63
9
5
港鐵炮台山站 A 出口, 步行約6分鐘 繼續閱讀
電話號碼
25100123
付款方式
現金 Google Pay
座位數目
60
其他資料
Wi-Fi
酒精飲品
自帶酒水 詳細介紹
外賣服務
加一服務費
食評 (84)
等級1 2018-05-14
371 瀏覽
食物水準普普通通啦雖然無影相,叫左5樣野食1 呑拿魚沙律🥗 正正常常2 白酒煮蜆 味道可以,但蜆太細3 辣肉腸炒蝦 似用橄欖油煮熟,多過炒4 德國豬手 全晚最正幾好味5 蜆肉扁意粉 我自己無食,無評語自携紅白酒各一值得一贊開瓶費只係收我一支👍🏿👍🏿👍🏿 繼續閱讀
(以上食評乃用戶個人意見 , 並不代表OpenRice之觀點。)
等級3 2018-04-23
342 瀏覽
今日亞sir請食飯,我哋一行十五人去左哩一間餐廳食lunch,聽講哩間餐廳係某某明星開嘅,而且食評亦都幾好,所以我哋就去咗嗰度team lunch。由於有啲同事唔能夠準時離開公司食飯,所以我地有7個人一早去攞位先。因為我哋得一個鐘食飯,所以我哋7個一去到就叫咗7個肉眼扒餐($158),4個要五成熟,3個要七成熟。佢哋個包真係好好味😋,外脆內軟,大家都食唔停口。餐湯係粟米湯,我就覺得好有口感,但唔知點解會有咖喱味!有啲同事覺得好怪所以冇飲。先嚟4個七成熟嘅肉眼扒😲😲點解七成熟嘅牛扒會上先,而唔係五成熟嘅牛扒上先呢?真係好奇怪🤨🤨anyway, 七成熟嘅牛扒就好似well done咁, 一啲紅色都冇。好戲在後頭,我哋叫咗嘅五成熟肉眼扒,竟然一切....係切唔到,硬過我條命,加上把刀係普通餐刀,幾經辛苦先至切到件扒。我哋將件扒切到好細粒先至擺得落口,但係每一件都咬到牙胶軟。後尾實在忍唔住,我就同個侍應講,我哋叫嘅五成熟牛扒全部都over cook,麻煩佢同廚房講聲兼且幫我地換過晒啲有齒輪嘅刀😪😪😪其實我好想叫佢換過晒啲扒俾我哋,因為作為消費者,仲要成$158一個午餐,你竟然比啲咁樣質素嘅野食我哋,實在太過分😡😡不過我哋真係唔想做大嘥鬼,唔通叫佢掉晒嗰7塊扒咩😪😪😪所以奉勸大家千其唔好叫肉眼扒,唔係後果自負。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-02-03
334 瀏覽
幫朋友慶祝生日,我第一時間諗到呢度,食物份量又多,座位寬敞,呢排用app訂位仲有折添!每次黎必食生蠔,雖然唔算大隻,但好鮮,食到濃濃嘅海水味😋之前未試過叫青口,今次試下個古法砂鍋藍青口,個汁好惹味!係香茅忌廉汁,仲有兩塊烘過卜卜脆嘅法包蘸汁來食,我嫌d包唔夠,俾多兩三塊我地應該會清哂d醬汁😂青口細細隻,肉嫩,好味!強力推薦!蜜糖芥末咸豬手配酸菜又係每次黎到必食嘅,皮脆肉滑,蘸埋個甜甜地嘅蜜糖芥末醬,好夾!次次食都好滿意!烤雞香草意大利飯。又係未試過,又係另一驚喜,第一眼見到以為d雞肉會好「鞋」,平時我只係食雞脾肉,試左一啖,點解會咁嫩!?一d都唔「鞋」,好香好入味,但飯亦好creamy 。卡邦尼意粉,用上扁意粉,芝士味好香👍🏻另外一提,侍應真係好nice,又好勤斟水,值得一讚👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2018-01-23
299 瀏覽
