158
13
9
港鐵太子站 D 出口, 步行約5分鐘 繼續閱讀
電話號碼
23388224
開飯介紹
環境優雅有格調,以西餐及扒類食品為主,並不時設有現場音樂表演。 繼續閱讀
營業時間
今日營業
12:30 - 00:00
星期一至日
12:30 - 00:00
*晚餐最後落單時間: 21:30
付款方式
Visa Master AlipayHK 支付寶 現金 AE 銀聯
座位數目
40
其他資料
網上訂座
Wi-Fi
酒精飲品
泊車
電話訂座
賞訂座積分
加一服務費
Live Music
室外座位
當面支付
有關獎賞計劃
食評 (202)
等級4 2020-07-19
1050 瀏覽
/119 italio restaurant and bar🇭🇰💛/#sa太子篇 #sa午餐篇➖➖➖<DIY 🍝 •另一間好坐嘅小店💛> ▪️▪️▪️係太子同深水埗之間有一間西式餐廳 夜晚仲有機會有人表演🤙🏻佢哋嘅lunch set 都幾抵食大部分$100 以內就有輕食、主食無論係中餐西餐沙律都有😎另外加左少少錢仲可以要餐湯/甜品之前食嘅時候好靜無人食🙊大家要多多支持➖➖➖1️⃣DIY pasta $70起 一餸 $70 二餸$80 其後每款+$8 我揀左蜆肉、野菌同額外芝士另外粉類同汁都可以揀蜆肉、雜菌份量都幾多 有少少芝士粒本身想食菠菜寬條麵 不過無曬🙈意粉黎講都係幾彈牙 佢係較為幼身汁揀左要忌廉汁 另外仲有白酒/番茄🍅 份量比我想像中細 ➖➖➖分數: 7.2/10➖➖➖2️⃣是日餐湯 +$15 嗰日嘅湯係忌廉雜菌湯 幾creamy 較稠身而且仲飲到黑松露嘅味 有粒粒籽嘅口感整體唔太咸 不錯 係覺得唔夠喉➖➖➖分數: 7.8/10➖➖➖ 3️⃣甜品 +$20 有窩夫、cheesecake 本身想食窩夫+雪糕 怕太飽啦於是就食cheesecake 🙊裝飾有berries粒 蛋糕底係餅底 較腍芝士蛋糕係偏軟滑同厚實之間嗰種 ➖➖➖分數: 7/10 ➖➖➖4️⃣玫瑰青檸梳打 +$10 粉紅色幾靚 充滿少女心💛💛飲到淡淡玫瑰味 整體唔太甜唔太濁 清新之選➖➖➖分數:7/10➖➖➖📍119 Italiao restaurant and bar 繼續閱讀
(以上食評乃用戶個人意見 , 並不代表OpenRice之觀點。)
我同同事成日由深水埗行去太子嘅路途中,都會見到「119 Italio」呢間餐廳。依日見☀️風和日麗,心情好,就入去試下,而唔再係掂行掂過😂。餐廳連門口都有氣派過人,有少量室外座位,並用上一扇大木門。至於餐廳入面,環境更有一份高貴華麗感😍,想像唔到呢!因為餐廳牆身掛咗藝術畫作加用上水晶吊燈。餐廳有做午市,不過選擇比較少,得幾款焗飯、意粉/意大利飯同輕食,另外亦設有自選意粉Create Your Own Pasta🍝。但留意番主食其實唔包餐湯、沙律或者飲品,樣樣都要額外再加錢🙈。是日餐湯Daily Soup(+$15),餐湯係忌廉蘑菇湯,味道非常濃郁,每啖都飲得到蘑菇蓉🍄。我就好鍾意喇,但怕菇味嘅就應該...,哈哈。凱撒沙律Caesar Salad(+$15),我自己唔好食草,但如果要喺芸芸沙律款式中入面揀,我就最鍾意食凱撒沙律🥗。因為主要食材係生菜、煙肉同埋唔酸唔醋嘅醬汁,好食!卡邦尼意粉Spaghetti Carbonara($68),我平日最驚卡邦尼會太漏太Creamy,而呢度嘅出品剛好相反,醬汁比較少,但絕對唔會太乾!我最欣賞嘅係意粉煮得好彈牙,幾有嚼口😋。另外,意粉仲有好多煙肉同菇菇做餸料。BBQ豬肋骨BBQ Pork Ribs($88),我哋諗唔通點解豬肋骨會係輕食😆,Anyway。一上碟已經聞到香味撲鼻嘅燒烤味,燒烤醬汁好整齊咁塗咗厚厚一層喺豬肋骨上面。豬肋骨處理得幾好,骨肉分離,用刀切都可以食得好乾淨👍,而且食落感覺有啲似手撕豬肉🐷,好正啊!伴碟嘅薯條🍟亦係新鮮炸起,好好食。總括嚟講,我認為呢餐午餐全部食物嘅質素都好高,真心好好食😋,但份量就比較少,男仔應該唔夠食哈哈。除咗食物外,我亦都好鍾意呢度個環境,好Chill呢,如果可以喺餐廳放空幾個鐘Hea下,真係夫復何求! 繼續閱讀
(以上食評乃用戶個人意見 , 並不代表OpenRice之觀點。)
