16
3
0
港鐵上環站 A2 出口, 步行約4分鐘 繼續閱讀
電話號碼
55934040
營業時間
今日營業
11:00 - 18:30
星期一至五
11:00 - 18:30
星期六至日
11:00 - 18:00
付款方式
Visa Master AlipayHK 支付寶 現金 銀聯 Apple Pay Google Pay
其他資料
Wi-Fi
當面支付
素食
食評 (21)
最近的兩個月前,我發現上環蘇杭街有間特色 Bagel 新店 404 Plant! 原來這是由網店開至實體店,絕對是食客的福音! 營業時間:星期一休息走進店子,店員會為每位堂食食客,以測體溫槍量度體溫,才可入座! 除了供應主打自家製特色素食 Bagel 之外,還有全素食 Salad & All day breakfast! 所以,連飲品方面也不加入牛奶,以植物奶代替!(Almond milk 杏仁奶, Oat milk 燕麥奶 & Soy milk 豆奶) 可以堂食及外賣,堂食另設有室外及樓上!室外別有洞天,讓我置身鬧市中的神秘後花園,  亦方便吸煙食客!沿樓梯行上樓上一層,播放輕快的歐美英文歌!店內設有洗手間,十分方便!經過室外地下有石仔,我著高踭鞋,也要小心翼翼!外賣要等上10分鐘,最有趣的是供應熱飲又有外賣,竟然無熱飲蓋! 正是其不足之處!所以,我便打消買外賣熱飲的念頭嘞!店員們充滿熱誠,製作食物的工序認真,也不馬虎!是慢工出細貨! Bagel Sandwiches:Wild Black $80要等上20分鐘以外層幾脆而包身溫熱、黑色的竹炭包,滿載香氣洋溢的素配料,  菌香突出的新鮮蘑菇、惹味香脆的炸薯餅、甜美的焦糖洋蔥、清新的九芽菜,配黑松露蛋黃醬及 mozzarella 芝士;味道與口感兼備! 卻是性價比低! Sweet Bagelouble Mango Bagel $65以原味 Bagel 焗至軟身,切開並每邊包身塗上薄薄一層微鹹的 Cream cheese 及天然芒果汁,即切新鮮酸甜的芒果夾在其中,表面加上香脆的 apple crumble!內外兼備呢!在坊間,一向食開的 Bagel 通常鹹食,甜食也口味討好又夾得來! Just Bagel:以原味 Plain Bagel 為例,索價 $35!實在太貴! 附近的 Pacific coffee 只要 $14 便可買到!Just Bagel $38~42,並非供應 Menu 上的款式,而是視乎當日供應什麼口味款式?!自家製 Bagel,意想不到!可以製造出變化多端的口味!絕對帶給食客新鮮感!值得支持的用心小店!店員會視乎食客個人喜好而問食客要軟還是脆?值得一讚!Pandan Coconut Mochi Bagel $40班蘭椰子麻糬 Bagel,我要求焗至脆身,一送上桌尚未食,已傳來班蘭及椰子飄香, 包表面的椰絲焗至金黃色又香脆,成品呈淺灰色,甜味天然! 麻糬煙韌軟糯! Earl Grey Strawberry Bagel $40水果與茶葉的配搭常見於水果茶,店方把兩者常見的食材作為 Bagel 配料,口味有驚喜!還擦出不俗的火花呢!混入新鮮士多啤梨,士多啤梨酸甜天然又軟身,而且帶有士多啤梨籽的粒粒口感,如果用士多啤梨乾反而較硬身,整體清新!台式芋泥 Bagel $40 甜美軟滑的芋泥混合墨黑色的竹炭包其中,食落有點濕潤,口味及口感同樣不會單調!Dirty Genmaicha mochi bagel $40玄米麻糬煙韌軟糯,有拉絲效果!Dirty Chocolate candied orange peel bagel $38流心朱古力配蜜餞橙皮粒,反而給我驚喜! 朱古力及橙皮的配搭,後者清新帶甘,可中和前者的甜膩感!All day breakfast $130要等上20分鐘起初,我覺得價位幾進取,究竟貴喺邊度?原來貴在用心!可以理解!