629雞蛋仔

營業中

休息中

本身只係想正正常常排隊買件格仔餅，無打尖插隊等佢問先落單，都可以比個光頭佬鬧事發經過係，前面個客人買完野行開，咁後面嘅人好正常就行上前，一來排隊位係大廈出入口，費事阻到住客出入，二來個光頭佬老闆要離遠嗌去隊尾問人食乜，咁不如行前啲，唔洗個光頭佬老闆嗌得咁辛苦點知一行前，個光頭佬就話: “阿先生，你唔洗行前架啦，你行前我就唔知邊個先” 😨我心諗，乜野理由嚟，為鬧而鬧？ 我行前啲會影響到個次序？見大廈門口個地下劃晒禁止阻塞嘅格仔，都應該比人投訴過，啲人企前啲咪唔會比住客投訴，又唔洗嗌得咁辛苦囉豬頭丙，出得嚟做生意就醒少少啦難怪而家食肆越嚟越無人去，好多鋪頭都好似當啲客係仇人咁，呼呼喝喝坐邊，唔跟指示唔同你落單，執笠都係自己攞嚟

以前食過一次雞蛋仔，今次一於試下食格仔餅。好彩係平日下午，唔算多人排隊，好快就落到單。目測少啲人叫格仔餅，可以唔駛等太耐～有好多口味揀，個人偏好食原味，所以叫咗一底原味格仔餅。我哋兩個人食，老闆有問要唔要切半，又提醒要平放咁拎，以免漏晒汁，都幾貼心。.呢個格仔餅真係好厚😂比平時食嘅係double咁厚😂即食熱辣辣，咬落外脆內軟，好香，配埋邪惡嘅醬，幾出色～27蚊呢個質素、呢個份量真係抵食，下次經過會再食😋.

買個雞蛋仔都要受氣呢對男女態度極度惡劣企喺側門等都唔得？條街你㗎？仲有啊…真係做善事嘅人係唔會大肆宣揚架！我見啲客問個女人攞個膠袋都反晒白眼，黑口黑面！真係冇下次…

629呢間雞蛋仔真係成日排長龍，今次平日放工有時間走去排隊，雖然都要等15分鐘，但我覺得係值得既！蛋香好濃，非常脆，同出面雞蛋仔唔同，下次有機會試埋佢個紫薯同香芋味!

終於黎到新蒲崗試呢間小食😍雖然淨係賣雞蛋仔同格仔餅，但口味超級多，有少見既烏龍茶、錫蘭紅茶、糖漬橙皮等，價錢大約$22-$36/底不少人有提及過老闆既服務態度，但我今次去老闆既服務係冇問題，反觀我覺得佢幾有幽默感，店面貼左不少他想表達既訊息，無論係咩人，都要排隊👍🏻🌟芝士格仔餅｜$32🌟栗子蛋蛋｜$36我覺得格仔餅真係好食好多，一來厚身，二來真係好多醬，攞上手個時老闆提我地要躺平個餅先食，如果唔係會漏哂醬落個袋到🤣雞蛋仔半脆半軟，有蛋香，不過都係厚身格仔餅有特色d！

而家既小朋友真係好忙, 今日囡囡就去新蒲崗到上堂. 我放工趕過去既時候.爸爸share佐個location俾我. 我一睇.... 係雞蛋仔???我心諗:之後都去食飯啦,食乜雞蛋仔呀. 之後再收到爸爸一張相.嘩咁多人排隊既.應該係好野. 試試先 (因為我仲未到.係爸爸排隊)當我去到既時候. 見到都仲係有好多人排隊, 時間岩岩好.我一去到就排到我地,可以order啦.我地點佐一個原味,一個朱古力味雞蛋仔, 再加一個原味格仔餅. 等緊既時間. 我俾門口貼佐既野吸引佐.老闆每年有4次義賣捐俾<兒童癌症基金>, 好有心呀. WOO..格仔餅攪掂,真係好厚身呀. 老闆仲要好細心咁幫我地分開做2份(仲入2個袋呀). 雞蛋仔唔太甜. 好食. 爸爸話見到好多人都叫芝士雞蛋仔, 下次可以一試.

