52
4
1
港鐵太子站 B2 出口, 港鐵旺角站 D2 出口, 港鐵旺角東站 B 出口; 百老匯對出大廈入口 繼續閱讀
電話號碼
67446315
開飯介紹
90s LAZY相信敢博敢衝,夢想始終永遠不滅,真正的「懶」有態度!六位90後青年以行動證明自身價值,運用熱誠烹調最根本的味道,打造一片屬於90後喘息的飯堂。 繼續閱讀
營業時間
今日營業
12:00 - 00:00
星期一至日
12:00 - 00:00
公眾假期
00:00 - 23:45
付款方式
AlipayHK 支付寶 現金
座位數目
40
其他資料
網上訂座
Wi-Fi
切餅費 詳細介紹
電話訂座
賞訂座積分
加一服務費
當面支付
有關獎賞計劃
食評 (61)
等級4 2019-09-22
1100 瀏覽
喺網上見到呢間餐廳係新開,而且空間感十足,今日同朋友去試一次。地點係先施大廈,其實係先達中心嘅一房,入口對着百老匯電器店,所以也不算太難找。。點幾鐘去到嘅時候,餐廳不算太多人,推門走進去,已經看到了一個好舒適嘅空間,唔會似一般旺區嘅餐廳,把桌子排得密密麻麻,而且兩旁也擺放了一些別致的裝飾和植物,感覺也不錯呢。。坐在窗旁的環境不錯,不過當坐滿之後,感覺有點嘈吵了。。餐牌的設計很有心思,也很有質感,而且食物的名稱也非常有心思。。午餐(供應時間12點至6點)▪️黑松露野菌忌廉汁闊條麵$58▪️蒜香墨魚仔炒扁意粉$62▪️我唔想諗 No idea $52窩夫炒蛋法蘭克福腸煙肉茄汁豆沙律.闊條麵炒得比較油膩,黑松露不算太濃郁嘅香味。墨魚仔意粉的蒜香味十足,可惜墨魚仔只有三小隻,感覺性價比不算太高。All day breakfast 不過不失,但係窩夫就有點甜,都算抵食。。➖小總結:環境係幾cozy食物仲有進步空間見到張單寫住「香港人加油」即刻加番啲正能量一間有心思嘅餐廳 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-29
1400 瀏覽
還記得剛剛中學畢業的時候,經常在openrice尋找一些熱門的樓上cafe,到了現在原來已經很久沒去過了,還真令人懷緬。想著想著,不如重拾當天那份美好,再去光顧一下。90s Lazy在百老滙電器附近的先施大廈,開始聽到這個名字還以為這座大廈下真的有先施百貨😂原來並不是。在近窗口有層薄薄的雪紡窗簾,天花又有些假草在上面,更顯優雅氣息,就這樣看照片也覺得超正的。環境也很寧靜,座位與座位之間有一定的距離。Dinner set的價錢都很便宜,有些一百元以下就可以了。意粉和意大利飯也是,十分經濟實惠。常常cafe喝梳打、奶昔等特飲,這天喝喝茶也不錯,花茶有數款,不同的花茶對身體也有不同的作用,我選擇了補血安神的紅棗杞子桂圓茶。一打開茶蓋就知道十分足料!還真的有數顆紅棗和很多杞子在裡面,喝進口也不算太甜,如果自己有空,去買一些花瓣和茶葉在家沖茶也不失為一件美事。男朋友點的青蘋果梳打則較甜,不過勝在有濃郁的青蘋果味,平常我們也很少能吃到青蘋果,如果在青蘋果梳打中再加入一些青蘋果肉讓客人品嚐一下就更好。這裡的香辣炸雞翼超有水牛城雞翼的feel,但又不是完全的水牛城雞翼,有點兒辣,有大量的香草,令雞翼更加香口,雞翼也被炸至脆卜卜的形態。用$88就能在這裡吃到黑松露芝士野菌闊條麵,真的超級划算!黑松露的份量非常多,芝士應該是和忌廉汁融合了,使我吃闊條麵的時候也感吃到一點芝士味,整個闊條麵就是很creamy的口感。很久沒吃過菠菜了,在這裡竟然能吃到呢,很是健康,然後配上煙三文魚和帶子實在是很新鮮的配搭,在闊條麵中同時吃到本身偏鹹的煙三文魚和新鮮爽口的帶子,口感非常豐富。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-23
