78
51
25
港鐵沙田站 A3 出口 繼續閱讀
電話號碼
26943869
開飯介紹
靜靜位於大堂一角的 1+1 吧擁有純厚的浪漫情懷,落地玻璃與餐廳佈置構成一個溫馨恬靜秩畫面,是三五知己促滕談心的好地方。 繼續閱讀
付款方式
Visa Master 現金 AE 銀聯 JCB Diners
座位數目
170
其他資料
深夜營業
酒精飲品
自帶酒水
切餅費
VIP房
泊車 詳細介紹
電話訂座
加一服務費
室外座位
電視播放
招牌菜
生蠔、海鮮及串燒美食 脆皮德國豬膝
食評 (168)
春回大地🌱,天氣漸漸回暖🌞,又係野餐嘅好時機,不過唔想咁遠去郊外野餐,去酒店都可嘆返個充滿春日野餐feel嘅Tea,舒適地感受一下春日氣息🌿帝都酒店 one+one bar推出左春意盎然下午茶!有別於傳統三層架嘅下午茶,以紅格子餐紙和木盤盛載12款鹹甜點,鹹甜各半,再加上兩杯特式飲品,茶點造型精緻,加入小動物、昆蟲、樹木等元素,好有春日野餐feel呢!細個已成日同家人去帝都酒店食自助餐,酒店同商場連通,真係非常方便就腳!🥂鮮果賓治海蝦串,海蝦非常鮮味可口,再配鮮果賓治味道更突出⭐️酥炸蜜瓜奶,平時炸鮮奶就食得多,炸密瓜奶就好少見👍🏻香煎芒果帶子伴蟹籽,最鍾意下午茶中有依類咸點,非常開胃🍽巴馬火腿蜜瓜啫喱串,平常食得多,但未見過加啫喱,口感特別👋🏻越式鱈場蟹肉米紙卷伴橘子汁,爽口、口感獨得,健康之選,蟹肉令整個卷提升🦀甜點中最吸引一定係呢兩隻小松鼠,賣相好得意,唔捨得食呢,小松鼠是整粒拖肥朱古力,而尾巴就是檸檬忌廉卷,味道就不過不失菠蘿椰子慕絲蛋糕,係可愛的兔子patpat造型,慕絲口感軟滑,好香菠蘿椰子味呢,味道不錯呢黑森林蛋糕,做到樹木的造型,加上迷你小甲蟲朱古力,賣相好可愛,好森林feel,外層是朱古力薄片,包著朱古力海綿蛋糕,朱古力濃郁,但幸好冇想像中咁甜鮮果綠茶酥,賣相精緻,鮮果加上綠茶cream,配搭不錯,而酥亦好鬆脆呢~水蜜桃水信玄餅,內裏有小花,好春日清新feel,味道較清甜,有d似大菜糕嘅口感P.S.呢個tea set是和skinfood聯乘的,食完仲有skinfood體驗套裝同優惠券可以拎走添☺️❤️ 繼續閱讀
(以上食評乃用戶個人意見 , 並不代表OpenRice之觀點。)
等級1 2018-04-03
861 瀏覽
之前1+1吧有推出過牛油主題的下午茶,身為牛油果控的afternoon tea buddy一直提議要去試食,可惜最後未能成事。當天與afternoon tea buddy到博物館參觀後,剛好於網上見到有skinfood主題的下午茶,就直接去了1+1吧。這是當天的afternoon tea set。$488(另要加一),有兩人份量的下午茶,包括十二款糕點及特飲兩杯。與其他酒店的afternoon tea比,1+1吧的價錢相對便宜。食物方面,糕點是放於三層的點心架上,整體賣相很吸引,糕點製作得很精緻,而且主要是粉紅及黃色,感覺很清新。美中不足的就是味道真的很一般,並糕點中沒有一款能另我留下深刻印象。另外,兩杯特飲與糕點一樣表現平平,熱飲味道似加了蜜糖的熱紅茶,凍飲則似雜果賓治。環境方面,與其他位於酒店內的bar或cafe比起,我大概只能讚他十分寧靜及寬敞,整體感覺有點舊,也沒有靚境。值得一提的是,職員的服態得好,為了幫我同朋友影張靚,就左幾次位,真的很細心。試過於另一酒店cafe叫職員影相,結果發現我半塊面擋於三層的點心架後。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-03-13
3021 瀏覽
