ABS About Savour

營業中

休息中

📍ABS About Savour呢間餐廳我最多可以話係中環隱世既餐廳 佢哋係一間主打西班牙食材嘅日式居酒屋而成個環境都係以木為主題佢哋所有嘅食材都係每日新鮮運到港菜式配搭上面佢哋都好有講究好有心思能夠將新鮮嘅食材變成一道道嘅特色fusion菜食物個方面 今次分別點咗:-西班牙紅蝦他他配魚子醬 佢要將蝦膏吱落個他他撻嗰度食食落去佢個蝦味好香濃-溏心爆膏瀨尿蝦:呢個瀨尿蝦不得了 食落超惹味佢用左金橘牛油燒加上備長炭嘅炭香而且廚師特登做到七八成熟係因為想做到有流心嘅效果而且食落係好鮮甜-西班牙式炸薯粒配溫泉蛋佢有三種食法先食原味 之後撈蛋黃食 最後撈個七味粉食-北寄貝配海鮮麵豉高湯燒呢個高湯好鮮甜如果可以獨立變成一碗湯就好-蘇格蘭XL蟶子佢將藜麥變成薄脆 食落口感好特別而個聖子口感都好彈同好大隻-日本鮟鱇魚肝配西班牙多士呢個鮟鱇魚肝係季節性既菜食食落好濃 配酒一流-西班牙海鮮飯個飯薈到岩岩好唔會太濕又唔會太硬恰到好處-澳洲和牛舌芯配青蔥米脆呢個隱藏菜式 not on the list 架個青蔥米脆好香口 配牛舌芯絕對係一個super match -西班牙伊比利亞羊柳配西班牙烏魚子個羊柳就五

New cozy place seating around 18 ppl at the end of Gough St, which stood for “All about savor”, featuring Spanish/Japanese fusion by Chef formerly at Kowloon Shangrila- who apparently was also a wizard with cocktails.Manager explained the emphasis was on homeliness- plum wine and most Sauces eg chili were made in house. Not in mood for sake so ordered a white Sangria.Here’s what we had. Deep-Fried Padrón Peppers- lightly salted, with a mild smokiness and an occasional spicy kick; simple yet sati

「歌賦街」街尾開咗間新嘅西班牙日式居酒屋，老闆同我講，佢哋先開咗20日左右🤯主廚係澳洲藍帶畢業，仲喺香格里拉酒店做過，行過嘅話不如試吓佢哋嘅餐廳，咁有心sell我，就一於試吓👌🏼先入為主一定係佢哋門口嗰幅壁畫，老闆介紹係同本地畫師合作，以「招財貓」、「鬥牛」、「東方仕女」作主題，輕輕帶出日式西班牙居酒屋概念🍻我就試咗佢哋嘅「古巴三文治」，老闆就親自同我解釋，佢哋呢個三文治，係用咗第一刀豬，以12個小時慢煮，第一刀嘅豬肉係會比較爽口🧐（第一次見到，會咁細心解釋個食材，加分！）12個小時慢煮豬肉，豬肉嘅口感已經係一絲絲，保留到個肉汁，另外配上西班牙芝士、西班牙熟火腿，通常喺其他食店都好少會再加火腿，呢個位置加咗火腿，個口感係更加有層次👍另外要提吓個包～「西班牙麵包」，我都係第一次試😗除咗中間嗰啲餡料出色之外，個麵包係用大機烘過，麵包口感煙靭，同埋好脆口，麵包嘅質地係比較少喺出邊餐廳食到！雖然呢個係西式嘅餐廳，但係今日就配咗個中式餐湯「章魚蓮藕綠豆湯」，我就問佢哋點解咁有趣嘅😶‍🌫️明明呢度係西式嘅餐廳🤔佢哋話覺得中上環呢度返工啲人，需要飲啖自家製嘅湯水，所以就揀咗煲湯😛總括而言，老闆真係好有

大蛋糕走咗後，其實無乜動力發掘新地方出巡，好耐無去試過新餐廳，所以比較長時間無出post, 今次比美食節目引咗嚟試，老闆一嚟就suggest 點選擇食乜，海鮮類每日供應大細唔同，價錢都會有唔同，問清楚先order咗4樣嘢昆布西班牙吞掌魚潑Kombu Spanish Tuna Tapas平時居酒屋既開胃菜炭烤鱈魚片Japanese Cod Fish Snack質地似薯片，上枱熱熱地，送酒小食西班牙乳豬Iberico Baby Pig 1/4份量幾多，脆皮而肉質一咬分離，脂肪唔多，無乜罪惡感，伴碟薯片現場鮮製溏心瀨尿Creamy Zebra Mantis Shrimp美食節目內既item, 呢隻係大少少比較易剥殼，焦香既蝦膏同蝦肉各半，呢個係吸引我試既原因

