90s Lazy (山東街)

營業中

休息中

我係比舖頭裝修吸引過黎，乾乾淨淨嘅小清新風格😝舖頭係樓上鋪，所以比較隱蔽少少。同朋友吹水例牌都係會叫一份薯條邊食邊吹，原本想叫啤酒薯條，咁啱冇所以就俾咗普通薯條我哋。熱辣辣新鮮炸起，配搭松露沙律醬，食落都唔錯。除咗薯條我哋都有叫其他小食，叫咗一份水牛雞翼同炸魷魚圈。水牛雞翼超好味！主要係佢外面嘅汁做得好惹味，雞翼又夠大隻啖啖肉～炸魷魚圈就爭少少，皮唔脆之餘仲好油膩，一般般。主菜叫咗懶人包(all day breakfast)丶香辣蒜片蜆肉意粉同埋安格斯牛肉芝士漢堡。懶人包個名幾搞笑，我朋友都係懶人所以叫咗呢個😂沙律菜新鮮，薯餅香脆，炒蛋滑～蜆肉意粉啲蜆肉比嘅份量都幾多，蒜味都幾出又唔會好辣，重點係意粉煮嘅時間啱啱好，係彈牙嘅意粉。牛肉漢堡塊漢堡扒太油膩，可能有人會覺得好鍾意，因為佢油脂感同牛味都好重，但我就覺得有啲漏🤧所以最後都冇食晒芒果奶昔，甜咗少少，奶味重～幾好飲白桃沙冰～飲落幾清新，係分量細杯咗少少唔係好夠喉😂

鬧市旺角山東街一間樓上cafe 90s Lazy位置都好易搵，環境都幾闊落住在得舒服平日晏晝黎食Lunch都幾滿香辣蒜片蜆肉意粉 （$65）跟餐配凍紅棗茶（+4）野食水準就麻麻意粉唔太入味，淨係得辣味亦都有啲偏油野飲仲要漏左單，催左四五次先知原來啲單亂左😔搞到食完成個意粉都仲要等左15分鍾先到🥲朋友叫左煙三文魚菠菜忌廉汁闊條麵🍝都話個汁冇乜味而露筍鮮茄野菌意粉🍝就評價不錯，安格斯牛肉芝士漢堡🍔賣相同味道亦都幾好下次有機會可以試下而野飲方面，紅棗茶亦都係冇乜味，搞勻晒先飲到小小紅棗味，不太推介🙅‍♀️

環境：🐣🐣🐣🐣🥚服務：🐣🐣🐣🐣🥚食過呢間cafe幾次，環境乾淨舒服😌質素唔錯👍🏻👍🏻上次食過all day breakfast ，香辣蒜片蜆肉意粉🍝都好食🌸煙三文魚菠菜忌廉汁闊條麵 $62 味道：🐣🐣🐣🐣🥚煙三文魚幾新鮮👍🏻忌廉汁唔太膩，味道適中唔太咸又唔太淡👍🏻👍🏻🌸蘆筍鮮茄野菌意粉🍝 $62味道：🐣🐣🐣🥚🥚呢個意粉比起其他餐有少少失色，味道較淡，但都不過不失啦推薦度：🐣🐣🐣🐣🐣

青醬帶子義大利粉 $108 （+$4 配熱生薑茶）餐廳位於旺角鬧市，位置方便易搵，仲有職員係大廈樓下分流，指示清晰易明，員工態度友善🤙🏿🤙🏿🤙🏿餐廳一共有兩層，今次坐二樓，好闊落！加上平日晚市唔係太多人，walkin應該都會有位！啱曬成班friend放工一齊食餐飯吹下水🙋🏻‍♀️😌食物方面，食物素質普通，以同樣價格可以食到更好味的野食，亦無素食餐單，素食朋友要注意⚠️不過上菜速度快，落單後10分鐘左右就上菜😆（呢點好仲要，因為放工攰之外如果肚餓仲要等…會好hangry）整體而言，都算係一個愉快的用餐體驗😋

