7
8
11
電話號碼
2782 3013
付款方式
Visa 現金
其他資料
深夜營業
酒精飲品
加一服務費
食評 (29)
朋友用$98(團購話原價$168)吔酷團購咗呢間烤肉店任食二個半鐘一共三張,訂咗今日8點,一早去行山到7點50左右上到去,門口有張poster寫$108,門口職員話唔包飲品,可以加$15蚊任飲汽水飲品,另外要加廿幾蚊加一(就算原價$168加$15任飲=$183,加一都唔駛廿幾?),最後都三人俾多$133任飲連加一錢!食物方面除咗肥牛片、豬肉片、翠肉瓜、龍蝦丸、芝士丸、炸魚片、燒红腸呢D火鍋材料都可以喺度食到外,連燒街衣見到既芽菜都有!比較正常D有牛肉粒、牛舌、多春魚、雞中翼,仲有蝦(加咗一次已經無出現),菠蘿直頭無加過,加咗$15蚊可以任飲既有百事、綠茶、西瓜汁、冰紅茶等等!你一定唔會唔俾呢$15蚊,因為水都唔會俾杯你飲!七點十個字一入座坐低啱啱想出去攞野食就叫我地轉枱去門口旁邊張枱,因為有人book咗枱呢度拍埋夠坐,點知食完走呢張枱都係空既,今日星期六黃金時間得三份一客左右,我地坐低到走只係入咗四枱客,個個伙記企喺度睇電視,十點半交枱九點半未到叫埋單,十點未到個電烤爐自己熄咗,叫人開番己經黑晒面,食完走D人黑晒面超住你好似食到佢執笠咁,多謝你....你就想!期間有兩段小插曲,有一枱一家四口都加$15任飲,埋完單走但個小妹妹支野未飲完一路行一路走,個唔知經理定老細截住佢地話唔准帶走,個老豆話咁我飲埋先走囉!另一枱客因為呢度水都無杯俾人飲,佢地買咗D涼茶飲,個唔知經理定老細又話佢地唔准帶野飲入嚟飲,個人話烤肉咁熱氣,我飲涼茶唔得架?跟住條友死死氣行開!講真!食得飽你囉!但$98+$15+$29.3計埋差唔多$142,咁既價食D咁野,相同價我去食D日本料理任點任食囉!起碼有刺身、天婦羅、串燒、壽司你食唔會差! 繼續閱讀
(以上食評乃用戶個人意見 , 並不代表OpenRice之觀點。)
等級4 2013-10-14
191 瀏覽
早前,有位朋友 send e-mail 給我,有關 1000 円放題鐵板燒肉店,以團購價三折 $50 三小時放題鐵板燒肉晚餐,問我有無興趣?  那麼平宜,當然有興趣啦! 由於,我們恐怕星期五、六、日,以團購價的晚餐時段較難 book 位,因此選擇平日 8:00 後;幸好!也book 到位! 店員安排我們坐在餐廳靠窗的位置,起碼感覺不會很迫及侷促感!  而每張桌均有一個爐及一個取油煙裝置,衛生尚可!入座時,店員已講明以原價 $168+10% 服務費,另外!飲品+$15 = $33.3我們預先付上團購價三折 $50 再 + $33.3 = $83.3,大約是原價 $168 的半價!換言之,團購三折晚餐,埋單變半價! 認真取巧! 最終,二人合共埋單 $67,平均每人補 $33.5 恰巧!我朋友弄傷她主力的左手,只有一隻手!拿食物唯有我一手包辦!也沒有問題!反正,她先以信用卡上網訂團購,而我則舉手之勞;大家分工合作嘛!  當我幫她及自己拿汽水時,店內只有一支飲管!當然我照拿來給她,同時,找店員要求多一支飲管!可是人手勁少!  一隻手可以數哂!想找個店員都幾難!  終於,我找了收銀員幫手通知店員!( 好在,收銀員無講呢啲嘢唔係我負責!否則,我就嬲爆嘞!)食物款式繁多,而且分門別類!需要冷藏的食物則放在雪櫃,亦會不時添加食物。 桌子上有基本的碟子及筷子,另有木夾,以便烤食物!各式調味料一應俱全,亦供應紙巾,相當貼心! 