A-1 Bakery & Cafe (已結業)

我們一家人諗住去葵芳A1餐廳慶祝聖誕節，就點了四份牛扒，準備食的時候，這牛扒的肉超級多根和切極都切不開，總知從來未食過超難食的牛扒、甜品又難食，服務員態度極差，徹底令我們失望，所以以後不會再光顧這餐廳！

今日一個人在附近做野，今日自己生日諗住食好啲。在新都會經過呢間西餐廳。見佢開揚既裝修就入左來試下，叫左個set lunch.有湯同面包送。食完個面包飲湯，個湯都唔錯味道都錯，有返甘上下水準。到個主菜係意粉。但味道較淡水可以再改進一下。整體都合格。可以再試。

絕對認真咁覺得差， 好差， 勁差， 超差 ～ 兩個人去， 叫左兩樣野 ～ 咩鵝肝意式會飯 ～ 個飯難食到嚇死人！ 跟住見到隔離妹妹叉住左一住鯨左既Carbonara ～ 已經知中伏， 結果牛扒到了 ～ 7成變10成有多 ～ 仲免費送大量油～ 😑 決定即時比錢賠左個湯 ～ 免得食死 ！ 可憐既朋友連杯o 水都苦既 ～ 檸檬都可以唔新鮮 ～ 勁呀 ！ 一定要提醒自己唔好再黎。

少女當然有爸爸買少女既野俾佢🤓呀⋯不過我個人唔係好識欣賞栗子蓉呢樣野。爸爸買到咁就食啦⋯⋯⋯個蛋卷真係好軟綿綿。入面既抹茶又唔會話好漏同好重味，到栗子啦⋯無平時戈d咁甜同埋佢係起沙既。紅豆就小左d咁囉。不過140一條一家大細可以試下囉平價mon Cher👍🏿

星期日同二 個女去到新都會覓食，見到呢間A1 cafe 有我大女最愛嘅 pretzel ，立即入去試，點知坐低之後已經話賣哂，只好食其他。叫左個豬手，其實比起其他食豬手嘅德國餐廳黎講，真係好細份，但個皮都好脆，個醬汁味道不是太濃，如果有埋黃芥辣會更好。酸椰菜就味道唔係咁好。芝士龍蝦仔意大利飯，好香，risotto 煮得太林，但味道不錯，仲有好多龍蝦仔。墨魚面，食到大家一咀係，但略嫌汁太稀同偏咸。叫左個沙律，個名好長..我都唔記得叫咩，佢有牛油果，紅洋蔥，雞肉，雞蛋，生菜，蕃茄，墨西哥脆片，脆煙肉，芝士，味道好清新。肉醬芝士薯條，芝士太少，肉醬亦偏酸。叫咁多樣野，約5百幾蚊。味道同價錢都不過不失。

價錢與質素不相秤，份量又少。西班海鮮飯完全吾掂，完全無意大利飯應有嘅feel，頸似大家樂嘅焗豬排飯，德國咸豬手硬過石頭，砌到手痛。腸仔併盤又吾夠熱，皮都未焗趣。

焦糖芝士蛋糕我都知呢排好興半熟芝士蛋糕，睇黎我好耐無係呢到買野食，連佢有呢款蛋糕都唔知個蛋糕唔算好大，細細件岩岩好！個焦糖味都幾濃，而且整體黎講個蛋糕好軟熟，有別於其他芝士蛋糕咁實！自己黎講都幾鐘意食呢款蛋糕，無咁膩

先前答應了小朋友要補回禮物，便在上單位前善用午膳時間於葵芳廣場快逛，買了一個她應該喜歡的公仔，然後又極速買了食物醫一醫肚子，知道這裡有A-1 bakery，便買來已吃過不下數次的鬆餅。看到提子鬆餅滿滿的放在櫃內，相信應該是剛新鮮放出來沒多久的，故亦毫不猶豫地買下一個填肚。鬆餅表面烘得金黃，亦看到不場的提子粒，體積一個不算大，但對我來說足夠。咬下去口感尚算鬆化，沒有8度C那種的實在質感，牛油和麵粉應該下得尚算均勻，提子粒除了增加口感外，亦增添了甜味，餅皮也焗至脆脆的，質素不錯，$10一個，不便宜，也不算太貴，總比Simply life 的定價好吧! 不過好不好吃同樣是乎運氣，因為也試過其他分店的質素平平，可能是放置得較久一點的緣故吧! 今次可算是幸運!

看過葵芳A1下午茶的食評(Open rice): 今天看到其bakery就想試試外表美好3層芝士飽多款式，永遠有創意面包專家今天兩種mini產品promote原價17元現14蚊5個又發現合時食祭雪糕冧酒!3文治不貴因為take away煙三文魚治合理價湯也賣蕃茄南瓜可用微波爐叮高招吸客a1 以bakery為名蛋糕必須要好14元5 件朱古力夠勁牛油原味也鬆化香甜最到家不過甜香:因為鮮製所以一分錢一分貨！錯不了！

朋友到訪, 並帶來一個小型蛋糕作為手信, 二話不說, 我們立即切開來吃 ~無花果芝士蛋糕外面不大發覺, 但切開蛋糕之後會發現有好多無花果肉, 面層糖霜增甜, 杏仁片增口感, 芝士蛋糕入口是濕濕的鬆軟, 輕芝士的味道, 入口不會膩 ~本篇完 ~

今日見到番薯包，好激動，因為平時好似好少見，即刻買，16蚊，細細個，都幾貴既，算啦，難得食架喇所謂番薯包，就係一個麵包中間夾一個番薯，番薯很甜，但係比較少，食到最未只可以食白麵包了，麵包唔甜，唔夠鬆軟16蚊咁細個真係有d貴，創意比like，但味道ok，甜甜既番薯加分，但其他很多地方都要扣分，唔夠抵食，試過一次就夠，唔洗試第二次既

