56
8
1
港鐵旺角站 E2 出口, 步行約4分鐘 繼續閱讀
所有分店 (2)
電話號碼
23410288
開飯介紹
90s LAZY相信敢博敢衝,夢想始終永遠不滅,真正的「懶」有態度!六位90後青年以行動證明自身價值,運用熱誠烹調最根本的味道,打造一片屬於90後喘息的飯堂。 繼續閱讀
營業時間
今日營業
12:00 - 17:00
18:00 - 22:00
星期一至日
12:00 - 17:00
18:00 - 22:00
公眾假期
12:00 - 17:00
18:00 - 22:00
公眾假期前夕
12:00 - 17:00
18:00 - 22:00
付款方式
AlipayHK 支付寶 現金
其他資料
網上訂座
切餅費 詳細介紹
電話訂座 詳細介紹
賞訂座積分
加一服務費
當面支付
有關獎賞計劃
食評 (67)
首先提一提大家😇佢地有𝟸間分店 𝟸間都喺旺角~𝙱𝚘𝚘𝚔左位嘅朋友仔記得唔好撈亂呀☝🏻.𝙵𝚘𝚕𝚕𝚘𝚠 @𝚑𝚔.𝚏𝚘𝚘𝚍𝚖𝚊𝚙 𝚏𝚘𝚛 𝚖𝚘𝚛𝚎 𝚏𝚘𝚘𝚍🍴.明太子蟹肉忌簾意大利粉 $𝟷𝟸𝟾 (𝚂𝚎𝚝)個𝚜𝚊𝚞𝚌𝚎好𝚌𝚛𝚎𝚊𝚖𝚢~意粉軟硬度適中 而且份量都幾好性價比高!懶人小食拼盤 $𝟷𝟷𝟾入面有辣炸雞翼 炸芝士條 炸洋蔥圈同埋炸粗薯條🍟全部都係炸物超邪惡😍炸粉都唔太厚 好脆好香口每樣嘅份量唔多 勝在每樣都有啲唔洗諗叫咩小食🤣𝙲𝚛𝚎𝚊𝚖 𝚋𝚛𝚞𝚕𝚎𝚎 $𝟺𝟾面頭嘅焦糖好香好脆!蛋香十分濃郁 而且甜度恰到好處👍🏻呢個燉蛋仲比起平時街外食到嘅份量大啲啲~𝙲𝚑𝚘𝚌𝚘𝚕𝚊𝚝𝚎 𝙼𝚘𝚕𝚝𝚎𝚗 𝙻𝚊𝚟𝚊 𝙲𝚊𝚔𝚎 $𝟻𝟾表面脆脆地 朱古力味好香濃🍫上枱熱辣辣一切開啲流心即刻流曬出黎🤤𝚆𝚊𝚏𝚏𝚕𝚎 𝚠/ 𝚒𝚌𝚎𝚌𝚛𝚎𝚊𝚖 $𝟻𝟸呢個價錢有𝟹件窩夫 仲要有雪糕抵到爛🤪𝙲𝚛𝚎𝚊𝚖蠻滑的 而且不會太甜!但我自己都係比較中意食厚身窩夫多啲🤣整體黎講 環境坐得舒服之餘食物味道同份量性價比都高喔🙌🏻 繼續閱讀
(以上食評乃用戶個人意見 , 並不代表OpenRice之觀點。)
等級8 2020-12-06
2130 瀏覽
同一個鋪位,對上一次嚟大概都3年前嘅事,店家叫「Master Kama」,印象都幾唔錯,原來已經結業咗,感覺有啲可惜。今晚興舊同學短聚食個晚飯,嚟到先知就喺呢個鋪位,轉咗手新店名叫「90s Lazy」,店主可能喺班90後,不過,搞得飲食,就應該唔會喺班偷懶嘅90後。上到餐廳前,樓下嘅門口位有啲防疫提示,作為負責任嘅人,當然做番足啦。此外,提一提,餐廳只收現金及PayMe,帶唔夠錢或無PayMe,就會出現無錢俾嘅尷尬情況。 踏進餐廳,分左右兩邊,感覺環境幾好,一室以白色為主調,配以淺木色餐枱櫈,甚有日系嘅裝修風。如果坐到近玻璃窗口位,附送街景。 餐牌都幾大本,而且,食物嘅選擇都幾多,由沙律、小食、意粉、意飯、漢堡、主菜、甜品……以至到和各式飲品,如咖啡、奶昔、沙冰、有機茶、梳打、酒精飲品,都叫做一應俱全。 此外,晚市時段,有晚餐可揀,A-I共9款,定價$92-$268。不過,再細心睇睇,餐湯或沙律需+$20加配,幾款指定熱飲需+$4加配,其餘特色飲品可以半價享用(唔包酒精類飲品)。而晚餐嘅9款主菜其實晌主餐牌都搵到,咁倒不如唔好咁複雜,凡晌主餐牌點主菜類,均可以加錢配湯、沙律、飲品咪仲簡單得多。 是日餐湯 +$20初頭諗住會唔會有啲特色嘅湯品,原來喺熟悉嘅羅宋湯,色澤深紅,睇落都幾對辦。