之前睇過一d相片俾呢度既簡約裝修吸引到，於是襯工作完過黎輕鬆一下，放鬆一下腦袋😇平日的下午時間都有8成的入座率，生意唔錯，裝修係比較日式簡約的設計，帶有清新同令人放鬆的感覺。可惜被安排了一張最入面的四人枱無奈搭枱的情況已預知未能輕鬆咁嘆一杯咖啡了☕️😮‍💨呢一點係體諒的所以專注返餐牌上的食物，食品的選擇都多元化，點左一個lunch set安格斯牛漢堡$78配培茶鮮奶咖啡$52（跟餐半價）☕️安格斯唔係入口即溶個一種，而麵包係淋左既..感覺都幾失望🤦🏼‍♀️反而配菜的薯條係幾香脆既。幫手加左少少分🥲而培茶咖啡有驚喜。一放低已散發香濃既培茶味，冇加額外糖，係幾有日本的風味👍🏻相對比較吸引😻整體黎講性價比唔算好高，環境比較嘈，如果係想要輕輕鬆鬆傾下計或者安靜一下就唔太合適了🔅

近排好鍾意周圍幫襯樓上café，今次選了位於山東街的90s Lazy。店舖裝修好舒服，坐的位置都好，燈光也很光猛。我地點了安格斯牛肉芝士漢堡、明太子蟹肉忌廉汁意大利粉、水牛城雞翼、一杯Oreo Milk Shake再另加一個心太軟。牛肉芝士漢堡，塊漢堡都juicy同牛肉味重。明太子蟹肉忌廉汁意大利粉，好好食，不過稍嫌有少許蟹殼。水牛城雞翼，味道好好，食到津津有味。Oreo Milk Shake，如果Oreo味重啲會更加好，依家好似淡左少少。心太軟，朱古力甜度剛剛好，只稍嫌唔夠流心，配上呍呢嗱雪糕，為這餐飯畫上完美句號。這類型的小品Cafe，實在很值得支持，比d機會小食店，讓他們在這個社會經濟環境下可以繼續生存！

星期日想係Cafe Hea下就黎到呢度😅木色同米色既裝潢其實幾Chill幾舒服🪵係旺角鬧市見到咁開揚既地方都唔錯☀️話需如此 食物方面尚有好大進步空間😅賣相不錯但係味道感覺只係啱啱合格（已經好Generous）⭐️ 煙三文魚菠菜忌廉汁闊條麵🍝三文魚同蔬菜嘅配搭十分清新🐟 可能係錯有錯着醬汁唔夠Creamy😅啱曬怕油膩既我 意粉口感太硬🌝⭐️ 懶人包 🍱一份非常Mediocre的All Day Breakfast 🌞 薯餅同煙肉可能現成貨的關係比較油🥓 麵包好乾無烘過🍞 比較不推⭐️ 鮮果忌廉日式鬆餅 🥞鬆餅不鬆軟 似快餐店出品🥲 賣相同口味都比較頹🍓至少水果可以多D比D誠意🫐⭐️ 懶人乳酪果碗 🍨味道酸酸甜甜當小食不錯🤗口感也比較豐富💕⭐️ 柚子蜜 🍊偏甜但幾解渴 柚子醬無撈勻沉曬係底🌚⭐️ 紅棗茶 🍵入口冇咁甜 比較感覺養生❤️