相約親友到葵芳茶聚，一桌點心由相對「年輕」的我倆包底，明明是飽得不行，卻還是被A-1 Bakery的最新蛋糕系列深深吸引。整個系列有四款蛋糕，分別為肉桂蘋果撻、焦糖芝士蛋糕、特濃朱古力蛋糕、焗無花果芝士蛋糕，價格由$53至$58不等。對於「香．熟．濃．甜」這主題有點不明所以，但管它的! 蛋糕的外型實在吸引，購買的人也不少，而且肉桂蘋果撻也早就售罄了。買了焦糖芝士蛋糕($53)回家當晚餐，用精美的蛋糕盒子盛着，掀開可見閃亮亮的焦糖鋪滿表面，為保焦糖脆感也就不再烤焗了。看表層有點烤焦的感覺，最初還擔心會味道不佳，事實卻不然。芝士蛋糕外圍有烘焙的香味，食感不俗，內裏是紥實的芝士蛋糕，質感實在得有點像New York Cheesecake，但芝香相對溫和一點，保有日式蛋糕的特質，凍食風味更好呢! 至於面層的焦糖仍脆，可惜不夠稠身，只能營造沙沙的脆感，焦糖迷期待的脆面還是可以做得更好一點。蛋糕的尺寸不少，合二人之力還是要兩次才能吃完，膩感不免會有一點吧，建議配一球雪糕同吃就最完美了。除焦糖芝士蛋糕，對特濃朱古力蛋糕、焗無花果芝士蛋糕也甚感興趣，留待下次再嚐!

做完gym 有小小肚餓,但又唔想食太多野,就諗住去麵包鋪買個包定住肚餓先.經過a-1被細個個時好鍾意食ge 朱古力波波同芝士波波吸引住.行到過去一夾,硬過石頭,可能6-7點臨收工,唔太新鲜. 放返低再行一圈睇下仲有咩選擇. 見到"earl gray" 仲要牛奶包,仲要幾大個同$7唔算太貴,馬上夾一個.趕時間一路行咬左一啖,OMG!!!!!d cream 踴哂出個口到,淡淡嘅earl grey 加埋牛奶包嘅牛奶同麵包甜味,太夾,好驚喜! 值得一提,好多時買有料麵包e.g.紅豆,朱古力,要咬到好入先得個小小料,Lee 個A-1 bakery milk bread (earl grey cream) 麵包同earl grey cream 分量啱啱好唔會太塞滿或太小,,仲唔太甜.如果新鮮出爐一定仲好味.一路行一路食一路會令人微笑的milk bread (earl grey cream)!! Sai & Tris rating 5/5 大力推介😊 p.s.比錢時個服務人員好快手同好有禮貌,值得一讚!

今日下午我們去咗葵芳新都會廣場嘅「A-1 Bakery & Cafe」飲下午茶！我們叫咗燒美國牛肉蕃茄沙律伴黑醋汁、日本南瓜鷄蛋沙律伴意式軟包同English afternoon tea英式下午茶！燒美國牛肉蕃茄沙律伴黑醋汁嘅牛肉肉質極之嫩滑，牛肉味非常濃郁，沙律菜亦好相當新鮮，加埋啲酸酸嘅黑醋一齊嚟食，真係超好味呀！係本人嘅必食推介！日本南瓜鷄蛋沙律伴意式軟包嘅包質好鬆軟，南瓜蓉嘅味道相當香甜！English afternoon tea英式下午茶嘅賣相非常精緻吸引同份量十足，真係超抵食！田園沙律相當新鮮，味道好清甜！法式鹹批「三文魚及煙肉」嘅味道焗得好芳香，批底超香脆！迷你牛角三文治「蛋沙律及三文魚」嘅包質好脆脆鬆軟，蛋沙律好香滑，三文魚有好香濃嘅煙燻味！法國KIRI草莓芝士餅嘅芝士味道超香濃，味道唔會太甜，餅質亦好軟滑！北海道純鮮奶忌廉卷蛋嘅質感非常香甜軟滑，鮮奶味相當香濃！四色馬卡龍一咬落去有一層好軟棉棉同香甜嘅感覺，色彩亦好繽紛！新鮮焗製鬆餅「原味及提子味」配玫瑰草莓醬嘅餅質非常鬆化，原味嘅牛油味相當香濃，而提子味就好香甜，兩款都好好味，各有各特色！

葵芳的A-1已是多年過門不入，他曾經是很難吃、半死狀態，今日陰差陽錯和他重逢，竟是是別三年刮目相看，咸魚大翻生。Set lunch 先可選麵包醬汁，軟包法包seed bread, sauce 有pesto、tomato 、 chili tomato、olive oil and vinegar、 butter and butter cream，這麼多選擇最合我這種無選擇困難症的人，我想也不想點了seed bread 配pesto sauce，包是熱熱軟軟的，十分美味，相也不記得影就遭幹掉。沙律或野菌湯，冷雨霏霏，熱湯更窩心，這湯是把野菌打溶加cream 煑，充滿奶香，一啖不留。Main course 也有二十款選，由all day breaksfast 到pasta到risotto到 paella到steak, 我頭也不回選了煎帶子黑松露會意大利飯，$102 一份的set lunch ，那risotto 竟有板有眼，濃稠有度， al dente, 更是啖啖充滿黑松露濃香，帶子更可選全熟或半熟，我的是外金黃焦香，內軟嫰，和risotto 絕配，我五分鐘內把整碟飯吃光。除咖啡可以熱一點外，這