呢間餐廳長期人龍不絕,呢間係新蒲崗好出名既雞蛋仔店,雞蛋既香味會令人好想買一底,佢有好多款口味,不論係雞蛋仔定係格仔餅都一樣出色好食,呢度無得坐低食,只限外賣,但係雞蛋仔就會即叫即做,雞蛋仔好香脆,格仔餅佢呢度同平時食既唔同,佢會有好厚切既餅底好似食緊窩夫咁,仲有佢制作需時賣晒就無,格仔餅入面仲有好多花生醬同糖可以自己選擇要唔要糖同醬既。

老闆識得攞噱頭門口貼咗好多話自己好窮、話自己冇記性、話就算幾少錢都要排隊都要等（即係唔想人窮扮高竇，但係其實自己窮又高竇），亦都欣賞佢將自己捐錢嘅紀錄都貼上門口俾人睇。記憶力雖然差，但係記得加價，好嘢。老闆會一次過問前面幾個排隊嘅人想食乜嘢，但問完之後其實做一兩單就會唔記得咗，再問過，有啲似周星馳嗰度戲王小龜喺科學室嗰個實驗嘅故事。噱頭還噱頭，質素都係OK嘅，咁雞蛋仔又唔識得飛天。如果小過五個人排隊我會等。我叫咗最簡單嘅雞蛋仔，真係外脆內軟，平衡得好好。唔會太厚身粉底唔會過多，亦都唔會過少做得過分脆口偷工減料。選擇方面都好多花樣有啲朱古力碎有啲芝士有啲綠茶，所以都係可以選擇。小店支援現金付款，支付寶都有，叫做方便。

聽人講新蒲崗有間雞蛋仔好出名 一直想試 但係一係賣曬 一係就無開🥲 有日早咗放工就去試試❗️當日係平日大概五點 但係都好多人排隊🫣 眼見範圍都有另一間雞蛋仔 但係大家寧願繼續排都唔過去 可見629真係好受歡迎🤣 鋪頭既雞蛋仔同格仔餅都好多口味可以揀！橙皮、紫菜芝麻、紅茶、粟米等等 全部都好特別😆✨烏龍茶蛋蛋💲 26即叫即整 所以要預咗要啲時間～ 雞蛋仔好香脆 比較多氣孔 茶味好出 仲見到好多茶葉碎❗️唔太甜 所以好多公公婆婆都排隊食❤️

我們今晚要出去新蒲崗搵親戚食飯，所以提前出去新蒲崗行吓掃街，所以即刻上網搵搵食資料。同伴話想食格仔餅，所以搵路去幫襯網上推介咧間629厚的格式仔餅。 排咗約25分鐘+叫完再等15分鐘，4 0分鐘後終於拿到「芝士味格仔餅」，拿前仲叫咗走糖、走奶、只要牛油，重點係我叫芝士味，所以一心諗住會收到份「咸」味格仔餅，但係⋯我收到嗰份係「冇芝士味，仲帶有朱古力酸味嘅芝士味格仔餅」，有可能之前嗰份係整朱古力味格仔餅，到咗我嗰份冇清潔乾淨，導致我收到一份咁古怪嘅格仔餅！！！最後我只係食咗四啖就頂唔順，浪費了時間、浪費了金錢，浪費了一切XYZ🚷🚷🚷咧間629，名氣大過實際，超級失望❗️❗️🈹🈹❌❌ 本⋯人⋯絕⋯對⋯不⋯推⋯介 ❌❌

