5越越南餐廳 (已結業)

去到已經相當多人, 等咗至少成個鐘, 明顯人手不足, 亦可能係內部溝通問題所以十問九唔應 飲叫水都要等好耐~落order 嗰時條友係咁急住催住問 "仲有冇其他?"，唔係急成咁下嘛？之後叫杯水都係唔啋你...至於食物質素, 我個人覺得麻麻地, menu 裡面嘅圖同實際所食嘅爭好遠....我明白好唔好食見仁見智，不過P 圖都唔好太過份卦~當時所見，其實其他枱嘅食客似乎都遇到我地差唔多嘅煩惱，希望下次嚟會有所改善~

裝修靚，環境舒服乾淨，而且近office笠大堂，係非常就腳食飯時間差唔多做滿，好多人自選粉麵：牛腩撈檬 $58牛腩睇落好柴，但唔可以以貌取牛，未係高質，但已經有唔錯嘅口感，至少唔韌，唯獨佢未調味，全靠撈檬個酸甜汁，檬粉夠彈牙，加埋少少甘筍、生菜同青瓜絲，清爽鴛鴦豬扒飯 $62飯量超多，鴛鴦豬扒係香茅同胡椒味，兩款都好入味，胡椒比較特別同突出。另豬扒肉質靚，唔乾唔韌，係爽彈

平日晚上八點幾，只有三、四枱客，有一女侍應戴着藍色手套推住餐車執枱，但上菜時竟然又是同一個人，還把戴住的藍色手套的手指浸在 我們叫的 5越湯河和海南雞飯贈送的冬瓜例湯內，唔知佢有冇換過對新手套先送餐呢🤔，湯已唔熱亦唔暖，更有少少變味，幸好食完這餐飯之後並沒有肚痛或肚痾 ！本來食物不錯，海南雞飯的雞雖然係凍的，但雞滑、飯亦好食； 而 5越湯河的材料多亦好食，只是湯底有啲鹹。可能係夜晚八點幾，全餐廳好似只有男女侍應各一個，沒有什麼服務可言，如果唔改變服務態度和衞生問題，相信沒有下一次。

🐖越式豬頸肉湯金邊粉啲豬頸肉好新鮮鬆化，外脆內軟。本身喜歡食金邊粉但係出面既金邊粉多數係炒既，太乾。今次有湯浸住實在係太好了，豬頸肉加埋金邊粉真係好好食。♨️越式蒸粉包佢係一塊好似腸粉既野包住好多咸料，個面有啲脆脆地既片，咬開啲咸湧哂出嚟好好食既。🦐扎肉脆蝦片個面有塊扎肉，中間有啲矇粉，個底有塊蝦片，口感豐富得嚟又好食。#越式豬頸肉湯金邊粉 #越式蒸粉包 #扎肉脆蝦片 #5越越南餐廳

📍#5越越南餐廳 #MFJ荃灣 #MFJ越南菜人均消費: HK77中染大廈有一間門面十分大嘅越南菜，太耐冇食越南菜，就去試一試！餐牌選擇都算多，價錢中等唔算太貴！🆗生牛肉湯河🐮$58成日覺得食越南菜，第一時間一定要試一試佢嘅湯河😂 佢嘅set lunch係揀一款肉類加一款粉類！我就梗係揀生牛肉湯河！飲第一啖湯，感覺比較淡，但味道OK嘅👌🏻生牛肉都有四大片左右，味道唔算太香，但可以接受！河粉反而唔錯，比較掛湯！不過整體感覺唔算話特別出色，份量比較小⭐️糯米雞翼🐔$48比我想像中細隻，裏面嘅糯米都塞得幾飽滿，有微微嘅糯米香，但唔會搶過雞翼嘅味道，而且雞翼都揸得幾香口！食物質素唔算超出色，整體表現一般！服務就麻麻哋，眼見各位店員都充滿怨恨嘅表情，真係好想同佢哋講一句，香港人放鬆吓啦😂😂#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #tsuenwanfood #vietnamesefood

今日星期日下午茶時段，我去個陣冇咩人，到我坐低左就開始多人。我走個陣全場坐滿。全場侍應經理得三條友，有一個阿姐負責落單有一個人負責抹枱，個經理就企左係到。我坐左係角落頭，阿姐喺我前面幾台落緊單，我舉手示意。但明明見到阿姐係望住我但係佢都唔過嚟幫我落單，之後佢走咗去勁遠幫其他人落單，再走返過嚟喺我前面嗰台落單都唔幫我落。之後我走到佢面前問佢係咪睇我唔到，跟住佢終於幫我落單，幫我後面嗰台落埋。喺呢個過程入邊我有叫個經理落單，經理話唔關佢事，叫我搵返落單嗰個阿姐。然後到我隔籬枱嗰個人食完碗麵，差唔多等咗40分鐘，我碗咖喱牛腩飯都未到啊。之後我嬲得滯拎埋個袋諗住出去收銀處搵個經理理論，然後個經理兇我，問我「咩咩咩事宜家。」成個爛仔咁。然後個呀姐又扮曬野調停。總之，呢間嘢人手唔足夠，經理服務態度差。成場咁多人得一個阿姐做嘢梗係做唔晒啦，用腦都諗到啦。食到成肚氣！

