219
30
9
港鐵銅鑼灣站 E 出口
繼續閱讀
電話號碼
27995011
開飯介紹
著名英國品牌開設的咖啡廳，亦是品牌第一間供應主菜的餐廳。有攝影棚為主題的長枱及逆時針轉的大鐘等，打卡位很多，適合和三五知己到來。
繼續閱讀
附加資料
Last order 20:00
營業時間
今日營業
11:00 - 21:00
星期一至四
11:00 - 21:00
星期五至六
11:00 - 22:00
星期日
11:00 - 21:00
以上資料只供參考, 請與餐廳確認詳情
有關獎賞計劃
招牌菜
食家推介
相關文章
💁♀️💁♂️ 14/02/2024(Wed), Dinner🍽為食妙妙一向都喜愛Vivienne Westwood呢個品牌，佢喺銅鑼灣開嘅cafe之前亦都去過食佢哋嘅Tea Set。嚟到情人節💌呢一晚，A先生睇過佢哋嘅情人節💌套裝食物都唔錯，於是呢一晚就喺度訂枱一齊慶祝情人節💌。一如之前，cafe嘅座位安排都好闊落，我哋獲安排坐喺一張4人枱嘅位置，有足夠嘅空間去放為食妙妙嘅情人節花束💐，再上埋食物都唔會覺得迫。餐廳內有唔少打咭位，牆身上都有特別嘅裝飾可以打咭。值得一提呢一晚有位外籍嘅侍應招呼得好用心，幫我哋影相時又會提議我哋上咗食物再影個構圖會靚啲。而今晚我地order咗：🔆 VALENTINE'S DINNER | 情人節晚市套餐🔆 巴馬火腿配意大利布袋芝士🧀（2人份）一份有兩片巴馬火腿、一件布袋芝士🧀同沙律菜等等，布袋芝士用刀一切內裡的成份便像熔岩般流出，芝士的外殼唔算太厚，整體口感creamy，味道唔會好濃芝士味。伴碟有啲黑色嘅粒粒，原來係黑醋爆珠，入口咬爆之後黑醋湧出，伴住布袋芝士一齊食，玩味十足。🔆 羅宋湯配香烤多士羅宋湯嘅味道偏重蔬菜🥬嘅清香，入口微酸而肉味不太濃郁。🔆 意大利手製貓耳朵麵（2人份）貓耳朵麵食落煙煙韌韌，配合車厘茄及肉粒用再上忌廉煮成。要讚一讚個汁調得唔錯，食落夠晒開胃，正好迎接之後上枱嘅主菜。🔆 白味噌比目魚佐鮮魚湯A先生當晚十分喜愛嘅菜式，甚至比預期更加出色。比目魚煎得十分香口，內裡嘅魚肉煮得剛熟而且油份十足，食落係滿滿嘅魚油香味，再配合微甜嘅白味噌，味道十分搭配。🔆 澳洲和牛菲力配法式千層焗薯相比之下另一個主菜澳洲和牛菲力就失色咗少少，牛肉本身乾咗少少，略欠肉汁。底層嘅千層焗薯帶點焦香，反而不錯。🔆 流心朱古力心太軟（2人份）心太軟焗得外脆內流心，用刀一切下去內裡嘅朱古力🍫熔岩便傾瀉而出，配上一球雲尼拿雪糕。朱古力味道香濃，連埋雪糕入口一冷一熱十分好食，若果可以再流心一點就更完美👍🏻。🔆 Passionfruit Orange Jasmine Tea本身A先生想點咖啡☕️嘅，但剛好咖啡機壞咗，唯有改叫一杯特飲。呢杯有橙肉、熱情果嘅茉莉花茶🍵清清哋咁入口都好舒服。🔆 Free Flow House Pour套餐可以加$198 free flow house wine，我哋邊食邊飲，都keep住有refill。🔆🔆🔆🔆🔆🔆🔆🔆🔆🔆🔆🔆🔆❤🙆♂️(A先生)整體食評：8.5/🔟❤🙆♀️(為食妙妙)整體食評：9/🔟👉🏻 環境舒服，侍應服務貼心，整體用餐過程愉快A先生車友指數 🚗🛣️ 交通容易指數：🚗🚗🚗🚗🚗(5/5)🅿️ 泊車容易指數：🚗🚗🚗🚗(4/5) 👉🏻 泊車方面可能要考慮皇室堡🅿️或者世貿中心🅿️，錶位就要行遠少少去到維園🅿️👉🏻 港鐵🚇銅鑼灣站E出口隔離就係Fashion Walk，另外巴士🚌、小巴、電車都可以輕易到達🔆🔆🔆🔆🔆🔆🔆🔆🔆🔆🔆🔆🔆
繼續閱讀
