23
4
4
電話號碼
55402613
營業時間
今日營業
11:00-22:00
星期一至日
11:00-22:00
付款方式
現金 八達通
座位數目
60
其他資料
網上訂座
Wi-Fi
酒精飲品
賞訂座積分
加一服務費
有關獎賞計劃
食評 (35)
等級4 2017-11-13
175 瀏覽
朋友住在天水圍,早幾天便專程來到天水圍找她吃吃飯聚聚舊。這間台式cafe位於T Town入面,是天水圍算是比較新的商場。餐廳環境佈置也很文青很舒服,適合和朋友聊天吹水。看到menu後,發現這裏的食物款式也很多,價錢也不貴,我們便點了多款一起分享。先來了飲品,朋友點的是玫瑰草莓沙冰。而我則點了水果茶。水果茶的分量相當驚人,根本就是二人份,一個人不可能喝光吧。先是來了這一碗紅燒牛肉麵。這碗牛肉面的牛肉分量也很多,而且牛肉又軟又嫩,很不錯。不過湯底的味道則比較普通,沒有一般牛肉麵濃濃的牛肉香氣,而且麵條也不夠彈性,比較軟身。鹽酥花枝丸。一共有6粒,炸得頗香脆,而且的確很彈牙,有花枝丸該有的鮮味,不錯。再來一份鷄扒肉燥飯。這份肉燥飯味道不錯,鷄扒香脆可口,皮脆肉嫩,肉燥飯的肉燥分量很慷慨,而且肉燥不會太油太鹹,只是飯粒過濕了一點。炒上鐵板起司牛肉麵。聽到名字感覺很有趣的一道,炒牛肉麵以鐵板呈上,再淋上芝士。不過鐵板并非燒熱,所以上桌時也不覺牛肉麵特別熱。而且芝士醬味道不太像芝士。不過炒牛肉面本身是挺好吃的,麵條彈牙,帶有牛肉的香味和醬汁甜甜的味道。牛肉也很軟很入味。最後我們還點了一份冰花餃子。外表已經感覺很吸引,味道確實不錯。餃子煎得很脆身,而餃子餡卻很juicy,每顆餃子也很飽滿。整體來説,食物質素還好,不過坐得舒適,價錢親民,也是和朋友聊天的一個好選擇。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-19
1133 瀏覽
文青風最近真係愈吹愈熱,身為好in既一份子,我都即刻跑到天水圍T Town黎打卡離遠已經見到呢間8090好時光,因為佢既裝飾太EYE CATCHING啦!入到去,仲發現好多大枱上面會放D有趣小裝飾,好似成個摩天輪周圍都係影相位黎之前上網做左工課,諗好食二人餐ORDER完先發現埋其他食評無提到既疑似新MENU.... 下次再試啦唯有!!!坐左無耐黎左呢幾樣野先:紅燒牛肉麵紅燒牛筋麵花枝小丸子墨魚腸片與高麗菜我食紅燒牛肉麵, 湯頭係有D甜味既, 偏台南風味, 牛肉好大塊好林, 麵彈牙朋友食紅燒牛筋麵, 佢冇出聲,不過默默清晒成碗, 應該, 好好食吧花枝小丸子 炸粉薄脆, 花枝丸又爽口又足料, 比想像中好食墨魚腸片與高麗菜不過不失啦, 如果高麗菜煮得再林D會仲正黃金煎餃子 唔夠香脆, 似上海煎餃飲品有驚喜, 鮮奶咖啡上黎個樣唔靚, 但朋友一路飲一路話好香我個熱朱古力豆漿, 超!好!飲!佢一上黎個樣係靚到爆, 諗住得個樣我都受架啦,點知一入口,係超濃朱古力味, 仲有粒粒半溶朱古力係入面.如果一定要搵一個缺點俾佢,可能係佢卡路理應該唔低law...我地見食物咁對路,encore多個甜品, 簡左個名好有趣既"900秒等待-豆腐花"佢係會係你面前例d豆漿果d入個器皿,等個沙豆計時時間到,個豆腐花就係你眼前形成啦!自己加甜完成品係熱熱地,又好重豆味,真係估唔到一間文青cafe可以做到熟食又好,甜品更好而且d staff服務都唔錯, 我地食完坐係到對住個靚景傾計都無黑我地面下次再黎試埋個新出既火鍋同周圍好多人order既楊枝金露先 繼續閱讀
(以上食評乃用戶個人意見 , 並不代表OpenRice之觀點。)
好台風味 焦點食評
等級4 2017-09-02
2646 瀏覽