話說有日要去ikea買傢俬，就順便去埋荃灣食飯，因為係求其食嘅關係，咁就喺中染大廈是但揀間餐廳嚟食，漫無目的咁入咗去依間5越越南餐廳。去到門口，諗住有人帶位，等咗成分鐘都冇人理我，咪同友人自己掃針卡入去坐低囉。餐牌有嘅食物都係般做越南菜嘅餐廳有嘅嘢啦。我朋友就揀咗生牛河，我就揀咗炒金邊粉。朋友碗生牛河就上先嘅，咁賣相就正常啦，牛肉份量比較少同質素都麻麻哋，朋友就個湯好重味精唔太好食。我個炒金邊粉就係等咗20分鐘先上枱，ok 啦，夠熱，我冇其他comments😂。

呢間服務真係極差！雖然食物質素ok 嘅，pho 非常淡，但係果個炒金邊粉就覺得唔差。話雖如此，呢間嘅價錢都係偏貴，唔值呢個價。服務方面，店員普遍非常不耐煩，舉咗手好耐好耐都冇人落單，見到你時侍應只叫你等陣就走咗...好唔容易落咗單，問店員攞兩隻碗，點知店員話「冇吖，洗唔切」就走咗去...隔咗大概10分鐘後終於等到兩隻碗，但上面仲有咖喱積!!! 諗住舉手叫店員換，但最後都係自己用濕紙巾抹咗就算...呢間餐廳不值得推薦！

夜晚去食得一男一女侍應，首先無人帶位自己坐低左，搞左好耐都無落到單，現場好多人都係咁終於落到單，隔左好耐我碗麵嚟左但係無筷子，唔通攞手食咩，問個女侍應攞杯水、攞對筷子都呼喝咁話：轉頭啦！問侍應乜只講轉頭轉頭，最尾都係無人理，於是好多人同我一樣都自己出去水吧攞餐具，有啲客自己喺度倒埋杯水返去自己位度飲，個女侍應都唔理，到最尾我搵唔到匙羹，畢竟我都唔喺度返工架嘛大佬，我直頭問個女侍應擺喺邊我自己攞，佢一嚟就大喝我：先生！轉頭攞俾你啦！！！你返埋位等啦。大聲到全間餐廳嘅客都望住佢同我，但係俾佢喝完之後我返埋位等，佢都係去左做其他嘢，到走我都攞唔到支羹，我覺得自己好似嚟問佢乞食咁，但係走嗰陣睇返張單原來係收加一，我問個收銀你哋好唔好意思收，佢無答我

今日落大雨，在這間越式餐廳食晚飯，一家大小坐坐得十分舒適，叫咗分別要了海南雞飯同埋5越湯河，分量十足,味道相當不錯，牛肉湯河味濃，海南雞都很滑，飲品方面由於跟餐每杯只加$3但相當大杯，性價比相當高, 但不知什麼原因餐廳嘅入座率很低，晚市時間一半入座率都不到，可能係食評唔夠嘅關係囉，所以我都幫佢寫個人食評打起氣啦，有機會我都會再返嚟呢度食過，希望呢間嘢可以一直做落去啦，平凡的一餐吃到不平凡的味道，都算驚喜！

今日2/6下午5:55度到餐廳食飯，當時店內並無客人，我點咗咖喱豬扒飯，海南雞飯，糯米雞翼4隻，凍檸茶2杯⋯當食物送到嗰時，我發現並無碗，當時我見到有個女人（個女人好似做沖茶水嘅，因為我點完餐飲，我見佢行入去沖飲品俾我哋嘅）當時派緊碗去我後面張枱，我同佢講我張枱無碗喎，即時佢無理我無應我🙄我再叫多一次，佢立即好大聲喝我等一陣，之後派哂D碗碟先俾一隻碗我（我當時係2個人食飯）最過分係放底碗之後，並用隻腳將架車踢過嚟我身邊😡😡😡嘩咩事吖，問你攞碗咋，洗唔洗俾你打一身吖，呢D係咩服務態度吖，以後唔會再幫襯😡😡😡麻煩貴公司自己翻查閉路電視，睇下你公司D員工對客人幾有禮貌

