影片
放假終於都可以周圍行下,午飯時間呢度經過門口看見冇人等位, 我好快找了一個梳化位就坐底坐低叫左個咖哩牛腩飯等了10分鐘左右，終於有得食喇飯同牛腩份量都幾多，汁也夠多，都無令我失望而強差人意無乜咖哩味至於熱奶茶還算不錯，因為夠熱也夠甘美總結店員落單快，收錢快，不過不失，一試無妨
繼續閱讀
新蒲崗有一間默默耕耘嘅隱世小店，名叫41B。41B係一間充滿人情味，有老香港冰室感覺嘅茶餐廳。我細細個就食佢，十幾年嚟依舊好食，而價錢亦十分相宜。可惜嘅係好多介紹小店嘅報章雜誌電視節目都冇訪問過佢。可能呢件係一件好事，因為有啲舖頭一出名業主就加租然後就要執。亦有可能個舖位係老闆嘅所以唔憂做哈哈！冇謀體介紹唔代表佢食物質素唔好。相反，41B嘅野食係比好多連鎖快餐店都好。我最鍾意食佢嘅沙嗲牛肉煎蛋麵（蛋牛麵），豉汁豆腐蒸鯇魚飯，同凍檸茶。呢度嘅蛋牛麵有別於一般嘅茶餐廳出品。出面嘅沙嗲牛肉好多跟麵上嘅時候都會配以一pat沙嗲醬，彷彿係要用嗰pat醬去掩蓋牛肉嘅唔新鮮。至於41B，佢地嘅沙嗲牛醃得夠時間就唔使跟麵嗰陣用醬去俾味。牛肉夠味而不咸，食得出牛肉依然有鮮味。麵嘅湯底有煮牛肉嘅牛肉味同沙嗲味，有別於一般嘅普通湯然後自己用pat醬撈個沙嗲湯底。41B嘅蛋牛麵一定係全香港最好食嘅其中一間。除左蛋牛麵，佢地午餐嘅有餸飯亦都好好食。其中我推介豉汁豆腐蒸鯇魚飯。餸同飯係分開，唔要例湯可以轉野飲。即使本身嘅份量已經好夠，但係飯唔夠亦可以添，人情味十足。豆腐滑而不散，鯇魚好滑而唔腥，配以蒸魚豉油餓起上嚟真係可以食三碗飯！凍檸茶亦都係一間茶餐廳嘅靈魂。感覺上好多茶餐廳嘅凍檸茶都係冰比較多檸檬較少，而41B嘅凍檸茶檸檬同茶同冰比例適中。值得一提嘅係佢地嘅茶澀得嚟唔苦，溝出嚟嘅比例亦唔會好水，我形容為有重量嘅凍檸茶。41B係一間唔起眼但估佢唔到咁好食嘅舖頭。今時今日三十蚊以下食到一餐嘅餐廳真係唔多，而好似41B呢種平得嘅個水準又高嘅就真係少之有少。講真我有時都懷疑佢到底有冇錢賺。我文筆唔好，可能有錯字，請見諒。不過希望大家睇完呢篇食評之後可以支持下默默耕耘嘅小店，去下41B，感受下香港買少見少嘅人情味。
繼續閱讀
要考試了, 所以又重回新蒲崗呢一個舊社區. 一早到達, 到圖書館作最後努力, 時間到12點半, 早一點去食飯好, 同數量有限既學生爭食好過同工廠區的工人爭地方. 以前都有search過新蒲崗有什麼食肆. 所以邊度多茶餐廳, 腦海內仍然浮有印象. 不過, 夠舊既茶餐廳, 仿佛都試過哂了. 腦裡, 記起一間名字特別的, 於是行去德龍那一邊找, 經過德龍門口, 再行多4、5個鋪位, 找到了, 41B.......看看門牌是康強街7號, 41B點來的, 唔知, 亦覺得知黎做咩. 因為最重要, 是呢度既食物, 好唔好食.時間不多, 就來一個最快趣既ABCDE餐. 是日的Dog餐, 是牛腩飯. 見冇乜其他野可揀就乾脆食牛腩. 再加上一杯熱飲. 30元有找. 應真抵食.茶餐廳最重要是人丁旺, 中午的兩個小時, 當然想盡量做多幾轉. 速度之快, 好讓大家20分鐘內完成午餐找數. 即叫的牛腩飯同奶茶, 真的轉過頭就到. 牛腩, 未食已經感覺到佢非常之香濃. 先撈一撈飯, 讓濃濃的腩汁均勻的滲滿每一粒飯. 牛腩味道濃香, 連蘿蔔都充滿腩汁味. 小小茶餐廳, 看似普通, 原來佢既牛腩做得幾出色. 開心的沒有入錯黑店.我真的20分鐘內完事, 行返去考試局....努力3小時.
繼續閱讀