8 MILES Bánh Mì Cafe

營業中

休息中

58超大份 餡料好足！超多肝醬超多豬手超多醃蘿蔔！豬手味道好！整體調味不算濃，真係好食 唔值錢嘅青瓜香菜反而比得少 肉就比好多！好實在！冇食過咁平嘅越式發包！真係唔買唔知有幾大份！

之前朋友介紹話法包幾好食，今次係附近特登過去買。店主（應該係）都幾nice, 可能驚我唔滿意要等，一order 就解釋係即整，要等一陣，跟住再問我o唔ok🤣👌即整真係好好食，個法包好脆！一咬就咬得開，佢啲配料都好好食。 蘿蔔絲係輕輕醃過，有少少酸酸甜甜咁，成件事好fresh 。如果要辣，佢就會加啲辣椒係入面，上次朋友share 左少少俾我食，我覺得幾辣下（我係食到少少辣嘅人）。如果個日唔係太餓，呢個法包當午餐係岩岩好。

一直有bookmark這間餐廳剛巧在尖沙咀辦完事後便過去試一試舖面勁細小門口有枱仔同廚房旁邊都有少少企位for堂食但我最後都係外賣去附近食小店食物選擇只有法包一樣但口味就會按個人調整無論係法包定咖啡老闆都會好細心問你想食乜唔想食乜口味加以調整法包內有豬手粒、肝醬同各式蔬菜豬手粒彈牙不會過咸肝醬軟滑而且是厚厚一層, 絕不hea做蔬菜亦新鮮爽口法包前後都是各焗熱一次塗肝醬後一次, 鋪滿食材後又一次One man band 心機嘢值得等待現場食應該會更好食老闆都有提醒要盡快食天氣凍又行咗十分鐘先食果然無咁熱同脆口了咖啡都是好飲的越南咖啡老闆問了口味建議了正常偏甜一點點我認為很適合呢希望更多人認識這間小店吧因為真係好好食！

Been here twice now in two weeks, it was at first just a random pick cuz I only wanted Banh Mi, second time, I definitely went back on purpose!The bread was crunchy and soft 10/10!Homemade pate was flavourful and just the right amount along with all the other pickled vegetables, it was really yummy!I recommend just eating it there as it comes out of the oven, you won’t regret it!Openrice wants me to describe my dining experience but the shop isn’t really a traditional restaurant where you sit in

整體幾好食。係睇到有心機嘅小店👍🏻老闆會細心問要唔要芫茜同辣⭐️法包脆，⭐️肝醬而香濃，⭐️豬手唔柴調味適中，質地微微膠爽，⭐️蘿蔔絲清淡微酸甜，唔會好霸道，配料（包括肝醬）會放遍全個包，唔會食到頭同尾冇配料👍🏻😋，呢種細節都做足但啲蘿蔔絲上面會再灑上胡椒粉，胡椒味有啲啲搶

This place doesn’t disappoint and what a great discovery on this little street. The Bahi Mi is stuffed with the most flavourful fillings. It’s so DANG good! They are very considerate in asking if I prefer spicy or non-spicy, with or without coriander. I am probably going to crave for it every week now. 😋

去開尖沙咀攞嘢，行過發現一間小店，得一個Menu老闆一腳踢，即刻要支持吓💪🏻🥖個越式法包用料好足🍖滿滿嘅嘅扎肉、內臟等材料🥕啲紅蘿蔔醃過甜甜酸酸，唔鍾意食紅蘿蔔嘅，我都覺得好好食。最出奇係個法包，估唔到可以咁香脆又軟熟🥖問老闆先知原來係特別訂做嘅手工法包😮 食晒成個法包都幾飽，希望未來可以推出半份🤣Bánh Mì 越式法包 $508 MILES Bánh Mì Cafe📍 尖沙咀漆咸圍2-4號金時商業大廈地下6號舖(港鐵佐敦站D 出口, 步行約8分鐘)

好有誠意的一個 Banh Mi. 用料非常足，豬手唔肥有咬口，homemade pate 好好味亦都好 generous. 配菜多得來又唔會爆瀉，老闆亦都好細心，將個包包放喺個盒入面，喺車度食都好方便，因為有抄牌，我哋要兜個圈返嚟，老闆仲細心到將我哋嘅包包放喺焗爐keep 住熱，仲攞埋上車俾我哋，super 加分! 打開食的時候個包包鬆脆又熱熱哋又唔會un，咖啡唔會太甜咖啡味啱啱好。見到廚房裏面都好乾淨企理。應該係我喺香港食嘅 Banh Mi 暫時最好味，值得專登揸車嚟買，會再嚟。

呢排呢間小店好hit老公係咁叫我去食今日終於買個外賣同一時間有四五個客都等緊因為我怕辣，所以冇加辣椒但我見其他客都有加辣椒如果唔怕辣嘅，要試吓加辣椒，應該會好惹味啲蘿蔔絲醃過好味道啲扎肉唔會好肥肝醬好香，味道好濃郁最驚喜係佢有豬手粒係近德國豬手嘅做法唔會過鹹，有啲啫喱感完美提升成個法包嘅口感而個包本身應該都好好食可惜我搭左程車返屋企先至食如果即場食，我相信會脆到不得了我下次要試吓即場食一次仲要試埋佢嘅越南咖啡先！