今日同屋企人去呢間食下午茶全程樓面得兩位侍應 餐廳有烏蠅周圍飛未食嘢先比個黑框眼鏡女侍應將杯熱飲到咗落我屋企人身上佢講咗兩句唔好意思就走咗。。。冇錯 係走咗。冇人主動處理過呢件事。。。冇人抹枱 冇人抹凳 冇人遞紙巾🙂叫咗經理嚟之後先至俾咗幾張紙巾同求其抹咗幾下枱櫈……….其後亦都冇重新上過嘢飲直至我再次同經理講:仲爭杯嘢飲呀……….隔離枱夫婦想落單嘅時候直程冇人理佢哋直至佢哋行出去搵經理話想落單最後仲上錯嘢食🙄🙄🙄……….食物質素一般食得落肚炸雞翼冇乜味……….最後就係比百幾蚊食飯比人淋一身真係非常之差嘅一個體驗如果老闆見到呢個comment麻煩重新進行員工培訓同埋請多啲人 唔該晒🙂

今日去荃灣行街，行到兩點幾，剛行到中染大厦，就入去搵食，一上電梯就見到5越，門面唔錯，而且少人，就入去食個晏，服務員態度好好，坐低後重話下午茶已開始了！我見餐牌寫兩點半先有下午茶，佢話提早開始，噤就睇下下午茶有乜嘢食啦！其實同午餐大至一樣，只係平10蚊而且寫明小份量的。我返正午餐食得唔多，噤就剛剛好啦！簡單地選了蝦頭牛油鬆炒飯和越式炒河，餐飲就點了兩個熱柚子蜜。好快噤就兩個餐放於桌上，睇落唔錯，就真係比較細蝶咗啲！好彩寫明小份量，有哂心理準備但都覺比較細份量。食落蝦頭牛油鬆炒飯唔覺有蝦頭油嘅味道，越南炒河就用扎肉炒河粉，都尚算不錯，兩個柚子蜜就跟屋企沖嘅一樣，無特別。餐廳環境十分好，可能因為大多數人見到兩點半先有下午茶，所以兩點半後就開始多番啲客，但都環境幽靜坐得舒服。

9-1-2022 (Sun) 係我同老公鐵婚紀念日正日,但我哋去送膠,不過送膠前肚餓,就算我明明食咗番薯,咁送膠路上會經過未食過嘅呢間,於是走嚟食咗先.我哋去到昤都11:30am,但冇客人,我重以後未ready好唔敢入,喺門口睇,個男店員就上前介紹,於是都決定食呢間.佢俾我哋坐卡位,坐低後睇完menu,就決定要兩個套餐全日通:1. $78.00嘅海南雞飯(油飯)跟例湯海南雞飯只跟加咗薑蓉同辣椒嘅魚露上,我先飲例湯好甜,係粟米南瓜湯,雖然簡單但唔錯.味道:5分海南雞飯呢,去咗骨嘅雞肉嫩滑,試吓嗰啲薑蓉辣椒魚露,有啦薑嘅味道但唔辣,酸酸味味咁,幾好味.而油飯本身味道都唔太濃,不過飯粒就乾咗啲,影響口感.海南雞味道:5分飯味道:1分配菜嘅醃蘿蔔絲爽口開胃,好正.味道:5分3. 加$8.00要珍多冰椰奶嘅甜度啱啱好,椰香又夠,好味;不過裡面嘅班蘭條唔多軟糯同唔夠味.味道:4分4. 加$3.00要凍奶茶呢個味道都貼近港式,有茶同奶味,只係質地好似爭少少.味道:4.5分2. $88.00嘅班蘭芝士海鮮焗飯呢個等得耐係正常,焗出嚟係青綠色,熱騰騰,食落,班蘭唔係好出,呢個飯粒就濕潤返,海鮮有見到嘅青

去咗喺8咪半商場嘅一間越南食肆，雖然好評唔多，但見嘢食唔算貴，地方闊落，就入去試味，估唔到今次成功避雷！#點咗一碗香茅豬扒，面底揀咗金邊粉。第一次食浸喺湯嘅金邊粉，口感自然冇炒咁好食，但口感新鮮，OOKK啦～比較滿足雙眼始終係香茅豬扒，賣相引起食慾，厚肉地，切得幾勻稱，煎得唔燶，肉質唔嫩唔老。#椰汁芋頭紫米露真材實料，芋頭同紫米比例正常，椰汁多咗啲，但整體味道唔錯。#紅豆珍多冰印尼、越泰都有呢類嘢飲，啲啫喱條幾得意，冇味但勝在口感，不過兩款甜品都有椰汁🥥，所以有少少滯。