餐廳：Vivienne Westwood Café地點：銅鑼灣Fashion Walk 菜式：著名英國品牌咖啡廳餐牌：沙律，小食，意粉，主食，甜品，泰迪特飲，花果茶系列，Summer Drink，咖啡，Summer Cocktail，精緻茶品手工英式鬆餅 $78 另加一手工英式鬆餅一客兩件，都算大個，上枱時暖暖，聞到香味，不過影完相就唔暖，食落濕潤度可以。伴有clotted cream同士多啤梨果醬各一，clotted cream都滑溜，食完可以問服務員添。紅莓希臘乳酪朱古力蛋糕 $78 另加一紅莓希臘乳酪朱古力蛋糕造型較特別，有兩條白朱古力圓條圍住主體。主體係紅色鏡面慕絲包住白色希臘乳酪慕絲同紅莓慕絲，最底有綠色應該係開心果既海綿蛋糕。食落甜酸度適中，唔會太甜或者太酸，甜度係眾多蛋糕黎講算係較唔甜。芒果慕絲朱古力燉蛋蛋糕 $78 另加一芒果慕絲朱古力燉蛋蛋糕係半球體，外層係芒果慕絲鏡面包住芒果慕絲，中間係朱古力慕絲，最後有朱古力海綿蛋糕墊底。味道係芒果味夾朱古力味，唔明點解叫燉蛋，口感單一。開心果朱古力蛋糕 $78 另加一開心果朱古力蛋糕係綠色慕絲鏡面包住白色同啡色朱古力慕絲，中間有開心果慕絲，下底係綠色開心果海綿蛋糕，不過奇怪面層有少少藥水味類似車厘子啫喱就大殺風景。外圍有好多粒粒脆脆朱古力粒加添口感，仲有榛子同開心果，呢款蛋糕口感就出色啦。雲呢拿朱古力芝士蛋糕 $78 另加一雲呢拿朱古力芝士蛋糕係圓柱體，雲石面而下底有一層薄薄餅底，非常簡單。芝士蛋糕夠厚身同滑溜，味道唔錯，不過呢個價錢size太細。每一碟蛋糕都插有一片印有店名名牌既朱古力，伴有鮮果例如士多啤梨，藍莓，紅莓，加上朱古力醬，灑上糖霜上碟。訂位時係OpenRice留言想decorate甜品碟，服務員係完全唔會理架。慶祝甜品碟用朱古力醬寫字，面頭加上花瓣，同多一粒龍珠果裝飾。服務員上碟時唔小心整花左d字係一句唔好意思都無，而且唔會offer幫手影相架。總括而言，以呢個價錢衡量蛋糕質素同size，性價比極低，就算外賣蛋糕唔洗加一都唔值。鬆餅價錢就合理少少。安排坐窗口位既燈光好怪，因為鋪頭外面有射燈，影人相唔好睇。服務員服務態度麻麻，其實真係好over-priced。每人最低消費$150。
繼續閱讀
突發性可以褪晏下晝開工時間…即興搵到朋友響銅鑼灣Fashion Walk附近食個lunch，成機朝聖全球第二家vw cafe。環境舒適寧靜，維多利亞風格到位，餐具別緻，周圍嘅食客同我一樣，攞住手機一路影（其實由尖沙咀搬到銅鑼灣已經開業咗差唔多9年）～古典氣派嘅裝修真係每一個角落都可以打卡。頭盤南瓜湯味道還可以，入口順滑。主菜揀咗香蒜蜆意粉，略嫌淡味少少。最欣賞嘅就係甜品，做得非常出色，點咗一件Earl Grey Mousse Cake，賣相有特色，濃濃伯爵茶香馥郁醇厚，加埋朱古力碎同忌廉，簡直想食多一件…招牌焦糖咖啡上邊冇拉花，用咗咖啡粉撒了一個vw logo形狀，味道唔錯。值得推介！下次會再過嚟試吓佢嘅Afternoon Tea Set同 Waffle Pancake～
繼續閱讀
之前攞咗旅發局 $100 coupon，去咗vivienne westwood度打卡。原本諗住食幾件cake嘆個茶.點知佢有min charge每位150, 咁我哋唯有食埋晚飯，開頭叫咗一個西冷牛扒8安士$298,再加個溫泉蛋卡邦尼意粉$148。個意粉ok都好creamy，味道偏淡。個扒嚟到食咗第一啖酸酸地我以為個醬係咁樣，之後再唔點醬食多舊，都係酸嘅。好似啲食物變壞咗味道，後尾我哋叫個waiter更換。等咗大概30分鐘, 佢先話冇晒，懷疑佢個雪櫃壞咗全部肉壞曬。跟住佢冇肉食底下唯有嗌咗all day breakfast。一般，唔值呢個價最最最重要係態度麻麻，比左壞肉人食都無乜歉意甜品，discount 欠奉
繼續閱讀
這是第一次光顧，是因為旅發局給予消費券才去試試。店內佈置都是到處充滿著英倫風格及很適合愛好打卡的人任。但在消費方面就略為有點貴了。而值得一讚是服務員(菲籍)的服務態度充滿熱誠。
繼續閱讀