舊同學話味道幾濃郁,酸香味十足,不過,明顯有過鹹嘅問題,所以,飲咗幾啖就放棄。 是日沙律 +$20小弟就揀咗沙律,反而沙律有點點驚喜,雖然沙律都喺一般嘅田園沙律,沙律菜、車厘茄,再淋點油醋,但唔喺得嗰細細兜,驚喜喺份量方面,再者,啲沙律菜夠新鮮嘅話都唔輸得去邊。 E. 蘆筍大蝦黑松露意大利飯 $110主菜我就揀個意大利飯,因為可以真正睇到師傅做菜嘅功力,睇樣真喺唔錯,啲飯粒微微濕潤,但賣過百嘅一道菜得一隻大蝦就感覺單薄少少,幸而,蝦肉都爽口鮮甜。啲飯除咗食到意大利飯嗰種煙韌感,黑松露嘅香氣亦不俗,仲混有唔少野菌同蘆筍,整體感覺唔錯。 F. 明太子蟹肉忌廉汁意大利粉 $128疫情關係,我哋盡量各有各食,「些牙」就免喇。其實呢款有蟹肉我都鍾意,不過,明太子就麻麻,而舊同學就因為有明太子所以揀佢,所以啦,食嘢人人口味不同,各花入各眼。佢讚個意粉做得好,意粉咬落柔韌,無過腍嘅問題,啲忌廉汁既香又綿滑,啱啱好包實晒啲意粉,當中嘅蟹肉算唔少,明太子就帶出一份鹹鮮味。 熱柚子蜜 +$4天氣有點乾燥,所以,舊同學就要杯柚子蜜嚟潤吓,現成貨沖出嚟,都無咩太多評語喇。 鮮奶咖啡 +$20因為點咗甜點,所以,嗌杯鮮奶咖啡嚟襯。拉手嘅手勢唔算好好,面面仲有好多泡,花紋未夠細緻及唔對稱,不過,唔喺晌咖啡店就唔會太高要求。反正,入口都幾醇香幼滑,都收貨架啦。 法式窩夫配雪糕 $52窩夫都喺小件形式,配上雲呢嗱雪糕(無其他口味)及忌廉,賣相就普普通通咁啦,而較失望喺啲窩夫唔熱(暖都稱唔上)又唔脆,忌廉都喺現成唧唧貨,質感比較瀉身,雪糕亦似喺普通貨色,感覺整道甜品都喺hea做。 環境及服務都喺好嘅,覺得餐廳都喺有心做,老實講,做咩都好,都要講誠意同熱誠,前者喺講用唔用心,後者喺講夠唔夠堅持。食物方面就仍有進步空間,相信再改善吓,出品嘅性價比應該可以更高。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-07
237 瀏覽
💛黃店💛見呢間係黃店 就諗住幫襯支持下 但係食物質素完全未符理想 真係一啲都唔好食 仲要落咗單等咗30分鐘 結果原來無落過單 又要再等多一段時間 雖然員工即時對歉 但係都真係比較失望ᶜʳᵉᵃᵐ ᴮʳᵘˡᵉᵉ $⁴⁸呢個焦糖燉蛋算係發揮正常水平🥚但係水平又未到好出眾 因為食過其他舖頭整嘅 有啲會更加好味 而呢間燉蛋嘅香滑度未到好滑溜 同埋焦糖濃度嘅味道唔太重 感覺上爭咗少少咁ᴺᵃᶜʰᵒˢ ᵂ/ ᵀᵒᵐᵃᵗᵒ ˢᵃˡˢᵃ $⁴⁸開頭睇menu以為係啲咩特別嘢食 原來係用咗嗰籃 裝咗ᴰᵒʳⁱᵗᵒˢ芝士味粟米片🧀旁邊有細細兜鮮蕃茄粒再加入嘅汁🍅其實係原裝買返嚟 好難會唔好食😂ˢⁱᵍⁿᵃᵗᵘʳᵉ ᴮʳᵉᵃᵏᶠᵃˢᵗ ˢᵉᵗ $¹¹⁸呢個懶人包就真係唔得🤦‍♀️全部嘢食都好唔新鮮 牛油多士好難食🍞食得出係隔咗好多日 然後煙肉唔係用靚嘅食材嚟整🥓完全食落係司華力腸嗰陣味 而雞蛋凍哂🍳嗰兩條腸仔都唔太好食 一大半隻蕃茄唔太新鮮🍅連薯餅都整得唔掂🥔沙津菜份量又好少🥗茄汁豆同粟米係罐頭嘢 所以都係好難唔好食 最後成碟食剩咗好多ᴴᵒʲⁱᶜʰᵃ ᴸᵃᵗᵗᵉ ⁽⁺$²⁶⁾跟餐可享半價優惠⁽原價$⁵²⁾ 第一啖都飲到比較濃郁嘅焙茶味☕但係之後都無咩茶味 只係有好淡嘅味道ᴹᵃᵗᶜʰᵃ ᴸᵃᵗᵗᵉ $⁴⁸呢杯唔太得 無咩抹茶味🍵而且兩杯latte嘅拉花 都比其他cafe拉得無咁令 總括嚟講 味道同賣相都真係好一般 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-24
