227甜棧 (已結業)

見到咁多好評，對依間有些期望， 希望食到幾成台灣既芋圓粉圓我就心滿意足。38$ 食個7彩芋圓粉圓十涼粉。 分量極少。最失望係個粉圓係未熟哂。入面食到少少未熟到既感覺。 其中一兩粒係熟既 有d 煙un 既。一般啦。加埋有十幾粒細。 涼粉就正路囉 。唔會再食。講完。

今晚我們去咗太子花園街嘅「227甜棧」食甜品！我們叫咗花膠藥膳炆鷄翼、花膠蓮子燉椰皇、花膠木瓜燉雪耳、花膠海底椰燉雪梨同糖不甩三食！花膠藥膳炆鷄翼炆得幾腍幾入味，花膠都幾爽口，鷄翼嘅肉質亦好嫩滑！花膠蓮子燉椰皇嘅椰汁非常香濃，味道相當香甜，椰皇嘅肉質亦好嫩滑！花膠木瓜燉雪耳嘅味道極之香甜同清潤，雪耳亦好軟滑！係本人嘅必食推介！花膠海底椰燉雪梨嘅味道比較清甜！糖不甩三食有兩款唔同味道嘅糖不甩，一款係原味，另一款係綠茶味，糖不甩嘅口感極之煙韌彈牙，再配三款唔同嘅味道，分別係椰絲花生、綠茶粉同黃豆粉，黃豆粉嘅味道比較清，綠茶粉嘅味道比較甘香，而椰絲花生就比較香甜，不過本人就比較鍾意椰絲花生！亦係本人嘅必食推介！

店名：227甜棧地址:太子花園街246號地下B舖好味指數：8.1/10價錢：$32仙草涼粉 配 手工芋圓地瓜圓 黑糖寒天凍 蕃薯 杞子龍眼肉 配養生黑糖水 送黑糖炮冰這個是DIY的配搭，餐牌內的配料選擇多得眼花瞭亂，要花好一會時間才能挑選出來。整個甜品味道清甜，非常解渴。配料亦各具特色，每一樣都很出色，地瓜圓夠煙韌，寒天凍爽滑，蕃薯腍且夠甜，龍眼肉配以杞子，感覺很清新。這間店免費提供自助茶水：養生普洱茶，味道清香，茶味香濃。 

開店有兩年，一到夜晚時分人流依然，太子花園街近體育館的內街只有少數甜品小店，這間叫227甜棧主賣的是養生甜品及較中式甜品，即使到星期日較深夜仍然要排隊，所以人氣依舊，秋冬來食特別滋潤。與一般港式甜品店無異，選擇多達近60款，所以很容易搵到自己所愛的甜品。彩虹綜合圓椰汁涼粉：這些不同顏色的粉圓都是地瓜圓或芋圓，即是芋頭或番薯加太白粉製成的粉圓。全部由台灣入了原料後再經過改良。有6種不同的粉圓，分別有紅色的紅麴芋圓、綠色的綠茶粉圓、黃色的地瓜粉圓（即是傳統的番薯粉圓，只是加了更多的番薯泥）、紫色的紫心地瓜粉圓、黑色的芝麻芋圓、淺白色的是傳統芋圓。光是粉圓經已為涼粉添上更好味的色彩，這些粉圓是不加人工色素，都是用食材的粉泥搓成，每一粒都很柔軟亦好有嚼口，為本身單是涼粉的甜品加左一份口感。本身涼粉都很滑溜，而且不是平時一個或一粒正方形，而是豆腐花狀，所以很易入口。另外用椰汁取代花奶會更有天然的香味及甜味，清涼滋味。原隻木瓜燉花膠：用上原個夏威夷木瓜上已經十分吸引，再加上台灣花膠（店主嘅妻子本身做開花膠嘅生意，所以入貨加相對外面較平），已經足夠滋潤養顏，花膠嘅份量亦很多，用湯匙拿起上來都有大概三

