3
0
1
電話號碼
5540 2613
營業時間
今日營業
11:00-15:00
16:00-21:45
星期一至日
11:00-15:00
16:00-21:45
付款方式
現金 八達通
座位數目
60
其他資料
Wi-Fi
酒精飲品
加一服務費
食評 (6)
等級1 2017-07-13
0 瀏覽
上星期同一班同學聚舊,一齊食餐飯,見佢個環境唔錯,諗住去試下啦。可能是平日的關係,等左一陣就有位。入到去,我同啲同學分別叫左雞扒肉燥飯同麻辣餃子麵,個賣相都還可以,但是味道真係非常唔掂,我自問係一個唔揀飲擇食既人,正正常常我都已經覺得好好食,但尼間真係唔會再幫襯。首先講左個餃子麵先,個湯底少到嘔,得個兩啖,完全蓋唔過啲麵,失去湯麵既精髓。個麻辣湯底得個香字,完全唔辣,不過我個人唔係太食得辣,尼個可以接受。到個雞扒肉燥飯,完全係乾同無味。個雞扒係乾到可以拉絲,炸粉多過雞肉,個肉燥係完全無味。。。相比起個價錢黎講相當唔值。當然,好唔好食都係見人見智,可能我個日味覺失調😢。但係無法接受既人啲侍應竟然係個floor到食野,跟住再去serve人。。。基於衛生問題,真係非常唔能夠接受,如果你係肚餓或者口痕,可以入一入廚房食少少再出黎或者企埋一邊食埋先,而唔係一路食一路serve人。。。講咁耐,尼間野係唯一個環境設計靚啲稱得欣賞。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-07-11
208 瀏覽
呢間餐廳在T TOWN不算太熱門,雖然價錢略貴,但勝在不用等位+座位好闊落,對於有BB的家庭是一間好的選擇。門口貼住下午茶餐牌,不過沒留意到原來星期六日是沒有下午茶餐,算了,既來之則安之,照叫野吃了,叫左招牌麵--紅燒牛肉麵,吉列豬扒麵,雞扒肉燥飯。紅燒牛肉麵味道一流,雖然有很深的醬油色,但不會過濃或過鹹,湯底清甜之中帶微辣,麵條吃落十分彈口,牛肉都厚厚肉,又炆得入味,整碗麵散發出陣陣牛肉香。真係一個字:正吉列豬扒麵麵+湯底同上,豬扒普通,味道一般,份量都幾多雞扒肉燥飯雞扒炸得非常酥脆香,同它餐牌形容的一樣,外酥內軟,雞肉唔鞋,非常正肉燥唔算太肥膩及入味,味道較淡,白飯略硬,中間還有三小碟:青瓜、豆芽和辣椒醬,餸送飯更為豐富 繼續閱讀
(以上食評乃用戶個人意見 , 並不代表OpenRice之觀點。)
等級1 2017-07-01
102 瀏覽
見佢新開一心入黎試下啦,叫左個切斷了椒鹽排骨肉燥飯,等左好耐終於有野食😜一上到枱果然"切斷了"😂😂😂個肉燥飯都大,個賣相都吾錯,但食落無乜味,都吾似肉燥飯,好似平時自己屋企煮啲碎肉粒咁,而個排骨都算入味,但有少少鹹。可一不可再😕 繼續閱讀
(以上食評乃用戶個人意見 , 並不代表OpenRice之觀點。)
等級3 2017-06-26
93 瀏覽
樓下商場開了一定新的台灣餐廳,旁邊也是新餐廳啦!見這邊人龍比較短就入來試食一下。由於試業期間,咖啡餃子都沒有,原本想點一個魯肉飯,服務員說飯是單點沒有飲品,結果就改點了一個雞扒麵加杯凍檸茶,盛惠$58。雞扒─我覺得咸了點麵─都彈牙,有點像烏冬的質感,份量少了點。湯底─是牛肉湯吧!凍檸茶─讚。因為不是很甜值得一提,有蒼蠅飛來飛去,我覺得不是好時光囉=.=.... 繼續閱讀
(以上食評乃用戶個人意見 , 並不代表OpenRice之觀點。)
等級3 2017-06-24
78 瀏覽
餐廳新開試業,今日放工就同家人一齊黎試下。用cafe 為題,所以裝修都偏休閒風,坐位都闊落,餐檯都好大張。雖然係有少少人龍,但係等左大概十五分鐘都已經可以入去,唔算等得耐呢間舖頭主打係食牛肉面,不過因為我個人比較鐘意食牛筋,所以就叫左麻辣小辣牛筋面。因為想要飲野,就叫一個五十八蚊既set。野飲可以唔洗加錢有凍飲,要左杯凍既西洋菜蜜。都唔洗等左好耐就上菜,首先黎既係飲品。水吧好足料,落左好多西洋菜蜜,但係真係甜左少少⋯⋯所以等多陣等d 冰溶多少少先沖淡再繼續飲。牛筋面上菜後真係好驚喜,個面放得幾好,野食放得靚靚胃口都好dd 面質唔會太林,有d 彈牙。但係夾黎食又唔會sir 黎sir 去彈到d 湯周圍都係~至於牛筋好林、好香!但係唔知點解個芯係紅色⋯⋯但係牛筋既然炆得林既又一定熟架,係唔係牛筋個芯本身就係紅色⋯⋯?不過因為有d 不安所以我都放棄左個舊牛筋唔知係咪餐廳岩岩開張所以有d 亂,我個面都食緊啦又上多個牛筋面。所以我都有少少懷疑其實我係咪食錯左人地個餐,因為我明明叫小辣都真係有d 辣。overall 用餐體驗都係好既,野食都係好味既 繼續閱讀
(以上食評乃用戶個人意見 , 並不代表OpenRice之觀點。)