今時今日，四周圍租貴，出街食飯係得旺區，大部份都只有大集團可選，中秋節當日，更唔好諗出街食餐好D，唔洗等位我都已經想還神．．．中秋當日～就同朋友黎到位於觀塘工廠大廈入面既8味坊食我地既中秋飯～而依一餐既中秋飯，係我人生既歷史當中係坐得最舒服最靜同最好食既中秋飯（唔計係屋企啦…）事前朋友已經去到依一間餐廳食飯，已經大讚佢既服務好，食物好食，料足，有幸終於可以試到～～原來佢係一間有西餐，又有泰國野，甜品亦都好靚既多國菜＠＿＠！！！我地3位點左咖哩豬頸肉，煙三文魚柚子沙津，冬陰公湯，椰汁蜆肉意大利飯。當時店來只有幾枱人，講真，依個位置晚餐黎講一定唔會太多人，所以食物都黎得相當快…先上枱既係煙三文魚柚子沙津，一直我都唔特別喜歡食泰國野既時候食柚子沙津，因為曾經試過無數咁多次柚子係苦或者係無味，咁我不如自己買個柚自己食好過…但係今次依個柚子沙津就令我刮目相看．煙三文魚唔多油，但係煙燻味好香，絕對唔係果種擺到”梅”既煙三文魚，沙津中間有煙花蝦，同小小辣椒，柚子亦相當甜，一d都唔苦!而且料勁足,沙津中間都有煙三文魚肉同埋好多蝦仔！～～第二個上枱係忘記影相既冬陰公湯，但係佢既冬陰公湯味道相當香濃，每一碗都有一隻海邊既蝦，去埋殼，好貼心唔洗自己拆殼，而且都係果句料足，有椰汁味，雖然我朋友不嬲抗拒椰汁味，但係佢碗湯都飲哂！咖哩豬頸肉，今次點左青咖哩，雖然比較淡身（朋友話黃更好食）但係入面既豬頸肉燒得勁香，雖然已經浸左入咖哩到一陣，但係夾番上黎依然有果種岩岩燒好果種香脆感～～配料係矮瓜？！不過因為矮瓜本身係索汁，所以咬落去ｄ汁慢慢滲出黎～正~~最後就係意大利飯，椰汁味好香濃好creamy，飯煮得岩岩好唔會過硬或者軟，飯中間有好多蜆肉，食起上黎每一淡都有料又有飯，讚!第二次去食亦都試埋串燒，燒到好香而且醃肉好入味，雞肉同豬肉都極好食而且juicy，唔係燒完再翻燒既果一種！佢地既服務態度亦都好好，各位姐姐們做野好爽快，點菜加水埋單都係又好禮貌又爽，又好傾w價錢亦都唔會太貴3位食大概2xx左右～～正常價錢食到好食既野啊～～一定一定會再黎食！亦都好推介大家支持依ｄ工廈食店！…查看更多
吃飽後，侍應奉上甜品餐牌，我們便點了木糠布甸及窩夫。木糠布甸，不過不失，忌廉味重一點。這個比利時朱古力味道真的不錯，朱古力帶點苦很香濃，配上香脆的窩夫，很美味，因為喉痛，所以我只吃了少許。想不到所配的是荔枝味雪糕，男友不喜愛，但為我所喜愛，讓我吃掉它吧!