帶脆包身煙韌的原味 Bagel、植物蛋富彈性,卻缺乏蛋香、灑上黑椒粒的牛油果蓉、大件的烤鮮蕃茄、新鮮爽脆的沙律菜配橄欖油及黑醋,酸香醒胃又不會乾寡! 惹味香脆的炸薯餅、 甜美的焦糖洋蔥及加鹽烹調的新鮮蘑菇,整體口味及口感豐富! Drinks:  Milkshake, coffee, tea, sodaWhite Coffee Latte $40 Almond milk由於,放上充滿孔的塑膠器皿,就算男店員加多一個膠杯墊墊底,我總是不太放心,恐怕自己論盡而倒瀉!店方選用植物奶代替牛奶,可選擇燕麥奶及杏仁奶!表面精美的心形拉花,奶泡入口是室溫,咖啡甘香,口味甘中帶酸!就算混合植物奶,濃稠度卻不遜色給牛奶!Oong Latte $55 (All day breakfast +$40)烏龍茶本身口味甘醇,混合牛奶,可中和其茶甘味,令人容易入口;如果加糖,相信味道會更吸引! Earl grey flower tea $30這是花茶,散發幽幽清香,茶色呈啡色;味道甘中帶苦,比預期口味突出! 並非好似坊間的花茶淡淡然的味道,亦不是選用茶包,似是泡過才如此口味突出及深褐色,可見店方的誠意之作!總括而言,如果,出食物要食客等得太耐的話,難免令食客卻步! 繼續閱讀
#hkfoodmapcafetour.𝐹𝑜𝑙𝑙𝑜𝑤 @ℎ𝑘.𝑓𝑜𝑜𝑑𝑚𝑎𝑝 𝑓𝑜𝑟 𝑚𝑜𝑟𝑒 𝑓𝑜𝑜𝑑 🕺🏻.高質甜食𝑏𝑎𝑔𝑒𝑙 驚喜芝士黑松露薯條🍟𝚃𝚛𝚒𝚙𝚕𝚎 𝙱𝚒𝚜𝚌𝚘𝚏𝚏 𝚂𝚠𝚎𝚎𝚝 𝙱𝚊𝚐𝚎𝚕 $𝟼𝟻個醬做得好好 焦糖味十分香!重點係完全唔會覺得好甜膩~仲要係脆口㗎 好味之餘口感100分🤪真的很少吃甜的𝚋𝚊𝚐𝚎𝚕 食完呢個之後想試埋其他甜嘅款式🤤𝚃𝚛𝚞𝚏𝚏𝚕𝚎 𝙲𝚑𝚎𝚎𝚜𝚎 𝙵𝚛𝚒𝚎𝚜 $𝟼𝟶芝士份量多 拉到絲耶🧀芝士味道超濃郁!薯條粗身脆口熱辣辣~松露味唔會太勁 同芝士個味𝚋𝚊𝚕𝚊𝚗𝚌𝚎得好好~𝚂𝚝𝚛𝚊𝚠𝚋𝚎𝚛𝚛𝚢 𝙼𝚒𝚕𝚔𝚜𝚑𝚊𝚔𝚎 $𝟻𝟻雪糕打成嘅𝚖𝚒𝚕𝚔𝚜𝚑𝚊𝚔𝚎 士多啤梨同奶香都足夠~如果可以凍啲就更好了😍𝚃𝚛𝚘𝚙𝚒𝚌𝚊𝚕 𝚂𝚘𝚍𝚊 $𝟻𝟻好𝚛𝚎𝚏𝚛𝚎𝚜𝚑𝚒𝚗𝚐!熱情果香同淡淡菠蘿汁味道~不過薄荷味就唔係好出🍹但正中我心意 我本身就唔係太好𝚖𝚒𝚗𝚝嘅味道~環境都好打卡𝙰𝚋𝚕𝚎📸型格得黎又帶點復古感覺! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-01
1586 瀏覽
📌 404 Plant~上環呢間純素貝果小店終於從網店變成實體店🤩喺上環地鐵站行過去非常方便想不到蘇杭街有咁多咖啡店 有啲似去咗深水埗嘅大南街😂旁邊仲有素食嘅Confusion plant based kitchen啱晒想食得健康啲同素食嘅朋友仔😄遠遠已經見到404嘅招牌 裝修好特別 幾搞鬼👻周圍都有唔同嘅塗鴉同得意嘅擺設一共有兩層 座位都算幾多👏🏻仲要有戶外嘅位置 好有熱帶森林嘅感覺🌴星期五六仲要收十二點 有shisha提供貝果方面有鹹有甜 亦有沙律同小食🥯選擇很多 飲品亦多元化主打全植物性成分製作 所有餐點不含雞蛋或奶製品🍳1️⃣ 𝗧𝗿𝗶𝗽𝗹𝗲 𝗕𝗶𝘀𝗰𝗼𝗳𝗳 𝗕𝗮𝗴𝗲𝗹 $𝟲𝟱 (𝟴.𝟱/𝟭𝟬)因為我好鍾意食Biscoff餅乾 所以就毫無懸念咁揀咗呢款🤣呢個組合真係超級得意 據聞係新口味😆本身以為會好甜同膩 但係食落好有驚喜店員仲專登幫我整得脆口啲 口感好正😋外面脆身內裏煙韌 仲要熱騰騰咁食嗰醬比我想像中冇咁甜 係Biscoff cream cheese 加上餅乾🤤如果驚膩嘅話可以同朋友share食~2️⃣ 𝗢𝗮𝘁 𝗠𝗶𝗹𝗸 𝗟𝗮𝘁𝘁𝗲 $𝟰𝟬 (𝟳.