3
0
2
以上資料只供參考, 請與餐廳確認詳情
男友之前食過，話好好食，專登由旺角帶我去試下。星期六的七點幾，不用等位，樓下只剩張大枱，店主叫我們倆坐樓上，好似包場咁，靜靜地二人世界。我們試過不同的重慶雞煲，比較喜歡乾炒的那種，唔中意多醬汁的。正好，厘間的雞煲沒有多餘的醬汁，但非常入味。重慶雞煲：半隻$118，壹隻$198，算係好平，而且份量足，唔係半隻雞有三隻翼果d。食完雞煲，可以免費加湯打邊爐。特級手切牛頸脊（中）：$168份量唔算少，夠新鮮，有牛味，有一定厚度，比較有口感。以厘個價錢，厘個份量，厘個質數，係其他地方好難搵到。 總結：值得再去，仲要全日免收加一，只收$5位茶，係人多擠迫嘅市區唔會有。
繼續閱讀
慶祝朋友找到好工作今天選了近他家的一家餐廳食物種類多有小食，小炒，煲仔菜，烤魚雞煲，火鍋配料一應俱全另外還有每天不同的靚湯舖子不少由夫妻二人合力經營真的不簡單老闆娘非常好客，友善健談首先點個紅油木耳很適合像在下喜歡辣的人之後是手拍青瓜三週年誌獻多謝街方好友只需要$18一大碟在朋友未到前再偷食多隻鴿仔原隻上枱皮翠肉滑真忍不住要叫多隻朋友到了後點了個鮑片炒粉線粉絲彈牙鮑片爽口口水雞這個在我回神時已被食清光太過份了但被迅間KO就想像到有多好食一碟食極都有的鵝腸真係好低食不只有扥底的牙菜多鵝腸一樣不偷工減料魚香茄子煲是我朋友最愛不忙叫番個滿足一下他真材實料有保證感覺真的不只用了一條茄子兩個人食了那麼多+酒水人均$300飲飽食醉大滿足天氣再冷時要來食食魚鍋雞煲好期待呢
繼續閱讀
今日出土瓜灣送野比媽咪，知道北帝街好多食市專誠到那裡搵食， 車停泊剛好門口時328火煱店， 被門口菜牌胡椒豬肚雞吸引便進入去，首先order 左胡椒豬肚雞，還加了一些配菜， 有雪花肥牛、竹笙、鱔片、雲吞、韭菜餃、乳鴿、青瓜及蕃薯苗， 首先來了胡椒豬肚雞，味道一點都沒有胡椒及辣味， 雞還可以而豬肚切成絲令豬肚沒有口感， 其他食品賣相不吸引且品質不太好，而且雲吞已變味，所以退回， 整體上不合格，價錢高、品質差、分量少，相信不會再來。
繼續閱讀
話說外母來探我們，她老人家愛吃魚，而之前在這間吃過雞煲同其他小菜都不差，所以帶著外母到來試試，就叫了酸菜魚一條，當魚來到的時候，都算香味四溢，可是當我夾魚片來吃，就發覺唔新鮮，外母吃了很少就唔食，所以下次來都只會吃雞煲。
繼續閱讀
一直都知土瓜灣有好多美食, 今次聽朋友介紹去左一間新開雞煲店. 聽朋友講好爆, 所以4日前就打電話去訂張大枱. 當日我地一行15人, 就好happy咁去試一試啦!四川口水雞 - 前菜, 叫左一碟唔夠喉, 我地叫左3碟, 小朋友就無份啦!, 因為勁辣, 正呀! 重慶雞公煲 - E個雞公煲O既味道同我地去重慶食O既一樣, 就我地香港人就有大中小辣O家!拍蒜粉絲蒸聖子 - 聖子好鮮甜呀~~ 估唔到雞煲店O既海鮮都咁得喎!秘制雞煲! 個名唔記得左, 但記得材料幾補下, O係其他雞煲店未試過鐵板黑椒豬手 - 超級野味! 最鍾意佢''咋'' o個下聲, 正!小朋友方面, 幾碗白飯 , 肉碎炒蛋, 清炒時菜, 東坡肉, 生炒排骨, KO晒!
繼續閱讀