尋晚喺排拉麵店嗰陣聽到有人話對面間包好食 就過咗去買佢個包係做到脆口入面啲肉有好多肉汁表面啲菜同汁都好香 啲肉有呢啲加成就唔會變乾最重要係只需要50蚊，就可以食到啲俾心機做嘅出品強烈建議大家可以過嚟試吓利申尋日第一次買👍🏻

最近喺社交媒體網站見到呢間店，喜歡越南法包嘅我梗係要黎試吓啦。小店位置比較隱蔽，又唔係太近地鐵站，但係為咗食好西，我唔怕行！餐排得一眼睇晒，得幾樣嘢，好精! 我就order咗法包(50蚊)再配一杯熱滴漏咖啡(貪佢加配減5蚊)，老闆好細心問煉奶甜度同法包辣度，等咗10分鐘左右，新鮮即製嘅越南法包就係眼前喇，目測已經好爆餡，食第一啖最突出嘅係胡椒粉，豬腩肉都好香，唔san嘅豬潤仲正，仲有青瓜蕃茄，同少少辣椒，成個包都好軟，唔會人刮口，軟硬度適中，每一啖都好享受，值得推廌，下次經過一定會再試支持小店

越式法包 $50 推推⭕️-🥖（🍅🥒🥕豬手 扎肉 肝醬）即場整 個包外皮酥脆 煙韌 裏面軟熟超足料 多到跌曬落街🤣-豬手好夠味 鹹香鹹香 最緊要個皮 煙韌彈牙 少少漿住嘅質地！個肝醬味唔特出 但配埋都夾-有好多酸蘿蔔青瓜 增加爽脆口感之餘又消膩少少辣味 好惹味 加埋芫荽仲香！🤭一個食曬都得 做lunch 嘅話-整體嚟講係 好食又抵食嘅法包$50 細食嘅可以share 又平d 一人小店 服務好 又俾🪑又開風扇🥹有咩要求老闆都會滿足e.g（爆多荽）(分幾修）🤣會encore !-

近期好似開多咗賣越南法包嘅外賣店，之前都介紹過大角咀嘅蔥仔同屯門嘅Tuen Mun Baguettes，今次呢間就喺尖沙咀😯 餐牌好簡單，得越式法包同3款飲品，店面都相當之細，有個小窗口可以睇到成個越式法包製作過程，當日夜晚去買，落單之後等咗10幾分鐘，老闆見我哋企喺門口等有啲熱都專登開咗風扇吹住我哋🙈 仲叫我哋下次早啲電話落單，咁就唔使等咁耐🤩•🥢 越式法包 $50成個法包🥖都幾大條，餡料好多好滿，食完一個都好夠飽，$50係相當抵食！我同朋友都好鍾意呢間個法包嘅質地，外層薄脆，同時入面係好軟，有別於一般好硬嘅法包😋 之前食過嘅越式法包都係醃蘿蔔、青瓜、札肉同烤肉，但呢間就用咗豬手，豬手鹹鹹地，又幾特別，而且肝醬同醃蘿蔔都好多😍 不過如果醃蘿蔔再酸返啲就更好啦～

越式法包 $50法包饀料有豬手、扎肉、醃蘿蔔、青瓜、蕃茄同肝醬。麵包新鮮熱辣又脆口，質感唔會過硬👍🏻 豬手肥瘦適中，唔油膩，而且切成粒狀，增加咗口感；肝醬係老闆親自調製嘅，唔腥，但略嫌唔夠香。〰️〰️〰️〰️〰基本上小店係冇堂食，只係有2張櫈仔比你坐係舖入面涼吓冷氣速食，我哋去到嗰陣咁啱有客坐喺舖裡面食緊，老闆好好人，叫我哋唔介意嘅話，可以企係佢前面cashier位食，仲夾埋一部風扇仔比我哋吹吓☺️小店得一款法包同三款飲品，我哋只係叫咗一個法包share，老闆仲好貼心咁幫我哋分咗2份，等我哋易啲食。味道上嚟講，之前介紹過嘅葱仔比較出色啲，但呢間嘅法包味道唔錯之外，仲食得到老闆嘅用心，係一間值得支持嘅小店😌〰️〰️〰️〰️〰️食物: 4/5性價比: 4.5/5 環境: 3/5服務: 5/5Revisit: Yes

第一次經過見到俾個門面吸引，好有外國feel 既設計，但可惜岩岩食飽咗，第二次經過就試一試，本身好抗拒內臟既味道，但老闆誠意推薦醬係自己親手洗，親手做唔好有奇怪味，豬手亦親手挑選一啲瘦既肉俾我，果然肝醬好有驚喜，配搭醃製蘿蔔絲加扎肉，味道好夾，法包即焗脆卜卜，配一杯越式凍齋啡，咖啡既味道好香，同喺越南飲到既一樣出色，會再支持，多謝老闆既堅持，如果唔係都唔會試到咁出式既肝醬如果可以食到辣既人，建議加小小辣椒，味道更出色