75
1
0
港鐵尖沙咀/尖東站 B2 出口, 步行約4分鐘 繼續閱讀
所有分店 (2)
電話號碼
27992818
營業時間
今日營業
12:00 - 14:00
18:00 - 23:00
星期一至日
12:00 - 14:00
18:00 - 23:00
付款方式
Visa Master AlipayHK 支付寶 現金 AE JCB
座位數目
92
其他資料
Wi-Fi
酒精飲品
外賣服務
加一服務費
當面支付
招牌菜
Japanese B.B.Q
食評 (88)
幾年前的情人節開始,已經再沒有二人世界,每一年都是三人行。到了今年,小公主甚至已經隱約知道什麼是情人節,嚷着要同爹哋媽咪一齊慶祝,但又要指定食佢最喜歡的「焼肉」⋯⋯ 她唔識講日式燒肉,但就不停地說要食 yakiniku。如果唔滿足佢願望,當晚一定冇啖好食,於是,揀了「298 Nikuya Kitchen」尖沙咀分店,提前訂枱。以有限的日文水平,Nikuya 即是「肉屋」;一方面示意餐廳係日本料理、另一方面表明食肉為主 …… 兩個條件綜合起來,餐廳名字已經間接話比客人知道,這是一間日式燒肉料理。只是有一點不太明白,到底「298」有什麼特殊意思?從餐廳名字已可以推敲,並非走傳統日式燒肉店路線。室內裝潢果然有相當濃厚的西方酒吧式餐廳風格:燈光暗淡、四周都是英文餐牌及廣告。尤其是那句口號「NO BEEF NO LIFE」,雖然嘩眾取寵,但又真是事實,牛肉肯定是日式燒肉不能缺少的主角;同另一張poster 的標語「Every season is BBQ season」相輔相成。牆上掛有一張英文版本的 Beef Cut 圖鑒。論牛肉部位劃分的細緻程度,肯定及不上日式燒肉餐廳的日文版 Beef Cut 圖鑒,但色彩繽紛,非常搶眼。雖然是情人節,但除了情人節套餐之外,仍然可以在主餐牌點菜,以香港餐廳的經營模式,可以說是奇蹟!走西方風格的日式燒肉餐廳,餐牌也以英文為主,日文及中文為輔。打開餐牌第一頁,就是一個簡化版的 Beef Cut 圖鑒;內文介紹日本和牛的分級定義,以「肉量」(A 至 C) 及「肉質」(1 至 5) 分級,人所共知的 A5 和牛就是最高級別。另一部份就簡介了日式燒肉對稀少部位的定義,不過,稀少部位唔代表一定最好食、也未必一定最貴。往後揭就是各式套餐及單點美食。最貴的 Premium Course (每位 $680)主打 A5和牛;最便宜的 Delight Course (每位 $380)牛肉款式及份量最少、部位普通,亦加入了豬肉及雞肉,絕對滿足不了嗜牛一族。正心大心細,原來有一個 298 牛肉盛合套餐($680),有8款和牛肉(這個價錢當然不會是 A5級數)兼足夠 1.5人份量,決定就揀這個套餐,另外再追加幾款單點美食。餐具繼續宣傳「NO BEEF NO LIFE」,筆者一家三口無牛不歡,非常認同這句口號。燒肉醬汁 / 配料也有四款:鹹味醬油、炸蒜片、燒肉醬汁、柚子醋,各適其適,總有一款啱口味。先送上一小碗免費餐湯,雖然顏色夠深,但既冇湯渣(即是代表缺乏湯料)、亦冇什麼味道;始終免費,不能苛求。飲了幾啖就放棄了。今晚的 298 牛肉盛合套餐($680)有八款牛肉:包括六種不同部位;四款薄切、四款厚切,全部已預先用黑椒碎及海鹽調味。