呢到地方都好大, 坐凡好舒服又唔使同人迫住迫住咁坐, 由於早食飯關係, 可以靜靜地咁享受~好似包場咁!  一坐底就叫咗支St. Peter Fruit Beer Grapefruit, 但飲落去冇柚子味既?! 好淡淡既麥味~頭盤叫咗1打生蠔冇得俾你多揀~是日得一款生蠔~見佢即ORDER即開, 好新鮮又爽口~有好濃既海水味~叫咗個牛油蒜香白酒煮蜆(Regular $198)好香酒味~但係蜆有沙同埋太細隻啦~如果大隻番少少仲好~佢D菜式大部係有分Regular & XXL如果多人可以叫XXL~幾貼心喎!  沙律就叩咗個尼高斯沙律(Regular $148)有燒金槍魚肉質鮮甜, 薯仔, 蛋, 蕃茄同沙律菜味道好Fresh~可以清清個胃~ 試埋佢個地中海蟹肉餅配是拉差蛋黃醬($168)熱辣辣, 食落去都好多蟹肉好味道呀!!另一款係焗德國鹹豬手配蜜糖芥末及酸菜($268),豬手焗到個面脆卜卜咁,仲幫你切好晒唔使自己落手落腳去切~豬手肉肉質嫩滑唔會太肥太乾, 咬落去好soft咁配埋個醬真係一絕, 佢個醬真係好好味, 同豬手好夾, 但佢個酸菜就麻麻地啦~墨魚仔墨汁意大利飯($188), 有原隻墨魚仔去煮真係原汁原味, 開頭嚟到聞到個味道好似怪怪地~但食落去又唔覺喎, 又唔會話煮到好濕, 粒粒飯都吸收晒D精華~唔錯唔錯~叫咗松露薯條, 唔知點解D薯條好碎, 好似碎上咁, 個醬好香松露味配埋薯條真係一流~最後再加埋個墨西哥青椒火辣藍青口(Regular $168), 頭先食完蜆唔夠喉所以加埋藍青口, 本身都好鍾意藍青口又嫰又鮮味~今次試下辣既會唔會唔同D先~睇好似唔係好辣咁, 一食落去好有辣椒個種味, D辣慢慢咁出嚟~都幾辣下, 但佢個汁用嚟點包食真係好好味~辣都要食~藍青口肉質鮮甜, 又嫰越食越惹味! 最後叫埋甜品為好友慶祝生日~蛋白霜檸檬Tart ($98)同朱古力焦糖心太軟伴雲尼拿醬($98), 餐廳仲突登播生日歌添呀~真係夠晒貼心~ 繼續閱讀
(以上食評乃用戶個人意見 , 並不代表OpenRice之觀點。)
等級2 2017-12-11
380 瀏覽
家人生日試一下少去的餐廳~~~呢間前身係法國菜館時食過幾抵食,每人$400左右頭盤到甜品,好味滿足印象好~~變咗身之後一直未試,今次去到感覺唔同哂,店內光猛,大部分大枱,氣氛cheerful,唔錯間餐廳叫XXL,諗住啲dish好大碟,點知.....的確有好多大碟的size, 但都要成千蚊一款叫一碟之後應該叫唔到咩其他嘢⋯⋯而且雖然話都叫做係牛扒呀,海鮮呀,睇落做法都會味道OK,但其實又唔係好特別的菜式,感覺有啲貴我哋4個人,叫咗啲唔係咁大碟的菜式叫做test吓先:Plater 好別緻,全部都炸得好味,不過就係份量少--->即係貴囉其實真係冇嘢好講....大部份食嘅都好味.....但好多有水準的連鎖西餐廳都做到,但呢度食比較貴.......以上每碟賣相好靚,但全部都$400-500一碟.......🤔每人飲埋杯啤酒,埋單$2xxx🤔 我只可以講唔係family dinner的地方,有purpose要慶祝一下大洗一筆的話都幾開心掛但飲多幾杯酒又唔止呢個價啦總結呢餐雖然好味,但食咗成$500個人都唔係好飽,都係等有老細請食飯先點佢帶我食啦 繼續閱讀
(以上食評乃用戶個人意見 , 並不代表OpenRice之觀點。)