三月了天氣開始回暖,今年的香港難得四季分明,更加有一種大地回春的感覺。春天讓人聯想起野餐和tea set(吃貨的腦袋?)結合兩種元素在一起,有帝京酒店 one+one bar的春意盎然下午茶!$488兩位,12款鹹甜點加上兩杯飲品,酒店來說價錢挺不錯的。紅格子餐紙加上木盤子,加上造型可愛的小動物(?)內心閃過「在森林和原野是多麼的霄遙~」鹹點賣相精緻,著重味道,好像這個迷你菠蘿雞肉漢堡,雞肉丸非常juicy!(身後的鮮果賓治加蝦串很清新,是開胃的starter!)芒果香煎帶子伴三文魚子,口感豐富,而且味道有層次,酸甜芒果肉,爆爆珠般的三文魚子,鮮甜帶子和香脆的餅底,一件真的不夠喉呢!鹹點中的越式米紙卷和炸密瓜奶亦很不錯~呵呵立即跳到可愛的甜點 年輪造型的黑森林蛋糕,朱古力味濃郁,蛋糕夠濕潤,小小的一件味道一點也不馬虎!甲蟲裝飾很可愛呢(笑)水玄信餅和鮮果綠茶酥,顏色鮮艷,充滿春天的氣氛!呵呵,我相信最吸睛的一定是這兩隻小松鼠!!一上桌就殺了不少菲林(笑)小松鼠是拖肥朱古力,手拿著果仁,動作和表情唯肖唯妙。尾巴是檸檬忌廉卷,軟綿綿好鬆軟,其實這隻小松鼠我真的不忍心吃它,碰巧一肥一瘦,有點像我和老公(誤)有點想帶它回家呢(笑)多款美食,酒店服務,輕快音樂,絕對是很舒服愉快的「野餐」體驗! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-03-13
1813 瀏覽
3月份的時節,春季將至,天氣漸漸回暖,花開滿樹,不禁想到郊外野餐,只可惜大家忙,4人未能相約到日子,只有2人,不如去嘆Tea,見有不少酒店推出了以春日作主題的下午茶,我們便選了一個田園之感的下午茶,填補一下想去野餐的意欲。 嘆Tea之餘又有禮物贈送。 內堂裝潢設計時尚,環境寬敞,樓底高,有空間感,梳化椅坐得舒適。 訂了兩位,3:15到場,十分少人呢。 還有露天茶座的位置。 下午茶的餐牌。 蘋果洋甘菊茶配蜜糖,蘋果洋甘菊茶,少許的蘋果味,洋甘菊味太淡,不夠甜,要加少許蜜糖才有甜味。 春意盎然下午茶,$488(兩位)。 下午茶以木盤盛載,紅格子墊盤紙,茶點賣相十分有心思,小動物、蝴蝶及樹木做型的甜點、清新的雜果入饌,甚有田園野餐之感。 漂亮的蝴蝶。 香煎芒果帶子伴蟹籽,感覺名貴的鹹點,帶子鮮甜,味道不俗。 巴馬火腿蜜瓜啫喱串,半粒蜜瓜加上半粒啫喱砌成一個圓球,像是珍寶珠的,比較軟身的巴馬火腿,味道正常水準。 越式鱈場蟹肉米紙卷伴橘子汁,內餡是雜菜絲及蟹柳,配上了橘子汁,酸酸地又爽口味道清新。 菠蘿雞肉漢堡,雞肉漢堡肉厚,配上燒菠蘿及多士,清新的味道。 鮮果賓治海蝦串,海蝦爽口但冇味,小小鮮果賓治味道清新。 英式鬆餅配士多啤梨醬,士多啤梨醬份量多,反而英式鬆餅好迷你,正常水準的味道。 酥炸蜜瓜奶,感覺好中式,外脆內軟口感,食落有好香的蜜瓜奶味。 菠蘿椰子慕絲蛋糕,兔子的patpat~~兔子那麼可愛,怎麼可以吃兔兔~~~~慕絲蛋糕口感軟滑,菠蘿椰子夠清甜,幾好味呀。 鮮果綠茶酥條,鮮果清新,但綠茶cream味道太淡不突出,普通味道。 水蜜桃水信玄餅,賣相好靚呀,仲要有花作點綴,但口感及味道都似大菜糕。 檸檬忌廉卷,松鼠朱古力十分可愛~唔捨得食,但還是咬了一口,是軟身的朱古力,果然好甜呀!忌廉卷有清香的檸檬味,但口感有點乾。 黑森林蛋糕,蛋糕是樹木的造型,一點紅的甲蟲朱古力,十分可愛的賣相,感覺更像森林呢,外層是朱古力,內裡是朱古力海綿蛋糕,朱古力不太濃郁,甜度適中。 即場派發的SKINFOOD禮品。 又可試下新的護膚品。 下午茶造型上有心思,但味道普通,有贈品送加分,環境都幾舒服呀。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-02-12
1116 瀏覽
約咗幾個好朋友傾計飲野,酒店有泊車優惠, 招呼ok, bar裏面多數唔會有人猜枚Happy hour所有飲品買一送一,抵呀! 叫咗杯紅莓汁,唔錯我到步前,姊妹差不多KO咗個海鮮盤, 佢哋都話唔錯。呢個一口牛熟度啱啱好, 一人一舊,好快就食完,美味!大家有啲肚餓,叫咗個炒麵,麵身既幼又爽,都好大碟, 廚師炒得唔油膩好好味德國豬手~ 叫咗即刻整,等咗一陣間,皮脆肉香, 配以燒汁,仲有啲薯角,確實美味!最後,新鮮果撻出場大大個,因為有人生日,店員加咗蠟燭先上枱,好細心, 姊妹都好驚喜!呢度傾計食嘢確實係一個好地方,坐得舒服,唔會太嘈,下次再來‼ 繼續閱讀
(以上食評乃用戶個人意見 , 並不代表OpenRice之觀點。)