無論食物質素 環境 工作人員 全部都值得五星好評 除咗location比較難外 要行內層樓梯外 都唔錯食物每樣都好用心嚟煮最特別係個瀨尿蝦 8成熟嘅瀨尿蝦 調味有驚喜 超爆膏另外嗰個聖子脆脆片 好濃鬱 出面食唔到 蟶子嘅泡沫 用咗黑松露 日本蔥 調味 好特別仲有個值得推薦嘅 北寄貝 個湯要另外加幾滴 sake 本身我哋唔飲酒 老闆就請咗我哋一杯細細杯嘅sakeso far 冇一件有伏 值得推介老闆十分有禮 老闆娘十分可愛 老闆仲即刻請我哋食雪糕 個雪糕自家製 芝麻磨粉

難得唔使湊兩個寶貝😝，當然要搵間老婆最鍾意嘅西班牙菜食吓啦，我自己又鍾意食日本野，咁啱前排同事介紹左間西日野叫我去食，嗱嗱聲打電話book 位，好彩佢哋話19:30仲有兩個位🥹原來佢哋主要係食新鮮海鮮嘅餐廳，咁去到呢啲小店當然問吓有咩新鮮事食啦，店員好有心機講解，咁就叫佢幫我哋安排（因為中午食咗kfc咁就叫佢唔好安排澱粉質俾我就OK）之後每樣都好有驚喜，食得出廚師們嘅熱誠，呢啲水準唔係間間餐廳都食到💪💪加油呀你哋💪💪

利申非打手，謝謝人情味小店令到婆婆有個不一樣的生日話說今年仲未諗到同婆婆去邊度食生日飯，點知問婆婆想食？佢話喺電視台見到隻瀨尿蝦好想食，但係上網一查原來喺中環，因為我哋係住粉嶺嘅，既然婆婆想食都要去啦！當日去到經理好熱情咁招待我哋，咁我哋就叫咗個流心爆膏嘅瀨尿蝦同埋好幾款嘅海鮮，瀨尿蝦超級多膏柚子味好惹味，好耐冇見過婆婆婆婆咁開心，北記貝湯鮮甜，加上經理送咗小小清酒俾我哋加咗入個湯度，酒香加埋海鮮湯嘅鮮味10分夾，其他菜式都好特別，反正一次試唔晒，雖然地方細細，但估唔到咁有驚喜，好啦費事講得太多俾人話我係打手，重點嚟啦！埋單嘅時候經理同我哋對單，發現瀨尿蝦竟然係半價同埋送咗個甜品拼盤俾我哋😱原來經理細個係同老人家住，得知婆婆喺粉嶺咁遠出嚟,所以見到婆婆食得咁開心加上生日做咗個半價俾我哋，走嗰時婆婆仲話下年生日都要再過嚟，謝謝Abs各位店員，你哋要加油呀💕

話說有一日屋企人喺IG見到呢隻瀨尿蝦，今次慕名而來要試，賴尿蝦味道非常震撼，本身自己都多食海鮮嘅，但係半生熟嘅瀨尿蝦真係第一次食到，超級惹味生熟度做到啱啱好，餐廳經理用心去介紹先知道原來總廚大有來頭，此外紅蝦他他都係必叫嘅，啲膏多到好似源源不盡，其實每一道菜都各有特色,睇得出佢哋擺咗好多心機落去，總括嚟講一餐飯喺小店嚟講都10分出色，雖然價錢都有啲貴，但係大時大節試吓亦無妨，期待下一次佢哋轉新Menu，希望再有驚喜👍🏻

呢間小店已經bookmark左好耐 終於約到幾個朋友食啦一入到去有個哥哥仔就好熱情咁介紹佢地既招牌菜 然後叫左個瀨尿蝦，一出到黎我地就哇哇聲😳真係好大隻同埋舊舊d蝦膏都流哂出黎咁制呀😳原來佢地每日都有1-2款既限定既菜式 我地都叫左個花蟹沙律配多士，唔好睇佢好似好細隻咁其實入面塞爆哂d蟹肉，上面仲有我最鐘意食既海膽😋哥哥仔話原來用左2-3隻蟹去拆肉，唔怪得食極都有啦😂跟住就叫左個西班牙紅蝦他他，一上菜有本書打開有d煙出好似變魔術咁，又幾過癮喎，打開有幾個波波，原來紅蝦他他放左係入面，好得意呀！跟住教用個蝦頭吱d蝦膏落他他上面食，好濃郁既蝦膏連埋他他一齊食，好滿足呀！之後叫左款北寄貝 佢話唔係用醬汁去燒 係用個海鮮麵豉湯一齊整，食北寄貝又飲埋湯，個湯好鮮味，好正呀！最後叫左個西班牙海鮮飯，d蜆大大隻，啖啖肉勁鮮甜！個飯有好濃郁既海鮮味好入味，呢個飯係我食過最好食既海鮮飯！我地仲有好多野未試，下次一定會再黎試其他野