又來到天水圍探朋友嘅日子,呢個商場裝修翻新之後多咗好多新嘅餐廳,其中呢一間好似充滿台式風味,感覺不錯,我哋就入去試吓。食物選擇不太多,但價錢不貴頗吸引。兩個女仔食得唔太多野,叫咗一碗麵加啲小食就足夠。紅燒牛肉麵,麵夠晒彈牙,湯底幾濃郁,牛肉雖然切得很大,但煮得好淋好入味。中間仲有少少牛筋好滑。質素比起台式連鎖店好!幾十蚊算是很不錯!椒鹽花枝丸亦都很大粒!即叫即製,十分香脆熱辣辣!花枝丸不太粉,中間有少少花枝很彈牙。另外叫咗個台式墨魚腸煮菜,墨魚腸很甜很QQ!菜也很甜,這個配搭頗特別!見到另外一台有人飲水果茶,超級大杯!我哋決定兩個女仔share!水果茶茶味濃郁不太甜,但重點是加了一些玫瑰花瓣,令茶味中滲出一些玫瑰味,很香!再配上一些新鮮生果,很解渴很透心涼!個人認為最值得讚!甜品要左300秒豆腐花!意思係職員將豆漿加入茶壺內撞,等300秒就會成為即製豆腐花!旁邊仲有個沙漏計時器。過程令人十分期待!時間一點一滴好快過,打開茶壺蓋,鮮制豆腐花已經成型。想不到真的很滑!有濃郁的豆味!水準十分高!這個甜品令人又驚喜又滿足!雖然點嘅餸菜唔多,但每樣餸菜都水準不錯,會有下次的! 繼續閱讀
(以上食評乃用戶個人意見 , 並不代表OpenRice之觀點。)
偽文青一下 焦點食評
等級4 2017-08-28
1568 瀏覽
好日都唔去天水圍,有個商場係頌富叫天town,今次係肥仔帶我去食台灣野。餐廳裝潢有D文青FEEL,有樹係出面。二人套餐,$228每碗配料一款牛腩台灣麵牛腩好淋,仲有4-5舊,都幾大份幾入味!香酥雞扒台灣麵炸得幾香口,不過D肉可以再鬆化D就好。花枝小丸子新鮮炸,皮脆,椒鹽味重黃金煎餃子餃子煎得金黃色,又不會太熱氣墨魚腸與高麗菜配搭特別,墨魚腸黑媽媽, 墨魚腸味道都幾出,菜幾多,唔太油。朱古力豆漿好似幾特別叫黎飲下,唔伏既,不過唔係太特別。草莓玫瑰鐵觀音茶 $34原本想叫珍珠奶茶,但原來冇!有點失望!原來係支裝上,玫瑰味重,而且有玫瑰花粒,加上椰果肉和荔枝肉!推介!古早牛肉小食拼盤$56牛腩和牛筋煮得柔軟,味道亦十分重,超級多,飽到傻左!!推介!楊枝金露好大碗,入面好多果肉,唔酸,幾好食WOR又!兩個人食左$300左右… 飽到傻左。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-08-23
1222 瀏覽
商場自改名天town後很少過來,發現食店的裝潢挺有心思,尤其是8090好時光,讓我想起當年的仙桃園,有一個露天花園似的位置,不約而同地亦是台灣料理,價位跟連鎖台灣麵差不多,可以一試。內裡的佈置亦很有心思,有台灣cafe的感覺,唯獨衛生一般,枱面和食具都「痴笠笠」,扣分。晚飯時間有二人至四人套餐,實惠且豐富。散點加錢亦可換購特飲,所以要不要點套餐我自己覺很沒差多少。老公例牌點紅燒牛肉麵,上桌視覺上很不錯,比茶木更精緻(但餐盤依然痴笠笠...)份量極大,男人亦覺得飽,值得一讚。牛肉煮得火侯十足,入口即溶,極之入味。湯頭用了不少羅漢果餚製,我覺得是稍甜了一點,不過牛肉和蘿蔔等就正因為這樣覺得特別好吃(笑)面對彈牙,口感不錯,和牛肉一樣份量超多!正宗不正宗我不敢說,只可以說是對胃,價錢OK,值得一試。異曲同工的有這個火鍋牛肉麵,火爐仔熱住上,熱辣辣的,貴$20元左右,分量更大,推介給大胃王!牛腱、牛筋加肥牛,麵條另上,湯底可以選擇紅燒,麻辣或蕃茄,因為老公和老爸都決定要紅燒所以試不到另外兩款的水準,同樣地,紅燒偏甜,那就看看個人喜好了。童叟無欺,超級多!火鍋內有數片肥牛和蔬菜,湯頭和麵條一樣是紅燒(不知道可不可以火鍋和麵條要兩款不同呢?)飯類都有幾分選擇,這是椒鹽排骨肉燥飯,又是超級大碗(笑)單看顏色,自覺肉燥有點不對辦,事實味道不差,但說台式肉燥的話,就不是那回事了,米飯用上珍珠米,飯味不俗的。椒鹽排骨用上豬肋條,肉不算多,但烤至乾身,帶焦香,少許椒鹽灑上面,甚是惹味。另外加了一客小食,炸紫薯餅,是不是台式我就不知道啦,紫薯蓉滿瀉,味道非常不錯。以為一客兩件(餐牌是這樣)但原來有四件!頓時覺得賺到了(笑)誠意推介這一款!除了衛生,有一點我覺得最不解的是台式餐廳沒有台式飲品!欠一杯冰凍的珍珠奶茶,總是覺得不夠完滿。點了一壺蜂蜜菊花鐵觀音,和朱古力豆槳,不過不失,但心願未了。本來打算一試他們的台式甜品,不過因為沒料到正餐份量如此巨型,太飽了就留待下一次吧!餐廳食物和環境服務都不錯的,希望衛生方面可以改善和快點加珍珠奶茶到餐牌吧! 繼續閱讀
(以上食評乃用戶個人意見 , 並不代表OpenRice之觀點。)