A+食屋 (已結業)

食物質素 9/10尼間舖頭既野食係兒時回憶，以前放學都一定會去尼度買野食醫肚！今日經過，突然有啲啲肚餓，就一於回味一下中學味道啦！炸燒賣記得以前中學食個陣係五蚊五粒，過左咁多年，都無咩點加到價，六蚊五粒，香港地好難尼個價錢食到嫁啦！見到個度寫燒賣六蚊五粒，以為係蒸燒賣先係尼個價錢，點知原來炸燒賣都一樣。尼度既燒賣係即叫即炸，炸得卜卜脆，外層仲會灑上椒鹽粉，好惹味！下午茶時間，少少地過下口癮岩岩好😋環境衛生 7/10尼度無得坐，全部都係外賣，不過賣小食就無咩所謂啦，見到舖面都乾淨企理！:)服務質素 8/10星期六既關係，無咩人排隊買，嗌完野食唔夠五分鐘就有得食啦！…查看更多

A+食屋通常係我地成班frd學校有活動要早D番去先會食. 我地次次通常都會買撈面加煎旦. 而家出街食撈面, 好多時D舖頭都一早煮定晒, 你買嘅時候佢再幫你落熱水煮多次. 但係呢間唔同, 你叫佢先煮, 煎旦都係你叫佢先會幫你煎, 所以唔會凍冰冰. 老闆對於蛋的生熟程度控制得好好, 每次都會煎到仲可以用蛋黃汁去撈面的煎旦, 非常之好食! 不過就唔建意大家嘗試冷面啦! 本身只係食個面話其實冇咩問題, 不過冷面裏面個D日式魚旦因為雪過之後都硬晒, 唔係咁好食. 總之唔計冷面嘅話, 三個字, 平靚正, 非佢莫屬!…查看更多

放工後嘗試行另一條路，經過呢間小小嘅小食店真係唔覺意行快啲好容易就走漏眼難得仲見到呢種買少見少嘅小店，又正好有少少餓，就決定試吓幫襯成間店面積唔大，牆身可用嘅面積幾乎都貼滿menu有各種常見嘅地道街頭小吃，琳瑯滿目不過今次我好快就揸定主意，因為我最鍾意嘅小食係雞蛋仔，又見佢寫住即叫即整，仲大大粒字標明「脆卜卜」一於扑鎚Order後，店員即刻開始落手製作喺模具上搽油、倒蛋漿、闔模、反模，所有步驟都好純熟，有板有眼眨眼間，雞蛋仔就脫模出世正式奉客前，店員仲會將雞蛋仔曲起造型，再放喺小風扇前快速降溫一陣到拎到雞蛋仔時，仲係暖暖哋宜家天氣涼涼哋，啱晒~唔太熱嘅溫度，可以馬上郁手搣嚟食入口一咬，隨即發出「咔咯」聲貨真價實，的確好脆！而內裡質感好鬆軟，食落仲幾有蛋香~今時今日，$12買得到一底質素唔錯嘅雞蛋仔，算係物有所值啦住附近嘅朋友 / 附近返學嘅學生哥，需要醫肚時，不妨一試啊！…查看更多

呢間小食舖頭真係又平又好食！次次買完一大堆都唔洗30蚊。老闆推介撈麵加煎蛋，又真係好好食！最值得推介係有得買我最鐘意嘅炸燒買！仲有好多小食，炸花枝丸，魚蛋，雞蛋仔，台灣腸等等⋯⋯…查看更多