侍應同時遞上一張進一步簡化版的 Beef Cut 圖鑒,寫上今晚精選牛肉盛合所包括的牛肉部位。美中不足只用數字寫在 Beef Cut 圖鑒上,但沒有將相關編號或牛肉部位名稱用小膠牌標籤在碟上的每款牛肉;雖然侍應有簡單介紹,但講解得很快,很容易忘記。Round meat (モモ 腿肉薄切) 是牛肉較瘦部位之一,但表面都有少許脂肪。雖然沒有油脂香味,但軟身、有少許肉味,同時亦有少少咬口。Outside skirt (ハラミ 薄切) 是連帶着脂肪筋膜的瘦牛肉。肉味濃,但可能切得太薄,烤熟之後肉汁唔多、偏乾。整體味道一般而已。Zabuton (ザブトン 肩里脊內側肉) 味道非濃郁、肉汁豐富;肉質鬆軟、腍滑、油花夠多;有點似港式火鍋裏面最好味道的牛頸脊,與 Beef Cut 圖鑒所顯示的 Zabuton 位置也非常相近。四款薄切牛肉中最好食。Rib finger (ゲタカルビ 牛肋排肉條) 是另一個脂肪多的牛肉部位,與 Zabuton 一樣,肉味非常濃郁,肉質亦鬆軟;但就多了肋骨之間的少許筋膜,所以,多了幾分略帶煙韌(但仍然鬆軟)、纖維緊致的咀嚼口感,但越咀嚼越有焦香肉味,與 Zabuton 同樣好食。Sirloin (サーロィン 西冷厚切) 是脂肪最多、最細密、最似雪花的牛肉部位,加上筋膜切除得非常徹底,本身已經是牛肉中最好味、最貴的部位。切成小塊入口,果然肉味濃、入口油花四濺;肉質軟腍,由於夠厚身,所以兼有口感。比 Zabuton 薄切更能滿足口腹之欲,似食緊炭燒和牛肉眼扒。Tongue (タン 牛舌厚切) 爽口彈牙、又多肉汁,但有少少韌。厚切 Round meat (モモ 腿肉厚切) 肉味較薄切顯得濃一點,但始終及不上 Zabuton、Rib finger 或 Sirloin。厚切 Outside skirt (ハラミ 厚切) 更加凸顯了肉味濃厚,但同時因為纖維太粗,更加似食牛腩,味道一般,認為這個部位不太適合燒烤。鹿兒島黑豚西冷(鹽醬)($80)用了鹽及黑椒碎調味。薄切黑豚西冷四周有少許脂肪,肉質本應柔軟,但似乎放在凍櫃內太長時間,尚未徹底解凍,顯得有點乾身,賣相唔吸引。豚肉太薄,好難掌握火喉,又擔心唔熟 ⋯⋯ 結果燒烤過火,黑豚肉片流失了很多肉汁,變得很乾硬;豚脂也失去了鬆化油潤的味道。豚肉始終太薄,做唔到吉列炸豬扒、或者炭燒黑豚肉眼扒的既鬆軟、又有咬口、兼有鬆化油香脂肪嘅美味效果。要求將柚子胡椒雞腿肉($80)的黑胡椒碎走掉,以免味道太嗆,小女兒受不了。雞肉嫰滑、無筋,肉質有彈性。味道亦鮮美,唔似係普通急凍雞脾肉;加上柚子汁調味又增添了一份水果的酸酸甜甜,再燒至表面少少焦香,就更加好食。究竟石頭鍋飯是不是韓國菜?招牌生牛肉石頭鍋飯($160)望落去同韓國的石頭鍋飯差不多,除了石鍋正中央的一小團免治生牛肉及生雞蛋黃之外,飯面鋪了七彩繽紛的蔬菜,全部經過醃漬處理,既吸引食慾、亦更加健康,包括了芽菜仔、茄子、蘿蔔、洋蔥絲、菇菌、紫菜碎、葉菜。加入少許甜辣醬、拌勻石頭鍋飯。石鍋非常熱,聽到微弱滋滋聲,熱力足夠將生牛肉弄至七成熟,鍋底甚至結出飯焦。飯味香濃、微辣,軟綿飯粒中夾雜著香脆飯焦,再加上牛肉鮮甜 ⋯⋯ 實在太好味了。晚餐最後以一個雪糕糯米糍作結束,竟然沒有自家制日式甜品或日本進口雪糕,同一間普通港式日本料理的套餐甜品一樣,有啲反高潮。「298 Nikuya Kitchen」走新派日式燒肉路線,質素中上水平。另一方面,以香港的日式燒肉店來說,價錢亦唔算太貴。加上氣氛輕鬆熱鬧,相當適合三五知己聚餐暢飲。 繼續閱讀