區內超級有名的😋他們的雞蛋仔真的是一絕！餡料裡面有紫薯和芋頭，而且餡料是原粒紫薯和芋頭，好有口感！一咬下去，那個味道真的是讓人欲罷不能！🥔🍠真的太好吃了！另外，他們還有一款烏龍茶味的格仔餅。這個格仔餅真的是厚實又香蛋味十足！每一口都能嚐到濃濃的香氣，讓人回味無窮！🍵🍳總的來說，629雞蛋仔是一家非常棒！他們的食物口味獨特，而且質量也非常高。如果你想嚐嚐不一樣的雞蛋仔，不妨來這裡試試看！你一定不會失望的！👍👍👍

好耐冇寫食評，今次忍唔住要寫。之前已經聽過人吹奏呢間舖，咁啱嚟開呢頭做嘢就試下。食之前已經睇晒食評，見到好多人話格仔餅好食，仲見到有人話店主態度不知所謂，點知今次真係聞名不如見面。去到見到排長龍，排咗一陣聽到店主問有冇人係要格仔餅，見條隊有幾個人行出咗去，我都跟住行出去啦。我同店主講我都係要格仔餅嘅，佢就話冇啦要等啦，我就禮貌問佢我係咪而家返返去條隊度繼續排，佢就叫我返去條隊，話等陣會再叫我。呢個時候已經感覺到佢講嘢好呼喝。終於排到我，佢問我係咪要格仔餅，我就話我想要一底錫蘭紅茶格仔餅。呢個時候，店主反咗一下白眼，隔離嘅女店員就話我叫嘅時候要講埋咩味。下？乜我之前有叫過咩？你頭先話等陣會叫我嘛，我覺得我依家先係正式落order喎。就算真係溝通問題，都唔使喺客人面前反白眼掛？我同佢講係佢頭先叫我繼續排隊，話一陣會叫我，店主就用質問嘅語氣問我咁而家要原味O唔OK呀。我話唔OK。但係後面太多人，我選擇咗唔同佢繼續嘈。我企埋一邊等，見到佢兩個喺入面望住我係咁講嘢，似係繼續鬧緊我。咁樣做人唔辛苦咩？睇食評嗰陣見到有人話佢哋會捐錢，店主做善事嘅時候不如反省吓自己有冇同理心先啦，我禮貌同你講嘢，又冇

食過返尋味，琴日食完今日再食😂今日真係好好彩，我叫完兩底格仔餅後面食客竟然order咗15底格仔餅，好彩我係佢之前否則冇得食🤣🤣原味格仔餅$25.0，格仔餅蛋香味濃，熱辣辣脆邊嘅格仔餅夾住牛油,花生醬,甜奶,黃糖，真係包羅萬有，超爆漿超邪惡💯

來之前睇左好多評論有關個老闆,今日一見,我又覺得無咁差姐.佢講嘢係掘啲, cool d 姐.唔算係平時見到服務業嗰種腔調姐.Anyway,平日下晝兩點,叫咗一份原味格仔餅,叫咗少醬.即叫即整,我覺得咁樣好有誠意,好過之前去尖沙咀個間整定好多份,擺喺個櫃度,要嘅先淨返熱畀你.大約等5至10分鐘就得喇,我基本上係即刻食.本身以為會外面好脆好呢但係其實還好.但食到蛋香味,至於咬落去既口感係我鍾意食嗰種.由於佢比較厚身所以食到有層次咁.外面比較微脆軟身,內裏好鬆軟,食到最中間都濕潤,唔會好似出面嗰啲咁乾,個綿度有少少麻薯嘅感覺.我個人就覺得幾好食.不過真係唔應該嗌少醬,正常會好食好多,係我自己衰總結,我個人覺得係幾出色既格仔餅,如果外層可以再脆d更好,口感就最完美對我來講.

雞蛋仔排名入面一定要提到既 - 629雞蛋仔今日經過見無人排隊,即買返底食平時食開夾餅既我,唔知做咩落單會叫左雞蛋仔OK 我照食~等左5分鐘到就拎得雞蛋仔少脆 內餡唔算好甜 食食下仲有少少咸味吊返 總結都算好食既,但對比夾餅就差太遠!!!建議黎到都係食夾餅,因為真係可以話係全香港最正