早前見呢間餐廳網上好多好評，心想應該有驚喜，特登同朋友去試試。當日點咗爆膏賴尿蝦、平貝、蟹同牛扒，整體味道算中規中矩，無乜特別記憶點，未至於難食，但亦談不上驚艷。💸 價錢方面，埋單大約 $2,900，食材選擇上算係高級路線，不過無論味道、擺盤或者整體餐飲體驗，都未能令人覺得值回票價。環境就似一般街坊日式料理，唔係話一定要高級裝潢，但以呢個價位會期望多啲。.📝 餐廳雖然有提供餐牌，不過員工介紹嘅菜式有唔少都唔喺餐牌上，可能因為海鮮係時價，所以冇清晰標價。服務上似乎想營造一種「度身訂造」嘅感覺，替每檯客人推介合適菜式，概念上唔錯，但實際上會有啲迷惘 —— 客人唔知應該跟餐牌揀，定係信店員介紹。加上冇明碼實價，對預算敏感或者鍾意事前計劃嘅食客嚟講，可能會食得有啲唔安心。.🤔 睇返網上啲評論都幾一面倒好評，所以今次體驗完之後，有啲落差。可能每人口味唔同，不過就我哋當日所試，整體比較「正常」，無乜想再特登翻兜嘅衝動。.🔚 總結：唔介意食貴啲嘢，但前提係價值與味道相符。今次就有啲食完無乜感覺，輕輕地失望咗一下。

首先，你哋可以睇一睇張單，五個，正常食量既女士 食咗接近一萬蚊，喺呢間餐廳。我哋一開始入到去，睇佢嘅Menu 都幾正常，百零200蚊左右。之後個老細行出來話，有好多菜式，今日都冇，因為休漁期。之後話有好多新嘅菜式喺Menu上面都冇嘅，今日可以俾我哋試下。咁我哋諗冇所謂啦，你個Menu都係百零$200姐，咁就由佢負責決定我哋食乜嘢。你個賴尿蝦時價，從來冇話俾我哋聽，幾多錢。但係攞兩支酒出嚟俾我哋選擇嘅時候，問我哋要688的 還是要988的 （上網查咗呢支酒最多$100港紙，不過唔緊要，我地知道係餐廳所以俾你賺）酒就識同我哋講幾錢，賴尿蝦$888一隻就唔同我哋講幾多錢，仲問我哋食兩隻定三隻，真係一個好好嘅銷售手法，值得學習。個海鮮飯喺Menu度寫咗$288，但係收我哋$388。老細全程好有禮貌，係咁強調我哋只係比在食材嘅錢，佢哋係冇賺到錢嘅，到最後佢攞張單俾我哋嘅時候，個樣好心虛，我地話睇睇張單，老細無立即俾張單我地，反而同我哋重複一次我哋食咗啲乜嘢，確認我地全部都有食到。野就食晒，無得反抗，當客人水魚咁劏，一睇張單，五個正常食量嘅女仔，被宰割一萬大元。十分無奈。明明Menu才百零$200

同事仔生日開飯網訂位嗰陣時Remark係慶祝生日店方打電話嚟係咪會叫甜品 諗住喺甜品碟度寫個名壽星叫咩名？聽到呢度正常操作 食完飯突然上咗個甜品拼盤由始至終佢冇攞過個menu叫我揀甜品係直頭omakase😂唔知價錢唔知食咩一嘢就隊咗上黎講下個所謂甜品拼盤有啲咩呀有幾粒哈密瓜睇得出係三人份嘅每人有一球黑芝麻雪糕一粒麻薯 同埋一條手指尾咁長嘅churro你估下收幾錢？ 答案係$330仲貴過個Set lunch 定價唔係問題店家覺得自己值就得㗎啦作為消費者覺得唔抵 咪唔嗌囉但問題係佢從來冇提及價錢冇畀甜品menu 係佢由始至終都冇畀個電問menu我 冇畀過甜品menu我揀又知個客一定食黑芝麻？又知個客想叫三人份？大家有時出嚟食生日飯都係像徵式嗌件🍰都唔會一人一件啦 咁嘅商業操作真係好有問題最後睇返openrice同樣嘅甜品拼盤2人份只係$108咁請問點解我會收$298？？仲要係午市有單有據冇得抵賴