大家也肚餓了,我們的策略是先燒易熟的食物醫肚! 牛油栗米 - 栗米雖然細細粒,卻是幾清甜!混合了蒜香牛油,既香且滑!口感亦不會太乾,恰到好處! 鮮冬菇 - 在火鍋中冬菇好易熟!烤起來是另一回事!  經過耐心烤熟後,散發菌香算是不錯! 鮮菠蘿 - 用上新鮮菠蘿,不論是否烤熱,同樣香甜多汁!  茄子 - 由於茄子沒有任何調味,我把菠蘿放在茄子上,讓菠蘿汁流下茄子,不會太乾!同時,略帶甜味!薯仔 - 其實好難熟!要烤上好一段時間啊!  食起來粉中帶甜!這才是原質原味!翠肉瓜 - 爽口清甜!清新之選!龍蝦丸 - 爽口彈牙,加了味精的加工食品,難食極有限! 燒賣 - 去燒烤時,我必選!  不講不知!烤燒賣比蒸燒賣口感更勝一籌!  烤燒賣外皮變得香脆,內裡軟熟!外脆內軟兼備!蟹籽丸 - 一咬開,軟滑濕潤的蟹籽爆出來!  小心燙口!多春魚 - 容易烤熟!魚香洋溢!  烤熟後,魚頭卻甩頭甩骨!  慘不忍睹!豬肉 - 薄切容易熟!配上酸甜的醬汁,更加惹味! 牛油冬菇 - 溶化的牛油形成水份,冬菇吸收牛油,入味又軟滑!反而比鮮冬菇更出色美味! 蜆 - 蜆本身會出水,當烤熟時,蜆殼會爆開!  蜆肉鮮味帶嚼勁!值得一試! 金菇牛肉卷 - 以牛肉包住金菇,而且富肉汁!帶有脂肪更香口!伴上汁香味濃的醬油,份外誘人! 兩者很夾配!煎韮菜餃子 - 皮薄餡多!韮菜混合肉碎,味道濃郁,完全內外兼備! 煎餃子 - 白菜混合豬肉,只是一般! 以團購購買美食劵,一向給我不少負面資訊;今次的團購體驗,總算不過不失!已收貨了! 繼續閱讀
(以上食評乃用戶個人意見 , 並不代表OpenRice之觀點。)
等級1 2013-09-30
91 瀏覽
食物及環境還可接受,不過與它提供的單張介紹出入很大,食物選擇不多,沒有什麼海鮮,只得少量細聖子及青口,refill速度極慢,如海蝦、翠肉瓜及菠蘿等成日都無,可以食2個半鐘,但個爐不知是否有問題,食物很難熟,基本上無咩食到就已到埋單時間,個爐面有很多黑色的物體,眼見不是很清潔,唯一值得稱讚是某服務員聽到我們抱怨,所以當有海蝦refill時,特意告知我們,再幫襯的機會應該近乎"零",若只享受過程的話,不計飽肚的話,都可以去試!! 繼續閱讀
(以上食評乃用戶個人意見 , 並不代表OpenRice之觀點。)
是日購買了團購, 一行8人一起來燒肉~不吐不快, 以下是關於對服務質素o既控訴︰由於團購BOOK位勁FULL, 好多時段都BOOK唔倒, 最後我地要食5:00-8:00時段~ 本來以為特登要食咁早係咪附加費可以平返少少, 點知唔得, 一定要跟返夜晚時段O既附加費~ 呢點已經需要改善,  你賣出咁多張團購, 但安排唔倒咁多位比客人, 結果自行加設5:00PM時段, 好多餐廳食自助餐或放題5點幾時段都係比較平。當日職員安排我地坐餐廳一個角落, 張檯有兩個爐, 但坐8個人超級迫。食物款式算多, 味道亦唔差, 一開始我地都讚佢地OK可以再食, 不過下次要叫佢安排大少少O既位置...食左未夠30分鐘, 突然其中一個爐熄左。叫一個待應來處理, 一個高高瘦瘦的男子, 朋友們好聲好氣話佢知個爐有一個熄左, 叫佢幫手睇睇, 一開口就話我地"開個爐開得太高溫, 所以咪壞左囉~"我地全部呆左~ 1.你個爐無貼指示可以最大開到幾大火, 客人點知? 2.我地如果真係校到好大O既話, D食物就燶啦?就係因為見連燒塊火腿都可以好耐都唔熟, 先會校大D~3.係咪唔記得我地係客人?