ABC Drink & Snack (已結業)

這間舖細細，估唔到佢嘅食物超好味，重點係無味精的家常便飯菜式，好啱成日食外賣嘅我，最近因為疫情要帶小朋友返工，附近全部都係重口味味精食物，同事介紹之下，嚟到呢間細舖。連簡簡單單嘅早餐 （銀針粉）裏面嘅雞湯，都真係用雞精心熬製出嚟，完全冇加味精，老板娘超好人，仲要好重點提我記住飲埋啲湯！冇味精㗎！好有益㗎！🥰🥰 令我完全放心比小朋友食。（我對味精好敏感，重點飲完佢啲湯真係唔會口乾）依家每日我都會係呢度買早/午餐俾小朋友食，見到老闆娘喺舖頭自己親手煮，這個家的感覺更強烈。爭啲唔記得講，佢嘅糖水都超好味😋

好推介係荔枝角附近返工嘅朋友仔試下呢間平民小店，價錢便宜，性價比高！👼🏻今次叫咗個海蜇手撕雞飯，只係$38！另外可以轉撈麵/蕎麥麵。本身想試埋個餃子，因為佢哋嘅餃子係自己包，可惜老闆娘話賣晒🥲1. 海蜇手撕雞飯份量對於女仔嚟講岩岩好，但對於男仔/大食啲嘅人嚟講份量偏少，未必夠飽～⭐️記得同老闆娘講要多汁！好味好多❤️‍🔥啲醬汁係芝麻醬，同手撕雞好match🥰會食唔停!! 推介大家一試! 仲會配埋啲菜，就唔會淨係食肉咁唔健康啦～👻

在荔枝角附近工作，由於疫情關係，多咗買外賣，呢間小店我哋都經常幫襯， 味道好好之餘仲好乾淨。 以下係我哋食過覺得好好味值得推介嘅食物。1) 手撕雞冷麵他們的手撕雞冷麵非常好吃，配上自家製的胡麻醬， 食到停唔到口。2) 鹽焗雞奕飯雞翼蒸得好滑，係好滑，配合鹽焗雞嘅味道同埋汁用嚟送飯係一流嘅。4) 肉餅飯佢用嘅肉餅唔會太肥，偏瘦， 啱曬啲注重健康嘅人。3) 馬蹄蛋花糖水好簡單嘅一款糖水，不過佢就做得非常之 出色，甜度啱啱好。PS， 老闆娘好細心好好人。

平時返工諗食乜諗到好厭遇到 li 間新新地ge小食店係2小口子開ge 由於人手問題每日午餐限量供應要朝早訂定先有一路食都好似食緊mama 飯盒冇味精 完全係屋企飯只係32－35蚊一個好溫馨呀 T_T

自從為呢間小店寫咗第一份食評之後，由於地理位置嘅關係，我之後都幫襯左好幾次，除咗我最愛嘅餃子之外，仲試過手撕雞飯同雲耳牛肉飯，覺得有必要寫多一個食評。先講前幾日食嘅牛肉飯，初時以為老闆會用肥牛，點知原來係相對瘦嘅牛肉，感覺健康。雖然餸菜整體份量唔係好多，但係咁嘅價錢我覺得冇得輸。今日諗住落去叫肉餅飯，點知已經遲咗一步，全部賣晒其實我已經12點半去到啦，後尾聽老闆娘（唔知係咪呢）講可以11點打電話/WhatsApp去order，原來係限量出產，以後唯有早啲。最後叫咗個手撕雞飯，有驚喜先講白飯嘅份量，女士可以要少飯，肚餓嘅又可以要多啲啲。手撕雞整得好好食，配上青瓜、海蜇絲同日式芝麻醬，仲有少少娃娃菜，好味又健康。因為要做野，我今日冇係公司飯堂食，拎返自己枱食，點知已經吸引左幾個同事問我係邊度買....睇來以後我要早啲打電話去攞order啦！最後講返我最愛嘅餃子，前幾日都有買過，仲係好好食不過有少少鹹，已經同鋪頭反映左啦，仲得到禮貌嘅回覆。

聽朋友介紹話呢度嘅碗仔翅係豬骨湯底，今日咁岩同fd黎荔枝角買野，就決定黎試下。鋪頭裝修令人感覺好清新好乾淨。門面闊落，有企位方便堂食。餐牌非常清晰，特別係門口嘅大餐牌。叫左兩碗碗仔翅，大大碗，湯頭好香好濃，又好足料，口感豐富，食落有層次感，果然冇令我失望。食完碗仔翅之後係老闆嘅推薦下試左佢地嘅手撕雞撈麵。呢個真系值得一試，海蜇手撕雞配上麻醬同撈麵簡直絕配，雞肉嫩滑不柴，海蜇爽滑，食落口感層次鮮明，一試難忘。臨走仲叫左隻鹵水雞髀，都唔錯，不過最值得一試係碗仔翅同手撕雞撈麵。可能因為人手唔夠，睇落好似外賣訂單都唔少，手撕雞撈麵要等一陣先有得食。不過都係值得嘅。

公司附近餐廳雖然多，但係我一向好懶、來來去去都係去果幾間。知道呢間小店開咗已經一段時間，今日特登過去試吓。老闆話啲蘿蔔糕同餃子都係自己做，所以我每样要左一份，再加個滷水蛋。先講味道，蘿蔔糕做得唔錯，滷水蛋好入味，餃子餡料亦都唔錯，應該係韭菜同馬蹄，但2個味道都略鹹，如果淡返少少就Perfect。唔知係咪新開張嘅關係，店員係分工/安排上有啲混亂，所以比較慢。匆忙嘅香港人，要預留時間等下.....唔想等嘅話可以打電話訂咗先。