇佢嘅反應同我親自聞到嘅咖啡香味，應該是個好東西！
繼續閱讀
元朗出名美食多，極少到訪的我今天跟兩位元朗朋友聚會來到「Accro Coffee」朝聖，此店只提供香草包、窩夫、蛋糕及飲品；朋友告知屯門店有更多美食選擇-對咖啡沒認識的我看到餐牌上的咖啡種類多不勝數，感覺到小店的專業與講究，更因為朋友而了你到手沖咖啡跟虹吸咖啡的簡單區別 😂😂-🔹鴨胸肉意式香草包 $58內有洋蔥、醬汁和芝士；+$24 可配水耕沙律菜一客水耕菜清嫩柔軟，配上黑醋及車厘茄清新健康；意式香草包外輕脆內鬆軟，口感甚佳，夾著軟嫩細緻脂肪率低且富鴨香的鴨胸肉、鹹香適中的芝士、洋蔥及醬汁，創新出色，是令人滿足的餐點-🔹伯爵茶忌廉、楓糖漿配特濃朱古力雪糕窩夫 (全份) $98具 4 個心形窩夫，擺盤得體窩夫有別於坊間外脆或偏硬口感，它是輕韌軟綿有類似麻糬的口感，個人特別喜歡；配搭邪惡感十足的輕伯爵茶忌廉、楓糖漿及濃香的朱古力雪糕，沒有可挑剔之處-🔹開心果巴斯克蛋糕 $50磅蛋糕的樣子配搭不少香脆甘甜的腰果，就是與別不同；幼滑細緻的口感，濃郁的開心果香鹹甜平衡，非常出色，超級推薦！-🔹烤杏仁朱古力 (熱) $41連朱古力也有精美的拉花，清雅的杏仁香配搭濃香細滑的朱古力，毫不甜膩-朋友則點選了熱情果沙冰及虹吸咖啡，人均消費 $135，整體食身質素令我驚喜滿意，絕對是值得推薦的 Cafe，定必到訪屯門店 🥹🥹
繼續閱讀
元朗一家很有人氣的咖啡店店內環境復古日式不過這裏向來出名咖啡，食物質素是真的很一般蛋糕款式每日不同今天是豆腐紅豆芝士蛋糕及海鹽焦糖芝士蛋糕口感怪怪的，有點像啫喱，芝士味不突出，味道偏甜另外點了招牌窩夫，配特濃朱古力雪糕和伯爵茶忌廉窩夫的口感比較特別，感覺上有點像用牛角包做（？）有種說不出的甜味，不覺得有麵粉的香味最好吃的是那個雪糕飲品 lattle 和 Americano 正常發揮～另外座位安排方便我說了是三位，然後店員安排了二人的座位，我問那是不是需要加櫈，然後對方說公司規定不能加凳，之後由另一位職員再安排了吧枱。純粹探了店，不會再來
繼續閱讀
今日黎開元朗 終於可以試試 。人氣cafe Accrocoffee 佢地 出產左 幾位冠軍咖啡師好勁！果然冇令人失望 一入去已經聞到好香咖啡味。我地叫左幾杯 吾同口味嘅咖啡仲有熱情果沙冰 都幾好飲。仲叫左伯爵茶窩夫做下午茶
繼續閱讀
⭐ 評分：★★★★☆ (4.3/5)---☕ 咖啡推薦Americano Double Shot ($41 | 凍飲+$2) ✅ 風味：酸苦平衡，Double Shot提神效果一流！ 💡 貼士：凍飲用厚身冰塊，融化慢不怕沖淡味道。 ---🧇 甜點必試 半份窩夫配伯爵忌廉 ($65)✅ 窩夫：外脆內軟，蛋香突出，帶微微甜味。 ✅ 伯爵忌廉：茶香優雅，質地輕盈不膩，與窩夫絕配！ ⚠️ 份量：半份已足夠2人分享，適合下午茶淺嘗。 開心果巴斯克 ($50) ✅ 口感：中心流心質地，外層焦香，開心果味濃郁真實。 ✅ 驚喜：頂部撒開心果碎，打卡able！ ---🌿 環境 & 服務 - 文青工業風：水泥牆、原木傢俬、易出片。 - 咖啡吧枱：可近距離看沖煮過程，咖啡師樂意分享豆單資訊。 - 座位：約20個，週末易滿座，建議平日前來。 ---📌 總結 「元朗隱世咖啡店！巴斯克蛋糕水準拍得住市區名店～」 👍 優點： - 咖啡專業度高，甜點手工製作且創新（如伯爵茶忌廉）。 - 價錢合理，比連鎖店更重質感。 推薦組合： 1. Americano + 開心果巴斯克（濃郁系之選） 2. 凍拿鐵 + 半份窩夫（輕盈下午茶） #元朗咖啡 #手作甜點 #巴斯克蛋糕 #文青Cafe
繼續閱讀