210
9
6
港鐵銅鑼灣站 C 出口, 步行約3分鐘 繼續閱讀
所有分店 (2)
電話號碼
29702088
開飯介紹
來自台灣的台式火鍋專門店,有多款不同湯底,大部分食材均由台灣入口。除招牌臭臭鍋外,亦有芝士牛奶鍋及臺式麻辣鍋,全部皆以一人一鍋形式供應。 繼續閱讀
營業時間
今日營業
11:00 - 00:00
星期一至日
11:00 - 00:00
付款方式
Visa Master AlipayHK 支付寶 現金 銀聯
其他資料
自帶酒水
切餅費
當面支付
食評 (237)
等級4 2019-08-28
716 瀏覽
食過尖沙咀那間分店後一直念念不忘臭臭鍋的味道,所以今日放工就相約同事一起到銅鑼灣這間分店食,開心一下!餐廳好有空間感,唔會有好迫的感覺。餐牌有9款不同味道的鍋可以選擇,同同事可以一人一鍋唔駛爭!除了有鍋物,還有些小食和飲品可以選擇!沙茶牛肉鍋,這個湯底味道都幾濃,好香沙茶味!配料也有很多,包括牛肉、米血糕、牛丸、甜不辣、娃娃菜、粟米等,當中甜不辣和米血糕口感煙煙韌韌,蔬菜吸收了沙茶湯底的味道特別惹味!招牌臭臭鍋,每次黎這間餐廳都會叫呢款,臭臭鍋可揀辣度,而我就點了小辣,湯底有台式臭豆腐的特別味道,再加上有少少辣,所以湯底每次都會俾我用左黎送飯,好正!而配料有豚肉、臭豆腐、大腸、沙白、豬紅等,豚肉都有好幾塊,豬紅滑口入味,大腸都好濃滷水味,沙白雖然細粒但都好鮮甜!滷肉飯,我同朋友都把跟鍋的飯加$12轉做滷肉飯,滷肉粒都幾大粒,而且好入味,份量都算多。只是滷肉都可以令人食哂成碗白飯呢!鹽酥雞,這裡的鹽酥雞會有埋雞皮,脆口得黎又唔會太乾身,椒鹽份量都好夠!水蜜桃紅茶、檸檬冬瓜茶,前者味道夠濃,茶夠濃郁,有淡淡的水蜜桃味,唔會好淡!後者有點點檸檬的酸味,味道甜甜的,用黎解辣唔錯!這間餐廳不論一個人黎或者同朋友一黎都會食得好開心! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-22
696 瀏覽
天陰陰,個人攰賴賴,這個下午突然好想食D熱辣辣的鍋物,即時諗起8鍋。午市套餐$88~可在9個鍋中揀選一個,另可選飯或粉絲和飲品, 今日我揀了 藥膳羊肉鍋,J揀了台式麻辣鍋,但其實都是一起share!藥膳羊肉鍋~材料有娃娃菜,羊肉片 ,台灣貢丸,山香菇,椎山, 翡翠魚豆腐 ,粟米,沙白, 油豆腐,金針菇,炸支竹 ,粉絲,名門卷, 鴨肉丸和素鮑魚!很喜愛濃濃的藥材味道,羊肉片肉質柔軟,而且份量不少,台灣貢丸超彈牙,粟米超甜!其他菜蔬索滿藥膳湯汁非常美味!食完成個人已經充滿能量la!臺式麻辣鍋~ 娃娃菜,牛肉片,麻辣餃,甜不辣,福州魚蛋,豬紅,沙白,米血糕,大腸,魷魚圈 ,凍豆腐,金針菇,炸支竹 ,泡麵 ,鳴門卷和青豆角!其實每個鍋底的材料大致相同,但湯底卻不一樣!麻辣湯麻和辣的比例剛好,好惹味!最喜愛大腸,豬紅和福州魚蛋,米血糕煙煙靭靭都好有特色!奶蓋烏龍茶(加$7)~由第一次飲奶蓋飲品開始已愛上奶蓋這個奶蓋味不算濃郁,反而烏龍茶味香醇,冰茶好fresh好清新! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-09
838 瀏覽
嗰日同朋友經過銅鑼灣,友人突然之間想打邊爐,咁啱經過一人一鍋嘅火鍋店,於是就諗住入去試試。鋪頭裝修簡潔好有台灣風味,完全沒有一種打邊爐充滿油煙嘅感覺。餐牌上一早已經安排好9款火鍋套餐,每款風格各有特色,因為我同朋友都比較鍾意食辣所以就叫左台式麻辣鍋同埋酸辣羊肉鍋,兩款都有唔同嘅辣度可以比大家選擇,兩碗火鍋配料方面相當足夠,除左牛肉片同羊肉片既分別之外,基本上娃娃,米血糕,甜不辣,魚蛋等等都全部有齊,相信鋪頭方面募求做到用火鍋配料裝湯底溢出既效果,除左基本配料之外,佢地都有格外火鍋食品供應,客人可以因應自己唔同喜好作出選擇我地就叫左一份麻辣臭豆腐,同埋蜜味台灣腸,遠遠就能夠聞到既臭豆腐味,加上麻辣口感,外脆內軟,中意食臭豆腐既人一定要點外皮沾滿蜜糖味既台灣腸,同我響台灣食既味道一樣,滿足你響貴店都可以享受台灣風味貴公司對客人醬汁方面嘅配搭都照顧得非常周到佢地設計左醬油完美比例圖表,等客人可以品嚐美食到最佳口感貴店既飲品采用左獨立包裝,除左有傳統台式飲料風格,亦都非常清潔衛生。整體來說 價錢合理,食物優質,清潔整齊,喜歡台灣美食既人一定要黎試下 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-06