如果你問我有幾掛住台灣既美食，我會答你「超掛住」，特別係台灣既芋圓！係香港想食芋圓都真係唔係一件易事，搵極都搵唔到，搵到又未必好食喎！點解會揀黎呢間？就係因為係網上面見到呢間有彩虹芋圓，仲記得之前去台灣係九份食過，之後就再無見過啦，估唔到係香港可以搵到台灣既味道！呢間既裝修真係有幾份於客棧，好有氣氛連餐牌都係寫住「客官」，令到自己好似睇到「小倩」咁揀野食果時店員見到我諗左好耐都唔知揀沙冰定豆花好，最好佢介紹沙冰話靚d，一聽到「靚d」，二話不說即刻嗌左，女人係咁架啦彩虹綜合圓黑糖沙冰($38)見到彩色既芋圓心情都好d仲有超多紅綠豆同黑珍珠，黑糖沙冰唔會過甜，食哂成碗都無問題，芋圓係偏硬既口感，幾煙韌，食完真係有感覺到台灣既感覺，完全可以encore呀朋友嗌左碗自選養生花($34)係自己揀配料，揀左凍黑豆腐花+紫米+小丸子+手工芋圓地瓜圓+杞子龍眼肉+養生黑糖水，豆花加任選4款配料$34，幾抵食，黑豆香味重，而且滑芋圓、地瓜圓幾煙韌，配埋糖水微微甜龍眼肉份量亦唔少，煮得岩岩好，唔會過硬或者過腍，食哂成碗覺得好健康呀食完就梗係拎埋張單出去埋啦係呢個時候竟然發現到有優惠！下次帶埋屋企既妹妹黎先

吃完晚飯，想想TvB介紹227甜棧有甜品，所以去，去到見到裏面沒有很多人，，所以入去，坐在很古色古香的餐廳，真是，叫在糖不甩三食和仙草凉粉，真是可口美味，加上普洱茶，甜甜苦苦。十分有趣，最後，食到飽飽出去。三個人百幾蚊，十分抵食。

大學同學的定期聚會，不過我夜晚要返學，只能夠參與糖水的部份。他們在太子附近打完邊爐，之後搜尋一下最近的糖水鋪，就找到這間位於太子花園街的<<227甜棧>>。晚上10點左右，鋪頭都坐滿了人，不過等了十分鐘左右就有位了。可能因為近旺角一球場，一完場，好多球迷都會入黎慶祝一下支持的球隊獲勝。鋪頭主打是花膠同養生的糖水，天氣太熱，所以我點了養生系列的凍糖水消消暑。這個是白豆腐花＋小丸子＋手工芋圓地瓜圓＋珍珠＋雪耳＋微糖黑豆漿。小丸子，珍珠：細細粒，但都幾有口感，連埋黑豆漿一起吃，不會奪去豆漿的豆味。雪耳：很清甜，爽口。手工芋圓地瓜圓：都有幾多粒，食極都仲有，個人最喜歡這個配料，煙煙靭靭，很有咬口。白豆腐花：份量較少，不算太特別。微糖黑豆漿：其實不是黑色的，只是有點淺灰色而已，味道一點都不甜，但有少許豆味的。碗糖水可能是養生的關係，是沒有加平時食豆腐花落的糖水，但鋪頭有較健康的黑糖糖水提供給客人自己調較甜度。

被譽為甜品制的我, 見到朋友介紹呢個養生中式甜品舖, 就已經急不及待要來試試下, 晚上8點半到, 客人不多, 2個人也可以坐到卡位, 店舖的裝修很中式, 座位都係用中式木椅。分別叫左2個自選甜品, 一個係牛奶布丁, 有5種養生的配料, 仲有我最愛的蓮子牛奶布丁下面有d沙冰, 食落去好好味, 清淡得來, 又可以食到各種配料的味道, 牛奶布丁的牛奶味好濃, 唔會比配料搶左d味, 好食!另一個自選甜品, 係蓮子, 龍眼, 薏米, 綠豆配豆花, 甜水係黑糖做的, 只係聽到d配料名, 都已經知有幾咁健康拉, 味道比第一款甜品淡, 因為豆花始終冇牛奶布丁咁甜, 但呢個食落去好清新, 係香港好小可以搵到呢類型的甜品舖, 值得一讚