𝟱/𝟭𝟬)因為係純素餐廳嘅關係 所以係冇普通嘅奶但係可以揀唔同款嘅植物奶 唔駛另外加錢💯包括有豆奶、杏仁奶、燕麥奶同夏威夷果仁奶今次我就揀咗燕麥奶 咖啡味香醇☕️入口偏苦 但係拉花唔係好靚🤭3️⃣ 𝗧𝗿𝗼𝗽𝗶𝗰𝗮𝗹 𝗦𝗼𝗱𝗮 $𝟱𝟱 (𝟴/𝟭𝟬)呢杯飲品好清新 可以解膩🍹只要加咗菠蘿汁、新鮮熱情果、薄荷同梳打水味道唔會太酸 啱啱好👍🏻不過飲嘅時候會不斷食到薄荷葉 有少少麻煩😛💡整體嚟講 呢間算係我近來去過幾特別嘅cafe由食物飲品到室內設計都好有驚喜🤩有好多特別味道嘅Bagel 絕對係會回頭嘅cafe🥰✨✨✨✨✨✨✨✨✨✨✨✨整體味道😋: 8/10性價比💵: 7.5/10 打卡指數😍: 8/10 環境服務🥂: 9/10 推薦指數👍🏻: 8/10✄------------------------------✄ 🍴: 404 Plant 📍: 上環蘇杭街109號地舖🔍: 09:30-19:00(Mon-Thur); 09:30-00:00(Fri); 10:30-00:00(Sat);10:30-17:30(Sun) 繼續閱讀
(以上食評乃用戶個人意見 , 並不代表OpenRice之觀點。)
在IG上 Follow 這間純素貝果小店 404 Plant 好一陣子,不過之前要上網訂我怕麻煩就無食過,終於他們這幾天開了實體店試業中,當然立即過去試下。404 Plant 位於上環蘇杭街,由上環地鐵站A2出口行過去幾分鐘就到,交通非常方便。順帶一提,這條街上面起碼有五間咖啡店,密度比得上大南街,純素貝果店隔離仲有好好食的純素餐廳 Confusion plant based kitchen,好多好野食啊!營業時間每日都不同,好複雜 XDDD 基本上平日好早開門可以來吃早餐或買個貝果返公司食,周五周六就開到好夜開party咁樣。小店裝修走一個好怪奇有性格路線,感覺有少少似上左太空船,到處又搵到些莫名奇妙的古物擺設,都幾得意仔。例如近門口的牆上有一個古董磅,你可以磅下個貝果有幾重,放上去影相都幾得意。Menu 都幾豐富,有淨貝果也有三文治貝果,口味有鹹也有甜,還有沙律和小食,飲品都好多元化,第一次來真係樣樣都想試下。最厲害的當然是 404 Plant 是純素餐廳,所有餐點不含雞蛋或奶製品,全植物性成分製作。一樓和二樓都有座位,下層有一半係廚房,所以座位比較窄,但都cozy又可以睇到貝果製作咁樣。真係估唔到貝果專門店都咁多野食,今次先試甜食配咖啡,下次再來吃正餐。飲品有純素奶昔、咖啡熱茶、梳打和一些瓶裝飲品。植物奶咖啡可以自選要甚麼奶,不需要另外加錢,有豆奶、燕麥奶、杏仁奶和夏威夷果仁奶,通常見到 Macadamia 我都唔會揀其他 XDD,香港唔係太多咖啡店會用這個。淨貝果的口味可以直接去玻璃櫃揀,可以買幾個返屋企食都得。各種各樣的設計書藉,選書跟我平常去的文青咖啡店有點不同,我鍾意色彩和怪插畫哈哈,比較好玩。後門出去有個小小戶外空間,天氣涼涼地坐出面好舒服。Latte HK$40夏威夷果仁奶拿鐵。咖啡好Rich幾好飲,夏威夷果仁奶泡都打得幾滑喎。臨走的時候同咖啡師傾開,原來這邊的咖啡豆有加CBD(大麻二酚),飲的時候完全無為意,飲完亦都無High XD。想知多點關於 CBD 的知識,我建議你都係自己google下慢慢研究,最近香港都越來越多地方食到或飲到這個成分。Bisc off HK$60聞說這個是新口味,我又剛好從來無食過 Biscoff 餅乾,正好試試看,我又從來無諗過貝果可以配餅乾咁得意。起初以為會好甜膩,估唔到個醬又完全唔會甜喎,個貝果的外層偏硬身,中間富韌勁,適合有牙鍾意咬野食的朋友,如果你鍾意食空氣麵包就唔適合你啦。中間個醬望落有少少似花生醬,不過原來係 Biscoff cream cheese 加烤過的核桃,溝埋又幾好食。食完上二樓參觀一下,一上樓梯先在轉角處見到個玩具電話,乜咁得意。樓上是沒有窗的空間,盡處用木板封起並畫了趣味塗鴉,這層都坐到幾多人。牆上各式各樣的海報都新奇有趣。404 Plant 由食物飲品到室內設計都讓人充滿驚喜,氣氛又親切舒服,臨走都買多個貝果返屋企食,我應該好快再去試埋鹹食貝果三文治。 繼續閱讀
(以上食評乃用戶個人意見 , 並不代表OpenRice之觀點。)