1043 瀏覽
近排特別鍾意搵啲環境好綠化同舒適嘅餐廳~上網見到旺角呢間新開嘅類似樓上cafe~身為旺角人,點都要去會一會佢~位於先施大廈4樓嘅深處~先施大廈係舊式大廈~雖然喺搵呢間嘢嘅時候有啲驚~但當你入到去嘅時候,心情即刻唔同晒~店舖不大,但好空曠~啲枱唔會放到密麻麻~原本諗住新張,地方又唔係太易搵,應該未多人~但當晚都比想像中多人喎~每一張枱都放置咗好靚嘅植物,令人心情放鬆~Menu選擇不太多~我就揀咗香煎三文魚扒~外貌吸睛~一見到令人食慾大增~好大塊,煎到啱啱好,調味恰到好處~朋友揀咗明太子海膽扁意粉~雖然外貌平庸,但食落有驚喜~第一次覺得海膽熟咗都咁好味~扁意粉非常有口感~而醬汁做得非常出色,形容唔到係咩味道~但係好好味,不禁咁想食多幾啖不過碟意粉係我朋友嘅....我都食咗佢4分1實在有驚喜~再另外加多個炸魷魚圈及炸洋蔥圈~呢碟炸魷魚同洋蔥圈普通咗啲~係差一點沙律醬?泰式辣醬?不過整體嚟講係好食架~相信呢間餐廳係一班90後年青人開嘅~(我估)90後煮到咁好味嘅嘢~令我喜出望外~我會再嚟幫襯佢哋架~ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-07
501 瀏覽
好耐冇嚟過旺角啦!呢個咁青春嘅地方, 今日就約咗朋友食晚飯。餐廳位置比較隱蔽,我同朋友去咗先達廣場,沿着扶手電梯上3樓之後再轉升降機到4樓,有啲轉折。其實唔使咁麻煩架!離開嘅時候發現,只要直接去先施大廈,搭升降機就可以去4樓,一出lift 門就係啦。今日遲咗出嚟,到達餐廳都已經八點,好肚餓呀!先叫個前菜頂住個肚先。叫咗水牛雞翼,賣相唔錯,四隻雞翼隔離仲有少少沙律拌碟。一食落去,水牛雞翼係帶着微酸嘅醬汁,熱辣辣都唔錯。跟住落嚟就係主菜啦,我要左三文魚蟹子扁意粉,朋友就叫咗青醬帶子意粉。青醬即係pesto, 鹹鹹地好好味。帶子唔會太硬,這一點值得一讚。我嘅三文魚意粉呢,撈埋蟹子好好味,另外睇得出廚師嘅心思,意粉上面其實有細細粒嘅翠玉瓜,增加口感,唔錯!嘢飲我就叫咗菊花杞子茶,店員好細心咁主動俾兩個杯仔我哋一齊分,雖然茶其實就冇咩味...朋友叫咗凍檸茶,味道正常。另外,餐廳環境方面,行嘅係簡約台式Cafe路線,好寬敞,白色嘅牆身配襯住大葉嘅綠色植物,感覺好舒服。頭頂嘅風扇慢慢轉,涼風緩緩吹過,有一刻真係以為自己去咗台灣啊。估唔到繁囂嘅旺角有一間咁舒適恬靜嘅餐廳,下次都會考慮同朋友嚟,可以慢慢坐,慢慢傾計。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-10-07
0 瀏覽
叫左個All day breakfast B2 同午餐E服務好好 最欣賞就係個環境 簡約日系風格 打卡一樓!係新型既cozy cafe好靚好舒服😌Super cozy restaurant with amazing services and food, give me a sense of home 🏠 The best restaurant not only serve good good but good service and eventually good relationship and this one nails it 🥰All day breakfast幾好食 可改善既係隻炒蛋唔洗咁熟不過個飯有點偏酸但性價比都算係咁 不過不失啦😋😋 繼續閱讀
(以上食評乃用戶個人意見 , 並不代表OpenRice之觀點。)