💛⭐上次終於嚟到呢個90s lazy cafe位於旺角嘅dinner✧٩(ˊωˋ*)و✧🤍我同朋友都嗌咗e同埋f餐，分別就係帶子黑松露意大利飯（＄110）同埋 明太子蟹肉忌廉汁意大利粉（＄138）！🤍個人覺得起價錢上係比較貴，同埋唔值得嘅。因為旺角嘅選擇實在太多啦，唔需要用呢個價錢已經可以喺其他餐廳到嗌到相同質素嘅食物。 (ಥ_ಥ)🤍而喺食物質素方面，我覺得都尚算唔錯，帶子非常新鮮，黑松露味道非常出，蟹肉方面就我覺得係比較少嘅，但係食落嘅質感good good。(〃'▽'〃) 🤍睇圖都知道食物嘅份量比較少，所以我真係覺得佢完全唔值得呢個價錢，晚餐非常唔抵食， 不過大家可以試下lunch time，因為我見餐牌好似都係五六十蚊已經可以食到！😍😍😍👍btw呢間餐廳嘅環境非常靚，可以同朋友三五知己一齊傾好耐計，聚下舊， 所以都有佢嘅優點嘅~(๑•́ ₃ •̀๑)🤍⭐最後不得不提嘅就係佢係黃店，所以大家都可以支持下嘅！(σ°∀°)σ..:*☆🐝🐝

今日同朋友幫襯旺角cafe呢間90 lazy環境闊落如果朋友冇乜特別提議 的多數會帶佢哋嚟呢到因為大家會坐得舒服啲 同埋環境都好寧靜😊我哋三個人叫咗幾個set share食因為我自己好鍾意食辣所以每次都會叫辣蟹肉意粉我最鍾意佢呢個意粉辣度啱啱好唔會太辣但都唔會完全無辣味就算我個朋友唔食得辣都可以食到🤤另外我哋再叫咗一份all day breakfast佢有非常之多嘅材料我最鍾意就係食佢嘅薯餅因為每次個薯餅都炸得啱啱好🤩不過整體而言午餐來講價錢可能會有少少貴我哋每個人都要大概$110但係佢嘅食物質素都算有保證☺️

一直bookmark 左嘅餐廳 終於有機會試到🤣All day breakfast 🍳 名不虛傳 大份夾抵食 入面嘅配料唔算好好好出色但係呢個價錢來講真係幾分量十足 特別鍾意食入面嘅炒蛋好香滑 蕃茄有煙熏香烤味 💪🏻小食拼盤 入面嘅薯條同老麥嗰個BBQ粉一樣味芝士條冇拉絲效果雞翼同洋蔥圈正常明太子蟹肉意粉呢個幾好味😋雖然唔係好食到蟹肉味但對於我呢啲唔鍾意食蟹嘅人就啱晒😂😂😃唔好打me 因為我只係鍾意食明太子士多啤梨smoothie 士多啤梨奶昔🍓🍓呢兩杯嘢飲都正常水準Matcha espresso 呢個係失望到極致 首先冇層次分明 然後基本上所有綠茶粉都未攪勻 同埋綠茶粉太苦同Espresso撞哂

見到近排唔少KOL⭐️ 有去呢間樓上cafe ☕️ ，而且又係黃店 💛，去開旺角所以想試一試佢。去到個時6點半樓下reception已經話滿左🈵，話7點會有一批人走叫我地留低電話📞，一邊行一邊等。等左半個鐘到冇，就打黎叫我地入座啦。​​安排左坐係二樓個層，隔離係兩張大枱，窗邊仲有兩張二人枱。可能因為係星期六晚，大枱都坐左6個人以上，一入去就覺得好嘈🔊，岩一班人聚會💬多過2個人撐枱腳既感覺。​​半殼青口鮮茄雜菌意大利飯 ($110) 🍅 ​我唔太中意佢隻蕃茄味，偏甜但又唔係新鮮蕃茄味咁，覺得味道一般。​​明太子蟹肉忌廉汁意大利粉 ($138) 🦀 ​醬汁十分豐富，有明太子既搭配通常都好食。份量望落好似好少咁，但食落都好膩。​​啤酒薯條配黑松露醬 ($55) 🍟 ​薯條新鮮即炸，非常香脆，配埋黑松露醬更加好食。😋唔知點解會叫啤酒🍻薯條呢，食落去係完全冇啤酒味既。​​跟餐叫左一杯凍檸茶 (+$4) 同一杯熱柚子蜜 (+$4)，凍檸茶偏淡，唔夠茶味亦飲唔到甜味，好似冇落糖水咁🤨，柚子蜜就正正常常。​​​

