328茶座

營業中

休息中

3點3係一個開心嘅時間，又到下午茶時間，叫個炸雞髀令人好開心。佢一送到，見到金黃外皮，就已經流曬口水，好想大啖大啖咁咬落去，感受一下肉汁，雞髀食落好嫩，又好多汁。薯條都係啱啱炸好，成個餐好正。

2016年2月20日 (星期六) 11:45am 不用等位 碗筷及膠羹等餐具乾淨。 沙嗲牛肉公仔麵 - 沙嗲味道不太濃，牛肉切薄片不靱，公仔麵麵條彈牙。整體水準一般，不過不失。 火腿奄列 - 賣相不是金黃色，而是淺黃色蛋黃和白色蛋白彼此分明，證明未完全打得勻循，火腿份量比較少，味道一般。 牛油多士 - 感覺不熱和乾硬！ 熱奶茶 - 不知道是否早市多人，奶茶被沖調得很淡，欠香濃。《 餐牌 》：

2015年10月28日 (星期三) 5:45pm 不用等位；碗筷及膠羹等餐具乾淨。 現在很難找到好味道又正宗的雲吞麵，因為本人曾經在茶餐廳吃過『假』的，竟然用公仔麵來充當鹼水麵，企圖蒙混過關，實在欺人太甚！！ 鮮蝦雲吞麵 - 雲吞是店主自家包，蝦肉新鮮不腥，若然再大粒些會更正，唐生茶淥得爽甜。麵條是傳統鹼水幼麵，跟雲吞配合得天衣無縫。這次本人終於可以吃到『正貨』啦！ 車仔麵 (豬紅豬皮米線) - 豬紅滑溜，再大粒些會更好；豬皮爽口，米線彈牙，而湯底選了牛腩汁，味道濃厚。【推介之選】❤❤❤ 凍阿華田 - 味道比市面上其他食店沖調的更濃更可口，不會因冰塊而稀淡。 凍檸檬茶 - 味道清甜解喝，不覺苦澀。《 餐牌 》：

星期日 5:00pm，難得少人，輕易地便找到桌子，不用擠迫嘈吵，可以安靜挑選食物和用餐。 粉紅色花卉碟子，感覺很美。碗碟及餐具亦乾淨。 椒鹽豬扒飯 - 單憑賣相已經吸引，味道十分惹味，甚有大排檔具備的鑊氣風格。首次見到廚師在椒鹽豬扒的飯餸上落豉油，初時還擔心會否太鹹呢，但一經吃下卻感到很配合，恰到好處。雖然豬扒煎得乾了點，在拌勻辣椒絲和蒜蓉粒之後，仍覺非常美味。生菜作伴碟，新鮮爽甜。【推介之選】❤❤❤ 柱侯牛腩河粉 - 牛腩鬆軟，不韌不肥膩，湯底濃郁，河粉爽滑。【推介之選】❤❤❤ 熱阿華田 - 跟市面上其他食店沖調的一樣可口好味。

早幾日幫襯完648買咗包韓國慶南蠔煮咗個日式拉麵食。唔知係唔係因為我貪嫩口煮得唔夠熟，定係經其他途徑中咗某啲細菌或病毒，總之結果就係肚痾，痾完接連幾日冇哂胃口。對於新近榮升卓越食家嘅我嚟講，無疑等同廢咗寫食評嘅大半武功。於是乎我唯有食清淡啲，食評照寫！唔係藍田人，甚至就係藍田人，都唔一定知道藍田其實好大。從五桂山腰嘅碧雲道一路由廣田至興田再迴旋處轉落德田、平田，落到匯景花園都係藍田，步行要行哂，大概要兩個鐘。呢間舖頭，實際上應採用區議會嘅分區正名標識，位於藍田嘅「廣德」選區入面。今朝早我就嚟呢處嘆早餐嘞！茶記早餐，首要奶茶掂。同場四間舖我都試過哂，呢一間係最掂嘅！至於個通粉，嗱！粉太爛，肉丁慳皮咗少少，畀多兩粒就好啲。個人口味，我其實好憎呢種台灣式厚多士，我鍾意正常方包厚度嘅多士。雙蛋對我呢啲無蛋不歡嘅人嚟講，總係好味道。

呢味「鹹蛋蒸肉餅飯」，首先你會見到佢面層係幾乾身嘅。嗱我勺起一忽肉餅，你就見到肉底肉汁好豐富。點解呢Ｄ唔係倒汗水呢？理由好簡單－如果係倒汗水，咁肉面都會係好濕嘅，而呢一碟鹹蛋蒸肉餅只係肉底有水，因此，佢就只會係蒸出嚟嘅肉汁嘞。味道係點？講真，呢味餸要整得難食係難過要整得佢好食嘅，但係佢蒸得唔會太死實，又唔會鬆泡泡，總之送飯果種口感係好夾嘅，除左果一箸無厘頭嘅蔥花之外，我惟一可以彈嘅係佢Ｄ肉有些少黐底。至於鹹蛋就冇咩好講啦，最靚、出哂油嘅「高郵鹹鴨蛋」通常只會响月餅入面受到蓮蓉嘅保護，你要响中秋節果排先會食得到。呢個飯你要响呢間舖度食係需要一Ｄ運氣，我經驗之中一個星期佢最多只會出現兩次响餐牌之上，而唔係午飯同晚飯時間的話，佢仲會賣哂添！所以係需要剛剛碰上恰恰至會食得到嘅。

宜家想搵一間有得畀你揀餸嘅車仔麵真係話易唔易，响廣田商場入面呢間可謂區內碩果僅存嘅一間，而我通常三幾日就會幫襯一次。今次揀左牛筋＋豬腸+粗面＋牛腩湯底作為推介，希望住呢區的朋友多Ｄ幫襯下啦。好穩陣，唔發現車仔麵常見的奇怪毛髮。呢隻粗麵夠爽口彈牙，冇鹼水味。呢條筋一絕，唔太稔又唔會韌，恰到好處。半肥瘦豬腸，洗得夠乾淨，冇奇怪氣味。