餐廳名稱是因為位置於太子基隆街119號(近界限街交界)。一個你估唔到,會開西餐廳嘅位置, 更加估唔到119地方雖然細,但佢有露天吸煙位,亦有live band, 可能疫情關係,現時只有星期三和星期六,才有歌手獻唱,唔同嘅地方, 並不是好像一些酒店lounge唱一些英文老歌,而係由一些年青90後,唱一些大家耳熟能詳嘅時代曲。 現場所見不少fans或好友,親自拍video和點唱 。(點歌竟然唔使畀錢)《Caesar salad》《野菌忌廉湯》《US Prime Sirloin Steak 10oz&匈牙利鵝肝》牛扒 medium 勉強合格,如果生多少少更好, 有肉味,沒有肉汁,賣上正常,隻碟凍。鵝肝煎得太熟,面個匈牙利汁畫蛇添足。價錢要一提$238算平,可能省卻了昂貴嘅鋪租。《德國腸拼盤配啤酒汁 BBQ豬肋骨》薯條淋曬, 塗上豬肋骨上的醬汁,完全蓋過曬啲味,唔好講啤酒汁,連豬肋骨都只是吃到好濃醬汁味。德國腸拼盤有三款算唔錯。加$45有House Wine加$35有 ice cream 窩夫Ps. 餐廳還有水煙賣,有興趣嘅朋友,現在不用出中環soho先有得食。多謝幫忙安排一個寬敞位置嘅「靚女有禮服務員」,不過飯後聽歌就要調番比較迫嘅位置。食物賣相=(滿分20) 14食物味道=(滿分20) 11服務質素=(滿分20) 16裝修整潔=(滿分20) 16 (Live band餐廳在裝修位置平衡上是很難營運的加啲分) 性價比率=(滿分10) 8.5回頭指數=(滿分10) 6.5Total:72分 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-25
1818 瀏覽
好耐冇去太子喇,成日去旺角尖沙咀戈啲地方,記起自己都有一段時間冇去太子。諗起太子其實都有好多好野食,雖然比年輕人感覺就係傳統嘅粉麵或者粥店會比較多,所以會比較少去,但其實大家可以系網上睇到有好多cafe系太子,仲有好多人去打卡,去完仲可以去旺角行街。119 Italio附近好多都系維修汽車都系店舖,好難想像會有一間咁有格調既食店會喺呢個位,一入到去真心o左咀,上面一大盞既水晶燈真系好吸睛牆上仲有啲畫,好有藝術氣息。另外一邊既牆身上面就有個櫃,沿用咗車輪既設計,喺木架上擺啲小擺設又幾吾錯首先系set dinner,好多間西餐廳都有set dinner,但呢間set dinner既款式其實幾特別。首先佢既餐湯系牛油粟米湯,出面都好少有,跟住主菜有菠菜芝士雲吞同埋芝士野菜燉雞胸,真系好少試到呢啲菜式。頭盤同埋前菜嘅款式都明顯比出面嘅唔一樣尤其是係多士嗰幾款真係好吸引🤤自己叫左款牛油粟米湯,外表其實好似南瓜湯🎃飲落又覺得幾好飲,牛油味系真系好濃郁,但又吾會比人太膩既感覺諗落都覺得好邪惡,飲完吾知會肥幾多肥好多磅同時有適量既粟米喺入面,好清甜呀。本身自己都幾中意食粟米,但系懶到吾會突登買粟米番黎自己烚,所以多數都喺出面先食到粟米🌽朋友叫左杯Ice Latte,唔係好識欣賞咖啡嘅我都講唔出確實係咩味道,不過飲得出咖啡味唔會好苦澀,奶味都幾明顯。好耐之前係一間連鎖咖啡店 Cafe Haxxtu 第一次飲 Rose Latte,自從果次之後就對呢款飲品有好大既興趣,因為冇諗過有玫瑰味嘅咖啡竟然係好飲嘅🤭表面鋪滿玫瑰花瓣🌹好靚呀✨跟住飲落口都有好濃郁嘅玫瑰味,唔會話好奇怪,兩者match得好好因為香港真係冇乜邊間cafe有 Rose Latte,特登嚟飲杯都正呀。自己叫咗款波士頓龍蝦意大利飯,真心好正囉,成大隻龍蝦就呈現係眼前🦞仲要隻龍蝦都幾高質素!啲肉好爽滑,非常鮮味食完真係超級滿足底下嘅意大利飯味道好特別,雖然都有龍蝦汁,但比起龍蝦汁我覺得佢更似芝士汁,但食完都唔會好漏。朋友就叫左份意式菠菜芝士雲吞,佢系外國讀過書,對呢個菜式好熟悉,所以值得評論一下。表面有好多蕃茄蓉,我本身都吾系好中意食蕃茄,但個味我都覺得幾開胃。芝士雲吞既芝士味好邪惡!入面有啲碎碎地既豬肉,不過覺得豬肉既份量可以再多番啲。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-09-27
101 瀏覽
最近有promotion,all day breakfast 超抵食$40 only! 下午唔係好餓,叫左個炸雞配啤酒,個炸雞同圖片不符🥴 不過哩個雞辣辣地都幾脆,食落都ok,但唔係我expect 佢圖片類似韓國炸雞既款式😐 哩度位置好chill,私隱度夠,夜晚仲有水煙食,有啤酒又有coffee飲,食物多選擇,推介😊 繼續閱讀
(以上食評乃用戶個人意見 , 並不代表OpenRice之觀點。)