今天嚐了一間高質的日系cafe餐廳以簡約的白牆和木系傢俱襯托出懶洋洋的氛圍配以透著清新氣息的日語背景音樂邊坐著，邊享受咖啡輕食就這樣在煩囂的都市中享受著不受干擾的午後慵懶時光 💮奇亞籽牛油果炒蛋多士 這份餐點太漂亮了炒蛋也炒得恰到好處既有炒得香口的味道也保留了蛋漿表面的潤澤感這個炒蛋做得十分出色!另外還加上奇亞籽、番茄、牛油果這些色彩豐富又健康的食材健康得來又漂亮味美這份輕食要給它點十個讚❤ 💮玫瑰鮮奶咖啡 自從上次初嚐玫瑰咖啡之後就對這款咖啡情有獨鍾這裡玫瑰咖啡奶泡綿密細膩且啖啖都帶著玫瑰香同時亦沒有蓋過咖啡原有的香味我很喜歡 

旺角難得搵到一間旺中帶靜既cafe😆 雖然食物質素唔係一等一，但係裝修別緻，非常適合情侶同朋友傾計☕️—————————————————📍黑松露野菌忌廉汁闊條麵 (7/10)擺低個刻已經聞到好濃黑松露香味，可惜食就只係食到白汁既味道。白汁調味夠濃夠稠，每條麵都掛到醬汁。份量比較細，女仔食完可能都唔夠飽🤔📍法式香草燒羊架 (7/10)🐏羊架有3件，時間岩岩好煮到5成熟。肉質軟嫩，但係唔係好夠肉味。配料意外地比羊肉更加好食。紅蘿蔔用薯仔都煎得外脆內軟，加左香草調味更加惹味。

💛 餐廳係二樓 搭lift 時候見到佢有張告示寫住 美心 東海堂 聖安娜 超群bread talk …一律收$500切餅費💛心情都即刻變好💛餐廳以白色為主 坐係窗邊可以好寧靜咁 望住旺角波鞋街嘅熱鬧 都幾寫意💛員工嘅衫都寫住冗員 九十後唔捱得 好好笑💛餐廳lunch 同tea都好抵食💛懶人包 （all day breakfast) $68有腸 煙肉 薯餅 炒蛋 茄汁豆 粟米 係全麥麵包價錢合理 外面d all day breakfast要賣到$100或者以上得真係覺得好唔抵 燒烤腸好juicy 薯餅好脆 好鍾意有薯餅 ❤️同埋個全麥麵包都唔會乾身 好唔錯💛煙三文魚菠菜忌廉汁闊條麵 $68闊條麵軟硬度口感適中 忌廉汁味道如果再濃d就更好 💛Latte （跟餐特試飲品半價）估唔到呢到都有拉花 咖啡味道香濃 都合格 當然不及coffee shop嘅💛整體黎講 野食好食而且好抵食 大家仲唔快d去懲罰佢⭐️推薦：7.5/10

🐽 明太子蟹肉忌廉汁意大利粉 $138明太子忌廉汁好creamy，味道好濃郁，有明太子既鹹香味，蟹肉都好多，意粉口感都岩岩好，兩個人share食就岩哂，因為食哂成個都幾飽同幾漏🤭••••••••••••••••••••••••••••••🐽香草燒春雞蘆荀意大利飯 $95份量有半隻燒春雞，雞肉都好嫩滑，個汁比較淡，但啲飯都幾濕潤同煙韌，仲夾雜住啲菇同蘆荀，口感都幾豐富😉••••••••••••••••••••••••••••••🐽朱古力心太軟配雪糕 $58因為朋友生日，餐廳很貼心，可以寫字係碟上，心太軟都好好味，唔會太甜，朱古力漿做到流心既效果，個蛋糕皮厚度都適中，配上雲呢拿雪糕同cream，想一啖接一啖咁食😋••••••••••••••••••••••••••••••🐽熱情果沙冰 $45天氣熱就想飲啲酸酸甜甜既野飲，呢杯沙冰好解渴，熱情果味好香，好開胃