1665 瀏覽
呢日出旺角食晏,我哋去咗位於山東街新開嘅「90s Lazy」,估計應該真係好新,因為冇幾耐之前我仲見到舊舖上手嘅招牌😳。我哋要搭𨋢上一樓先到達餐廳,一出𨋢就發覺環境超寫意,因為有好大片落地玻璃,雖然係街景,但都感覺開揚☺️。再者,餐廳好專業咁用透明膠幕將餐枱隔開,注重衛生嘅同時亦不忘維持靚靚環境👍。餐廳設有午餐餐牌,共七款選擇7️⃣,價錢介乎$58至$72不等,送指定熱飲,價錢都算合理。我哋一人嗌咗一個餐,連追加項目,再額外加多份小食,超級豐富呢🤤。安格斯牛肉芝士漢堡($72),🍔漢堡包賣相唔錯,最吸睛係大大塊芝士🧀。開初以為塊漢堡扒好薄,不過切開後發現相當厚,牛味亦算出。至於薯條🍟,我相信係餐廳手切,全部都係長方形、扁扁的,比起幼身薯條更有口感。溫泉蛋肉醬意大利粉($62),🍝呢碟意粉比我嘅感覺有啲似窩蛋牛肉飯,不過換咗做意粉🤣。溫泉蛋配肉醬好夾、好多汁,但略嫌意粉淋身左啲啲,勝在份量多。水牛雞翼($62),🍗呢度嘅水牛雞翼辣度同酸度啱啱好,夠晒惹味🤤,唔會過膩,不過如果旁邊加多兩條西芹就更佳。一碟得四隻,價格唔算平。午餐有加配選項,沙律同湯每樣各$15。呢日嘅湯係素菜蕃茄湯🍅,即使冇加到肉,湯品味道亦夠濃郁,甚至偏酸,但我鍾意👌。🥗沙律以前菜嚟講超大碟,抵食啵!不過後尾發現雞翼同漢堡包旁邊都有少少沙律,如果嗌呢類食物就可以唔駛追加沙律🙊。飲品方面,我哋要咗熱紅棗茶以及Oreo沙冰(原價$55),特飲可以以半價加配。前者套餐包埋的,後者沙冰打得好均勻,唔會冰到飲唔到❄️。總括嚟講,餐廳環境真係超舒服😇,食物出品OK,價錢係合理水平。我仲留意到餐廳嘅Logo係一隻可愛嘅貓貓嚟㗎🐱。最後佢係一間撐香港人嘅人店嚟㗎💛! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-18
1159 瀏覽
餐廳用上白色主調, 佈置放上好多迷你綠色盆栽及植物, 感覺小清新, 座位舒適,牆壁掛上相撲手的掛畫, 令人眼前一亮 , 透過玻璃窗可以看到波鞋街的璀璨 熱鬧夜景,十分樂在其中。安格斯牛芝士漢堡$88 牛肉漢堡份量十足,中間夾著 半溶芝士、 新鮮蕃茄和生菜及一塊厚切熱燙手打牛肉, 牛肉漢堡肉味香濃 , 包皮微脆香軟, 充滿牛油香氣, 配上熱熱呼呼的粗身薯條,別有一番滋味。蘆筍大蝦黑松露意大利飯$110 黑松露意大利飯口感濕潤, 帶微硬口感, 還有啖啖濃郁芝士和黑松露獨特香氣,配上爽甜蘆筍仔,及彈牙的大蝦 , 鮮味吸引, 十分欣賞。卡邦尼意粉$92幼身的卡邦尼意粉,口感煙煙靭靭 , 軟硬適中, 每條麵條都掛滿忌廉醬汁,配埋惹味煙肉,香味瀰漫口腔, 每口都令人津津回味。香辣炸雞翼(四隻)$52香辣炸雞翼外皮烤至金黃色 , 賣相令人垂涎, 外皮脆卜卜, 內裡仍然多汁嫰滑, 帶微辣,惹味過癮。芒果沙冰(跟晚餐, 可享用特飲半價優惠)芒果奶昔 ,清新馥郁,拌勻後 ,啜一口沙冰, 沁出蜜甜芒果的果香,十分迷人。 繼續閱讀
(以上食評乃用戶個人意見 , 並不代表OpenRice之觀點。)