果日同friend心郁郁想試吓西牙班野，所以就來左呢間餐廳。用餐嘅體驗非常之好，食物嘅質素十分有驚喜。🤩🤩我哋果日叫左佢哋嘅西班牙海鮮飯，和牛串燒同牛油汁燒元貝來試下。個西班牙海鮮飯十分之有份量兩個人食到捧住個肚走，三至四個應該就啱啱好，佢哋用嘅海鮮新鮮到仲食得到果陣海水味，個飯煮得啱啱好再帶有小小焦香，食到停唔到口！ 和牛串燒，牛味十分濃郁同十分軟淋，老人家都可以食到！而且調味啱啱好，唔會掩蓋到個牛味反而係將整個味道提升。 燒元貝我哋食完一隻之後忍唔住再叫多隻來食，元貝肉超大粒配埋特製嘅牛油醬汁簡直就係引人犯罪，非常之邪惡，元貝肉燒到啱啱好，唔會話過老燒到乾晒，我會話呢個元貝係必叫嘅！呢間餐廳非常之值得去試同支持，等香港可以保留多啲呢一類嘅特色小店！🙏🏻🙏🏻

早幾日同朋友去咗間新嘅西班牙餐廳食嘢，佢哋嘅食物真係超有水準非常之有驚喜！😍嗰晚叫咗佢哋嘅西班牙乳豬，西班牙海鮮飯🥘，燒元貝，北寄貝同幾款串燒。樣樣野食嘅味道都係互相配搭住，非常之出色！首先上菜嘅係高湯燒北寄貝同青蔥牛油燒元貝，北寄貝本身已經非常清甜再加埋高湯加持豐富曬成個味覺，最後飲埋啖湯 即刻想再encore來多隻！燒元貝非常之creamy 個牛油汁令到你嘅味蕾打開曬！😋佢哋嘅燒乳豬嘅外皮非常之脆，一咬落去，脆卜卜嘅響聲之後就係好juicy 嘅肉汁爆曬出來，而且肉質十分嫩滑，一定要試下佢！🐖講真食左d燒海鮮 串燒同乳豬之後已經飽飽地，但個海鮮飯來左之後，淨係個香味已經可以令再飽嘅我一個人食多半盤海鮮👍，唔講禁多，想知咩味道嘅，過去試下就最清楚。啲串燒都好有特色，全部熟度啱啱好，唔會燒過火，味道特別🥰未諗到去邊食好小小嘅 呢間真係值得一推⭐️⭐️⭐️⭐️⭐️

同男朋友放咗工喺公司附近睇吓有咩食，經過果時老闆介紹佢哋係新開嘅西班牙日式餐廳，總廚係澳洲藍帶畢業，睇過個Menu又覺得OK就試下。點知真係好有驚喜我同男朋友都好鍾意食海鮮，見到隔籬枱叫左隻好大隻既斑馬瀨尿蝦，唸住叫一隻試下，點知原來斑馬瀨尿蝦係每日限量，已經賣哂，唯有下次先再試鮟鱇魚肝多士第一口咬落去好Creamy ，多士好鬆脆同埋好重牛油香，配搭埋三文魚子嘅味道，成個配搭好match北寄貝海鮮麵豉高湯燒食得出食材十分新鮮，北寄貝燒到岩岩好之餘又有炭香味，海鮮麵豉湯好鮮甜西班牙海鮮飯好好彩當日老闆upgrade咗水晶藍蝦比我地蝦肉十分甜，蝦膏濃郁。啲蜆全部都大大粒同好juicy ， 個海鮮飯係我食過咁多間西班牙菜黎講頭三位伊比利亞羊柳配烏魚子羊柳好juicy , 唔算好騷，配埋烏魚子嘅鹹香味，幾得意既一個配搭A5和牛串咬落去入口即溶，脂肪分布完美，燒到外脆內嫩又保持到肉汁，餐廳話佢地既燒汁都係自己整，怪唔得出面食唔到呢個味啦！雞頸肉配鵝肝呢個又係一道好驚喜既一個配搭！肉質鮮嫩多汁，呢個雞頸肉都係汁燒，配埋佢係面既鵝肝碎，每一啖都充滿層次感雞腿肉配西班牙芝士雞腿肉味道鮮美，配埋融化左既