619 瀏覽
呢晚去嘅8鍋臭臭鍋位於銅鑼灣謝斐道,主打台式一人一鍋,有成九種唔同嘅湯底,實有一款啱你。鍋物$112一鍋,味道唔錯,材料好豐富,一定食得飽。跟餐配飯/粉絲,亦可以加$12改配滷肉飯,大碗、好食!另外呢到亦有一般嘅台灣飲品,大概$30一杯🥤火鍋少不了就係豉油,呢到建議客人可以用三匙豆瓣醬/沙茶醬、兩匙豉油、一匙蒜蓉,用呢個完美比例調配出醬汁。跟住佢咁溝,的確又幾惹味!唯一一個比較煩嘅位就係佢哋嘅蠟膏比較快燒晒,成日都要侍應過嚟補,好彩嘅係侍應反應都好快😋芝士牛奶鍋($112)娃娃菜、白豚肉、日本南瓜、心型魚豆腐、台灣貢丸、麻吉燒、沙白、香菇、蟹柳、金針菇、炸枝竹、鳴門卷、雞蛋、烏冬、芝士片、蛋餃個人覺得自己食嘅呢個芝士牛奶鍋味道好香濃,配料亦都係我鍾意嘅!尤其是麻吉燒!沙茶牛肉鍋($112)娃娃菜、牛肉片、米血糕、牛丸、心型魚豆腐、沙白、粟米、金針菇、炸枝竹、粉絲、鳴門卷、花枝丸、番茄、甜不辣、青豆角香蒜牛肉鍋($112)娃娃菜、牛肉片、蟹籽丸、米血糕、甜不辣、牛丸、凍豆腐、粟米、金針菇、炸枝竹、粉絲、沙白、鳴門卷、翡翠魚豆腐、番茄粉絲/滷肉飯(跟餐)(滷肉飯 +$12)古法秘製臭豆腐($42)點解呢到叫8鍋臭臭鍋呢?好似就係因為佢哋嘅招牌鍋物係有臭豆腐嘅🤣雖然我哋無叫到招牌臭臭鍋,但都叫咗個臭豆腐嚟試下。本身以為好似街邊食嗰啲咁係炸嘅,原來係淥架喎😯真係好臭😂 啱晒啲重口味嘅朋友!鹽酥雞($42)粟米($30)冇留意到鍋物入面有包含粟米,所以另外嗌咗。但我哋都食晒,因為好甜!😍百香果紅茶($26)茉香綠茶($24)盆栽奶茶($30)台式飲品大概$30左右一杯,味道都唔錯。又一一人一鍋好去處,大家都不妨試下☺️Menu: 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-19
3817 瀏覽
世界反常,社會反常,人也反常。炎炎夏日,不吃沙冰雪糕,竟然走去打邊爐,是否很奇怪呢?其實開大冷氣,烚下烚下,絲毫不覺辛苦,反而另有一番滋味。如果你是火鍋控,肯定明白這個道理。今天是星期六,本應放假,可以躲在被窩瞓到黃朝百晏,但事實是,晨早便要爬返公司清文件。這種生活實在令人生厭,中午時份,決定逃出來透透氣,打個台式火鍋。這店主打一人一鍋,由於時間尚早,人流不多,可以慢慢坐慢慢食。雖然店名喚作8鍋,其實點只提供8種火鍋,款式包括:招牌臭臭鍋、臺式麻辣鍋、芝士牛奶鍋、香蒜牛肉鍋、藥膳羊肉鍋、酸辣羊肉鍋、番茄白豚鍋、咖哩奶蓋鍋和沙茶牛肉鍋。任何1款火鍋 + 白飯/粉絲 + 泡沫紅茶/茉香綠茶,只售$88。另外加錢便可將飲品升級(+$7)或配上滷肉飯(+$12)。芝士牛奶鍋熱辣辣出場,材料多得幾乎滿瀉,非常豐富,計有:娃娃菜、白豚肉、日本南瓜、心型魚豆腐、台灣貢丸、麻吉燒、沙白、香菇、蟹柳、金針菇、炸枝竹、鳴門卷、雞蛋、烏冬、芝士片和蛋餃。單看排場如斯鼎盛,已知十分飽足。先呷一口奶白色的湯底,帶有濃濃芝士香,質感不會很稠,沒有膩感。白豚肉連著薄薄的脂肪層,即使淥製久了,依然腍軟。蛋餃較為特別,表面是滑溜的蛋皮,裏面則是豬肉碎,油份略多。個人喜歡粉綿甜美的日本南瓜,為整道菜式添上一絲清新。酸辣羊肉鍋甫送上,即傳來朕朕濃烈香氣,令人不禁吞吞口水。此鍋材料同樣精彩,包括:娃娃菜、羊肉片、翡翠魚豆腐、酸菜、米血糕、甜不辣、福州魚旦、豆乾、木耳、凍豆腐、沙白、雞蛋、金針菇、炸枝竹、粉絲和鳴門卷,款式五花八門。食客可按喜好選擇辣度,今次小試牛刀,揀了最低級數。例牌先喝一啖湯底,首先嚐到強烈的酸香,辣勁及後才滲出來,開胃極了。羊肉份量慷慨,有少少羶味,沾上雞蛋更加滑溜。黑色長方體是米血糕,此乃台灣地道食材,煙煙韌韌。原來鍋內已有粉絲,吸收了湯頭的精華,惹味又飽肚。吃過火鍋全身㷫烚烚,喝杯冰凍飲品就最爽不過。香芋奶茶馥郁芳香,甜度適中,特別加了珍珠(+$5),增添一份咀嚼感。至於茉香綠茶清新自然,喝後口腔輕輕回甘,不過相對於前者,則較普通 繼續閱讀
(以上食評乃用戶個人意見 , 並不代表OpenRice之觀點。)