又再一次光顧養生糖水，都係因為覺得食完唔會太內疚加上佢有自助式嘆茶，d茶亦唔係馬虎淡而無味。甜棧座位舒適又有茶嘆，放工放學後同朋友黎吹下水都好ok！今次我又再次叫左「養生花」，即係可以比你自由揀想要咩配料，menu上每樣配料既功效好處都會寫低，真係好貼心。我就揀左 涼粉 + 雪耳、手工芋圓、小丸子、杞子龍眼肉，一睇都知好養生啦佢既配料其實真係唔多，特別手工芋圓同小丸子呢類圓碌碌既小配料，所以糖水大家真係唔可以想飽肚。反而雪耳同涼粉真係好多，而且對於唔太喜歡食涼粉既我黎講，甜棧既涼粉真係可以接受，雪耳又爽身又新鮮，正！手工芋圓同小丸子份量少，其實味道都偏清淡，會比糖水同黑糖沙冰cover味道，但勝左口感好，咬下咬下就食到甜味，唔錯！

在太子附近吃過韓燒後，大家都想吃吃甜品，openrice後最後選擇了227甜棧。一去到227甜棧，挺寬敞的環境，而且掛了華麗的燈籠式吊燈，前方有一塊木牌匾寫著店名，很有江湖味道啊！不過只有大幾三桌人，會不會有伏呢？於是我們四人就懷著戰戰兢兢的心情坐下了。我挑選了雪糕椰汁紅豆冰 ($29)，本來以為是一杯的，但是原來用碟上，椰汁味非常濃厚，雲尼拿雪糕香草味芬香，紅豆亦足料，吃了半個鐘餐還有一半冰未融化呢，可見冰震力十足！另一友點了雪糕椰汁紫米露 ($29)，也說椰汁紫米露的紫米夠多，也很喜歡～不過另外兩位友就沒這麼幸運了，同樣點了黑糖薑汁蕃薯雜錦圓糖水 ($29)～雜錦圓是什麼？原來只是不同形象的糯米丸，一位友評價是：「我媽媽做的蕃薯糖水好味多了～」中伏了，慘慘豬，同是227甜棧，有截然不同的評價，果然選擇很重要啊！

一行五人！食完韓燒諗住chat 下~ 朋友介紹的好地方！有免費任添既茶飲，一掃油脷！㨂左自選甜品，一個底加2料加湯：＄28 一d都唔貴！特別中意佢d黑糖冰！每碗凍野上都有～唔夠重可以額外添！一d都唔會好似其他甜品舖，d黑糖野甜到伏！重有黑豆花揀架！朋友仔就欣賞佢杞子龍眼肉！滋潤！PS早來有so~ 大概9：00，唔駛排，正！

旺角吃完鸡煲走到太子刚刚好～装修中国风～眼前一亮～很喜欢～选择很多～最心水的是自选～红豆绿豆番薯芋圆等等等等～大爱黑糖汤底～清甜又不太甜～健康～五颜六色的芋圆让人心情大好～30+一个价格适中～就是芋圆偏硬～可能热的会好一点～也不影响

正常女仔都中意食糖水，但又怕唔健康怕肥。227甜棧對女仔黎講應該會係一個唔錯既選擇，坐位又唔逼，又有得比你邊嘆茶邊吹水。至於糖水方面都好自主，可以睇自己喜好去揀唔同既combination，而且menu上都有列出每樣配料對身體既益處，真係可以狂叫都唔會有內疚感(我自己係)。之後，我同朋友仲叫左個花膠藥膳炆雞翼，雖然得三隻(好似有啲細)，但不論係花膠定雞翼都好入味好正！！十分推介！

吃東西, 好彩時是自己發掘到好嘢; 另一途徑, 就是"跟"~今天跟風的是227甜棧, 見笑面多, 就不妨一試台式甜品一向是我心水之一, 尤愛芋圓~今晩來試兩道 --糖不甩做得精緻, 但價錢比一般貴, 用艾草搓成的一團我蠻喜歡, 很清香; 配上三種不同調味 (抹茶粉, 黃豆粉, 花生砂糖) 有香, 有甜, 有澀... 很特別~ 薑汁黑糖豆花, 我們選了芋頭+蓮子配料, 講真這個唔抵食, 薑汁和黑糖味道均不突出, 其餘的也不算做得出色... 就是很普通一碗豆花, 但索價近$40呢~

5點黎唔駛等位 見到有夏日推介，就膽粗粗叫左個彩虹綜合圓涼粉（個名好長.....)第一眼覺得好特別，因為芋圓地瓜圓得兩隻色，佢地有6隻色 。 問番d staff先知係加左其他味既變奏版。個人最愛綠茶同芝麻味，其他都好食，好煙"un"好正！好台灣！個涼粉加椰汁都ok啦整體感覺良好，一定會再黎食芋圓！