一開口就話係我地O既問題?OK, 咁請你處理。佢睇左一陣, 話"都唔知仲開唔開得返!"然後朋友問佢點算, 佢話"下, 無咖, 全店都爆曬無檯啦, 而家仲可能係整壞左個爐!"言下之意即係想我地賠嗎?(仲講左幾次我地開得太大所以壞)不過算, 我地仲抑壓我地O既怒火... 校返細另一個爐, 諗住無計啦, 燒住先再等佢處理。燒燒下連另一個爐都熄左。 (其實我地見倒遠處都有一張細檯個爐熄左已經轉左檯。)個爐熄左, 但係我地著左 再找待應處理, 最後佢地想我地調出去, 我地都無所謂, 有得燒埋落去就算, 不過坐出去後發現個位左右都有客人, 我地坐左5個女仔落去之後就坐唔著, 其他人企曬響度唔知點算。過左十分鐘, 有一個待應話剛才角落個爐有一個開得返, 問我地坐唔坐返埋去~咁當然坐啦, 調左出去個位有3個人要企位囉... 不過坐返埋去, 個爐要開到勁細火... 經過我地連番施壓, 最後經理話Free一個人頭比我地, 條氣起碼都順返少少。男待應響我地坐返埋去時仲心有不甘走埋黎講, "因為間舖多人, 個角落氣溫太高, 我地又開大火, 個爐咪會壞..."我朋友最後忍唔住話佢 "你地餐廳多唔多人, 氣溫高唔高, 空氣流唔流通, 係咪我地責任?係咪應該你地去解決?你仲同我地講咁多做乜?"佢聽完之後無再走埋黎話我地。燒完7點半離開, 身上o既燒烤味比平時食燒肉明顯嚴重。希望貴店真係可以改善一下空氣流通,人流及燒烤爐o既問題,最重要改善下員工態度~講完激氣野, 補充返對食物o既評價︰款式算好多, 而且味道ok, 相比其他日式燒肉放題, 食物屬比較多同好質素o既。燒物之中我最鐘意係佢有日式玉子燒同日式小蕃薯, 燒完好好味好特別~ 比較特別o既仲有芝士年糕, 朋友好鐘意~牛油燒帶子、粟米粒、凍豆腐、咖喱雞軟骨、煎餃子, 呢啲都係少d響出面o既燒肉店可以食倒~本來食物質素我覺得真係ok, 但因為以上問題, 我地都唔會再幫襯呢間分店。但會考慮再去其他分店試下~ 繼續閱讀
(以上食評乃用戶個人意見 , 並不代表OpenRice之觀點。)
等級3 2013-07-07
28 瀏覽
下班以後就和男友兩個人來這裡吃,來這裡是第3次,我是覺得還不錯啦~~沒有大好也沒有大壞,只是滿足一下燒肉的口感!!看到很多評語說,這裡的爐燒得很慢不喜歡,我倒是覺得沒什麼大不了如果想要快一點的話,可以建議先放一些肉類,烤出油,然後燒著燒著,爐就不覺得慢了只是一開始比較慢熱而已啦牛油栗米我喜歡~裡面放的是蒜味牛油一邊吃著勞肉,然後就發現牛油栗米在呼喚我甜甜的,很不錯喔!不過小心不要放爐邊太久喔!!不然會太乾咖哩雞軟骨烤的時候就像在炒雞軟骨,非常惹味喔這個!!值得一試芝士腸用烤的,也很好吃! 中間的cheese 會爆出來,吃的時候要小心男友用雞皮來迫油,就會使爐子熱得比較快小甜蕃薯小甜蕃薯是最值得推薦的東西了吃了一大堆的肉以後,突然來了一個甜甜的東西~~感覺又覺得這個甜蕃薯異常的好吃很綿密,而且小小一個,不會太飽記得要把皮烤得脆脆的才吃!!!我和男友不斷的encore烤菠蘿吃得差不多的時候,飯後來個烤菠蘿也是非常好的XDDD很建議喔!!烤菠蘿反而鎖住了菠蘿的汁,很juicy!!吃到一半的時候,爐子的紙很髒了,換了一張新的紙我就覺得不要那麼油膩了(因為爐子已經熱了嘛XDDDD)所以就和男友楚河分了一個界右邊的貌似全是油,哈哈哈 繼續閱讀
(以上食評乃用戶個人意見 , 並不代表OpenRice之觀點。)