等級4 2019-09-20
137 瀏覽
窮遊香港-高質日式燒肉店.呢間係加姐話好食捉埋我一齊去增肥中午黎午餐大概$80-$150(餐牌可以睇圖).而我今日點呢個 和⭐️和牛三寶套餐$150同⭐️燒shabu套餐 都係$150都係一碟肉 加埋小食 沙律 飯 湯 野飲.呢個餐既和牛 好肥仔😋質素 👍🏻燒完大概可以感覺到油香👍🏻望圖都見到肉質 好肥🙈👍🏻而且都切得好薄基本上燒一燒就得口痕 但又去唔到日本食既你呢間就岩哂你啦.環境服務都唔錯 但就黎食完都未上⭐️牛舌$50要吹先有 服務扣分🤦🏻‍♀️呢個過引 口感小爽😋可以望住佢一路燒一路縮水所以唔好燒太耐呀.#298NikuyaKitchen (尖沙咀)地址:尖沙咀金馬倫道48號中國保險大廈3樓中環分店好似比較貴.⭐️評分:味道:4.5/5環境:4/5服務:3.5/5抵食:4/5 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-16
145 瀏覽
食過幾次都覺得性價比唔錯。2人去食比左bar台我,係坐得有d唔舒服。如果呢個價位我會期望坐得舒服d環境黎講係扣左d分。食物方面,和牛牛肋骨同埋和牛大腿肉(薄切)係好正,濃牛味得黎油花香好重!溫泉蛋豆腐沙律都好fresh,食下菜冇咁油膩。埋單黎講每人約400-500,唔算平,但以食物質素黎講係差唔多。多人去食既話,值得一試2個人而又想坐得舒服既話,記得book位時講低 繼續閱讀
(以上食評乃用戶個人意見 , 並不代表OpenRice之觀點。)
等級2 2019-08-23
380 瀏覽
如果係香港想食高質燒肉,我會推薦呢間298.我地一行4人被安排坐一張圓枱,都幾寬敞,環境燈光柔和。坐低先叫左Sapporo,再慢慢睇食咩,有好多款牛肉,岩哂我!(不過如果你不喜歡牛肉,都有好多其他選擇)我地叫左牛肉他他,牛舌,和牛不同部位,仲有豬頸肉,你睇相就會知道有冇質素佢呢度既牛真係好正油脂分佈好靚,入口即溶配靚牛,當然不少得紅酒,揀左枝Shiraz 配搭經理好好,最後送左幾個shot比我地,但當然呢間餐廳價錢都唔平但高質,我會推薦。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-08-04
485 瀏覽
呢間 298 Nikuya Kitchen 網上口陴幾好!好多朋友推介,今次老婆生日決定book 呢間日式燒肉店試下!七點半準時入座,D位都幾舒服,今次點咗兩個$680 嘅 premium set!! 原來閒日套餐係包一杯飲品!前菜方面,上枱三色前菜好好味!調味調得好!沙律好大碟好新鮮!碟吞拿魚蓉撈埋蛋汁好好味!而主角燒肉,套餐包六款肉,上檯全部好靚亦都好好味!最正係牛舌同西冷!西冷有專人幫手處理!配埋蛋汁好味到呢!至於 pancake 就相對普通D!!最後仲有牛尾湯同冷麵!飽到上心口!雖然價錢貴D,但都覺得值得推介! 繼續閱讀
(以上食評乃用戶個人意見 , 並不代表OpenRice之觀點。)